REIN Japan

20/02/2025

អ្នកដែលចង់បានសៀវភៅរៀនមួយនេះ អាចឆាតឬខមិនក្នុងផេកនេះបាន។
N4勉強したい方へこの本を買いたいならご連絡ください。

09/09/2024

ឥឡូវនេះ គឺឥឡូវនេះ

25/08/2024

ក្បួនសន្សំលុយ4យ៉ាង ដែលអ្នកទាំងអស់គ្នាគួរដឹង

03/08/2024

03/08/2024

លុយសព្វថ្ងៃនេះ មិនងាយឲ្យយើងសន្សំបានសល់នោះទេ ការរស់នៅចាយវាយ ម្ហូបអាហារវាក៏កាន់តែកើនឡើងជារៀងរាល់ឆ្នាំ។

6 ចំណុចប្រាប់អ្នកទាំងអស់គ្នាអំពីជំហានសម្រាប់ការសម្រេចចិត្តលើហិរញ្ញវត្ថុ៖👇

1. អ្នកមិនត្រូវជំពាក់បំណុលទេ៖ បំណុលទូរស័ព្ទ ម៉ូតូ ដែលអាចសងបានមុនកាលកំណត់ សូមសងវាឲ្យអស់ពីព្រោះបំណុលទាំងនេះមានអត្រាការប្រាក់ខ្ពស់ ណាមួយបំណុលទាំងនេះមិនជួយឲ្យយើងរីកចម្រើនទេ។

2. កាត់បន្ថយការចំណាយ៖ របស់ខ្លះយើងមិនត្រូវការទិញទេ តែចិត្តយើងចង់ទិញ។ ការចេះទប់ស្កាត់អារម្មណ៍មួយនេះ ជួយឲ្យយើងសន្សំលុយបានខ្លះដែរ។

3. ចំណាយពេលវេលាច្រើនលើការបំពេញបំណងផ្ទាល់ខ្លួន៖ ខិតខំធ្វើអ្វីដែលជាប់ទាក់ទងយ៉ាងជិតស្និទ្ធលើគោលបំណង នោះប្រាក់នឹងតាមស្វែងរកយើង។

4. ស្វែងរកប្រាក់ចំណូលទី2៖ បើយើងស្ថិតនៅវ័យក្មេង សូមប្រើចំណេះដឹង កម្លាំងកាយដើម្បីបន្ថែមចំណូល1ទៀតជួយឲ្យមានសាច់ប្រាក់ក្នុងដៃ។

5. ត្រូវមានសាច់ប្រាក់ស្រគួរទុក៖ បើសិនជានៅខ្មែរ អាចស្រគួរទុក 1800$-2000$ ដើម្បីទប់ស្កាត់ហានិភ័យណាបន្ទាន់។

6. ចំណាយលុយទិញទ្រព្យ មិនទិញបំណុល៖ រូបភាពខាងក្រោម សបង្ហាញអំពីរបៀបដែលយើងបានចំណាយចំគោលដៅ។

27/07/2024

ការធ្វើផែនការហិរញ្ញវត្ថុ

អាស្រ័យទៅតាមពេលវេលា ផែនការហិរញ្ញវត្ថុអាចបែងចែកជាបីក្រុម៖

1). ការធ្វើផែនការហិរញ្ញវត្ថុរយៈពេលខ្លី៖

បង្កប់ន័យដោះស្រាយកិច្ចការបច្ចុប្បន្ន និងបង្ហាញលទ្ធផលជាធម្មតាក្នុងរយៈពេលមួយឆ្នាំ។ ឧទាហរណ៍នៃគោលដៅផ្ទាល់ខ្លួននៅទីនេះអាចរួមបញ្ចូលការកាត់បន្ថយ ឬសងបំណុល ការបង្កើតមូលនិធិសង្គ្រោះបន្ទាន់ និងច្រើនទៀត។ នៅពេលនិយាយអំពីគោលដៅរបស់ក្រុមហ៊ុន ពួកគេអាចទាក់ទងនឹងការវាយលុកប្រាក់ចំណូលគោលដៅ ការផ្តល់មូលនិធិ និងច្រើនទៀត។

