16/10/2026
#កោះកុង លោកឧត្តមសេនីយ៍ត្រី តាំង ឈុនស្រេង មេបញ្ជាការកងរាជអាវុធហត្ថខេត្តកោះកុង បានដឹកនាំនាយទាហាន នៃកងរាជអាវុធហត្ថខេត្ត ចូលរួមក្នុងព្រះរាជពិធីគោរពវិញ្ញាណក្ខន្ធបង្សុកូលថ្វាយ ព្រះករុណា ព្រះបាទសម្ដេច នរោត្តម សីហនុ ព្រះមហាវីរក្សត្រ ព្រះវររាជបិតាឯករាជ្យបូរណភាពទឹកដី និងឯកភាពជាតិខ្មែរ "ព្រះបរមរតនកោដ្ឋ" គម្រប់ខួប ១៤ឆ្នាំ (១៥ តុលា ២០១២-១៥ តុលា ២០២៦) ក្រោមអធិបតីភាព ឯកឧត្តម ថុង ណារុង ប្រធានក្រុមប្រឹក្សាខេត្តកោះកុង និងលោកជំទាវ ឈី វ៉ា អភិបាល នៃគណ:អភិបាលខេត្តកោះកុង ព្រមទាំងមានការអញ្ជើញចូលរួមពីបណ្ដាអង្កភាពកងកម្លាំងប្រដាប់អាវុធ មន្ត្រីរាជការ យ៉ាងច្រើនកុះករ។
ពិធីនេះផងដែរបានប្រារព្ធធ្វើឡើងនៅសាលមហោស្រពខេត្តកោះកុង៕
ថ្ងៃព្រហស្បតិ៍ ៤កើត ខែអស្សុជ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៥ ខែតុលា ឆ្នាំ២០២៦
#កងរាជអាវុធហត្ថខេត្តកោះកុង
#កោះកុង
