27/05/2026
"ਜਿੱਥੇ ਬੋਗਨਵਲ ਖਿੜਦਾ ਹੈ, ਉੱਥੇ ਕੁਦਰਤ ਆਪਣੀ ਰੂਹ ਬਿਖੇਰ ਦਿੰਦੀ ਹੈ।”
ਬੋਗਨਵੇਲ ਇੱਕ ਬਹੁਤ ਹੀ ਸੁੰਦਰ ਅਤੇ ਰੰਗ-ਬਿਰੰਗਾ ਸਜਾਵਟੀ ਬੂਟਾ ਹੈ, ਜੋ ਆਪਣੀਆਂ ਚਟਖਾਰੇਦਾਰ ਪੱਤੀ-ਨੁਮਾ ਫੁੱਲਾਂ ਕਰਕੇ ਹਰ ਕਿਸੇ ਦਾ ਮਨ ਮੋਹ ਲੈਂਦਾ ਹੈ। ਇਸ ਦੀ ਸੁੰਦਰਤਾ ਘਰਾਂ, ਸਕੂਲਾਂ, ਬਾਗਾਂ ਅਤੇ ਸੜਕਾਂ ਦੇ ਕਿਨਾਰਿਆਂ ਨੂੰ ਜੀਵੰਤ ਅਤੇ ਆਕਰਸ਼ਕ ਬਣਾ ਦਿੰਦੀ ਹੈ। ਗੁਲਾਬੀ, ਜਾਮਨੀ, ਲਾਲ, ਚਿੱਟੇ ਅਤੇ ਸੰਤਰੀ ਰੰਗਾਂ ਵਿੱਚ ਖਿੜਦਾ ਬੋਗਨਵੇਲ ਪ੍ਰਕ੍ਰਿਤੀ ਦੀ ਰੰਗੀਨ ਕਲਾ ਦਾ ਅਨੋਖਾ ਉਦਾਹਰਨ ਹੈ।
ਬੋਗਨਵੇਲ ਦੀ ਸਭ ਤੋਂ ਵੱਡੀ ਖਾਸੀਅਤ ਇਹ ਹੈ ਕਿ ਇਹ ਘੱਟ ਪਾਣੀ ਅਤੇ ਤਿੱਖੀ ਧੁੱਪ ਵਿੱਚ ਵੀ ਆਸਾਨੀ ਨਾਲ ਵਧਦਾ ਹੈ। ਇਸ ਲਈ ਇਹ ਵਾਤਾਵਰਣ-ਮਿੱਤਰ ਪੌਦਾ ਮੰਨਿਆ ਜਾਂਦਾ ਹੈ ਅਤੇ ਤਾਂ ਹੀ ਕਹਿੰਦੇ ਹਨ ਧੁੱਪ ਦੀ ਤਪਸ਼ ਵਿੱਚ ਵੀ ਜੋ ਮੁਸਕਰਾਏ, ਉਹ ਬੋਗਨਵੇਲ ਅਖਵਾਏ।ਇਸ ਦੀਆਂ ਟਾਹਣੀਆਂ ਕੰਧਾਂ ਅਤੇ ਦਰਵਾਜ਼ਿਆਂ ਨੂੰ ਕੁਦਰਤੀ ਸੁੰਦਰਤਾ ਨਾਲ ਸਜਾ ਦਿੰਦੀਆਂ ਹਨ।
ਜਿਥੇ ਇਹ ਵੇਲ ਪੰਛੀਆਂ ਲਈ ਸੁਰੱਖਿਆ ਕਵਚ ਦਾ ਕੰਮ ਕਰਨ ਕਰਕੇ ਪੰਛੀਆਂ ਦੇ ਮਨਭਾਉਂਦੇ ਰੈਣ ਬਸੈਰਿਆਂ ਚੋ ਇਕ ਮੰਨੀ ਜਾਂਦੀ ਹੈ ਉਥੇ ਹੀ ਪ੍ਰਕ੍ਰਿਤੀ ਦੇ ਸੰਦਰਭ ਵਿੱਚ ਬੋਗਨਵੇਲ ਸਾਨੂੰ ਇਹ ਸੰਦੇਸ਼ ਦਿੰਦਾ ਹੈ ਕਿ ਕਠਿਨ ਹਾਲਾਤਾਂ ਵਿੱਚ ਵੀ ਖਿੜਿਆ ਜਾ ਸਕਦਾ ਹੈ। ਇਹ ਪੌਦਾ ਤਿਤਲੀਆਂ ਅਤੇ ਮੱਖੀਆਂ ਨੂੰ ਆਪਣੇ ਵੱਲ ਆਕਰਸ਼ਿਤ ਕਰਦਾ ਹੈ, ਜਿਸ ਨਾਲ ਪ੍ਰਕ੍ਰਿਤਿਕ ਸੰਤੁਲਨ ਬਣਿਆ ਰਹਿੰਦਾ ਹੈ।ਇਸ ਲਈ ਕਿਸੇ ਸਿਆਣੇ ਆਖਿਆ ਹੈ "ਬੋਗਨਵਲ ਦੇ ਰੰਗਾਂ ਵਿੱਚ ਪ੍ਰਕ੍ਰਿਤੀ ਦੀ ਮੁਸਕਾਨ ਲੁਕਦੀ ਹੈ।”
“
