Eva Lau Voice Up

Call Website Contact the business

Eva Lau Voice Up Eva Lau Voice Up - Transform through Voice and Movement

Voice Up is proud to be the first and only training program in Asia that innovatively incorporates theatrical, fundamental breathing and voice control exercises in its training sessions. It extracts the very best of theatre techniques to real world applications and customize into Asian context.

琴晚「發完功」 今晨要補補！ 琴晚第四期嘅同學交出今年我見過最精彩嘅功課, 嗰份開心嘅喜悅真係非筆墨可以形容. 課堂結束之後, 佢哋又幫我拍咗條片🎥. 究竟係什麼片？ 大家好快就知道, 而家我哋趕緊做後期製作, 應該聽晚可以面世！...
28/10/2026

琴晚「發完功」 今晨要補補！ 琴晚第四期嘅同學交出今年我見過最精彩嘅功課, 嗰份開心嘅喜悅真係非筆墨可以形容. 課堂結束之後, 佢哋又幫我拍咗條片🎥. 究竟係什麼片？ 大家好快就知道, 而家我哋趕緊做後期製作, 應該聽晚可以面世！

呢條片係我好有心嘅同學幫手設計, 很感恩大家咁幫忙. 我會繼續努力做好我嘅教學本分, 好好報答大家🙏

#感恩

《畢業🎓不是終點! 而是另一幕嘅開始🎉》Voice Up 2026 第三期2.0 畢業啦！🎓✨十堂課，兩個月時間，眨吓眼就完咗。由第一堂嘅陌生、緊張，到最後一堂一齊完成畢業作品，呢班同學真係令我又感動、又驕傲、又唔捨得。有人由沙啞聲，練到清...
26/10/2026

《畢業🎓不是終點! 而是另一幕嘅開始🎉》

Voice Up 2026 第三期2.0 畢業啦！🎓✨
十堂課，兩個月時間，眨吓眼就完咗。

由第一堂嘅陌生、緊張，到最後一堂一齊完成畢業作品，呢班同學真係令我又感動、又驕傲、又唔捨得。

有人由沙啞聲，練到清晰悅耳，仲話：「原來我可以有一把咁清嘅聲音！」

有人覺得自己把聲太粗魯、太嚇人，結果由一隻大灰狼，變成一隻溫柔小羔羊。🐺🐑

有人一開始身體、眼神、呼吸全部大兜亂，最後一步一步歸位，完成咗一個好感人嘅畢業作品。

有人本身講嘢斯斯文文、好正常，但欠缺張力；而家講嘢有火、有型、壓台感十足！🔥

仲有一位由「乖乖女／典型港女」聲線，進化成一把有力量、有行動力、有感染力嘅聲音。

最難忘嘅，係今期有一對夫妻一齊上堂。
兩個人晚晚匿喺廁所練聲，互相做功課、互相支持、互相鼓勵。見到你哋一齊進步，真係好感動🥹

而第 10 堂嘅畢業演說作品，真係非常震撼、非常感動。當大家企喺台上，用自己嘅聲音、身體同生命經歷去表達嗰一刻，現場好多人都聽到流晒眼淚😭

呢個就係 Voice Up 一直相信嘅理念: 一篇真正有力量嘅演說，唔只係講得清楚、講得好聽，而係要做到：感動人、影響人，更加呼喚人採取行動。

而呢一班同學，做到了💪🏻

而家佢哋仲問：
「可唔可以 Encore？」

當然可以啦！
Voice Up 3.0 深造班，明年再見。

希望到時可以同今年我好鍾意嘅同學，再一次見面，再一次練聲，再一次一齊升級。

多謝你哋用十堂課，畀我一段咁難忘嘅回憶💓

畢業快樂🎊

  
#聲音訓練 #畢業快樂 #敢於表達自己

22/10/2026

第三期嘅同學畢業喇！ 佢哋嘅畢業作品竟然可以打敗AI! 原創始終係最感動人嘅! 恭喜每一位同學, 因為佢哋嘅努力, 奇蹟真係發生喺佢哋每個人身上! Yeah🙌

#畢業快樂

《奇蹟，要由基礎開始🙌🏻》今年你哋見到我開咗好多班、出咗好多片 🎥講真，班多到有時我自己都搞到頭都大埋 😂但我最開心嘅，從來唔係啲片有幾多人睇，亦唔係張海報整得幾靚。 而係有好多唔同嘅人，因為睇過我啲片，終於鼓起勇氣走入課室，將自己交俾我...
21/10/2026

