Ab.Malak

22/12/2025

22/12/2025

15/05/2025

أسباب احتراق سلك الضاغط ⚠️
،
عن موضوع مهم يواجهه الكثير من الفنيين، خصوصاً بالوحدات القديمة أو ببعض الموديلات الحديثة
❄️احتراق سلك الضاغط.

في البداية، لازم نعرف إن كثير من الموديلات القديمة ما كانت تحتوي على أنظمة حماية كافية للضاغط،
ولهذا السبب، بمجرد تعطل المتسعة (الكباستر)، او يكون نقص بالغاز ،
يسحب الضاغط تيار عالي جداً يوصل إلى 25–30 أمبير!
وإذا ماكو حماية، والكارت ما يوقف الضاغط ، راح يستمر السحب العالي، وهذا يسبب سخونة واحتراق في سلك الضاغط نفسه.

شنو الأسباب المحتملة لهالاحتراق؟
1. وجود تهريب (ليك) في الدائرة، ويشتغل الضاغط بدون غاز لفترات طويلة، وهذا يسبب حمل زايد وتلف في الكنديسر أو الضاغط.
2. تلف مسبق بالكنديسر (المكثف)، فيخلي الضاغط يشتغل تحت ضغط عالي لفترة طويلة.
3. عدم وجود حساس تيار أو نظام حماية بالكارت الإلكتروني، فيظل يعيد تشغيل الضاغط حتى لو كان في خلل، وهذا يسبب ضغط على الأسلاك واحتراقها.
4. سوء التوصيل أو ضعف في أطراف السلك (مثلاً: ربط غير محكم أو تأكسد)، يرفع درجة الحرارة ويحرق السلك.
5. مروحة الكنديسر ضعيفة أو متوقفة، مما يرفع الضغط داخل المنظومة ويرفع الجهد ع الضاغط أكثر من اللازم.
6. استخدام كيبل تغذية ضعيف أو غير مناسب للحمل، وهذا يؤدي إلى هبوط جهد وارتفاع حرارة.
6. انخفاض عالي في الفولتية مما يسبب في رفع الأمبير.

🔌 بعض الأجهزة الحديثة تحتوي على حساس تيار، يوقف الضاغط إذا سحب أكثر أو أقل من المعدل الطبيعي، ويعطيك إنذار بوجود خلل(كود) ، وهذي ميزة مهمة جداً.

أما الأجهزة القديمة أو بعض الاجهزة الحديثة، للأسف تفتقر لهالمزايا، ولهذا نشوف احتراقات متكررة.

🛠️ طبعاً الأسباب هواي، بس ذكرت أهمها حتى ما يطول المنشور عليكم.
إذا عدكم حالات أو تجارب مشابهة، شاركونا بيها بالتعليقات حتى نستفاد كلنا.

وبس 😊
نسألكم الدعاء
Ab.Malak

29/04/2025

السلام عليكم
اهواي رسائل توصلني الناس اتريد تعرف الجهاز الافضل والاحسن كفائه
اكو نقاط لازم نعتمد عليها راح اشرحلكم بالتفصل بس راح اطول عليكم

1. البرودة والكفاءة العالية:
• أفضل المكيفات هي التي تحتوي على ضاغط (كومبريسر) من نوع Inverter، لأنه يعمل بكفاءة أعلى ويوفر في استهلاك الطاقة، ويبرد الغرفة بسرعة ويحافظ على درجة الحرارة المطلوبة. والانفيتر اختياري مو شرط

2. الشركات الرصينة والموثوقة:

ابتعد عن الأسماء الغريبة أو غير المعروفة، واختر من هذه الشركات المعروفة عالميًا بجودتها العالية

لأفضلية تعود للمنصب (المكان) وطريقة التبريد، لأن التبريد هو العامل الأساسي اللي يأثر بشكل مباشر على عمر الجهاز، خاصة في الأجهزة الإلكترونية مثل الحواسيب أو السيرفرات أو حتى الهواتف.

إذا نجي للتفاصيل البسيطة، فهذي أبرز النقاط:
1. التهوية الجيدة: إذا كان المنصب يسمح بتدفق هواء ممتاز، راح يساعد المراوح والمشتتات تشتغل بكفاءة، وهذا يقلل من الحرارة.
2. نوع التبريد: التبريد الهوائي مقابل التبريد المائي — التبريد المائي أقوى، لكنه يحتاج صيانة أكثر. أما الهوائي فهو كافي إذا كان المنصب بارد ومفتوح.
3. موقع الجهاز: إذا كان محصور بمكان ضيق أو قريب من جدران أو مصادر حرارة، راح تتجمع الحرارة وما تطلع بسهولة.
4. نظافة المنصب: الغبار يلعب دور كبير بتقليل كفاءة التبريد، فالتنظيف الدوري مهم.
5. استخدام مبردات خارجية (مثل قواعد التبريد للابتوبات): هذا يساعد إذا المنصب نفسه مو مثالي.

