13/10/2023
യുനെസ്കോ ലേണിംഗ് സിറ്റിയുടെ ഭാഗമായി തൃശ്ശൂർ കോർപ്പറേഷനിലെ ഹൈസ്കൂൾ, ഹയർസെക്കൻഡറി,
കോളേജ് വിദ്യാർത്ഥികൾക്കായി ഒരുക്കുന്ന യുനെസ്കോ ലേണിങ് സിറ്റി കേഡറ്റ് പ്രോഗ്രാം ബഹു.തൃശ്ശൂർ മേയർ എം.കെ. വർഗീസ് ഉദ്ഘാടനം ചെയ്തു. തൃശ്ശൂർ വിമല കോളേജിൽ നടന്ന ചടങ്ങിൽ മുൻ.കൃഷി വകുപ്പ് മന്ത്രി ശ്രീ.വി.എസ് സുനിൽകുമാർ മുഖ്യാതിഥിയായി.കേരള ഇൻസ്റ്റ്യൂട്ട് ഓഫ് ലോക്കൽ അഡ്മിനിസ്ട്രേഷനിലെ അർബൻ ചെയർ പ്രൊഫസർ ആയ
ഡോ. അജിത് കളിയത്ത് പരിപാടിയിൽ വിശിഷ്ട സാന്നിധ്യം വഹിച്ചു. തൃശ്ശൂർ കോർപ്പറേഷന് വിദ്യാഭ്യാസ കായിക സ്റ്റാൻഡിങ് കമ്മിറ്റി ചെയർമാനായ ശ്രീ എൻ.കെ.ഗോപകുമാർ പരിപാടിയുടെ അധ്യക്ഷനായിരുന്നു. കോർപ്പറേഷൻ കൗൺസിലർമ്മാരായ അഡ്വ.വില്ലി , രാധിക അശോകൻ, ശ്യാമള വേണുഗോപാൽ, ഡോ.സിസ്റ്റർ.ബീന വിമല കോളേജ് പ്രിൻസിപ്പൽ, ജിഷ്ണു പി.വി.(എലാൻസ് CEO) എന്നിവർ പരിപാടിക്ക് ആശംസകൾ അറിയിച്ചു. ലേണിംങ് സിറ്റി അപെക്സ് കമ്മിറ്റി കൺവീനർ അഡ്വ.അനീസ് അഹമ്മദ് സ്വാഗതവും അപെക്സ് കമ്മിറ്റി കോർഡിനേറ്റർ സുബി സുകുമാരൻ നന്ദിയും അറിയിച്ചു.
കോർപ്പറേഷൻ പരിധിയിലെ ഹൈസ്കൂൾ,ഹയർ സെക്കൻഡറി,കോളേജ് വിദ്യാർത്ഥികളെ ഉൾക്കൊളിച്ചാണ് UNESCO Learning City Cadets പദ്ധതി ഒരുക്കുന്നത്.