2). ការធ្វើផែនការហិរញ្ញវត្ថុរយៈពេលមធ្យម៖

គឺជាដំណាក់កាលផ្លាស់ប្តូររវាងគោលដៅរយៈពេលខ្លី និងរយៈពេលវែង។ ជាធម្មតាវាផ្តោតលើរយៈពេលរហូតដល់ ៥ ឆ្នាំ។ ផែនការនេះបង្កប់ន័យថាបញ្ហាភ្លាមៗ (ដូចជាបំណុលកាតឥណទាន) ត្រូវបានដោះស្រាយ ដូច្នេះអ្នកអាចផ្តោតលើគោលដៅប្រើប្រាស់ពេលវេលាបន្ថែមទៀត ដូចជាការសន្សំសម្រាប់អចលនទ្រព្យ ការចាប់ផ្តើមអាជីវកម្មជាដើម។ ក្រុមហ៊ុនអាចពិចារណាបង្កើតខ្សែផលិតផលថ្មី ចូលទីផ្សារថ្មី ។

3). ផែនការហិរញ្ញវត្ថុរយៈពេលវែង៖

ជាធម្មតាត្រូវបានរចនាឡើងសម្រាប់រយៈពេលលើសពី 5 ឆ្នាំ ហើយត្រូវការធនធានហិរញ្ញវត្ថុដ៏ធំ។ គោលដៅរយៈពេលវែងទូទៅមួយចំនួនអាចរួមបញ្ចូលការសន្សំប្រាក់សម្រាប់ការចូលនិវត្តន៍ និងការអប់រំកុមារ ការសងបំណុល ។ល។ នៅលើមុខជំនួញ គោលដៅហិរញ្ញវត្ថុរយៈពេលវែងអាចជាស្វ័យប្រវត្តិកម្ម ការធ្វើឱ្យលំហូរសាច់ប្រាក់កាន់តែប្រសើរឡើង ការកាត់បន្ថយការចំណាយ។

26/07/2024

អ្នកជំនាញហិរញ្ញវត្ថុបង្ហើបគន្លឹះ4ដើម្បីជួយឲ្យគ្រប់គ្រងការចាយវាយឲ្យត្រូវខ្ទង់៖

1)បង្កើតឧបសគ្គក្នុងការចំណាយ ៖

សម័យកាលបច្ចេកវិទ្យាពិតជាមានភាពងាយស្រួល ស្ទើរតែរាល់ការចំណាយអាចធ្វើប្រតិបត្តិការតាមទូរសព្ទដៃ។ ភាពងាយស្រួលបែបនេះ អាចធ្វើឱ្យអ្នកដែលខ្វះវិន័យហិរញ្ញវត្ថុចំណាយតាមចិត្តចង់បាន។ ដូច្នេះ អ្នកគួរសាកល្បងបង្កើតឧបសគ្គនៃការចំណាយតាមរយៈការភ្ជាប់ app ទៅគណនីដែលមានតែចំនួនសាច់ប្រាក់ដែលអ្នកត្រូវការចំណាយចាំបាច់ជាប្រចាំ ឬចាយជាសាច់ប្រាក់សុទ្ធ។ ឧទាហរណ៍ លោក Warren Buffet មានទម្លាប់ដាក់សាច់ប្រាក់តែ ៤០០ដុល្លាក្នុងការបូបលុយរបស់គាត់សំរាប់ការចំណាយចាំបាច់នានា។

២) ពន្យាពេលទិញ ៖

នៅពេលចិត្តចង់បានអ្វីមួយដែលមិនចាំបាច់ ឬមិនមានក្នុងខ្ទង់ចំណាយ អ្នកគប្បីសាកល្បងសួរខ្លួនឯងថា តើខ្ញុំពិតជាត្រូវការរបស់នេះចាំបាច់ឬទេ? សួររួចប្រាប់ខ្លួនឯងថាចាំមកលើកក្រោយចាំទិញក៏មិនហួសពេលដែរ។ ម្យ៉ាងត្រូវដាក់ក្នុងខ្ទង់ថវិកាសិនមុននឹងទិញ។ ធ្វើដូច្នេះ ចិត្តរបស់អ្នកអាចប្រែប្រួល ហើយត្រឡប់ជាលែងចង់បានវិញក៏មាន។

