Mirpur Community

06/03/2026

منگلا ڈیم کی تعمیر 1967ء میں مکمل ہوئی، جسے بنے ہوئے آج تقریباً 58 سال سے زائد عرصہ گزر چکا ہے۔ اس ڈیم کی تعمیر کے وقت میرپور اور اس کے گرد و نواح کے لاکھوں لوگوں کے گھر، کاروبار، کھیت، بستیاں اور قبرستان پانی کی نذر ہو گئے۔ ایک پوری تاریخ اور بے شمار یادیں اس پانی کے نیچے دفن ہو گئیں، جنہیں وقت کے ساتھ بہت حد تک بھلا دیا گیا۔
مگر بھور ڈڈیال (میرپور) کے مقام پر موجود یہ تاریخی مسجد آج بھی اپنی اصل حالت میں قائم ہے۔ جب ڈیم کا پانی بڑھتا ہے تو یہ مسجد پانی میں چھپ جاتی ہے اور جب پانی کم ہوتا ہے تو دوبارہ اسی شان کے ساتھ ظاہر ہو جاتی ہے۔
یہ مسجد میرپور، جموں و کشمیر کے علاقے بھور ڈڈیال میں واقع ہے اور مقامی لوگوں کے لیے تاریخی، ثقافتی اور روحانی اہمیت رکھتی ہے۔
تقریباً چھ دہائیاں گزرنے کے باوجود اور برسوں پانی میں رہنے کے باوجود اس مسجد کی مضبوط تعمیر اور قدیم طرزِ تعمیر آج بھی دیکھنے والوں کو حیران کر دیتی ہے۔ یہ مسجد میرپور کی تاریخ، صبر اور اسلامی ورثے کی ایک زندہ مثال ہے جو وقت کے ہر امتحان کے بعد بھی قائم ہے۔

22/02/2026

ایک شہر جو قربانیوں کی مثال ہے، جسے کئی بار اجاڑا گیا، مگر ہر بار اللہ کے کرم سے یہ اپنے حوصلے اور محنت سے پھر سے ابھرا۔
آج ہم آپ کے سامنے کھاڑک میرپور جموں کشمیر کے علاقے کی حسین اور نیچرل خوبصورتی پیش کر رہے ہیں یہ منظر کسی یورپی جزیرے کی مانند لگتا ہے، مگر یہ ہمارا پیارا وطن ، جموں و کشمیر کا ایک خوبصورت حصہ ہے اللہ کرے کہ جلد جموں و کشمیر کو مکمل آزادی نصیب ہو، اور یہ زمین ہمیشہ اپنی فطرتی خوبصورتی کے ساتھ پروان چڑھے۔

28/12/2025

جموں کشمیر پہاڑوں کے دامن میں خوبصورت گھر اور وطن کا جھنڈا 🍁

23/11/2025

پہلے تو کانٹوں سے راستہ روکا جیسے کوئی جنگل کا شکار گزرنے لگتا ہو… مگر نہیں احتیاطاً اوپر سے دیوار بھی بنا دی، شاید قیامت تک کوئی نہ گزر سکے۔ سبحان اللہ اسلام تو راستہ صاف کرنے کو صدقہ کہتا ہے، اور یہاں نیکی کا الٹا ورژن ایجاد کر دیا گیا ہے۔ گاؤں والوں کا راستہ بند کر کے شاید جنت کی نئی شارٹ کٹ کھلتی ہو

22/11/2025

21/11/2025

مسلسل تین دن سے یہ راستہ بند ہے
یہ وہی واحد راستہ تھا جس سے لوگ جمعے کی نماز کے لیے مسجد تک پہنچتے تھے۔
راستے کا یوں بند ہونا نہ صرف آمد ورفت میں رکاوٹ ہے بلکہ عبادت گزاروں کے لیے بھی شدید پریشانی کا باعث ہے۔
امید ہے متعلقہ افراد فوراً اس مسئلے کو حل کر کے راستہ کھولیں گے تاکہ لوگ سکون سے اپنے رب کے گھر جا سکیں۔

20/11/2025

ایک طرف مون پور کی نوجوان نسل ہے، جو سرکاری سکول کی سالوں سے قبضے میں پڑی ہوئی زمین کو اپنی مدد آپ کے تحت واگزار کرا رہی ہے، اپنی جیب سے مشینری لگا کر جگہ صاف کر رہی ہے… تاکہ آنے والی نسلیں بہتر ماحول میں تعلیم حاصل کر سکیں۔
یہ ہیں وہ نوجوان جو بہتری، ترقی اور مثبت سوچ کی علامت ہیں۔
اور دوسری طرف مون پور ہی گاؤں کے بڑے ہیں، جنہوں نے پورے گاؤں کا راستہ کانٹے بچا کر بند کر دیا…
وہ راستہ جس سے ہر گھر کا فرد گزرتا ہے، ہر ماں کا بچہ سکول جاتا ہے، ہر بیمار ہسپتال پہنچتا ہے۔
یہ ہے سوچ کا فرق… ایک طرف راستے کھولنے والے، دوسری طرف راستے بند کرنے والے

19/11/2025

اسلام تو راستے سے کانٹا تک ہٹانے کو اجر بناتا ہے،
اور یہاں پورا راستہ کانٹوں سے بند کر کے لوگوں کو روک دیا گیا
یہ کتنا بڑا ظلم اور کھلا گناہ ہے
موہن پور، میرپور آزاد کشمیر میں عوامی راستہ کانٹوں سے بند کرنا نہ صرف قانوناً جرم ہے،
بلکہ شریعتِ محمدی ﷺ کی کھلی خلاف ورزی بھی ہے

02/10/2025

مورخ یہ لکھنا مت بھولنا
کشمیر میں آج ٹرانسپورٹرز کرایہ نہیں لے رہے دکاندار پھل مفت بانٹ رہے ہیں عورتیں کھانا گھروں سے پکا کر مظاہرین کے لیے بھیج رہی ہیں🚩✊

06/07/2025

آزاد کشمیر ایک متنازع علاقہ ہے، اپنا آئین اور عدالت رکھتا ہے۔
ایسے میں نان کسٹم گاڑیوں پر وفاقی سطح پر پابندی لگانا آئینی سوالات کو جنم دیتا ہے۔
📢 شہری اس پابندی کے خلاف عدالت سے رجوع کر سکتے ہیں۔

#آزادکشمیر