Tatsam Linguistic Services

06/01/2026

वाचन विशेष कार्यशाळा

नुकत्याच झालेल्या पुस्तक महोत्सवात भरपूर पुस्तकं विकत घेतलीत का? घेतली असल्यास किती वाचलीत किंवा वाचायचा मानस आहे? अनेक दिवसांपासून एखादे पुस्तक वाचायचे ठरवले आहे पण वाचून होत नाहीये? वर्षाच्या सुरूवातीला एक तरी पुस्तक वाचून काढायचे असा नववर्षाचा संकल्प तुम्ही केला आहे का? खूप दिवसात काहीच वाचले नाहीये आणि वाचन पुन्हा सुरू करण्यास निमित्त शोधत आहात का?

तर शब्दांच्या अलीकडीले या आमच्या मराठी भाषेच्या जानेवारीतील कार्यशाळेत अवश्य सामील व्हा. या वेळची कार्यशाळा “वाचन विशेष” आहे. येत्या १० तारखेपासूनच कार्यशाळेस नोंदणी करणाऱ्यांचा गट तयार करून आपण आपल्या आवडीचे एक पुस्तक (शक्यतो मराठी भाषेतील) वाचायला घेणार आहोत. कार्यशाळेत वाचलेल्या पुस्तकावर बोलू, त्याचे थोडेसे अभिवाचन करु असा मानस आहे. बाकी नेहमीची मराठी भाषेशी निगडित इतर कृतीसत्रे, खेळ कार्यशाळेत असतीलच. रविवारी दिनांक १८ जानेवारी रोजी दुपारी ३ ते ६ या वेळेत कार्यशाळा असेल. स्थळ आहे United Western Society hall, कर्वेनगर. डी पी रोडला अगदी लागून आहे त्यामुळे जायला यायला सोयीस्कर आहे. नोंदणी करायची असल्यास अवश्य मेसेज करा. भेटू या.

07/11/2024

शब्दांच्या अलिकडले..

मराठी भाषा आवडणाऱ्या प्रत्येकाला आवडेल अशी मनोरंजक कार्यशाळा ..
खेळ, चर्चा, कविता, लेखन आणि एक सुंदर अभिवाचन.

त्याचबरोबर चहा, जेवणही आहे हं!

एक रविवार आनंदात घालवायचा असेल तर लगेच नोंदणी करा..काहीच जागा शिल्लक आहेत.

29/10/2024

ती सध्या काय करते?
किंवा
तो सध्या काय करतो?

तीच हो.. ' तुझ्या गळा माझ्या गळा गुंफू मोत्यांच्या माळा ' सारख्या कविता गाणी गात जिच्याबरोबर वाढलात ती तुमची बहीण, तो तुमचा भाऊ...

किंवा ती हो..जिला ..' मेंदी भरले हात तुझे अन् काय तुला मी सांगावे.. ऐल तीराने पैलतीराला मधले अंतर मागावे ' असे म्हणत हात धरलात तो तुमचा जोडीदार?

ती, तो ..सगळेच आज कामाच्या व्यापात बुडून गेले आहेत ... कविता, गाणी, वाचन, चिंतन असं आवडीच्या गोष्टी करायला सवडच नाही उरली ...

मग या दिवाळीला एक अनोखी भेट तुमच्या प्रिय जनांना द्या ना...

'शब्दांच्या अलिकडले' कार्यशाळेची भेट द्या ..आणि...

कुटुंब रंगलंय काव्यात असे तुमचे घर असेल तर एक रविवार आनंदात साहित्याच्या सहवासात घालवण्यासाठी सगळे मिळून कार्यशाळेला या :)

दिनांक १७ नोव्हेंबर २०२४
वेळ १०.३० ते ३.३०
श्रीराम सोसायटी हॉल, वारजे येथे

शुल्क: रू १२००/-

आजच नोंदणी करा... सीट पटापट भरत आहेत 😊
संपर्क:

11/07/2024

Language lovers,.

Something interesting coming up soon. Stay tuned :)

27/06/2024

26/06/2024

It's time to gain confidence in speaking English!!!

Online Spoken English Course

Duration: 6 weeks
Timing: Flexible
Who can join: Anyone above the age of 12

New batch starts on: 1 July 2024
Fees: Rs. 2500/-

Ping on 093733 22938 to register.

13/12/2023

नमस्कार मंडळी!