《奇蹟，要由基礎開始🙌🏻》

今年你哋見到我開咗好多班、出咗好多片 🎥

講真，班多到有時我自己都搞到頭都大埋 😂

但我最開心嘅，從來唔係啲片有幾多人睇，亦唔係張海報整得幾靚。

而係有好多唔同嘅人，因為睇過我啲片，終於鼓起勇氣走入課室，將自己交俾我「執返劑」🤗

👉🏻有人明明好有料，但講嘢太斯文，聲音冇份量，結果冇人真正聽到佢想表達嘅嘢。

👉🏻有人一遇到 presentation 就緊張，呼吸亂晒，聲音越講越細，明明識講，卻未能夠發揮出真正實力。

👉🏻亦有人一直以為自己只係「把聲唔夠好」，但上堂之後先發現，原來問題唔係把聲靚唔靚，而係未識得用聲、用氣、用身體，將自己表達出嚟。

過去咁多年，已經有好多學員親身證明：
Voice Up 唔係教你扮成第二個人。
而係幫你搵返自己把聲入面，本身已經存在嘅力量、氣場同感染力🎉

所以, 你而家喺我啲片入面見到嘅，唔只係我喺度講得幾大聲 😜
而係一班又一班人，真真正正入過課堂、練習過、失敗過、再試過，最後開始敢用自己把聲去講嘢。

唔信？咪睇吓我啲片囉 😏

但如果你睇完已經有少少心郁郁，卻仲未上過我堂——
今次就唔好再淨係做觀眾啦‼️
⬇️⬇️⬇️⬇️⬇️⬇️⬇️⬇️⬇️

《11月28日 Voice Up 基礎班》
3個鐘，我會同你玩盡聲音、表達同氣場，幫你由基礎開始，建立更有力量嘅表達方式：

👊🏻 提升演說氣場
令你一開口就更有存在感，唔使靠扯大聲嚟吸引人。

👊🏻 增強表達張力
講同一句說話，都可以有節奏、有重點、有感染力。

👊🏻 掌控聲音溫度
學識點樣用聲音表達親和力、力量感同情緒。

👊🏻 學習獨門開聲技巧
減少喉嚨用力，令把聲更自然、更穩定、更耐用。

👊🏻 塑造更自信嘅舞台級形體
由企姿、眼神到動作，令你嘅身體同聲音真正配合。

我嘅教法❓當然唔會悶死你啦 😈
有時邪邪地，有時瘋狂啲，但每一個練習背後都有目的。

我會認真觀察你每一個呼吸、每一個發聲習慣，同你搵出最適合你自己嘅表達方法。

因為你唔需要變成我，亦唔需要模仿任何人。

你只需要——將真正有力量嘅自己，講出嚟🗣️

課堂資料：
📅 2026年11月28日（星期六）
⏰ 下午2時至5時
📍 香港九龍長沙灣道833號
　　長沙灣廣場1期9樓910室
💰 $980／1位｜2人同行每位$880

名額有限，先到先得。

想由「睇片」變成「親身試」？
想由基礎開始，重新認識自己把聲？
📲 WhatsApp：9135 8327
或者直接 DM我報名 📤

💓特別鳴謝: 我兩位好學生 Mark Mak 幫我影咗張咁有力量嘅相 & Sherman Au 幫我設計張咁型嘅 poster ☺️🙏

#職場溝通 #公開演說 #聲音表達

20/10/2026

今晚再同大家執劑勁嘅！ 大家執到判若兩人！

16/10/2026

今晚第五期嘅同學只係上咗第二堂, 奇蹟已經急不及待發生了！ Yeah!!!!
.0

《尋晚呢一堂 幾乎全軍覆沒》尋晚上堂上到半夜，因為太夜冇拍到片！ 尋晚係Voice Up 2.0 第三期第九堂，開始做第一輪內容架構嘅部份！ 結果？  完全不意外，同以往咁多期一樣，呢一堂通常都會係差不多全軍覆沒😅有人寫咗一大堆，卻連自己最...
16/10/2026

