180 Degrees Consulting

14/04/2023

【行銷手法三大步，靈活變通學到老】

行銷係近年早已經成為社會上嘅熱門，唔少企業都希望發掘出獨特嘅行銷手法，出奇制勝，喺市場上脫穎而出。咁多位作為一間有野心嘅社會企業，自然要透過以下嘅介紹，仔細了解多啲關於行銷嘅基本功啦！

所謂行銷，其實可以總結為一個由內至外嘅過程，具體而言，就係由企業自身嘅「品牌認同」出發，到考慮企業如何與社會接軌嘅「市場認同」，最後製訂攻佔市場方法嘅「市場通路」三大步策略：

首先，品牌認同喺企業能夠有別於同業競爭者嘅決定性因素，因此產品嘅特徵、功能、為大眾帶來嘅服務、甚至所象徵嘅價值，都要與別不同，而且越鮮明、越喺同市場現有產品不重疊就越好。

其次，市場定位上，牽涉到同競爭者更深入嘅比較，由價格、創新性等商業元素，去到對社會、環境所帶來嘅效益規模，甚至未來嘅發展潛力等等，都要一一計算在內。

最後，市場通路，意指能夠接觸目標受眾嘅渠道。分為直接管道，如官方網站、實地宣傳，以及間接管道，如零售商、批發商等等。決定用邊一種管道去打開市場，就取決於企業自身嘅規模，以及期望中嘅獲利率同支出嘅平衡等等。

要記住一點，行銷策略並唔能夠「一本通書睇到老」，而係要隨住企業到底係要吸納新嘅消費者、維繫舊有嘅客戶、甚至乎徹底改變經營方針等等目標因素而不斷更新。

如英國經濟學家所言：「可持續競爭的唯一優勢，就來自於超過競爭對手的創新能力！」

----------------------------------- cuhk
🙋共創式營銷溝通戰略
🙋專業社會影響力評估
🙋連繫中大學生與社企
🙋大學生實戰成長平台

#中大 #社企 #社會企業 #同行 #連繫社企 #社會公益 #數碼營銷 #營銷建議 #設計思維 #社企發展 #社會企業發展 #社會創新 #可持續發展 #企業社會責任 #社會影響力

11/04/2023

【合埋的人力：合廠】

講起「香港製造」，你會諗起啲咩？上世紀嘅紅白藍膠袋？穿膠花？工廠製衣工人？自80年代起，生產線北移，「香港製造」嘅本地品牌已經買少見少啦，而「合廠」就係一間社企，以協助基層婦女重返職場為宗旨，重新建立一條本地生產線，製作唔同產品。

「合廠」鼓勵家庭主婦再次投入社會工作，提供彈性上班工作及託兒服務，釋放婦女勞動力。此社企由香港社會創投基金創辦，負責人認為許多基層婦女面對的處境是她們雖然想重投職場，但要帶着小朋友，很難從事朝九晚五的工作。位於葵青區的「合廠」設有兒童天地，讓在此工作的基層婦女，可帶小朋友上班，免去子女獨留家中的擔憂，令她們可以安心工作，發揮工作潛能。

與「合廠」合作過的本地品牌也不少呢！包括床上用品品牌「龍頭」雅蘭床褥、晴媽媽手作工坊、良由集貨及設計品牌Heritage ReFashioned等。雅蘭認為合廠是令其品牌變得更貼地的踏腳石，「最希望做到香港牌子、香港工人、香港製造」。

此外，「合廠」最近還推出了社區協作計劃「假期工作」，與十間橫跨不同領域的企業合作，為媽媽們提供約2-3 個月的短期實習，訓練不同的skill sets，讓離開職場五年以上的媽媽們可以重新發現自己的潛能，真是很有意義呢！

「合廠」facebook: https://www.facebook.com/hatchmade/

----------------------------------- cuhk
🙋共創式營銷溝通戰略
🙋專業社會影響力評估
🙋連繫中大學生與社企
🙋大學生實戰成長平台

#中大 #社企 #社會企業 #同行 #連繫社企 #社會公益 #數碼營銷 #營銷建議 #設計思維 #社企發展 #社會企業發展 #社會創新 #可持續發展 #企業社會責任 #社會影響力

10/04/2023

【長遠營運要諗清，前景清晰又易理】

唔少社企嘅創辦人都分享過當初對於創辦社企其實都心大心細，猶疑不決，明明好想為社會出一分力，但又因種種顧慮而卻步，例如放唔低現有嘅工作，又或者係唔知道需要幾多啟動資金等等。

