存在與易 Being and I

存在與易 Being and I 傳統六爻易占，一卦透天機。時間、空間、人物、發展，歷歷在目。心誠則靈，無關神怪。

客人反饋，之前預測好準，時間人物中晒。有興趣可睇附圖。我反而想寫下感想。1.準的主要係方法。我只是操作與詮釋。2.大部分易卦典籍，吞吞吐吐，依書直解會學錯晒。3.秘訣只有三個：立極、心齋與坐忘。4. 如何讓預測訊息呈現，接通宇宙，為重大課題...
21/08/2026

客人反饋，之前預測好準，時間人物中晒。有興趣可睇附圖。

我反而想寫下感想。

1.準的主要係方法。我只是操作與詮釋。

2.大部分易卦典籍，吞吞吐吐，依書直解會學錯晒。

3.秘訣只有三個：立極、心齋與坐忘。

4. 如何讓預測訊息呈現，接通宇宙，為重大課題。

5.初學切莫講直覺或覺得feel到。直覺是由大量練習而來，騙徒神棍先講感應。

6.詮釋與經歷有關，視乎解卦者人生有多深厚，接觸層面有多廣闊，多睇多聽人間，一定有好處。

九運特別多詐騙？Opatra 事件越演越烈，咁係咪反映咗九運特別多詐騙？一定唔係。要知道呢系美容產品2007年已存在，都賣咗成廿年。我好早已講過，離中虛其實係卦象畫法口訣，並非卦義。坊間無知「術數師」書又唔讀，人云亦云，亂鳩咁吹。九運離為火...
16/08/2026

九運特別多詐騙？

Opatra 事件越演越烈，咁係咪反映咗九運特別多詐騙？

一定唔係。要知道呢系美容產品2007年已存在，都賣咗成廿年。

我好早已講過，離中虛其實係卦象畫法口訣，並非卦義。坊間無知「術數師」書又唔讀，人云亦云，亂鳩咁吹。

九運離為火，火的特點是產生光，而且勢不可擋。所以潮流之席捲可以好急，自然現象亦可以好突然好兇猛，但來也匆匆去也匆匆。

另一特點是光背後必有影，只要光線一轉，藏污納垢背後就立即現型。所以KK園陳志，今次Orogold一系，一下就玩完。

易經之核心，乃陰中有陽，陽中有陰。切莫以為塵世間非黑即白。身處混水中覓食者，收手立於不敗之地為上，都係回頭是岸。

術數學習大忌受過哲學訓練，往往會有種習慣褪後一步，睇下眼前現象，是花拳繡腿還是真理所在。十幾廿年前學玩茶，四出拜訪「名師」，又關公巡城又韓信點兵，到近年又流行國家級茶藝師評茶師，坦白講我都研究過。然後發現，其實都係人云亦云，依樣畫葫蘆。對很...
10/08/2026

術數學習大忌

受過哲學訓練，往往會有種習慣褪後一步，睇下眼前現象，是花拳繡腿還是真理所在。

十幾廿年前學玩茶，四出拜訪「名師」，又關公巡城又韓信點兵，到近年又流行國家級茶藝師評茶師，坦白講我都研究過。

然後發現，其實都係人云亦云，依樣畫葫蘆。對很多人很夠，但如果追求茶道，想尋找真正靚茶，卻是很大阻礙。

觀念影響認知，等於你先入為主熟普洱是好茶，不斷盲目鑽研，從來唔褪後一步，檢視當中負面味道一樣。

術數學習一樣，一心以為所學為真，從來唔審視當中道理，亦不翻閱古藉，其實搞的是迷信。坊間好多人睇幾時生仔一時咁睇一時又咁睇，生幾個仔用幾種方法去睇，就係先假定自己所學為真，然後用盡方法去看圖作文。殊不知，真正方法應該放諸四海而皆準，唔應該搬龍門。

真正的學習，一定是認識，檢視，反省，而非盲目相信。不過好多人就係第一步已係相信，所以學咩結果都變咗盲目迷信。而當有人提出質疑，就上綱上線變咗面子問題。

學習，必然經歷錯誤與修正。以為自己一定啱，好打有限。

尊嚴與真理，我選真理。

*張相係早兩星期🐯響山光道馬會會所tea pairing活動影。
*奉勸各位青春少艾，揀身邊人揀個讀哲學嘅就係麻Q煩。

陳凱琳八字靚媽又惹是非，不妨寫下佢八字。紫微斗數認真玩其實好難，尤其無生時，要逐個時辰推，瞻前顧後要考慮好多條數。觀念稍有差池，就好易變看圖作文。1.陳凱琳公開生日為1991年6月23日，生時不詳。坊間有人推話酉時，可以講一定錯。因為酉時...
06/08/2026

