Zanear Jabbar :: زانیار جبار

11/08/2026

له‌ ئیڤێنتی
 CEO Talk 2026
 ڕەنگدانەوەیەکی دیاری کارلێککردنی نێوان سەرکردەكانی كار، کۆمپانیا ناوازه‌كان، و دیالۆگێكی كراوه‌ی ئامانجدار بوو
 
بەوپەڕی ڕێزەوە سوپاسی سەرجەم بەڕێوەبەرانی جێبەجێکار و هاوبەشە ستراتیژییەکانمان دەکەین بۆ متمانەبەخشین و بەشداریی کاریگەریان لە سەرخستنی ئەم پڕۆژەیەدا
 
سپاس بۆ هاوبەشیکردنتان لە بەدیهێنانی ئەم دیدگایەدا. به‌ پشتیوانی خوای گه‌وره‌ ڕێڕەوی گەشەسەندنمان بەردەوامە

10/08/2026

08/08/2026

ڕابەرایەتیی ڕاستەقینەی بازاڕ تەنها فرۆشتنی بەرهەمەکان نییە؛ بەڵکو بەرزکردنەوەی بەردەوامی توانا مرۆییەكانه‌ كه‌ لە پشت براندەکەوەن

ئەمرۆ کۆتا ڕۆژی گەشتی ڕاهێنانی (10) هەفتەییمان لەگەڵ باجگر / جێلی ئۆتۆ بەڕێوەچوو، کە یەکێکە لە کۆمپانیا پێشه‌نگه‌كانی بواری ئۆتۆمبێله‌ لە عێراق.

دە هەفتە لە فێربوون، ئاڵوگۆڕی ئەزموون و گەشەکردن. پیرۆزبایی لە سەرجەم بەشداربووان دەکەین بۆ پێشکەشکردنی باشترینی خۆیان لە هەموو دیداره‌كان.

ئه‌م پرۆگرامی ڕاهێنانه‌ تەواو بوو، بەڵام کاریگەرییە ڕاستەقینەکەی لە ئێستاوە دەست پێدەکات.

ئێمه‌ لە كۆمپانیای ستراتیجیک ئالایز (Strategic Allies)، سپاردنی گەشەپێدانی کۆمپانیا پێشەنگەکان بە ئێمە تەنها وه‌كو پڕۆژەیەک نابینین، بەڵکو بەشێکە لە ئەرکمان بۆ بنیاتنانی دامه‌زراوه‌یه‌كی بەهێزتر و هێزێکی کاری تۆکمەتر.

شانازی دەکەین کە هاوبەشی ئێوەین لە گەشەکردن و پێشخستندا.

05/08/2026

زۆر خۆشحاڵ بووین بە پێشوازیکردن لە بەڕێز بێرنهارد دۆڵنیک بەڕێوەبەری جێبەجێکاری کۆمپانیای مێرسیدس بێنز وەکو میوانی تایبەتمان لە ئیڤێنتی CEO Talk 2026 – Erbil.

سوپاس بەڕێز بێرنهارد بۆ بەشکردنی تێڕوانینە بەنرخەکانت، گەشتی سەرکردایەتیت، و ئەزموونە پراکتیکییەکانت لەگەڵ بەشداربووانمان. بەشداریکردنت ئیلهامبەخش بوو بۆ گفتوگۆكه‌مان، و جەختی لەسەر گرنگی سەرکردایەتی خاوەن دیدگا کردەوە لە دروستکردنی ڕێکخراو و کۆمپانیا سەرکەوتووەکاندا.

پانێڵی The CEO Talk پلاتفۆرمێکە کە گه‌نجانی خاوه‌ن ئامانج، كارسازان و پێشه‌نگه‌كانی كار، و بەڕێوەبەرە جێبەجێکارەکان دەبەستێتەوە بەو سەرکردانەی کە داهاتووی بزنس دادەڕێژن، لە ڕێگەی چیرۆکی ڕاستەقینە، وانەی پراکتیکی، و تێڕوانینی ستراتیژییەوە.