今日就想同大家分享下創辦社企前，可以預先準備好嘅「營運地圖」，即係將創業過程再細分為四階段＋三面向，做好未雨綢繆嘅功夫！

首先，喺正式成立社企前，不妨先按照以下四個重點去進行經營實驗：

一係營業規模，預計好業務將會覆蓋嘅地域同人數

二係時間長短，決定好要達成某個能影響社會嘅目標嘅需要時間

三係人力架構，決定好創辦人、團隊成員要如何兼顧本身嘅工作同喺社企中嘅責任，呢點對社企而言猶為重要

四係預期目標，估計好市場占有率、受益人數等等

去到長遠規劃階段嗰陣，就要留意規劃好公司未來三至五年嘅里程碑，按時間推移，為公司未來每一年，各自考慮以下三個面向嘅發展：

營運面：例如經營團隊嘅擴充需要新增職位；資金募集要有更多渠道，如從參加競賽到申請補助；宣傳手段嘅多元發展，由網絡到實體廣告。

銷售面：產品服務嘅添置，從一項到三項、第三年嘅七項；預期顧客數量嘅增加。

風險面：隨著公司規模變大，就要學識降低事故發生嘅影響，如避免只有單一供應商或合作者；透過分期付款去分擔財務壓力，轉移風險。

所謂「工欲善其事，必先利其器」，一個週詳嘅營運地圖，唔單止可以令社企係創辦初期發展順暢，仲可以令內部團隊同合作伙伴對前景更清晰，而且更有信心添！

----------------------------------- cuhk
🙋共創式營銷溝通戰略
🙋專業社會影響力評估
🙋連繫中大學生與社企
🙋大學生實戰成長平台

#中大 #社企 #社會企業 #同行 #連繫社企 #社會公益 #數碼營銷 #營銷建議 #設計思維 #社企發展 #社會企業發展 #社會創新 #可持續發展 #企業社會責任 #社會影響力 #社會企業家 #綠色經濟 #社會投資 #創業 #成功 #創業支援 #創業教學

08/04/2023

【鑽石級的待遇：鑽的】

今日首先想為大家介紹的社企是「鑽的」，它是由一位前記者創立，她曾經患上乳癌，經歷重病的她眼見着身邊人逝去，感觸晚期患者很多時候最後一程都只能在寧養院或醫院渡過，她想提供一種服務令末期病人都能夠有多姿多彩的生活，可以出外走走，看看美麗的世界，與家人和朋友建立美好回憶，因此創立「鑽的」為香港建構更完善的無障礙設施。

「鑽的」現時擁有七部可方便輪椅直接上落的的士，提供點對點的接送服務，為輪椅使用者和照顧者帶來合法、安全和舒適的交通接載服務。這一類的士可以讓輪椅直接由車尾位置直接進入的士車廂，不同於一般的士要將輪椅摺好放在車尾箱，而要乘客另外坐上乘客座，減低輪椅使用者的不便及提高安全性。

👥可以容納到幾多人？
最多可以容納到兩個輪椅使用者同兩位陪伴者。

💨收費幾多？
點對點單程收費由$165起，而時租就每小時$360。

📞點樣預約呢？
的士台熱線係2760-8771，二十四小時服務㗎。

希望香港會有越嚟越多呢一類無障礙設施，令到無論係肢體健全或者係有缺陷嘅人都可以享受同樣便利而多姿多彩嘅生活！😆

「鑽的」網站：https://www.diamondcab.com.hk

----------------------------------- cuhk
🙋共創式營銷溝通戰略
🙋專業社會影響力評估
🙋連繫中大學生與社企
🙋大學生實戰成長平台

#中大 #社企 #社會企業 #同行 #連繫社企 #社會公益 #數碼營銷 #營銷建議 #設計思維 #社企發展 #社會企業發展 #社會創新 #可持續發展 #企業社會責任 #社會影響力

04/04/2023

【法律細節你要知，唔係墮進陷阱就gg🖊️】

嚟到創社企嘅第三堂，今日會介紹一啲與成立社企相關嘅法律知識同細節，希望可以令大家更熟悉喺港、台等地方註冊成為社企，到底需要注意或考慮啲乜。覺得有用嘅就要快啲Mark低啦！

其實目前為止，無論香港定台灣都未有專門與社企相關的法律或註冊制度。換句話說，社企同一般嘅私營企業並無分別。故此，社企雖然被容許以不同嘅法律形式存在，但係創辦並登記時事先考慮好將社企定性為「營利組織」定係「非營利組織」依然顯得十分重要。

