20/12/2024
*ഷീൻ ചരിത്ര വഴിയിൽ സിംഫണി 2.0 മറ്റൊരു നാഴികക്കല്ലാകും*
റഊഫ് എളേറ്റിൽ (ജനറൽ കൺവീനർ-ഷീൻ മെസ്സേജ്)
പത്താം വാർഷികത്തോട് അന്നുബന്ധിച്ച് 2023 അവസാനം വയനാട് പേര്യയിൽ വച്ചു നടന്ന സിംഫണി 1.0 ഷീൻ ഇൻ്റർനാഷണലിൻ്റെ ജനകീയതയ്ക്ക് മാറ്റു കൂട്ടിയ സൗഹൃദ കൂട്ടായ്മയായിരുന്നു.
വിവിധ ജില്ലകളിൽ നിന്നുള്ള നൂറോളം ആളുകൾ കുടുംബ സമേതം ഒരുമിച്ചു കൂടി രണ്ടു ദിന രാത്രങ്ങൾ പഠിച്ചും,കളിച്ചും,രസിച്ചും ചെലവഴിച്ച ഓർമ്മകളിൽ നിഴലിച്ചു നിൽക്കുന്ന സംഗമം.
ഈ വർഷം ഡിസംബർ 28, 29 ശനി ഞായർ ദിവസങ്ങളിൽ പാലക്കാട് ജില്ലയിലെ ധോണിയിൽ പ്രത്യേകം സജ്ജമാക്കിയ ക്യാമ്പ് സൈറ്റിൽ വച്ച് രണ്ടാമത് സിംഫണി നടക്കുയാണ്.
മുഴുവൻ ഷീൻ ബന്ധുക്കളെയും ചരിത്ര സംഗമത്തിലേക്ക് ക്ഷണിക്കുകയാണ്.
വിവിധ വിദ്യാഭ്യാസ തൊഴിൽ അവസരങ്ങൾ യഥാസമയം പൊതുജനങ്ങളിലേക്ക് എത്തിക്കുകയും ആവശ്യമായ വിവരങ്ങളും പ്രചോദനവും കോച്ചിംഗും നൽകി അർഹരായവരിലേക്ക് പദ്ധതിയുടെ ഗുണഫലംഎത്തിക്കുകയും ചെയ്യുക എന്ന ലക്ഷ്യം മുൻനിർത്തി 2013 ൽ നിലവിൽ വന്ന സംവിധാനമാണ് ഷീൻ ഇൻ്റർനാഷണൽ.
കഴിഞ്ഞ ഒരു പതിറ്റാണ്ടിലധികം കാലം ഷീൻ നേതൃത്വം നൽകിവരുന്ന വിവിധ പദ്ധതികളും പരിപാടികളും താഴെ വിവരിച്ചിരിക്കുന്നു.
*1)ShEEN School Plus*
*ഷീൻ സ്കൂൾ പ്ലസ്* പദ്ധതിയുടെ ഭാഗമായി LSS, USS, NMMS, സ്കോളർഷിപ്പ് പരീക്ഷയിൽ ആയിരത്തോളം വിദ്യാർത്ഥികൾ വിജയിച്ച് ഒരു കോടിയോളം രൂപ സർക്കാർ സ്കോളർഷിപ്പിന് അർഹരായത് ഈ കഴിഞ്ഞ വർഷങ്ങളിലാണ്.ഈ വർഷവും ആയിരക്കണതിന് വിദ്യാർത്ഥികൾക്ക് കോച്ചിംഗ് ലഭ്യമാക്കി പദ്ധതി തുടർന്നു കൊണ്ടിരിക്കുന്നു.
സ്കൂൾ വിദ്യാർത്ഥികളുടെ GK ബൂസ്റ്റ് ചെയ്യുന്നതിനും ആനുകാലിക വിഷയങ്ങളിൽ അവബോധം ഉണ്ടാക്കുന്നതിനും *ഷീൻ മാസ്റ്റർ ജീനിയസ്* വാരിക മുടക്കമില്ലാതെ പ്രസിദ്ധീകരിച്ചു വരുന്നു.
*2)ShEEN Teacher*
200 ൽ അധികം പേർക്ക് *ഷീൻ ടീച്ചർ* ഡിപ്പാർട്ട്മെന്റിന്റെ ശ്രമഫലമായി K-TET, SET, NET യോഗ്യത നേടാൻ കഴിഞ്ഞത് മറ്റൊരു നേട്ടമാണ്.
SSLC,+1,+2 ട്യൂഷനുകളും*(Club Aplus)* മറ്റു ക്ലാസ്സുകളിലെ വിദ്യാർത്ഥികൾക്ക് ഹോം ട്യൂഷനുകളും നൽകിവരുന്നു.
*3)ShEEN PSC*
ആറുപേർ *ഷീൻ PSC* വഴി ജോലി നേടി ശമ്പളം വാങ്ങി കൊണ്ടിരിക്കുന്നു.മറ്റു പലരും നിയമനം കാത്തു നിൽക്കുകയാണ്.
പഠനം പാതിവഴിയിൽ ഉപേക്ഷിച്ചവർ,വീട്ടമ്മമാർ,സാധാരണ ജോലി ചെയ്യുന്നവർ തുടങ്ങിയവരാണ് ഷീൻ PSC കോച്ചിംഗ് നേടിയവരിൽ അധികവും.
