YHC Intellectual Property

YHC Intellectual Property Contact information, map and directions, contact form, opening hours, services, ratings, photos, videos and announcements from YHC Intellectual Property, Business consultant, London.

Guiding businesses and innovators through every patent decision — from filing costs to long-term IP strategy — rooted in their business profile.
為企業及創新者提供專利申請、成本與策略上的專業分析。

以商為本：從《Barbenheimer》現象看智慧財產策略昨天在 IP Drafting and Licensing 課堂上，Professor Forgione 和客座講者 Emily Borich 分享了一個非常有趣的案例——Barbe...
03/11/2025

以商為本：從《Barbenheimer》現象看智慧財產策略

昨天在 IP Drafting and Licensing 課堂上，Professor Forgione 和客座講者 Emily Borich 分享了一個非常有趣的案例——Barbenheimer 現象。這是粉絲自發把《Barbie》（華納兄弟）和《Oppenheimer》（環球影業）兩部同期上映的電影連結在一起，意外地掀起一股全球熱潮。

照理說，兩家片商可能會發律師信阻止「未經授權的品牌聯想」。但這次他們選擇放手，讓粉絲的創意自由發酵。結果不僅沒有損害品牌，反而讓兩部電影的票房雙雙上升，甚至變成一場跨品牌的文化慶典。

Emily 提到觀眾根本不會搞混這兩部片的出處，所以法律上的風險很低；Professor Forgione 則提醒我們，這正是律師要懂得從商業角度思考的時候——有時候「不出手」反而是最聰明的策略。

這個例子讓我很有感。智慧財產策略不應只為了執行法律，而是要服務於整體商業目標。 有時候要保護價值，有時候要促成合作，有時候，則要學會順勢而為，讓創意社群反而幫品牌發光。

其實在專利界也有類似的故事。2014 年 Tesla 宣布「開放」電動車專利，很多人以為他們放棄優勢，但事實上這是一個精心設計的「不執行承諾」。這舉動不但擴大了電動車的生態圈，也吸引更多創新力量，最終讓 Tesla 的領導地位更穩固。換句話說，開放是策略，而不是妥協。

無論是 Barbenheimer 還是 Tesla 的專利開放，都說明最好的 IP 策略始於對商業的洞察。懂得企業、懂市場、懂未來機會的律師，能創造的價值永遠高於那些僅靠單一、僵化做法的人。

大家怎樣看呢？如果你是品牌方，你會選擇強硬執行還是順勢而為？
在 Yau LLC，我一直努力把這種「以商為本」的思維帶給客戶。透過我們全新推出的 One Page Patent Plan，我們幫助企業提煉最重要的商業訊息，讓客戶能夠快速、明智地做出 IP 決策。

#智慧財產 #商業思維 #品牌策略 #法律與商業 #創意經濟

「一張交通罰單，帶畀我對專利決策嘅反思」幾個月前，我收到一張交通罰單。80 英鎊，唔算細數。擺喺眼前，有兩條路：選擇上訴 —— 網上好多文章都話成功率唔低，而且依法我有權 appeal。誘因係：如果贏咗，就完全唔洗畀錢。選擇即時繳付 —— ...
17/10/2025

「一張交通罰單，帶畀我對專利決策嘅反思」
幾個月前，我收到一張交通罰單。80 英鎊，唔算細數。擺喺眼前，有兩條路：
選擇上訴 —— 網上好多文章都話成功率唔低，而且依法我有權 appeal。誘因係：如果贏咗，就完全唔洗畀錢。
選擇即時繳付 —— 如果快快手交，就只需一半，即 40 英鎊。但缺點係，明知可能可以免罰，仲要自動交咗。
兩邊都有 incentive，但兩邊都要承受成本。上訴代表要花時間、精神同精力去研究程序；繳付就代表要即刻蝕一筆錢。
當時我心入面其實好想有人可以同我講：「喂，睇返你個案情況，幾多機會贏，幾多機會輸，值唔值得 appeal？」唔需要幫我寫文件，唔需要幫我上庭，只係一個誠實、無偏見嘅判斷。
因為如果搵到人「做」呢件事，佢未必會完全客觀。做得多 appeal，當然希望你選擇 appeal。做緊 prosecution 嘅律師，當然希望你申請多啲專利。
呢一刻，我突然覺得：其實發明人面對專利流程，都係一樣。
專利就好似交通罰單咁，充滿決策點
要唔要由 provisional 轉正式申請？
要唔要行 PCT？定係直接喺美國或者其他國家？
收到審查意見書，仲要唔要繼續？
仲要衡量錢、時間、同未來商業策略。
好多發明人同創業者，其實都係高智商、超有料嘅人，但專利流程唔係佢哋專業；加上時間緊迫，往往就「被迫」揀咗某條路。
如果有一個 Guide…
假如有一個工具，會根據你當下情況、預算、同商業目標，幫你動態更新「呢一步值唔值得行」，咁就唔洗再憑直覺、憑運氣去決定。
而且，呢個工具唔係做你嘅 prosecution 工作，唔會因為想賺多啲 filing fee 或 office action reply 嘅錢而俾 biased 建議。純粹幫你評估：值唔值落下一步？
呢次交通罰單，雖然最後我都揀咗一條路，但過程令我好深刻感受到：「有啲決定唔係要人幫你做，而係要有人幫你睇清楚，應唔應該做。」
而專利，正正就係其中之一。
👉 下一篇文章，我會同大家分享，專利流程中幾個最常見嘅「決策點」，點解咁多人喺嗰啲位會陷入困境。