若果想為以上兩者做區分，可以由五點入手，分別係登記門檻、決策架構、財產規則、資金來源以及稅務優惠：

首先，在登記門檻同決策架構方面，以香港為例，社企可以按創辦人數同各種因素去決定註冊成為「擔保有限公司」、「股份有限公司」或者「社團」三種。前兩者會較傾向被視「營利組織」，成員或股東通常只需要為付出佢地所承諾嘅資本，而後者則會要成員負上更多責任。

而係財產規則、資金來源上，「營利組織」通常以追求股東利益最大化為優先，大多透過營業所得資金去營運，有機會同社企本身想實踐嘅理念相衝突；「非營利組織」就不以獲利為首要目標，資金來源都更多元化，包括向政府申請補助等等。

最後，稅務優惠上，雖然香港不同企業能夠透過《稅務條例》第八十八條向政府申請稅務豁免，但係實際執行而言，作為「營利組織」嘅「股份有限公司」一般情況下其實都不符合申請資格。而「社團」形式嘅「非營利組織」即使成功申請豁免，亦不允許將所得利潤分予擁有人㗎。

要成功地創辦社企絕非易事。故此，唔止香港政府成立左「社會企業諮詢委員會」去幫助大眾，網上亦有由社會企業商務中心編製嘅兩本《好好創社企》小冊子可以比大家瀏覽細閱。

想知多啲關於社企嘅知識，除左善用以上資源外，就記得要Keep住留意我地嘅Post同Story啦！

----------------------------------- cuhk
🙋共創式營銷溝通戰略
🙋專業社會影響力評估
🙋連繫中大學生與社企
🙋大學生實戰成長平台

#中大 #社企 #社會企業 #同行 #連繫社企 #社會公益 #數碼營銷 #營銷建議 #設計思維 #社企發展 #社會企業發展 #社會創新 #可持續發展 #企業社會責任 #社會影響力 #社會企業家 #綠色經濟 #社會投資 #創業 #成功 #創業支援 #創業教學

03/04/2023

【雀仔變天王！？即睇香港2間服務寵物社企】

突發！！Uber開始提供寵物鳥兒的接送服務😱
「係咪真架！？」🤩
根係唔係喇！🤣

新聞發生在2016年4月1日的愚人節。Uber公司發布一份新聞稿，聲稱他們將提供寵物鳥兒的接送服務，並提供關於鳥兒安全和舒適乘坐的建議。這個消息引起一陣熱議……Happy之際，原來係愚人節玩笑。

話雖如此，呢件事睇到香港人對寵物都好重視架，唔知你又知唔知香港有服務寵物嘅社企呢？

1.寵愛基金有限公司

提供寵物／寵物服務／寵物美容，想你嘅寵物扮靚靚就可以去佢哋勁喇～
仲聘請少數族裔，並資助其進修成為專業寵物美容師，協助他們掌握一技之長，可以自力更生，融入社會。

2.Animal SE 動物社企

專為年長貓狗/有復健需要的貓狗/退役犬提供適切的寵物復健醫療服務～
為年老殘障寵物安樂死，為寵物主人提供多一個選擇

----------------------------------- cuhk
🙋共創式營銷溝通戰略
🙋專業社會影響力評估
🙋連繫中大學生與社企
🙋大學生實戰成長平台

#中大 #社企 #社會企業 #同行 #連繫社企 #社會公益 #數碼營銷 #營銷建議 #設計思維 #社企發展 #社會企業發展 #社會創新 #可持續發展 #企業社會責任 #社會影響力

01/04/2023

第2課【社企死因你要知，要做避開先有智🖊️】

大部份社企都係拎種子資金（seed money）營運，理論上係做到收支平衡、開始錢賺就唔使再依賴呢筆起動金。但好多社企都捱唔到幾年，我哋認為係缺少咗一套有效嘅「具社會要素嘅商業獲利模式」。當冇獲利模式時，就會難持續營運，最後倒閉。

普通企業做「商業獲利模式」就夠，但社企需要包括社會要素，即刻點解決對應嘅社會問題。因此，創業初期，建議集中資源處理可以將企業價值主張有效地傳遞到顧客同其他持份者中，落實願景。

