21/05/2026
საქართველოს მარნები და პლატფორმა ,,ერთი ხალხი - ერთი საქართველო’’ ვერთიანდებით სინდისის პატიმრების მხარდასაჭერად და ქართული ღვინის გულშემატკივრებს უპრეცედენტო აქციას გთავაზობთ.
საქართველოს დამოუკიდებლობის დღის კვირეულში, 24-დან 30 მაისამდე ჩვენ ვხსნით ჩვენი მარნების კარს და ღვინის მოყვარულებს შესაძლებლობას გაძლევთ, შეიძინოთ ჩვენს პირად კოლექციებში დაცული უნიკალური ღვინოები, რომელთა შეძენას სხვა დროს ვერ შეძლებთ.
მხარდამჭერი აქციის ფარგლებში შეგიძლიათ, შეიძინოთ:
· ქართული ვაზის იშვიათი ჯიშების ღვინოები,
· ექსპერიმენტული მეთოდით დაყენებული ღვინოები;
· ღვინოები დაძველებით,
· ბუნებრივი, მინიმალური ინტერვენციის ღვინოები,
· ღვინოები მევენახეობის საუკეთესო მიკროზონებიდან და ზვრებიდან,
· თქვენი საყვარელი მარნების პირველი მოსავლის ღვინოები,
· ღვინოები, რომლებიც წლების წინ ამშვენებდა მსოფლიოს საუკეთესო რესტორნების ღვინის ბარათებს და ღირსეულად წარმოადგენდა საქართველოს,
· ღვინოები, რომლებიც მხოლოდ მეღვინეების პირად კოლექციებშია დაცული - ორი, სამი, ოთხი ბოთლის ოდენობით, ან, საერთოდ, ბოლო ბოთლები.
ღვინოების შესახებ დაწვრილებითი ინფორმაცია იხილეთ ვებგვერდზე:
www.sakartvelostvis.com/wines
ღვინის შესაძენად დაუკავშირდით უშუალოდ მეღვინეს, ვებგვერდზე მოცემული საკონტაქტო არხის საშუალებით. ის თავად გაგიზიარებთ „თავისუფლების ფონდის“ ანგარიშის მისამართს, სადაც თანხის სრულად გადარიცხვის შემდეგ, მასთანვე შეათანხმებთ ღვინის მოწოდების დროსა და საშუალებებს.
ღვინის შეძენა შესაძლებელი იქნება 26 მაისს, 2 საათიდან ღვინის ბარ „საამურში“ (Fabrika), მარნების სიმბოლურ აქციაზე - „ერთი სადღეგრძელო - ერთი საქართველო!“
დაე, მომავალ 26 მაისს ერთად გავხსნათ ეს ბოთლები და აღვნიშნოთ საქართველოს ნამდვილი დამოუკიდებლობა ტყვეობიდან დახსნილ, სინდისის პატიმრებთან ერთად!
აქციაში თავიანთი საკოლექციო ღვინოებით მონაწილეობენ:
1. ართანული ღვინო / GOGO Wine
2. გებრალე - საოჯახო მეღვინეობა
3. ქვევრისეული
4. ჯივაინი
5. ჭორტაულის ვენახები
6. ლოლაძეების საოჯახო მეღვინეობა
7. Lapati Wines
8. თილისმა
9. ლაფაური ღვინო
10. ფაფრის ველი
11. ტანინი
12. მარინა
13. ითაბანი
14. ნიკა ვაჩეიშვილის მარანი
15. სამთავისის მარანი
16. იაგოს ღვინო
17. მშვენიერაძის მარანი
18. ნანუა
19. მაკარიძის მარანი
20. არჩილ გუნიავას მარანი
21. სიმონიკა - ჩხეიძეების ღვინო
22. მარანი „ოდა“
23. მარტვილის მარანი
24. არგვანი
25. მენაბდის მარანი
26. Menabde
27. ორი გვარი
28. We are Ghvino
29. მართას მეღვინეობა
30. ლაგვინარი
31. მამისეული მეღვინეობა
