BC News

10/06/2026

បទវិភាគ៖ ការសុំទោសជាសាធារណៈរបស់សម្តេចតេជោ បង្ហាញពីភាពក្លាហាន ទំនួលខុសត្រូវ និងសាមគ្គីភាពផ្ទៃក្នុង។ ទន្ទឹមនឹងនេះ គឺមានមេរៀនសំខាន់ៗចំនួន ៧ ចំណុច ដែលគួររៀនសូត្រពីការសុំទោសជាសាធារណៈរបស់សម្តេចតេជោ ហ៊ុន សែន។

សូមអញ្ជើញទស្សនាបទវិភាគរបស់លោក សិរី មុនី ដូចតទៅ!.......................
Youtube: www.youtube.com/​​
Telegram: https://t.me/buddhistnews
Facebook: BC News
Tiktok: www.tiktok.com/
Download BC News Mobile App👇
Android: https://play.google.com/store/apps/details...
iOS: https://apps.apple.com/us/app/bc-news/id6737448232

10/06/2026

ភាគ៤ | បណ្ឌិត ស៊ុំ ឈុំឡុង៖ ការគោរព និងដឹងគុណឪពុកម្តាយ ព្រមទាំងការនឹករលឹកដល់គុណបុណ្យបារមីដូនតា គឺជាគ្រឹះនៃការកសាងគុណធម៌ និងភាពរីកចម្រើន។ ដូច សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន តែងតែផ្តល់តម្លៃខ្ពស់ចំពោះអ្នកមានគុណ ដែលជាផ្នែកមួយនៃមូលដ្ឋាននៃភាពជោគជ័យរបស់លោកទាំងទ្វេ។

ជាមួយគ្នានេះ យុវជនដែលធ្លាប់ប្រព្រឹត្តខុសឆ្គង ឬមានអាកប្បកិរិយាមិនល្អ ក៏អាចកែប្រែខ្លួន និងក្លាយជាធនធានដ៏មានតម្លៃសម្រាប់សង្គមបាន ពេលទទួលបានការហ្វឹកហាត់ ការបណ្តុះបណ្តាល និងការតម្រង់ទិសត្រឹមត្រូវ។ ដូច្នោះ សម្តេចធិបតី ហ៊ុន ម៉ាណែត ផ្តល់ឱកាសឱ្យយុវជនទំនើងចូលរួមក្នុងសកម្មភាពបម្រើសង្គម គឺជារឿងត្រូវ និងក្លាយជាកម្លាំងដ៏សំខាន់សម្រាប់ប្រទេសជាតិនាពេលអនាគត។

សូមទស្សនាកិច្ចសម្ភាសស្តីពី «ជំនឿអរូបី និងឆន្ទៈយុវជនចំពោះវិស័យយោធា» ភាគ៤ ដោយរីករាយ។.......................
Youtube: www.youtube.com/​​
Telegram: https://t.me/buddhistnews
Facebook: BC News
Tiktok: www.tiktok.com/
Download BC News Mobile App👇
Android: https://play.google.com/store/apps/details...
iOS: https://apps.apple.com/us/app/bc-news/id6737448232

10/06/2026

បទវិភាគ៖ ការសុំទោសជាសាធារណៈរបស់សម្តេចតេជោ បង្ហាញពីភាពក្លាហាន ទំនួលខុសត្រូវ និងសាមគ្គីភាពផ្ទៃក្នុង

BC News | សិរី មុនី

ភ្នំពេញ-១០ មិថុនា ២០២៦៖ នៅក្នុងប្រវត្តិសាស្ត្រនយោបាយបានបង្ហាញថា ការសុំទោសជាសាធារណៈពីសំណាក់មេដឹកនាំជាតិ មិនមែនជារឿងដែលចេះតែកើតឡើងនោះទេ។ គេសង្កេតឃើញថា មេដឹកនាំជាច្រើនតែងជ្រើសរើសយក ការការពាគោលនយោបាយរបស់ខ្លួន ឬពន្យល់ដោយទាញយកហេតុផលពីកត្តាខាងក្រៅផ្សេងមកការពារ ដើម្បីដោះបន្ទុកការទទួលស្គាល់កំហុសដោយផ្ទាល់។