做社會創新時，首先要從需求出發，找到問題。再決定服務類型，如何以創新手法建決問題。當然，推行前做埋市場調查，了解行業發展同界定受眾，就會提升勝算。

另外還要掌握利害關係。需知道，社會企業需要與各種利害關係者的互動中取得平衡，幫助掌握群體關係和製定價值主張。

而對目標受眾掌握越清楚，越有助設計產品和服務，一般建議掌握「規模」、「結構」、「趨勢」、「特質」、「需求」，最後決定自己的價值主張：「效率型」（具有價格競爭優勢）、「創新型」（提供獨特或具領導地位）、「情感型」（與客群建立親近關係）。

重點重溫：
1.活用社會創新思維設計產品服務
2.進行市場調查
3.掌握你的利害關係者
4.界定你的目標受眾
5.確立你的價值主張

如果你諗清楚曬，一步步避免陷阱，就係成功嘅一大步喇！
----------------------------------- cuhk
🙋共創式營銷溝通戰略
🙋專業社會影響力評估
🙋連繫中大學生與社企
🙋大學生實戰成長平台

#中大 #社企 #社會企業 #同行 #連繫社企 #社會公益 #數碼營銷 #營銷建議 #設計思維 #社企發展 #社會企業發展 #社會創新 #可持續發展 #企業社會責任 #社會影響力 #社會企業家 #綠色經濟 #社會投資

31/03/2023

【旅行中的燭光:「多背一公斤」的社會創新】

「喂！諗住去邊到旅行啊？」恐怕係近兩個月以來大家聽得最多嘅說話。講起旅行，唔少人都一定好期待旅程中會收穫啲乜嘢，一大袋手信？裝爆行李夾嘅新衫？有冇人想像過，我地又可以透過旅行，給予其他人啲乜嘢？

今次我地要介紹嘅國內社企－「多背一公斤」正正就鼓勵左無數人係中國內地旅行嘅同時，為貧困嘅農村嘅學生兒童、送上有用嘅物資。

二零一一年，花名「安豬」嘅余志海透過網絡平台作連結，呼籲各地嘅背包客係佢地嘅行囊入面輕輕咁多放一個一公斤重嘅小盒子，呢個「一公子盒子」，由「多背一公斤」設計同提供，裝有小巧實用嘅教學用具同指南，能夠有助鄉村當地嘅教師更有效率地授課。而另一方面，余志海亦希望背包客帶去嘅，並唔止係物資咁簡單，仲有佢地同當地小朋友透面對面交流，開闊彼此心靈同眼界嘅人際互動。

正如來自貴州嘅小學文老師所言：「物質的匱乏還是可以克服的，但真正的問題是觀念和信息的落後。」通過外來者嘅分享，當地嘅小朋友真正看見了農村外遼闊嘅天地；而旅行者嘅得著，如其中一位由到過雲南活動嘅參加者Ansel所言：「與其説是我們幫助了這些孩子，不如説是這些孩子給了我們啓示、觸動和快樂」，就係一份遺忘已久嘅純真以及助人所帶來嘅滿足感。

「多背一公斤」到目前為止已經惠及兩萬多個鄉村兒童，過程中打破左傳統慈善中只重視物質上施與受嘅框架，反而強調旅客同當地人之間平等而充滿温情嘅交流。

所以話，「一公斤」放係背上或者好輕，但放在心上，卻可以好重、好踏實。

----------------------------------- cuhk
🙋共創式營銷溝通戰略
🙋專業社會影響力評估
🙋連繫中大學生與社企
🙋大學生實戰成長平台

#中大 #社企 #社會企業 #同行 #連繫社企 #社會公益 #數碼營銷 #營銷建議 #設計思維 #社企發展 #社會企業發展 #社會創新 #旅行支援 #貧困兒童 #教育支援 #背包客 #社會責任 #人文關懷 #社會影響力 #社會公益

29/03/2023

第1課【社企創辦攻略 x 成功秘訣🖊️】

現代人嘅物質生活越來越豐富，係資源充裕嘅環境下，唔少有心人都開始思考點樣能夠令呢個社會變得更美好，於是服務各行各業嘅社會企業亦應運而生。

究竟要創辦同營運好一間社企有啲咩要準備？又有冇一啲成功嘅原則可以比大家參考下呢？😆

台灣社企流嘅創辦人暨執行長林以涵就提出左一個「社會改變模式」，目的係引導大家思考社企嘅應有職責同任務，模式分為以下三個主要部份：

1)問題理論：創辦社企前，首先要針對想處理嘅社會議題有深入了解，例如調查社會嘅現有狀況、透過實地考察、收集數據去搵出目標族群嘅需要同接受改變嘅傾向，仲要由小及大，分析組成問題嘅個別原因以及系統性原因，有時會牽涉到經濟、法律等層面添。

