18/01/2023
កាលពីថ្ងៃទី១៤ ខែ មករា ឆ្នាំ២០២៣ គណៈប្រតិភូដឹកនាំដោយ ឯកឧត្តម ទុយ រី ឯកអគ្គរាជទូតកម្ពុជាប្រចាំប្រទេសជប៉ុន នឹង ឯកឧត្តម យឹម លាត តំណាងរាស្ត្រខេត្តកំពង់ធំ នឹង ជំទាវ សេរី បូរាពេជ្រ តំណាងក្រសួងពាណិជ្ជកម្ម នឹង លោក ណាំ លីណាល់ នឹង ក្រុមការងារ បានធ្វើទស្សនកិច្ចនៅ ខេត្ត Shizuoka ស្រុក Fukuroui នៅក្រុមហ៊ុន SDM Co.,Ltd នឹងបាន ជួបសំណេះសំណាលជាមួយ បងប្អូនខ្មែរសិក្ខាកាមប្រមាណ 40 នាក់ ដែលកំពុងបំពេញការងារនៅក្រុមហ៊ុន SDM Co.,Ltd ។
- ឯកឧត្តម ទុយ រី បានណែនាំដល់សិក្ខាកាម ដែលកំពុងបំពេញការងារនៅក្រុមហ៊ុន SDM Co.,Ltd អោយខិតខំប្រឹងប្រែងធ្វើការនឹងអភិវឌ្ឍន៍សមត្ថភាព ព្រមទាំងគោរពច្បាប់របស់ប្រទេសជប៉ុន។
- ឯកឧត្តម យឹម លាត បានជួបជជែកជាមួយនឹង អភិបាលខេត្ត Shizuoka ដោយស្នើអោយខាងភាគីជប៉ុន ផ្តល់សិទ្ធដល់បងប្អូនខ្មែរអោយមានឱកាសមកបំពេញការងារអោយកាន់តែច្រើននៅក្នុងខេត្ត Shizuoka។ ឯកឧត្តមបានផ្តល់នូវដំបូន្មានល្អៗ សម្រាប់បងប្អូន ខែ្មរ ត្រូវចេះសាមគ្គីគ្នា ដើម្បីអភិវឌ្ឍន៍ ក្រុមហ៊ុន នឹង ប្រទេសជាតិរបស់យើងទៅថ្ងៃមុខ។
- លោក ជំទាវ សេរី បូរាពេជ្រ បានផ្តល់នូវដំបូន្មានល្អសំរាប់យុវជនខ្មែរ ត្រូវចេះស្រលាញ់គ្នា ក្នុងនាមយើងជាខ្មែរដូចគ្នា ចេះអត់អោនអធ្យាស្រ័យអោយគ្នា ទើបជាតិសាសន៍ដទៃ គេស្ងើចសរសើរ។
សូមថ្លែងអំណរគុណលោកអគ្គនាយក សរ ថារី ដែលជ្រោមជ្រែង ដំណើរទស្សនកិច្ចផ្លូវការររបស់ គណៈប្រតិភូមកកាន់ក្រុមហ៊ុន SDM Co.,Ltd នឹងបានបង្ហាញពី ក្រុមតន្ត្រី SDM Brand ។
សូមអរគុណចំពោះ រាជរដ្ឋាភិបាល កម្ពុជា នឹង រាជរដ្ឋាភិបាល ជប៉ុន ដែលអនុញ្ញាតចំពោះ ដំណើរទស្សនកិច្ចមួយនេះ។
គ្រួសារ SDM សូមថ្លែងអំណរគុណចំពោះ ឯកឧត្តម ទុយ រី , ឯកឧត្តម យឹម លាត ,ជំទាវ សេរី បូរាពេជ្រ , លោក ណាំ លីណាល់ នឹង ក្រុមការងារ ទាំងអស់ អោយជួបតែ ពុទ្ធពរទាំងបួនប្រការគឺ អាយុ វណ្ណះ សុខះ និង ពលះ កុំបីឃ្លៀងឃ្លាតឡើយ។