فببساطة، حتى لو عندك تبريد ممتاز، إذا المنصب سيء، راح تتأثر فعالية التبريد، وبالتالي عمر الجهاز راح يقصر.

والاجهزه والشركات تتغير دائماً كل سنه من حيث الموديلات والكوالتي مراح انصحك باجهاز معين بس الافضل تختار الاسم المعروف
والاهم عمليه هيه التنصيب لان هاي النقطه هيه الاساس
لان تفاصيل ذكرنها سابقاً هيه الي تحدد عمر الجهاز مهما كان نوعه وشركته

21/04/2025

تنظيف سبالت عمودي
بكل دقه واحترافيه

21/04/2025

اذا كنت محتار اي ماركة جهاز تبريد تشتري
لازم نعرف على اى اساس نختار التكييف المناسب
ايه المواصفات المهمة الموجودة بالجهاز اللازم نعرفه وهذة المواصفات هي التالي
1️⃣ تصنيف الجهاز :هاي تعني ان كل جهاز مخصص لعمل بمناطق خاصه يعني يعمل بمكان بمكان على حسب درجة الحرارة المخصصه لكل منطقة ويتم تصنيف الاجهزة لعمل في مناطق معينه ومخصصه لكل جهاز حسب الاتي
T2=يعمل في مناطق تتراوح حرارتها بين (-7 35)
T1= مخصص لعمل في مناطق تتراوح حرارتها (-7 43)
T3مخصص لعمل بالمناطق الحارة تتراوح حرارتها بين ( -7 52(

2️⃣ معنى EER
هاي مختصر الى (Energy Efficiency Ratio) ترجمتها نسبة كفاءة الطاقة
وهي النسبة بين السعة التبريدية(انتبة السعة التبريدية مو التدفئة) لجهاز التبريد الى القدرة الكهربائية التي يحتاجها جهاز التبريد
ناخذ مثال للتوضيح مواصفات الجهاز بالصوره
سعة التبريد (cooling capacity) = 34000btu\h
قدرة التبريد الداخلة (cooling power input)=3470w
EER = cooling capacity\cooling power input
EER=(34000btu\h)\3470
EER= 9.798
طبعا EER لازم تكون قيمتها 12 او قريب من 12 ليش....؟
لان كل ما اقتربت EER من هذا الرقم معناها راح تقل الطاقة الكهربائية ليحتاجها الجهاز معناها الجهاز راح يسحب اقل تيار عند ثبوت الفولتية ولو تجي تحسب وياي هنا الجهاز ونفس الحال يتحمل الاستمرار بالعمل عند هبوط الفولتيه

ملاحظة مهمه هاي ال EER لازم تختارها على اساس تصنيف T3 لان القدرة الكهربائية اليحتاجها الجهاز تتغير بتغير درجة الحرارة كل ما زادت الحرارة زادت حاجة الجهاز لقدرة الكهربائية لعمل كما ملاحظ في الصور

3️⃣ الحروف
A++
A+
A
B
C
D
الحروف تعني ان الجهاز اقل استهلاك لكهرباء كل ما اقترب تصنيف الجهاز من A++ يكون الجهاز افضل واقل استهلاك لكهرباء واكثر استقرارية

4️⃣ نوع الضاغط هل هو انفيرتر او ضاغط سرعة ثابته يتحمل ضغط ونوع الغاز هل هو R410 او R22
طبعا ضاغط الانفيرتر اكثر اقتصادية بصرف الكهرباء واكثر كفاءة من الضاغط العادي كذالك غاز R410 هو غاز المستخدم في ضواغط الانفيرتر وبعض الضواغط العادية بعد ماتم حظر استعمال غاز R22

(طبعا هاي اهم مواصفات التبريد التحتاجها اللازم تتوفر بالجهاز)

الشي الاخر اللازم تعرفة هو حجم الغرفة وما تحتاج السعة التبريدية لجهاز ليتناسب مع مساحة هكذا غرفة ويتم حسابه وفق المعادلة
وهي ((مساحة الغرفة ×300)\12000) طبعا هاي المعادلة تقريبيه بغض النظر عن عدد الاشخاص بالغرفة ونوع العزل بالغرفة والشبابيك
مثال
لو فرضنا عندك غرفة مساحتها (5×3×4)
اذا نطبق المعادلة لايجاد السعة التبريدية لجهاز ليناسب مساحة مع غرفة
(4×5×3×300\12000 =1.5
يعني الغرفة تحتاج جهاز سعته 1.5طن يعني 18000btu




🌹🌹🌹🌹🌹