2)改變理論：釐清問題後，就要定立解決方案。方案需要無微不至，除左考慮到投入多少資源、要進行甚麼活動以外，更加要從短期、中期、長期（如十年後）三個角度去衡量呢個方案能夠為社會帶來啲咩影響。設計過程中，不論能夠量化嘅事物如產品數字、定係相對抽象嘅願景都同樣舉足輕重。

3)行動理論：一旦方案Ready，自然就要附諸行動啦！行動又可以細分為「核心行動」同「支援行動」兩類型。前者係指事先設計好嘅企業方案，後者就指喺協助服務對象嘅過程中，發現佢地需要額外嘅幫助去投入到專案中，進而及時為佢地提供相關嘅協助。簡而言之，要經營好一間社企，周詳嘅計畫同靈活應變都係缺一不可。

其實，呢一個模式嘅提出，正正係為左幫助有心創辦社企嘅人士仔細地思考關於佢地心目中的社企嘅三個重要元素，分別係「願景」、「使命」同「價值」。亦即係企業嘅長遠目標、企業希望做甚麼、為甚麼要做，以及理想中企業想建立嘅文化同態度。

千萬唔好睇少呢三個元素啊，一間社企之所以成功，往往就係因為佢能夠從信念上召喚到志同道合嘅人參與攜手。未實現願景之前，就先令人有堅定嘅信心。唯有咁先可以令員工、顧客、合作伙伴樂意共同進退，一齊走下去㗎！🥰

----------------------------------- cuhk
🙋共創式營銷溝通戰略
🙋專業社會影響力評估
🙋連繫中大學生與社企
🙋大學生實戰成長平台

#中大 #社企 #社會企業 #同行 #連繫社企 #社會公益 #數碼營銷 #營銷建議 #設計思維 #社企發展 #社會企業發展 #社會創新 #社會責任 #可持續發展 #企業社會責任 #社會影響力 #創業 #社會投資 #社會企業家 #社會企業模式

27/03/2023

【頑固脂肪難消除！？ 3間同你搣走脂肪嘅社企】

減肥真係女人終身事業！！！又想健康少少、體態靚啲、又唔想郁（係好正常嘅！）今時今日唔係得坊間嘅運動班，連社企都踩埋運動嗰邊😱嚟睇吓以下3間，你又知唔知？

1.樂繽Fun
注重體育運動和社區參與。提供不同種類的活動，包括跑步班、渣馬姿勢跑法特訓班、伸展或肌筋膜減療班、健康人生瑜伽班和體適能班等，讓參與者可以根據自己的興趣和能力選擇適合自己的活動，從而鍛練身體和提高健康水平。另外，他們亦聘請和培訓退休人士，提供就業機會和培訓～

2. 膳動衡
推動「運動轉化食糧」：既改善都市人的健康問題，又同時幫助有需要的人所遇上的飢餓問題。你運動所消耗的卡路里，會兌換成食物！！(消耗後可以再食😂)過往舉辦了不同社區運動推廣計劃，當中包括街跑、遠足和伸展活動～

3. 創健堡
「慢慢啦，搣走脂肪咁辛苦！」咁可以睇吓救世軍豁下社企嘅放鬆伸展瑜珈班、綜合運動班、肌腱普拉提班及全面瘦身訓練班啱唔啱用？就算係想改善痛症、預防腰背痛都一樣得！另外，他們亦為中年婦女、青年和殘疾人士提供就業出路～

----------------------------------- cuhk
🙋共創式營銷溝通戰略
🙋專業社會影響力評估
🙋連繫中大學生與社企
🙋大學生實戰成長平台

#中大 #社企 #社會企業 #同行 #連繫社企 #社會公益 #數碼營銷 #營銷建議 #設計思維 #社企發展 #消脂 #健康瘦身 #運動轉化食糧 #社區參與 #退休就業 #放鬆伸展瑜珈 #肌腱普拉提 #中年婦女 #青年就業 #殘疾人士 #提高健康水平

