13/01/2024
რატომ არის ნაძვის ხე ახალი წლის სიმბოლო და მთავარი ხე? 🌲
გთავაზობთ თვის ყველაზე აქტუალური ხის შესახებ საინტერესო ფაქტებს.
ნაძვი - ლათინურად Picea 🌲 განეკუთვნება ფიჭვისებრთა ოჯახს და აერთიანებს 40–მდე სახეობას, რომლებიც გავრცელებულია ევროპაში, აზიასა და ჩრდილოეთ ამერიკაში 🌏 ეს მცენარე კარგად უძლებს, როგორც სიცივეს, ასევე სინოტივეს, თუმცა იგი მაინც მზის მოყვარულად ითვლება.
საქართველოში გავრცელებულია მხოლოდ ერთი სახეობის ნაძვი Picea orientalis, იგივე აღმოსავლური ნაძვი. ნაძვის ხედ ასევე გამოიყენება კავკასიური სოჭი (Abies nordmanniana).
რამდენიმე საინტერესო ფაქტი ნაძვის ხის შესახებ🎄🔽
🟢 იცოდით, რომ ფრანკლინ პირსი, აშშ-ს 14-ე პრეზიდენტი იყო პირველი პრეზიდენტი, რომელმაც 1856 წელს თეთრ სახლში ნაძვის ხის დადგმის ტრადიცია დაიწყო.
🟢 თომას ედისონის თანაშემწეს, ედვარდ ჯონსონს, ნაძვის ხეებისთვის ელექტრო განათების იდეა 1882 წელს გაუჩნდა.
🟢 ხეებზე პატარა სანთლების გამოყენება დეკორატიული მიზნით დაიწყო მე-17 საუკუნიდან 1895 წლამდე, სანამ ამერიკელმა რალფ მორისმა გამოიგონა პირველი ელექტრო საშობაო განათება ნაძვის ხეებზე ხანძრის საფრთხის თავიდან ასაცილებლად;
🟢 ადრე ხეებს ამშვენებდა საკვები დეკორაციები, მაგალითად გერმანიაში პირველი ნაძვის ხეები მორთული იყო ვაშლით, ვაფლით და ტკბილეულით;
🟢 საშობაო ნაძვის ხეები ყოველთვის არ არის ნაძვის ხეები. სხვადასხვა ქვეყანაში იყენებენ სხვადასხვა ხეებს, მაგალითად ახალ ზელანდიაში ზოგი იყენებს "პოჰუტაკავას" ხეს - წითელი ყვავილებით, ხოლო ინდოეთში ბანანის ან მანგოს ხეებს;
🟢 1947 წლიდან ყოველწლიურად ლონდონის ტრაფალგარის მოედანზე მდებარე ხე ნორვეგიის ქალაქ ოსლოს საჩუქარია, როგორც მადლობის ნიშანი დიდი ბრიტანეთის მიერ ნორვეგიის მიმართ მეორე მსოფლიო ომში გაწეული დახმარებისთვის;
🟢 მსოფლიოში ყველაზე მაღალი ბუნებრივი ნაძვის ხე 67 მეტრის სიმაღლის მქონე დაიდგა ვაშინგტონის სავაჭრო ცენტრში 1950 წელს.