៣) ប្រាប់ចិត្តថានឹងមានស៊េរីថ្មី និងល្អជាងនេះនៅឆ្នាំក្រោយ ៖

ឧទាហរណ៍ ប្រសិនបើអ្នកចង់ទិញរថយន្តថ្មីនៅពេលនេះ អ្នកប្រហែលជាគួរសាកល្បងគិតថាបើប្តូររថយន្តថ្មីដែលប្រើប្រេងឥន្ទនៈនៅពេលនេះតើសមហេតុផលឬទេបើពិភពលោកកំពុងវិវត្តទៅប្រើរថយន្តអេឡិកទ្រិក (រថយន្តអាគុយ) ដូចជា ម៉ាកតេស្លា ភីវ៉ាយឌី។ល។ ការចោទសួរបែបនេះអាចបង្កាក់ចិត្តដែលចង់បានដោយមិនសមហេតុផល។

៤) រំលឹកដល់គោលដៅហិរញ្ញវត្ថុដែលអ្នកបានកំណត់រួចហើយ ៖

អ្នកគួរមានគោលដៅផ្នែកហិរញ្ញវត្ថុធំៗជាក់លាក់ដែលធ្វើអោយអ្នករំភើបរីករាយ និងសំដៅតំរង់ការគ្រប់គ្រង់ហិរញ្ញវត្ថុប្រកបដោយប្រសិទ្ធភាពដើម្បីអោយសំរេចគោលដៅទាំងនោះ។ គោលដៅទាំងនោះ ដូចជាអ្នកមានបំណងបញ្ជូនកូនៗទាំងពីរទៅរៀននៅបរទេសក្នុងរយៈពេល១០ឆ្នាំខាងមុខ ហើយអ្នកត្រូវការប្រាក់៣០ម៉ឺនដុល្លាដើម្បីផ្គត់ផ្គង់ការស្នាក់នៅ និងការសិក្សារបស់ពួកគេ។ អ្នកត្រូវការប្រាក់១លានដុល្លាដើម្បីចូលនិវត្តន៍ក្នុងរយៈពេល៥ឆ្នាំទៀត។ល។ ការនឹកគិតដល់គោលដៅធំៗដ៏គួរអោយរំភើបបែបនេះ ចិត្តរបស់អ្នកអាចប្តូរវិញភ្លាមក៏មាន។ សរុបមក អ្នកគួរព្យាយាមកាត់បន្ថយចំណាយតាមចិត្តដែលក្រឡេមក្រឡឺមចង់បានមិនចេះចប់ដូចសត្វស្វា។ ការព្យាយាមបង្អាក់មិនចេះតែបណ្តោយតាមចិត្តយូរៗទៅ នោះអ្នកនឹងមិនលំបាកគ្រប់គ្រងចិត្តទៀតទេ។ ប្រៀបដូចកូនក្មេងដែលទារចង់បាននេះចង់បាននោះ ហើយបើអ្នកបដិសេធញយៗ នោះក្មេងក៏ឈប់ទារផ្តេសផ្តាសដែរ។ ប៉ុន្តែបើអ្នកចេះតែបណ្តោយឱ្យតាមចិត្តក្មេង នោះក្មេងនឹងមានទម្លាប់ទារជាប្រចាំ៕