17/10/2025

💡專利，就好似起屋一樣

上篇我講過專利嘅成本同決策，今次我想講講一個我成日聽到嘅情況：
好多發明人話佢哋「想申請專利」，但係好少人一開始就有一份完整嘅藍圖，知道邊啲部分最有價值。

專利唔只係幾幅圖紙同幾行權利要求，其實佢係一個「發展項目」。佢反映咗你點樣為未來作好規劃。
有啲時候，專利甚至好似「地產發展」：你唔單止係為自己起屋，仲係創造一個有市場價值、吸引投資嘅資產。

所以，在打地基之前，你應該知道「住客」係邊個（目標市場）、要幾多層（產品線），同埋未來會唔會擴建（構建IP組合）。

👷‍♀️ 設計師 vs. 建築隊
起屋之前，應該先搵個建築師幫你畫好圖、計好方向，先再請施工隊開工。
對專利嚟講，一個熟悉商業策略嘅 IP 顧問，就係呢位建築師——佢會幫你諗清楚商業目標，而唔係只係幫你畫圖。

好多「建築隊」（專利撰寫師）都好專業，但係佢哋嘅流程往往係「一刀切」：
無論係啱啱起步嘅初創，定係準備上市嘅中小企，全部都用同一套做法。
如果能夠根據公司階段同目標去度身訂造方案，結果自然會更貼合——一個既堅固又能隨時擴建嘅「發展項目」。

📐 藍圖與預算
一個好嘅專利策略，至少要清楚兩件事：
1️⃣ 預算；2️⃣ 未來現金流。
唔一定要一次過起晒成個屋苑，你可以先起第一期（主申請），之後再分階段擴展（分案或後續申請）。

建立專利策略，就好似管理一個大型項目：要有計劃、有時序、有預算。但對好多想創業嘅發明人嚟講，最難嘅唔係點開始, 而係之後可以expect咩嘢, 有咩手尾要跟？

🤝 想了解點樣評估發明價值，幫公司建立長遠嘅專利組合？
呢個就係我同 Timothy 一齊創立 Synchrony IP (www.syncrhonyip.com) 嘅原因。
我哋希望幫創新者喺每個決策點上都有清晰嘅方向——
唔單止係點樣向前行，而係應唔應該行，點樣行得更符合你嘅商業目標、預算同長遠策略。

👉 想知我哋點樣幫發明人同公司作出更聰明嘅專利決策，請瀏覽：https://yhc-intellectual.com/products/30-minute-ai-assisted-patent-strategy-business-decision-consultation

#專利 #創新 #專利申請 #智慧財產權 #專利顧問 #創業思維 #知識產權

美國專利及商標局（USPTO）新任局長 約翰·斯奎爾斯（John Squires） 於 2025 年 10 月 8 日向參議院司法委員會知識產權小組提交書面聲明，呼籲採取更「開放與包容性」的專利可專利性制度。他表示，《專利法》第 101 條...
15/10/2025

美國專利及商標局（USPTO）新任局長 約翰·斯奎爾斯（John Squires） 於 2025 年 10 月 8 日向參議院司法委員會知識產權小組提交書面聲明，呼籲採取更「開放與包容性」的專利可專利性制度。他表示，《專利法》第 101 條關於可專利性主題的規定是一項「特色」而非缺陷，並主張擴大專利範圍有助於維持美國在全球技術競賽中的領先地位、促進創新與就業。

這份聲明與參議院當天就《專利可專利性恢復法案（Patent Eligibility Restoration Act of 2025, S.2140）》的聽證會同時舉行。該法案旨在推翻美國最高法院 Mayo v. Prometheus 與 Alice v. CLS Bank 案所帶來的嚴格限制。這一政策轉向可能預示著專利審查標準的鬆動，為軟體與人工智慧（AI）相關技術的專利申請開啟新的「機會窗口」。

