ئێمە وەک سەنتەری کاف بۆ راوێژکردن و رێنمایی و ئاسانکاری بازرگانی کاردەکەین لە ناو هەرێمی کوردستاندا و هەروەها لە دەرەوەی هەرێم. هاوکاری حکومەتی هەرێم و کۆمپانیا و بازرگانە خۆماڵی و بیانیەکان دەکەین بۆ ئاسانکردنی کارەکانیان و بەڕێوەچونیان، هەروەها رێنماییان دەکەین بۆ بەرەوپێشبردنی کار و چالاکیەکانیان.
کار و چالاکیەکانی سەنتەری کاف بریتیە لە:
• رەخساندنی هەلی خوێندن بۆ خوێندکاران لە زانکۆکانی ئەڵمان
یا، رۆمانیا و بولگاریا و ئەم هەلە بۆ دەرچوانی ئامادەیی علمی و ئەدەبی، پەیمانگاکان، زانکۆکان، پەیمانگا هونەری و پیشەییەکانی کوردستان.
• رێنماییکردن و ئاسانکاریکردن و مارکێتین و پلاندانان بۆ دامودەزگا حکومیەکان و هەروەها کەرتی تایبەت بۆ دانانی سیستەمی تازەی بەڕێوەبردن و کارگێڕی و دیزاینی ناو ئۆفیس و مارکێتین و چۆنێتی کەڵک وەرگرتنی زیاتر لە توانای کارمەندەکانیان و خستنەگەڕی بەهرەکانیان بۆ بەرهەمی زیاتر .
• هاوکاریکردنی بازرگانەکان و کەرتی تایبەت بەگشتی بۆ گەڕان و دابینکردنی بەرهەمی باش و بەسوودی ستانداردی جیهانی لە هەر وڵاتێکی جیهاندا بێت.
• بۆ بازرگان و کۆمپانیا بیانیەکان؛ ئاسانکاری رێنیشاندانیان هەر لە دەستەبەرکردنی داتای پێویستەوە بۆیان تا دەستبەکاربوونیان کە بریتیە لە رێنمایی گونجاو بۆ دامەزراندن و چۆنیەتی دامەزراندنی کۆمپانیا لە هەرێمدا و جۆنێتی مارکێتین و هەروەها فرۆشتنی کاڵا و خزمەتەکانیان.