陳凱琳八字

靚媽又惹是非，不妨寫下佢八字。

紫微斗數認真玩其實好難，尤其無生時，要逐個時辰推，瞻前顧後要考慮好多條數。觀念稍有差池，就好易變看圖作文。

1.陳凱琳公開生日為1991年6月23日，生時不詳。坊間有人推話酉時，可以講一定錯。因為酉時官祿宮為天府，又點可能係以演藝為事業？

2.十二個時辰推完，比較似係辰時。

3.官祿宮空宮文昌化忌天廚，難怪常做飲食節目但經常推薦嘅好伏，錯晒。對宮天同太陰，做主持做KOL會較演戲好。

4.🐯問點解香港人咁憎佢？鈴星入命自然是非多。仲要太陽入命，喜擦存在感自然多人妒忌。尚幸巨門見祿，講嘢勁叻，口舌求財又求到。

5.🐯問點解響大陸比較受歡迎？遷移宮立極，文曲化科左輔紅鸞呀。

6.咁佢人品如何？天機天梁福德宮，多嘢諗有時喜獨處，善良想幫人解決問題。一定唔係壞人。

7.呢十年大運鈴星入子女宮，子女是非勁多，而且太陽巨門俱化權。

8.呢十年廉貞破軍化祿祿存入事業宮，搵到食。

9.此八字還有一極炒之處，乃父母宮。如時辰屬實，完全解答了佢同孿生兄弟面相不似中國人之謎。

預約問命，請WhatsApp 🐯：http://wa.me/85256816268

8月份術數班*八月workshop (已成班）：*1.面相班10/8（一）7-10pm2.文人卦19/8（三）7-10pm 3.術數雞精班22/8（六） 3:15 - 5:15pm4.金錢卦 26/8（三） 7-10pm1，2，4班 $68...
05/08/2026

8月份術數班

*八月workshop (已成班）：*
1.面相班10/8（一）7-10pm

2.文人卦19/8（三）7-10pm

3.術數雞精班22/8（六） 3:15 - 5:15pm

4.金錢卦 26/8（三） 7-10pm

1，2，4班 $6800/堂

3班$1280/堂，但只供已上過我堂學員報名。

上課地點黃竹坑office，地鐵站5分鐘路程。

有興趣請WhatsApp 🐯：http://wa.me/85256816268

假訣：斗數十二宮活用假借學生話之前出去學紫微斗數，搞到頭都暈。簡單講就係打開自己命盤，搵出夫妻宮，當做自己老婆命宮，順行就睇到岳父岳母（原局兄弟宮）、老婆福德宮（原局命宮）……詳細請看圖片。此種睇法，心一堂出版過王裁珊「斗數觀測錄」一書中有...
04/08/2026

假訣：斗數十二宮活用假借

學生話之前出去學紫微斗數，搞到頭都暈。

簡單講就係打開自己命盤，搵出夫妻宮，當做自己老婆命宮，順行就睇到岳父岳母（原局兄弟宮）、老婆福德宮（原局命宮）……詳細請看圖片。

此種睇法，心一堂出版過王裁珊「斗數觀測錄」一書中有載。

1.王氐有另一本經典「斗數宣微」，內容非常值得深入閱讀。

2.至於「斗數觀測錄」一書，心一堂自己都話來歷不明，唔知點樣響街邊執返嚟，推斷係王裁珊所著。其實明顯係此書寫法編排極之粗疏，筆觸亦不一樣。不排除有心人偽托。

3.連書是否王氐所作都無法確定，偏偏坊間就有人拎住呢個所謂秘訣侃侃而談，仿似宇宙萬物都盡在掌握，實則完全鳩吹。書中上文下理亦極之突兀，並無任何邏輯可言，純粹突然衝出嚟就話咁睇，同耶教所講，不要怕只要信無分別，係一種Belief 。