*4)ShEEN IAS*
UPSC സിവിൽ സർവീസ് പരീക്ഷ വിജയിക്കുന്നതിന് ഷെറിൻ ഷഹാനയ്ക്ക് *ഷീൻ IAS* ന്റെ പ്രവർത്തനം വലിയ മുതൽ കൂട്ടായിട്ടുണ്ട്.മഹാരാഷ്ട്രയിൽ ഇന്ത്യൻ റയിൽവെ ഓഫീസറായി പ്രവർത്തിക്കുകയാണ് ഷെറിൻ ഷഹാന.
2030 ആകുമ്പോഴേക്ക് ഒരു ലക്ഷം വിദ്യാർത്ഥികൾക്ക് സമഗ്രമായ കോച്ചിംഗ് നൽകുന്നതിന് *ഷീൻ മിഷൻ മസൂറി* പ്രൊജക്ട് പ്രവർത്തനം ആരംഭിച്ചിട്ടുണ്ട്.
അയ്യായിരത്തോളം വിദ്യാർത്ഥികൾ ഈ സ്കീംവഴി പരിശീലനം നേടിക്കഴിഞ്ഞു.
Junior IAS(UP,HS,HSS),IAS Foundation (UG), Platinum IAS(One year Intensive Course),Emerald IAS(Six months Intensive Course) തുടങ്ങിയവയാണ്പ്രധാന കോഴ്സുകൾ.
*5)ShEEN Trainer*
ഒരു വർഷത്തിനകം 300 ഓളം ട്രെയിനർമാർ *ഷീൻ ട്രെയിനർ* പ്ലാറ്റ്ഫോമിൽ ഇതിനോടകം പരിശീലനം നേടി.രണ്ടു ദിവസത്തെ റിഫ്ലക്ഷൻ റസിഡൻഷ്യൽ ക്യാമ്പ് അഞ്ചു ബാച്ചുകൾ പൂർത്തീകരിച്ചു.ഇവർക്കു വേണ്ടിയുള്ള കോൺവെക്കേഷൻ കോഴിക്കോട് സ്പാൻ ഹോട്ടലിൽ വച്ച് അതിവിപുലമായി നടന്നു.
അഞ്ചു ബാച്ചുകൾ പൂർത്തീകരിച്ച ഷീൻ കരിയർ കോച്ച്,സ്കിൽ പാർക്ക് ട്രൈനേഴ്സ് വർക്ക്ഷോപ്പ് ,AI സ്കൂൾ തുടങ്ങിയവയാണ് ഡിപാർട്ട്മെൻ്റിലെ മറ്റു പദ്ധതികൾ.
*6)ShEEN Language Club*
ആയിരത്തോളം വിദ്യാർത്ഥികൾക്ക് കമ്മ്യൂണിക്കേറ്റീവ് ഇംഗ്ലീഷ് പരിശീലനം നൽകാൻ *ഷീൻ സ്പീക്ക് ഇംഗ്ലീഷി*ന് കഴിഞ്ഞിട്ടുണ്ട്.ലേൺ ജർമ്മൻ,ലേൺ സ്പാനിഷ് എന്നിവയും അറബിക് ,ഹിന്ദി പ്രോഗ്രാമുകളും ഷീൻ ലാംഗേജ് ക്ലബ് ഡിപ്പാർട്ടമെൻ്റിൻ്റെ പദ്ധതികൾ ആണ്.
*7)ShEEN Entrance*
300 വിദ്യാർത്ഥികൾക്ക് സൗജന്യമായി റസിഡൻഷ്യൽ മെഡിക്കൽ/എൻജിനീയറിംഗ് എൻ്റെൻസ് കോച്ചിംഗ് നൽകുന്ന *എൻട്രൻസ് കെയർ* പദ്ധതി ഈ വർഷം നടക്കും.കഴിഞ്ഞ വർഷം 40 വിദ്യാർത്ഥികൾക്ക് ഈ സ്കീമിൽ പ്രവേശനം നേടി ഇപ്പോൾ പഠനം നടത്തികൊണ്ടിരിക്കുന്നു.ഈ വർഷം 7,SSLC,+2 പഠിക്കുന്ന വിദ്യാർത്ഥികൾക്കാണ് അവസരം.ShEEN All India Aptitude cm Admission Test(SAATT)വഴിയാണ് അർഹരായവരെ തെരെഞ്ഞെടുക്കുന്നത്.
*8)ShEEN Info*
വിവിധ തൊഴിൽ വിദ്യാഭ്യാസ അവസരങ്ങളെ കുറിച്ചുള്ള അറിയിപ്പുകൾ യഥാസമയം ജനങ്ങളിലേക്ക് എത്തിക്കുന്നതിന് *ഷീൻ ഇൻഫോ* ബുള്ളറ്റിൻ പുറത്തിറക്കിയാണ് 2013 ൽ ഷീൻ അതിന്റെ ജൈത്രയാത്ര തുടങ്ങിയത്.ഇതുവരെ ആയിരത്തോളം ബുള്ളറ്റിനുകൾ പ്രസിദ്ധീകരിച്ചു.അഞ്ഞൂറോളം വാട്സ് അപ്പ് ഗ്രൂപ്പുകളിലും fb insta പ്ലാറ്റ്ഫോമുകളിലും കൂടി ഒരു ലക്ഷം പേരിലേക്ക് ദിനേന വിവരങ്ങൾ എത്തിച്ചു കൊണ്ടിരിക്കുന്നു.