لە سەرکردەکانی بزنسەوە فێر ببە.

03/08/2026

زۆر خۆشحاڵ بووین بە پێشوازیکردن لە بەڕێز عەبدولعەزیز شێروانی بەڕێوەبەری جێبەجێکاری کۆمپانیای زۆم وەکو میوانی تایبەتمان لە ئیڤێنتی CEO Talk 2026 – Erbil.

سوپاس كاك عەبدولعەزیز بۆ بەشکردنی تێڕوانینە بەنرخەکانت، گەشتی سەرکردایەتیت، و ئەزموونە پراکتیکییەکانت لەگەڵ بەشداربووانمان. بەشداریکردنت ئیلهامبەخش بوو بۆ گفتوگۆكه‌مان، و جەختی لەسەر گرنگی سەرکردایەتی خاوەن دیدگا کردەوە لە دروستکردنی ڕێکخراو و کۆمپانیا سەرکەوتووەکاندا.

پانێڵی The CEO Talk پلاتفۆرمێکە کە گه‌نجانی خاوه‌ن ئامانج، كارسازان و پێشه‌نگه‌كانی كار، و بەڕێوەبەرە جێبەجێکارەکان دەبەستێتەوە بەو سەرکردانەی کە داهاتووی بزنس دادەڕێژن، لە ڕێگەی چیرۆکی ڕاستەقینە، وانەی پراکتیکی، و تێڕوانینی ستراتیژییەوە.

لە سەرکردەکانی بزنسەوە فێر ببە.

01/08/2026

لە دوو هەفتەی ڕابردوودا باسم لە ڕابەرایەتیکردن وە هه‌روه‌ها پرۆسەکان و پرۆژەکاندا کرد

بەڵام ئەم هەفتەیە، ڕووداوێکی نەخوازراو ڕووی دا کە هەموومانی خه‌مبار كرد

وەک زۆربەتان لە شارە خۆشەویستەکه‌مان، هەولێر، ئاگادارن؛ دوو رۆژ له‌مه‌وبه‌ر ئاگرکەوتنەوەیەکی گەورە لە یەکێک لە کۆمپانیاكان ڕووی دا، زیانە مادییەکان زۆر زۆر بوون و بەچه‌ندان ملیون دۆلار ‌خه‌ملێنران!

هەموو شارەکە خەمبار بوو، دەزگاكانی ڕاگەیاندن رووماڵی ئەم ڕووداوەیان کرد و خەڵکێکی زۆر لە نزیکەوە هاوسۆزییان دەربڕی

کاتێک زیانێکی مه‌زنی مادی لەو شێوەیە ڕوو دەدات، پێشبینی بێئومێدی دەکرێت

بەڵام خاڵی وەرچەرخان و وانە گەورەکەی ڕابەرایەتی لەوەدا بوو لەگەڵ ڕوودانی ئاگره‌كه‌ ، کاردانەوەی خاوه‌ن و به‌ڕێوه‌به‌رانی باڵای كۆمپانیا بریتی بوو له‌:

“سوپاس بۆ خوا، هەموو کارمەندەکانمان سەلامەتن. هیچ خەمێکی ترمان نییە؛ باڵەخانە و کەلوپەل دروست دەکرێنەوە، بەڵام ژیانی مرۆڤەکان جێگەی ناگیرێتەوە.”

وانە سەرەکییەکانی ئەم ڕووداوە بۆ ئێمه‌:
• مرۆڤەکان بەنرخترین سەرمایەن: پرۆسە و پرۆژەکان بۆ پاراستنی سەرمایەن، بەڵام سەرکردە ڕاستەقینەکان مرۆڤەکان دەپارێزن. لە کاتی قەیرانی ڕاستەقینەدا، بەهاکان دەردەکەون.

