Ajit Dada Pawar Fan club

12/07/2026

12/07/2026

12/07/2026

मराठवाड्याच्या पाणीप्रश्नावर आणि शेतकऱ्यांच्या हक्कासाठी विधानपरिषदेत आवाज उठवला !

गेल्या ऑगस्ट-सप्टेंबरमध्ये झालेल्या अतिवृष्टीमुळे मराठवाड्यातील 8 जिल्ह्यांमध्ये जवळपास 3000 पाझर तलाव, मध्यम प्रकल्प आणि कोल्हापुरी पद्धतीचे बंधारे यांचे प्रचंड नुकसान झाले आहे. यंदा पाऊस कमी पडण्याची शक्यता असल्याने आपला शेतकरी आधीच हवालदिल झाला आहे. शासनाने स्वतः मान्य केले आहे की 1406 बंधाऱ्यांचे नुकसान झाले आहे, मात्र त्यापैकी केवळ 196 कामे पूर्ण झाली आहेत. लातूर जिल्ह्यातील निलंगा तालुक्यातील 'मसलगा मध्यम प्रकल्पा'ला मोठी भेग पडल्यामुळे गेल्या वर्षी साठवलेले पाणी सोडून द्यावे लागले होते. नवीन पावसाळा तोंडावर आला तरी अद्याप ही दुरुस्ती झालेली नाही.

जलसंपदा मंत्र्यांनी यावर बैठक घेण्याचे आश्वासन दिले होते, परंतु अद्याप कोणतीही बैठक झालेली नाही. ही सर्व दुरुस्तीची कामे तातडीने करून येणारे पाणी अडवणे अत्यंत गरजेचे होते, परंतु शासनाच्या संथ कारभारामुळे पाणी वाया जाण्याची आणि शेतकऱ्यांच्या पदरी पुन्हा निराशा पडण्याची भीती आहे.

ही दुरुस्तीची कामे कधी पूर्ण होणार?

शेतकरी आणखी किती दिवस अडचणीत राहणार? असा प्रश्न विधानपरिषदेत उपस्थित केला.

12/07/2026

प्रेमाच्या रेशीमगाठीत अडकून नवी इनिंग सुरु करणारे माझे प्रिय बंधू खा. पार्थ आणि कायनात या दोघांनाही साखरपुड्याच्या मनापासून शुभेच्छा! तुमचा पुढील प्रवास आनंदाचा, सुखाचा आणि समृद्धीचा होवो आणि तुमच्या दोघांचं प्रेमाचं हे नातं उत्तरोत्तर बहरत जावो, हीच ईश्वरचरणी प्रार्थना!

Parth Ajit Pawar

12/07/2026

शेतकऱ्यांच्या आर्थिक अडचणी दूर करून त्यांना दिलासा देण्याच्या उद्देशाने महायुती सरकारने ऐतिहासिक निर्णय घेतला आहे. महात्मा फुले कर्जमाफी योजनेतील जाचक अटी रद्द करत, पुण्यश्लोक अहिल्यादेवी होळकर शेतकरी कर्जमाफी योजनेअंतर्गत पात्र शेतकऱ्यांना ₹२ लाखांपर्यंतच्या पीक कर्जमाफीचा लाभ देण्याचा निर्णय घेण्यात आला आहे. तसेच नियमित कर्जफेड करणाऱ्या शेतकऱ्यांनाही प्रोत्साहनपर लाभ देण्याची तरतूद करण्यात आली आहे.

हा निर्णय केवळ कर्जमाफीचा नसून, शेतकऱ्यांचा आत्मविश्वास वाढवणारा, शेतीला बळ देणारा आणि ग्रामीण अर्थव्यवस्थेला नवसंजीवनी देणारा आहे. शेतकऱ्यांच्या सर्वांगीण विकासासाठी कटिबद्ध असलेल्या महायुती सरकारने पुन्हा एकदा आपल्या कार्यातून शेतकरी हिताला सर्वोच्च प्राधान्य दिल्याचे सिद्ध केले आहे.

शेतकऱ्यांच्या पाठीशी खंबीरपणे उभे राहून त्यांच्या हिताचे निर्णय घेणाऱ्या महायुती सरकारचे मनःपूर्वक अभिनंदन व आभार!

#शेतकरीहित #शेतकरीकर्जमाफी