不過，專利撰寫與申請過程仍需專業經驗與策略規劃。若您有相關問題或想了解如何為您的 AI 或軟體技術申請專利，歡迎留言或私訊。

榮幸參與《以古為師：亞洲與歐洲的談判智慧》（Winning With Ancient Wisdom: Negotiation Strategies From Asia and Europe）一書的撰寫。這本書融合了東西方的智慧，為當今商業世...
14/10/2025

榮幸參與《以古為師：亞洲與歐洲的談判智慧》（Winning With Ancient Wisdom: Negotiation Strategies From Asia and Europe）一書的撰寫。這本書融合了東西方的智慧，為當今商業世界帶來嶄新的思維視角。

在最後一章中，我回顧多年來在中國及亞洲時尚產業建立合作關係的經驗，分享亞洲傳統智慧中那些歷久不衰的原則——真誠、耐性、尊重文化規範，以及價值觀的契合——如何仍然是跨國談判成功的關鍵。

在我看來，談判不僅僅是策略的運用，而是關乎信任的建立、謙遜的態度，以及將挑戰化為里程碑的長遠夥伴關係。

這本書為當代全球商業環境提供了實用的啟示。我衷心感謝 Jean-Baptiste Déal 及所有合著者的心血與啟發，使這項跨文化的合作能夠啟發更多專業人士，跨越分歧、共創價值。

📖 本書預計於 2025 年第四季在主要通路正式發行，敬請期待！
🌐 了解更多關於 Jean-Baptiste Déal 與本書的資訊：www.jeanbaptistedeal.com

13/10/2025

喺 Point Blanc 度感受到藝術、音樂同科技融合嘅能量！💡
好開心可以有份參與佢哋嘅創新旅程，同 Preston 一齊見證呢個創意項目成真。🔥
#創新 #藝術與科技

13/10/2025

最近市場熱烈討論滙豐可能全數收購恒生銀行。
大多數評論分兩派：一派話係 財務策略，一派話係 政治指令。

但我反而認為，呢次行動 既唔係純財務、亦唔係政治——而係一個長遠嘅「營運部署（Operational Move）」。

我傾向相信，呢次收購係一個營運層面嘅重組，背後目的係為咗 長遠嘅區域發展與「可操作性（operability）」。

一來，正如好多人捷過，將恒生全面整合入滙豐結構後，內部資金、風控、IT 系統、合規成本都可以大幅簡化。對滙豐而言，呢種「結構性省力」先係最大回報。

二來，呢個結構方便匯豐建立一個好靈活嘅機制，方便佢處理政治壓力。

例如 MPF 強積金事件 就係典型例子——英國要求香港允許 BNO 移民提款返英國，但香港政府拒絕，指違反本地法例。

呢件事令滙豐陷入兩邊壓力：英國政界希望銀行「配合人道安排」；
香港監管部門要求銀行「依法辦事」。

有咗「恒生作為子公司」呢層身份，滙豐就可以話：「呢啲係恒生喺本地法例下自行操作」。一間集團、兩套責任架構，正好解決政治與監管之間嘅灰色地帶。

所以，呢次收購未必係要「賺錢」或者「討好政治」—— 更可能係 滙豐為未來十年重新設計營運模式，坊間一直以為匯豐一係投降一係撤資，依家似乎搵到第三條路。令自己喺「英國銀行」與「中國友好銀行」之間可以更自由調整姿態。

✨上個週末喺 Point Blanc 真係玩得好開心！場內集合咗藝術、音樂同社區創意，一齊爆發火花 🔥。特別要多謝 Preston Blair 同佢嘅團隊，籌辦咗咁有心思又難忘嘅活動，真係唔簡單 👏。更加開心嘅係，可以有份參與佢嘅創新技術項...
10/10/2025

✨上個週末喺 Point Blanc 真係玩得好開心！

場內集合咗藝術、音樂同社區創意，一齊爆發火花 🔥。
特別要多謝 Preston Blair 同佢嘅團隊，籌辦咗咁有心思又難忘嘅活動，真係唔簡單 👏。

更加開心嘅係，可以有份參與佢嘅創新技術項目，協助佢為呢個發明申請專利。見到呢個成果正式同大家見面，真係替佢哋開心！💡

現場氣氛超熱烈，證明創新同創意真係可以拉近人與人之間嘅距離 ❤️。

好期待見到呢股 momentum 點樣繼續延伸落去 🚀
#創新 #社區 #藝術與科技

Address

London

Telephone

+16468338813

Website

Alerts

Be the first to know and let us send you an email when YHC Intellectual Property posts news and promotions. Your email address will not be used for any other purpose, and you can unsubscribe at any time.

Contact The Business

Send a message to YHC Intellectual Property:

Shortcuts

Share

Category