• خۆڕاگری لە سەرەوە دەست پێدەکات: کاتێک سەرکردەکان لە شوێنی ترس و پەشۆکان، سوپاسگوزارن و تەندروستیی کارمەندەکانیان دەکەنە لەپێشینە، تەواوی تیمەکە دەست بە شانی یەکترەوە دەنێن بۆ دووبارە هەستانەوە.

• هێزی هاوسۆزیی کۆمەڵگە: ئەو پشتگیرییەی لە خەڵکی هەولێرەوە بینیمان، بیرمان دێنێتەوە کە هیچ بزنسێک بە تەنیا نییە، بەڵکو بزنس لەسەر پەیوەندی و متمانەی کۆمەڵگە بنیات دەنرێت، یه‌كێك له‌ مه‌زنترین سه‌رمایه‌كان متمانه‌ و هاوسۆزی كۆمه‌ڵگه‌یه‌!

كه‌وا ماوه‌یه‌كی زۆری پێ ده‌چێت‌ تا بنیات ده‌نرێت! ئێستا هه‌مووان روو له‌ كۆمپانیا ده‌كه‌ن و دڵته‌نگن به‌ رووداوه‌كه‌ و پاڵپشتی خۆیان و هاوخه‌میان ده‌رده‌برن و به‌ دوعای خێر، خۆشه‌ویستی خۆیان پیشانی خاوه‌نانی كۆمپانیا ده‌ده‌ن.

له‌ كۆتیایدا ده‌ڵێم، پرۆسەکان دەکرێت پەکیان بکەوێت و پرۆژەکان دەکرێت لە چەند کاتژمێرێکدا ببنە خۆڵەمێش، بەڵام كه‌سایه‌تی و ناوبانگی باش و ڕابردوێكی پر له‌ هه‌ڵوێستی به‌هێز، ده‌بێته‌ هۆی به‌ده‌ست هێنانی ڕێز و متمانه‌ و خۆشه‌ویستیه‌كی زۆری كۆمه‌ڵگه‌ و كه‌سانی ده‌وروبه‌ر وپه‌یوه‌ندیدار، وه‌ بوونی هه‌موو ئه‌مانه‌ وا ده‌كات كۆمپانیا و سه‌ركرده‌كانی هەمیشە بەهێزتر لە پێشوو دەست پێبکەنەوە!

ڤارا، ئه‌م كۆمپانیایه‌یه‌ كه‌وا وانه‌یه‌كی گرینگی پێشانداین، له‌كاتێكی زۆر سه‌ختدا!..

زانیار

26/07/2026

گەشەی هەر کار و بازرگانییەک، لە مرۆڤەکانەوە دەست پێدەکات

پێش ئەوەی هیچ ستراتیجێک سەربکەوێت، بازاڕەکان فراوان ببن، یان قازانج زیاد بکات—پێویستە کۆمپانیاکان وەبەرهێنان لە پەرەپێدانی ئاگایی، توانست و لێهاتوویی ستافەکەیاندا بکەن.

لە سەنتەری پەرەپێدانی کاری (Business Development Center) کۆمپانیای Strategic Allies، ئێمە شانبەشانی کۆمپانیاکان کاردەکەین لە ڕێگەی بەرنامەی ڕاهێنانی تایبەتمەندەوە، بۆ ئەوەی هاوکارین بین لە گۆڕینی تاکەکان بۆ کارمەندێکی بەهێزتر و دروستکردنی تیمی یەکگرتووتر.

ئەم گەشتە 10 هەفتەییەی ڕاهێنان بۆ ئەوە داڕێژراوە کە لێهاتووییەکان بەرز بکاتەوە، کلتووری کارکردن بەهێزتر بکات، ئاستی بەرهەمداری زیاتر بکات و سەرکەوتنێکی بەردەوام بۆ کۆمپانیاکان بپێکێت.

چونکە بڕوامان وایە: کاتێک مرۆڤەکان گەشە دەکەن، کارەکانیش ڕاستەوخۆ گەشە دەکەن.

