27/06/2025
⭕ პირველი არხის რადიო ეთერში ქართულ-ქურთული საერთაშორისო ბიზნეს ასოციაციის პრეზიდენტმა, ოთარ ნადირიანმა, ორგანიზაციის დაფუძნების მნიშვნელობასა და სამომავლო მიზნებზე ისაუბრა. გადაცემის ფარგლებში განხილული იყო თანამშრომლობის პერსპექტივები ერაყელ და ქართველ ბიზნესმენებს შორის, რაც ახალ შესაძლებლობებს გაუჩენს ორივე ქვეყნის ეკონომიკას.
🔻 “ჩვენ ვაპირებთ ჩასვლას საქართველოს რეგიონებში, იმისთვის, რომ შევხვდეთ ბიზნესმენებს, რომლებიც აწარმოებენ სხვადასხვა პროდუქციას, იქნება ეს კახეთის თუ სხვა რეგიონები, ჩვენი მიზანია, ის პროდუქცია რომელსაც ისინი აწარმოებენ, ნაკლები ბიუროკრატიის გავლით გაიტანონ ერაყის ქურთისტანში”, — ამბობს ქართულ-ქურთული ბიზნეს ასოციაციის პრეზიდენტი. �
🔻 ნადირიანმა ჟურნალისტის კითხვაზე, იქნება თუ არა ბიზნეს ასოციაცია ხიდი ბიზნეს სტრუქტურებს შორის, უპასუხა - “დიახ, ხიდი იქნება და ჩვენ გავუწევთ ამას კოორდინაციას და ვიქნებით ერთ-ერთი ლოკომოტივი ამ ბიზნეს ურთიერთობებისთვის”.
⭕ ამასთან, ნადირიანმა ხაზი გაუსვა ასოციაციის მთავარ ამოცანას – ხელი შეუწყოს ბიზნეს კავშირების გაღრმავებას, ინვესტიციების მოზიდვასა და სავაჭრო ურთიერთობების გაფართოებას საქართველოსა და ერაყის ქურთისტანს შორის. მისი თქმით, ეს ინიციატივა მნიშვნელოვანი ნაბიჯია რეგიონალური ეკონომიკური ინტეგრაციისკენ, რომელიც ორივე მხარისთვის ხელსაყრელ პირობებს შექმნის.
⭕ განხილული იქნა კონკრეტული სფეროები, სადაც თანამშრომლობა ყველაზე პერსპექტიულია, მათ შორის სოფლის მეურნეობა, ტურიზმი, მშენებლობა და ლოგისტიკა. ასოციაციის მიზანია, გახდეს ხიდი ქართველ და ერაყელ ბიზნესმენებს შორის, ხელი შეუწყოს ინფორმაციის გაცვლას, ერთობლივი პროექტების განვითარებას და ინვესტიციების მოზიდვას.