मी डॉ मृणाल धोंगडे आणि तत्सम लिंग्विस्टिक सर्व्हिसेस ही माझी भाषाविषयक सेवा देणारी संस्था! तत्सम? हे कसलं नाव? तत्सम-तद्भव शब्द एवढाच काय तो आपला या शब्दाशी आलेला संबंध असतो 😊 पण आज आम्ही कोणत्या सेवा पुरवतो हे जाणून घेण्याआधी या नावाविषयी थोडेसे! भाषाविषयक सर्व सेवा एकाच ठिकाणी पुरवणे या मनोदयातून सुरु झाला ‘तत्सम’ चा प्रवास! भाषांतर ही आमची प्रमुख सेवा. म्हणजे...'भाषांतर किंवा तत्सम काहीतरी करते हो ती' ...असा तत्समचा अर्थ नसून ...जे या भाषेत, अगदी तेच आणि तसेच ‘तत् सम’ देणे हे या नावामागचे रहस्य! सुरुवात झाली भाषांतर संस्था म्हणून पण आता आमच्या इतर सेवांना देखील हे नाव लागू पडताना दिसतंय... तुमच्या मनातलं मांडायचं आहे पण शब्द नाहीत? आम्ही आहोत की मग! तुमच्या मनातले आम्ही शब्दात उतरवून देतो... अगदी ‘तत् सम’. ‘We shape your ideas into words’ ही आमची tagline आहे आणि ‘Anything to do with language’ हे आमच्या कामाचे स्वरूप. या ब्लॉगसीरीज मधून आमच्या विविध सेवांची ओळख करून देईनच. पण तोपर्यंत आमचे संकेतस्थळ नक्की बघा www.tatsamlinguistics.in ... न जाणो, तुम्हाला जे हवंय तत्सम काहीतरी आमच्याकडे तुम्हाला सापडेल 😊

Scan a few sample pages and send it to us by email. Also mention the purpose of translation: Informal or formal and certified.

13/11/2023

सर्व प्रथम Sujay Sunil Dahake खूप खूप अभिनंदन. इतक्या चांगल्या विषयावर चित्रपट घेऊन आल्याबद्दल.
अनेकांना वाटेल की श्यामची आई पुस्तक प्रसिद्ध आहे, त्यावर एक प्रसिद्ध सिनेमाही आहे ..मग परत हा विषय का? आज सिनेमाचा प्रीमियर पाहिल्यावर मला जे कारण गवसले ते मांडते... ज्याप्रमाणे श्रीकृष्णाने मानव जातीच्या उद्धारासाठी ' संभवामि युगे युगे ' हे वचन दिले त्याच प्रमाणे कला क्षेत्रातल्या मंडळींनी जे जे उत्तम, उदात्त, उन्नत ..ते ते वेळोवेळी सादर करण्याचा वसा घेतलाच पाहिजे. आजच्या काळात जेव्हा मुलांशी मित्रासारखे वागण्याच्या नादात आपण त्यांच्या तोंडातून बाहेर पडण्याआधी त्यांचे हट्ट पूर्ण करण्याचे पालकत्व निभावत असतो आणि कधी कधी अति लाडाने मुलांना बिघडवत असतो, अशा वेळी आंधळे प्रेम आणि खरे प्रेम यातील फरक दाखवून मुलांवर किती जबाबदारीने संस्कार केले पाहिजेत याचे अंजन डोळ्यात घालणारे असे चित्रपट निश्चित सादर केले गेले पाहिजेत. गरिबी, लाचारी किती बोचरी असू शकते हे दाखवणारी परिस्थिती.... श्रीमंत नसले, कडक असले तरी आई बाप मुलांवर किती प्रेम करू शकतात आणि जे खरे आवश्यक असे संस्कार देऊन जीवनभराची पुंजी देऊ शकतात हे दाखवणारा चित्रपट म्हणजे श्यामची आई! श्रमाचे महत्व, कोणत्याही कामाची लाज न वाटणे, आत्मप्रौढी नसावी पण आत्मसन्मान असलाच पाहिजे ही शिकवण देणारा हा चित्रपट!
सुजयने अतिशय सुंदर दिग्दर्शन केले आहे आणि कलाकार तर सगळेच उत्तम! वनमाला आणि माधव वझे यांच्या इतकीच गौरी देशपांडे आणि शर्व गाडगीळ ही जोडी प्रेक्षकांच्या मनात घर करेल हे नक्की! गौरीचे सोज्वळ, सुंदर रूप आणि body language मधून दाखवलेला स्वाभिमानाचा ताठ कणा अत्युत्तम!
स्वार्थी प्रवृत्तीची, आत्मकेंद्रीपणाची वाढ होत असताना, ' खरा तो एकची धर्म, जगाला प्रेम अर्पावे ' हा संदेश देणारा हा चित्रपट अवश्य पहा.
या चित्रपटाचे subtitles करण्याची संधी दिल्याबद्दल मनापासून धन्यवाद☺️

10/07/2023

Two wonderful ways to befriend language ...Parents of chool kids: Grab the opportunity for your child :)