14/07/2024

#មេរៀនខ្លះៗអំពីលុយ

ទី១ ត្រូវមានលុយបំរុងទុកនៅខ្លួន យ៉ាងហោចណាស់៦ខែនៃការចំណាយសម្រាប់ប្រចាំខែ។

ទី២ ត្រូវដកសន្សំមុនចាយ កុំចាយរួចទើបសន្សំ។

ទី៣ លុយមិនមែនជាអ្វីគ្រប់យ៉ាង តែត្រូវចាំថាយើងគ្រប់គ្នារស់ដោយសារលុយ។

ទី៤ រៀនសន្សំមិនថាលុយកាក់សេន ព្រោះពេលពិបាកមិនអាចខ្ចីអ្នកដទៃបានឡើយ។

ទី៥ កុំខ្ជះខ្ជាយលុយ លើរបស់មិនចាំបាច់ ត្រូវទិញរបស់ដែលអាទិភាពជាមុនសិន។

ទី៦ កុំធ្វើពុតជាអ្នកមាន ព្រោះអាចឲ្យអ្នកក្របាន។

ទី៧ រៀនគ្រប់គ្រងលុយ ចាត់ចែងចំណូលចំណាយ និងកត់ត្រាការចំណាយជាប្រចាំ។

ទី៨ ត្រូវតែសន្សំទុកដើម្បីគោលដៅណាមួយដាច់ខាត បើមិនឆ្លៀតសន្សំ ទោះបីកន្លងផុត ៥ឆ្នាំ ១០ឆ្នាំក៏មិនសល់។


ការប្រើប្រាស់លុយបានត្រឹមត្រូវនឹងទាញអ្នកចេញពីកញ្ជះជីវិត

13/07/2024

គុណសម្បត្តិ និងគុណវិបត្តិនៃការបង់ខុនដូដោយមិនចំណាយទឹកប្រាក់សរុប៖👇

13/07/2024

ការទិញខុនដូដោយមិនបង់ទាំងអស់អាចមានអត្ថប្រយោជន៍ និងហានិភ័យនៅក្នុងស្ថានភាពនិងលក្ខខណ្ឌជាក់ស្តែងរបស់មនុស្សម្នាក់ៗ។ នេះជាការវិភាគអំពីគុណសម្បត្តិ និងគុណវិបត្តិទាក់ទងនឹងការទិញខុនដូដោយមិនបង់ទាំងអស់៖

*គុណសម្បត្តិ

1. គ្រាន់តែបង់ប្រាក់ប្រចាំខែ៖
អ្នកអាចបង់ប្រាក់ប្រចាំខែដោយមិនចាំបាច់ប្រើប្រាស់ទ្រព្យសម្បត្តិសរុបដោយផ្ទាល់។

2. អាចសល់ចំនួនទឹកប្រាក់ទាក់ទាញទៅក្នុងការវិនិយោគផ្សេងៗ៖
អ្នកអាចប្រើប្រាស់ទ្រព្យសម្បត្តិដែលអ្នកនៅមានទុកសម្រាប់ការវិនិយោគផ្សេងៗ ឬគម្រោងផ្ទាល់ខ្លួនផ្សេងទៀតបាន។

*គុណវិបត្តិ

1. ការបង់ការប្រាក់៖
ការទិញដោយមិនបង់ទាំងអស់នឹងត្រូវបង់ការប្រាក់ដែលអាចនឹងធ្វើអោយអ្នកចំណាយប្រាក់ច្រើនជាងតម្លៃដើមរបស់ខុនដូនោះ។

2. ហានិភ័យក្នុងការបាត់បង់ទ្រព្យសម្បត្តិ៖
បើសិនជាមានបញ្ហាផ្នែកហិរញ្ញវត្ថុ និងអ្នកមិនអាចបង់ប្រាក់ប្រចាំខែ អ្នកអាចត្រូវចាត់ទុកការបាត់បង់ខុនដូនោះនៅក្នុងលក្ខខណ្ឌណាមួយជាក់ជាមិនខាន។

3. ការចំណាយបន្ថែម៖
អាចមានការចំណាយបន្ថែមដែលទាក់ទងនឹងការបង់ប្រាក់ដូចជាការចំណាយសេវាកម្ម ឬថ្លៃឈ្នួលសម្រាប់រក្សាសុវត្ថិភាពនៃការរស់នៅ ឬការតុបតែងជួសជុលបន្ថែម។

11/07/2024

ថ្ងៃនេះ សូមធ្វើការណែនាំវេបសាយ 5 ដែលអាចទុកចិត្តបានសម្រាប់អ្នកដែលចង់ជាវខុនដូនៅភ្នំពេញ៖

ឆែកខមិន