09/05/2026
ხშირად, როცა შეხვედრაზე მიწევს გასვლა, თუ დრო და შესაძლებლობა მაქვს, იქვე არსებულ სილამაზის, ესთეტიკურ, სპა და სხვა მსგავსი ტიპის ცენტრებში შევდივარ — როგორც ჩვეულებრივი მომხმარებელი.
და სამწუხაროდ…
ძალიან ხშირად იქიდან გულდაწყვეტილი გამოვდივარ.
არავინ ამჩნევს ვიზიტორს.
● სად არის დროული მისალმება
● ყურადღება
● კომუნიკაცია ● ● ●
ხშირად კი უბრალოდ ვერ გრძნობ, რომ შენი მოსვლა ვინმემ შეამჩნია.
და ყველაზე სამწუხარო იცით რა არის?
ბევრ ბიზნესს ჰგონია, რომ მომსახურება მხოლოდ პროცედურით იწყება.
არადა მომსახურება იწყება ზუსტად იმ წამიდან, როცა ადამიანი შენს სივრცეში შემოდის, როგორც ფიზიკურ ასევე ვირტუალურ სივრცეში.
როგორ ფიქრობთ — ეს არ არის მნიშვნელოვანი?
იქ, სადაც ამხელა კონკურენციაა, სწორედ პირველი შთაბეჭდილება, კომუნიკაცია, დახვედრისა და შეხვედრის კულტურა ქმნის განსხვავებას.
თუ ბიზნესში არ გყავთ ადამიანი, ვინც ამას პასუხისმგებლობით ეკიდება, ვისაც მართლა ესმის მომსახურების ხარისხის მნიშვნელობა, განვითარებაზეა ორიენტირებული და ამ ყველაფერს ყოველდღიურად აკონტროლებს — დამიჯერეთ, ასეთი ბიზნესის არსებობა ძალიან ხანმოკლეა.
დაახლოებით 23 წელია მომსახურებისა და გაყიდვების სფეროში ვარ, უშუალოდ ამ სფეროში 9+წელი და შეიძლება იფიქროთ, რომ სწორედ ამიტომ ვუყურებ ამ ყველაფერს სხვა თვალით, მაგრამ ეს ასე არ არის, ასე უყურებს მომხმარებელი.
ძალიან ბევრ ბიზნესთან, ადამიანებთან, პოზიციებთან და პროცესებთან მქონია შეხება წლების მანძილზე — და ზუსტად ვიცი, რამდენად დიდ გავლენას ახდენს მომსახურების კულტურა ბიზნესის მომავალზე.
და მიუხედავად იმისა, რაც ძალიან მიხარია Beauty&Health ინდუსტრიის განვითარება და ის, რომ ბევრი ბიზნესი ცდილობს მაღალი სტანდარტების დანერგვას — რეალობა მაინც ასეთია:
ბევრგან ჯერ კიდევ არ ესმით, რომ მომხმარებელი მხოლოდ მომსახურებისთვის არ მოდის.
ის მოდის დამოკიდებულებისთვის, ყურადღებისთვის, ემოციისთვის და იმ განცდისთვის, რასაც სივრციდან იღებს.