27/03/2023

【頑固脂肪難消除！？ 🤯3間同你搣走脂肪嘅社企】

減肥真係女人終身事業！！！又想健康少少、體態靚啲、又唔想郁（係好正常嘅！）今時今日唔係得坊間嘅運動班，連社企都踩埋運動嗰邊😱嚟睇吓以下3間，你又知唔知？

1.樂繽Fun
注重體育運動和社區參與。提供不同種類的活動，包括跑步班、渣馬姿勢跑法特訓班、伸展或肌筋膜減療班、健康人生瑜伽班和體適能班等，讓參與者可以根據自己的興趣和能力選擇適合自己的活動，從而鍛練身體和提高健康水平。另外，他們亦聘請和培訓退休人士，提供就業機會和培訓～

2. 膳動衡
推動「運動轉化食糧」：既改善都市人的健康問題，又同時幫助有需要的人所遇上的飢餓問題。你運動所消耗的卡路里，會兌換成食物！！(消耗後可以再食😂)過往舉辦了不同社區運動推廣計劃，當中包括街跑、遠足和伸展活動～

3. 創健堡
「慢慢啦，搣走脂肪咁辛苦！」咁可以睇吓救世軍豁下社企嘅放鬆伸展瑜珈班、綜合運動班、肌腱普拉提班及全面瘦身訓練班啱唔啱用？就算係想改善痛症、預防腰背痛都一樣得！另外，他們亦為中年婦女、青年和殘疾人士提供就業出路～

----------------------------------- cuhk
🙋共創式營銷溝通戰略
🙋專業社會影響力評估
🙋連繫中大學生與社企
🙋大學生實戰成長平台

#中大 #社企 #社會企業 #同行 #連繫社企 #社會公益 #數碼營銷 #營銷建議 #設計思維 #社企發展消脂 #健康瘦身 #運動轉化食糧 #社區參與 #退休就業 #放鬆伸展瑜珈 #肌腱普拉提 #中年婦女 #青年就業 #殘疾人士 #提高健康水平

25/03/2023

【5個「不務正業」嘅演藝明星社企創業家】💃🕺

知唔知可能你鍾意嘅電影明星同著名歌手都有搞自己嘅社會企業？嚟睇吓以下呢五位，睇吓有冇你鍾意嘅藝人啦～

1. The Clara Lionel Foundation
Rihanna 是巴巴多斯歌手和演員。 Rihanna 於 2012 年創立Clara Lionel Foundation。該基金會以她祖父母的名字命名，支持世界各地的教育、健康和應急計劃等各種事業

2. The Leonardo DiCaprio Foundation
Leonardo DiCaprio 是美國演員和環保主義者，以其在 Titanic, The Revenant 和 The Wolf of Wall Street 等電影中的角色而聞名。他於 1998 年創立了The Leonardo DiCaprio Foundation，以支持環境事業和促進可持續發展。

3. The Jolie-Pitt Foundation
這是由演員 Angelina Jolie 和 Brad Pitt 於2006年創立的慈善組織。這基金會支持人道主義事業，如世界各地的教育、醫療保健、自然保護和救災工作。儘管 Angelina Jolie 和 Brad Pitt 在 2019 年離婚， The Jolie-Pitt Foundation 仍然活躍並致力於對世界產生積極影響。

4. Water.org
這是一個由演員 Matt Damon 和社會企業家 Gary White 共同創立的組織。這組織致力為世界各地的發展中國家提供安全和可持續的水和衛生解決方案。 Water.org 使用融資模式幫助社區獲得小額貸款和贈款來建設供水和衛生設施，已幫助數百萬人獲得清潔用水和衛生設施。

5. BeyGOOD
BeyGOOD 是美國歌手、詞曲作者和演員 Beyoncé 於 2013 年發起的一項慈善計劃。該計劃支持各種社會和慈善事業，如教育、救災和種族正義。 BeyGOOD 與眾多組織和倡議合作，為美國和世界各地有需要的人提供支持和資源。

----------------------------------- cuhk
🙋共創式營銷溝通戰略
🙋專業社會影響力評估
🙋連繫中大學生與社企
🙋大學生實戰成長平台

#中大 #社企 #社會企業 #同行 #連繫社企 #社會公益 #數碼營銷 #營銷建議 #設計思維 #社企發展 #演藝明星 #明星 #社企創業家 #明星創業 #社會影響力 #慈善事業 #環保主義 #可持續發展 #人道主義 #社會參與 #社會創新 #社會責任 #公益事業 #社會企業創新

180 Degrees Consulting - CUHK

14/04/2023

11/04/2023

10/04/2023

08/04/2023

04/04/2023

03/04/2023

01/04/2023

31/03/2023

29/03/2023

27/03/2023

27/03/2023

25/03/2023

Address

Website

Alerts

Shortcuts

Share