《尋晚呢一堂 幾乎全軍覆沒》

尋晚上堂上到半夜，因為太夜冇拍到片！ 尋晚係Voice Up 2.0 第三期第九堂，開始做第一輪內容架構嘅部份！ 

結果？  

完全不意外，同以往咁多期一樣，呢一堂通常都會係差不多全軍覆沒😅

有人寫咗一大堆，卻連自己最想講乜都未講清楚。  
有人以為自己準備充足，一開口，先發現內容根本撐唔起個舞台。

殘酷？係。  

但我寧願你而家喺課堂被推倒，  
都唔想你日後企喺台上，講完一大輪，台下冇人記得你講過乜。

好多人以為 Voice Up 只係教你把聲更靚、更大、更有氣場。

錯‼️

聲音，只係武器。  
但你連瞄準邊個目標都未清楚，武器再鋒利都冇用。

市面上 99% 嘅Speech，最大問題唔係講得差，  
而係——講得太安全。  
太平淡。  
太容易被忘記。

Voice Up 唔係要你「完成一篇 Speech」。  
我要你做到：當你一開口，別人願意停低；當你講完，別人會記住；當別人離開之後，仍然會因為你嘅說話而有所行動。

所以，第一 round 全軍覆沒又點？
推倒先有得重建。  
痛過，先知道點樣真正站穩。

下星期畢業。  
我會帶你哋由「唔知自己講緊乜」，去到用最有力量嘅內容，加上最有感染力嘅聲音——

令全世界，真正聽見你。

.0

13/10/2026

第四期嘅同學上到第五堂啦！ 今日佢哋話畀我聽由以前好西而家變得好nice😄

《回望「沒女大翻身」：原來我當年真係行得幾前》今朝一起身見到有網友係我度留言，話《沒女大翻身》最近係 myTV Super重播， 原來一眨眼呢個節目已經係12年前嘅事。當年，我以「聲音形態導師」嘅身份，幫一班基層女士作出改變。嗰陣時，香港根...
12/10/2026

《回望「沒女大翻身」：原來我當年真係行得幾前》

今朝一起身見到有網友係我度留言，話《沒女大翻身》最近係 myTV Super重播， 原來一眨眼呢個節目已經係12年前嘅事。

當年，我以「聲音形態導師」嘅身份，幫一班基層女士作出改變。嗰陣時，香港根本冇乜人知道咩叫「聲音形態」。

其實早喺2008年，我已經將聲音形態由外國帶返香港嘅培訓市場。當年呢個概念非常新，唔係人人即刻明白，亦唔係人人接受。

直到《沒女大翻身》播出，先有更多人第一次認識「聲音形態」呢四個字。節目出街之後非常轟動，有人支持，亦有人鬧到趴街。尤其係我幫其中一位參加者做「心靈劇場」嗰一段，更加引起好大爭議。（㊙️ 圖2 有當年冇出過街嘅絕密片段嚗光‼️）

但今日回望，我仍然覺得嗰次訓練係有價值嘅。

因為「真正嘅聲音形態」，從來唔係嗌幾下、吸幾下氣、行吓路、擺吓甫士或者改吓姿勢咁簡單。

真正嘅聲音形態，係一套有系統、有深度嘅訓練，當中包括聲音運用、呼吸、身體協調、語氣、節奏、情緒、心理狀態，以及一個人點樣透過聲音同身體去表達自己。

近年愈來愈多人開始談及「聲音形態」，呢件事代表大家開始重視聲音、表達、自信同個人形象。

但專業訓練唔係靠模仿幾個動作, 就可以掌握當中嘅精髓！

12年前，我可能真係行得比較前，前到好多人未聽過、未理解，甚至未準備好接受。

但多年來，我用呢套方法幫助過唔少人改變。當中包括：不同領域的專業人士、企業管理人員，演藝工作者、學生、以及一班想重新建立自信、改善表達能力嘅人。

而學生真正嘅改變，就係我最實在嘅答案！

所以我唔需要靠鬧人去證明自己，時間、經驗同專業，自然會說明一切。

2008年當我由加拿大🇨🇦返嚟香港，我就開始行呢條路；今日2026年，我仲喺度，繼續由聲音形態開始，幫助更多人重新認識自己，建立信心，重新掌控自己嘅人生！ 

#沒女大翻身 #聲音形態導師 #專業舞台劇演員訓練系統 #職場表達技巧

Address

Hong Kong

Telephone

+85265141698

Website

Alerts

Be the first to know and let us send you an email when Eva Lau Voice Up posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Eva Lau Voice Up:

Shortcuts

Share

Category