02/08/2026
លោកអគ្គនាយក ជាទីគោរពរាប់អានយ៉ាងខ្ពង់ខ្ពស់!
នៅក្នុងឱកាសដ៏មហានក្ខត្តឫក្ស ប្រកបដោយក្តីសោមនស្សរីករាយនៃ ថ្ងៃខួបកំណើត របស់ លោកអគ្គនាយក នាថ្ងៃទី ០២ ខែសីហា ឆ្នាំ២០២៦ នេះ យើងខ្ញុំទាំងអស់គ្នាជាថ្នាក់ដឹកនាំ និងបុគ្គលិកគ្រប់លំដាប់ថ្នាក់នៃ ក្រុមហ៊ុន ប៊ីអេហ្វជី សឺវីស ឯ.ក សូមសម្តែងនូវគារវភក្តី និងអបអរសាទរយ៉ាងកក់ក្តៅបំផុត ព្រមទាំងសូមជូនពរជ័យ សិរីសួស្តី ជ័យមង្គល វិបុលសុខ ជូនចំពោះ លោកអគ្គនាយក ជាមួយនឹងក្តីគោរពស្រឡាញ់យ៉ាងជ្រាលជ្រៅ។
យើងខ្ញុំសូមសម្តែងនូវការកោតសរសើរ និងដឹងគុណយ៉ាងស្មោះស្ម័គ្រចំពោះ ស្មារតីដឹកនាំដ៏ឆ្នើម ប្រពៃ និងមានចក្ខុវិស័យវែងឆ្ងាយ របស់ លោកអគ្គនាយក ដែលបានខិតខំពុះពារ និងដឹកនាំក្រុមហ៊ុន ប៊ីអេហ្វជី សឺវីស ឯ.ក ឱ្យទទួលបាននូវភាពជោគជ័យ និងការរីកចម្រើនយ៉ាងរឹងមាំជារៀងរហូតមក។
នាឱកាសដ៏ប្រពៃថ្លៃថ្លានេះ យើងខ្ញុំសូមបួងសួងដល់គុណព្រះរតនត្រ័យ និងវត្ថុស័ក្តិសិទ្ធិក្នុងលោក សូមតាមជួយបីបាច់ថែរក្សា ប្រសិទ្ធពរជ័យ បវរសួស្តី ជូនចំពោះ លោកអគ្គនាយក និងគ្រួសារ សូមបានប្រកបដោយ ពុទ្ធពរទាំងបួនប្រការគឺ៖ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ ព្រមទាំងសម្រេចបាននូវជោគជ័យថ្មីៗបន្ថែមទៀត ក្នុងគ្រប់ភារកិច្ច និងអាជីវកម្ម!
ថ្ងៃអាទិត្យ ១៩រោច ខែអាសាឍ ឆ្នាំមមី ឆស័ក ព.ស. ២៥៧០
ត្រូវនឹង ថ្ងៃទី០២ ខែសីហា ឆ្នាំ២០២៦
ដោយសេចក្តីគោរព និងរាប់អានយ៉ាងខ្ពង់ខ្ពស់ពី៖
ថ្នាក់ដឹកនាំ និងបុគ្គលិកទាំងអស់នៃ ក្រុមហ៊ុន ប៊ីអេហ្វជី សឺវីស ឯ.ក