25/07/2026

له‌ توێژینه‌وه‌یه‌كی نوێی هارڤارد بزنس ریڤیو (HBR) ده‌ركه‌وتووه‌ ئه‌و سه‌ركردانه‌ی دان به‌ هه‌ڵه‌كانیان ده‌نێن، وه‌ تێبینی ئه‌وانی تر قبوڵ ده‌كه‌ن، دەستکەوتەکان بۆ تیمەکانیان دەگەڕێننەوە! به‌شدار ده‌بن له‌ بەرزکردنەوەی ئاره‌زووی پیاده‌كردنی سه‌ركردایه‌تی كردن له‌ لایه‌ن كارمه‌نده‌كانیانه‌وه‌.

سه‌ركرده‌ی خاكی و كاریگه‌ر هه‌رگیز زانین یان چاكی له‌خۆیدا قه‌تیس ناكات، به‌ڵكو دان به‌ به‌شداری ئه‌وانی تر ده‌نێت و پانتایی به‌شداریكردن و فێربوونیان بۆ ده‌ره‌خسێنێت!

له‌كاتێكدا كارمه‌ند هه‌ست ده‌كات كۆششه‌كانی جێگای پێزانینه‌، وه‌ به‌شداریه‌كانی دانی پێدا ده‌نرێت، متمانه‌ی به‌ تواناكانی خۆی زۆر زیاتر ده‌بێت، وه‌ ئه‌مه‌ش ده‌بێته‌ هۆی ئه‌وه‌ی له‌ ڕوانینی خۆیدا ئه‌وه‌ ببینێت كه‌وا كه‌سێكه‌ ئه‌و شته‌ی تێدایه‌ كه‌ هاوكاری بێت بۆ بینینی ڕۆڵی سه‌ركردایه‌تی.


سه‌ركرده‌ی ڕاسته‌قینه‌ ئه‌وكه‌سه‌یه‌ سه‌ركرده‌ی تر درووست بكات، نه‌ك شوێنكه‌وتوو وه‌هه‌روه‌ها كاریگه‌ربوون و گوێڕایه‌ڵی ئه‌وانی ده‌وروبه‌ری نه‌گۆڕێت به‌ بوون و نه‌مانی ده‌سه‌ڵاتی یان بەرژەوەندی!


هه‌ر به‌گوێره‌ی ئه‌م توێژینه‌وه‌یه‌، سه‌ركرده‌ی خاكی و كاریگه‌ر هه‌رگیز له‌ ڕێگای ئاراسته‌كردنی ڕاسته‌وخۆوه‌‌ سه‌ركرده‌ درووست ناكات، به‌ڵكو له‌ ڕێگای درووستكردنی ژینگه‌یه‌كه‌وه‌ ده‌بێت، كه‌وا ئه‌وان هه‌ست بكه‌ن ده‌توانن ئه‌وه‌ی له‌ توانایاندا هه‌یه‌ پێشكه‌شی بكه‌ن، وه‌ به‌شداریه‌كانیان به‌ شایسته‌یی ده‌بینرێن و پێی ده‌زانرێن.

ئایه‌ ئێمه‌ سه‌ركرده‌ درووست ده‌كه‌ین یان شوێنكه‌وتوو؟.
زانیار
(سه‌ركه‌وتنی تۆ بۆ ئێمه‌ گرینگه‌)

20/07/2026

Founders, Executives, & Managers in Iraqi Kurdistan: I need 5-10 minutes of your expertise.

For my PhD research, I’m gathering quick insights on how Entrepreneurship, Strategic Management, and Marketing Leadership drive innovative, sustainable business growth in our region.

Your real-world leadership experience will directly shape this study and help advance local Corporate Social Responsibility (CSR).

🔒 100% Confidential & Anonymous

📋 Take the quick survey here:
https://lnkd.in/dZt36uTE