4.要睇另一半命運，直接睇另一半八字即可。

5.從自己命盤去睇，好容易對號入座。加上自我感覺良好，就會以為好準。有志學習紫微斗數者小心。

6.捉到重點，與模糊化重點，就係水平之差別。

客人問，搵我，應該點揀睇咩？1.先講算命。通常問趨勢，譬如一年、十年、一生運勢等等。2.無論紫微斗數、子平八字均屬一種循環理論，即定好盤後，基本符號定好，查看特點，然後就根據每年、每十年之天干地支變化，如何作用在原局上，就可以推演命運。3....
03/08/2026

客人問，搵我，應該點揀睇咩？

1.先講算命。通常問趨勢，譬如一年、十年、一生運勢等等。

2.無論紫微斗數、子平八字均屬一種循環理論，即定好盤後，基本符號定好，查看特點，然後就根據每年、每十年之天干地支變化，如何作用在原局上，就可以推演命運。

3.簡單講，人生就係由七八個十年組成，而每個十年就由十個流年組成，疊加就係你條命。

4.所以定盤最重要，定錯生時，基本符號搞錯，再用飛星去推十年流年就會錯晒。一子錯滿盤皆落索。

5.占卜呢？ 通常就一事問吉凶。
譬如八字睇到今年會轉工有突破，然後目前有兩份工，點揀更好？或者今年紅鸞星動，兩位追求者各起一卦。

6.而最完整的問事方法，當然係宏觀微觀一齊睇，今年未來幾年一齊考慮。

7.所以熟客都揀「人生導師」服務最多，任做，時間內隨便問，八字同卜卦並用。

立極之難瞓醒覺，threads feed咗個廢老post比我。廢老無咩人follow，特點係認屎認屁。仿似術數一道，最緊要必修科乃係認叻。真假唔緊要，最緊要認咗叻先。認得叻多就有人信就有客。廢老侃侃而談，話2027年飛星盤，無人似佢識風水，...
01/08/2026

立極之難

瞓醒覺，threads feed咗個廢老post比我。

廢老無咩人follow，特點係認屎認屁。仿似術數一道，最緊要必修科乃係認叻。真假唔緊要，最緊要認咗叻先。認得叻多就有人信就有客。

廢老侃侃而談，話2027年飛星盤，無人似佢識風水，預言世界大事要靠佢。大佬，中國人一向以中自居，立極一定係中國，傳統術數設計根本只關心中國之事。蠻夷大小國又豈在討論之列。

其實之前都有人寫推背圖四十六象，就係Donald Trump跳舞一樣，穿鑿附會而已。

要知傳統術數以中原立極，思考之出發點皆為中國之事，又豈會突然去談論外國之事外國之人。

術數傳統重常識，講合理推演，宋代「梅花易數」已講。任何推演必強調上文下理，討論之背景與脈絡，夾硬將當前現象抽空，套落預言，唔識嘅嚇死，識嘅笑死。

混水摸魚妖言惑眾之騙徒太多，保持頭腦清醒真係好重要。

洗牙捐血應血光之災？蘇民峰最喜歡講呢樣。究竟有無用？無。1.流年睇到血光之災，係流年天干地支作用響你身上結果，即宇宙規律作用響你身上。2.而宇宙規律是有自身節奏，即非人力所控制。3.所以血光之災之大小與時間性，並非人力所能改變。4.算命，目...
29/07/2026

洗牙捐血應血光之災？

蘇民峰最喜歡講呢樣。

究竟有無用？

無。

1.流年睇到血光之災，係流年天干地支作用響你身上結果，即宇宙規律作用響你身上。

2.而宇宙規律是有自身節奏，即非人力所控制。

3.所以血光之災之大小與時間性，並非人力所能改變。

4.算命，目的就在搵出宇宙之節奏。

5.當太陽落山時間都無法控制，人又談何自製血光之災應數？

6.都未講宇宙規律之推演有無算錯。萬一時間性、詮釋出錯，那就是多此一舉。

7.捐血洗牙當然無壞，但如果以為一己之力有用，太天真了。人唯一可以做的是調整心態，未雨綢繆，做好準備。

8.或者可以更宿命論一點，比蘇民峰點，都係命運一部分，果年洗牙捐血都係命運一部分。

9.唔吹人定勝天，又點做生意點賣睇風水？

Address

LA202, K11 Musea, Tsim Sha Tsui
Hong Kong

Telephone

+85256816682

Website

Alerts

Be the first to know and let us send you an email when 存在與易 Being and I posts news and promotions. Your email address will not be used for any other purpose, and you can unsubscribe at any time.

Shortcuts

Share

Category