17/04/2026
വിശ്വസിക്കാനാവാത്ത വാർത്തയാണ് വാല്പാറയിലെ ചുരം വളവുകളിൽ നിന്നും കേൾക്കുന്നത്. ഹൃദയം നുറുങ്ങുന്ന വേദനയോടെയല്ലാതെ ഈ വാർത്ത വായിച്ചു തീർക്കാൻ കഴിയില്ല. മലപ്പുറം പാങ്ങ് സ്കൂളിലെ പ്രിയപ്പെട്ട അധ്യാപകരും ജീവനക്കാരും ഇങ്ങനെ വിടപറയുമെന്ന് ആരും സ്വപ്നത്തിൽ പോലും കരുതിയിട്ടുണ്ടാവില്ല
കുട്ടികൾക്ക് അറിവിന്റെ വെളിച്ചം പകർന്നു നൽകിയ ആ പ്രിയപ്പെട്ട ഗുരുനാഥന്മാർ ഇനി വിദ്യാലയ മുറ്റങ്ങളിൽ ഉണ്ടാകില്ല എന്ന സത്യം ഉൾക്കൊള്ളാൻ പ്രയാസമാണ്. വിനോദയാത്രയുടെ സന്തോഷം ഒരു നിമിഷം കൊണ്ട് കണ്ണീരായി മാറി.
ടീച്ചർസിന്റെ വേർപാട് ആ സ്കൂളുകൾക്ക് മാത്രമല്ല, ആ നാടിന് തന്നെ നികത്താനാവാത്ത നഷ്ടമാണ്. വിധി എത്ര ക്രൂരമായാണ് ആ കുടുംബങ്ങളെയും കുട്ടികളെയും തളർത്തിക്കളഞ്ഞത്.
ഇനിയൊരിക്കലും, ഇത്തരമൊരു ദുരന്തം ആവർത്തിക്കല്ലേ എന്ന് പ്രാർത്ഥിക്കുന്നു. യാത്രകൾ അവസാനിക്കേണ്ടത് മടക്കയാത്രയുടെ സന്തോഷത്തിലാവണം, മറിച്ച് ഇങ്ങനെയൊരു തീരാവേദനയിലാകരുത്.
പരിക്കേറ്റ് ആശുപത്രിയിൽ കഴിയുന്ന മറ്റുള്ളവർ എത്രയും വേഗം പൂർണ്ണ ആരോഗ്യത്തോടെ തിരിച്ചു വരട്ടെ. പ്രിയപ്പെട്ടവരുടെ വേർപാടിൽ നീറുന്ന കുടുംബാംഗങ്ങൾക്കും സുഹൃത്തുക്കൾക്കും ഈ ആഘാതം താങ്ങാനുള്ള കരുത്ത് നൽകാൻ പ്രാർത്ഥിക്കുന്നു.
ആദരാഞ്ജലികൾ... 🕊️🌹
