16/10/2025
📌Европын холбооны 🇪🇺 хилын шалгалтын бүртгэл 📝эхэллээ.
Европын холбоо 🇪🇺 гуравдагч орны зорчигчдын 👫 хувьд шинэ нэвтрэх 🚹 системийг нэвтрүүлж байна.
Энэхүү систем нь хил нэвтрэх болон гарах бүртгэлийг 📝цахим 🖥 хэлбэрээр хөтлөхийн зэрэгцээ биометрийн 👤мэдээллийг цуглуулан хил нэвтрэх үйл явцыг илүү үр дүнтэй, аюулгүй болгох зорилготой байна.
➡️Entry/Exit System (EES)⬅️ нэртэй энэхүү арга хэмжээ нь 2025.10.12-нд Шенгений бүх оронд үе шаттайгаар хэрэгжиж эхлэх бөгөөд УНГАРТ 🇭🇺 ч мөн адил мөрдөгдөх юм.
Одооноос эхлэн гуравдагч орны бүх зорчигчийн тухай богино хугацааны аяллын (өөрөөр хэлбэл 180 хоногийн дотор хамгийн ихдээ 90 хоног) хувьд хил хамгаалах байгууллага цахим бүртгэл үүсгэнэ.
Үүнд зорчигчийн бичиг баримтын 🪪 мэдээлэл, нэвтрэх, гарах цаг ⏳ ба хурууны хээ ✋болон биометр зураг 👤багтсан байна.
Унгар улсын 🇭🇺 хувьд 2025.10.12-ноос эхлэн Beregsurány дахь Украин-Унгарын хил дээр, дараа нь Серби-Унгарын хилийн хэсэгт туршилтын ажиллагаа эхэлнэ.
Нисэх онгоцны ✈️ буудлуудад энэхүү системийг дараах үе шаттайгаар нэвтрүүлнэ:
🔹2025.11.18 нд Budapest Liszt Ferenc Nemzetközi Repülőtér- олон улсын нисэх онгоцны буудалд.
🔹2025.11.18наас 20ны хооронд Debrecen дэхь Debreceni Nemzetközi Repülőtér - олон улсын нисэх онгоцны буудал мөн Sármelléki дахь Hévíz-Balaton Airport- нисэх онгоцны буудлуудад хэрэгжүүлхээр төлөвлөсөн байна.
Будапештын 🏙 нисэх онгоцны буудалд 🛫 бүртгэлийн 📝машинуудыг 📤байршуулж, зорчигчид урьдчилан мэдээллээ бүртгүүлэх 📝 боломжийг олгох боловч бүртгүүлсний дараа хилийн шалгалтаар 👮♂️ орох шаардлагатай болно.