ដោយផ្អែកតាមកត្តាប្រវត្តិសាស្ត្រនេះ គេយល់ឃើញថា ការសុំទោសជាសាធារណៈរបស់សម្តេចតេជោ ហ៊ុន សែន បានបង្ហាញពីភាពក្លាហាន ភាពស្មោះត្រង់ និងការទទួលខុសត្រូវខ្ពស់ របស់មេដឹកនាំចំពោះប្រជាពលរដ្ឋ។ នេះជាមេរៀននៃភាពក្លាហានដ៏ល្អមួយ ដែលគួរតែកត់ត្រាទុកជាប្រវត្តិសាស្ត្រ ដើម្បីអាចរៀនសូត្រពីមេដឹកនាំ។

១. ការសុំទោសជាសញ្ញានៃភាពក្លាហានក្នុងការទទួលខុសត្រូវ

មេដឹកនាំដែលហ៊ានទទួលស្គាល់ថា មានចំណុចខ្វះខាត ឬការសម្រេចចិត្តមួយចំនួន មិនទាន់ឆ្លើយតបបានល្អឥតខ្ចោះ អាចបង្ហាញការគិតពីផលប្រយោជន៍សាធារណៈជាធំ លើសពីការរក្សាមុខមាត់ផ្ទាល់ខ្លួន។ នៅក្នុងន័យនេះ ការលើកឡើងរបស់សម្តេចតេជោ ហ៊ុន សែន អំពីការទទួលខុសត្រូវ ចំពោះការត្រៀមសមត្ថភាពការពារជាតិ អាចបានត្រូវបកស្រាយថា ជាការទទួលខុសត្រូវ ចំពោះយុទ្ធសាស្ត្រនយោបាយ ជាជាងការបដិសេធ ឬបន្ទោសអ្នកដទៃ។ ការសុំទោសបែបនេះ អាចបង្កើនទំនុកចិត្តរបស់ប្រជាពលរដ្ឋ ព្រោះបានឆ្លុះបញ្ចាំងថា មេដឹកនាំមានឆន្ទៈរៀនសូត្រពីអតីតកាល ហើយនឹងកែច្នៃបទពិសោធន៍ ដើម្បីបំពេញបន្ថែមភាពខ្វះខាត នៅពេលអនាគត។

២. ការសុំទោស និងការបង្ហាញពីឆន្ទៈយកចិត្តទុកដាក់ចំពោះប្រជាជន

ការសុំទោសរបស់មេដឹកនាំ មិនត្រឹមតែជាការទទួលស្គាល់ចំណុចខ្វះខាតប៉ុណ្ណោះទេ ប៉ុន្តែអាចឆ្លុះបញ្ចាំងពីការយកចិត្តទុកដាក់ចំពោះអារម្មណ៍ ក្តីកង្វល់ និងផលប្រយោជន៍របស់ប្រជាពលរដ្ឋផងដែរ។ នៅពេលមេដឹកនាំបង្ហាញភាពស្មោះត្រង់ក្នុងការទទួលខុសត្រូវ គឺអាចផ្តល់សារដល់សង្គមទាំងមូលថា សំឡេង និងសុខទុក្ខរបស់ប្រជាជន បានត្រូវយកចិត្តទុកដាក់ និងមិនអាចមើលរំលងជាដាច់ខាត។

ផ្អែកតាមទស្សនៈនេះការសុំទោសអាចបានចាត់ទុកថា ជាការបង្ហាញភាពជិតស្និទ្ធរវាងអ្នកដឹកនាំ និងប្រជាពលរដ្ឋ។ ព្រោះមេដឹកនាំបានបង្ហាញពីឆន្ទៈយកចិត្តទុកដាក់ស្តាប់ មើលឃើញបញ្ហាប្រឈម និងស្វែងរកវិធីកែលម្អការងាររបស់រដ្ឋាភិបាលឱ្យកាន់តែមានប្រសិទ្ធភាព។ សម្រាប់ប្រជាពលរដ្ឋទូទៅ អ្វីដែលមានតម្លៃ មិនមែនមានតែពាក្យសម្ដីតែមួយមុខនោះទេ ប៉ុន្តែគឺការបង្ហាញថា ថ្នាក់ដឹកនាំមានបំណងបន្តខិតខំបំពេញភារកិច្ច ដើម្បីការពារផលប្រយោជន៍ជាតិ និងលើកកម្ពស់សុខុមាលភាពរបស់ប្រជាជន។

ជាពិសេស ក្នុងបរិបទដែលប្រទេសជួបប្រទះបញ្ហាប្រឈមផ្នែកសន្តិសុខ ឬវិបត្តិផ្សេងៗ ការដែលមេដឹកនាំបង្ហាញការយកចិត្តទុកដាក់ចំពោះប្រជាពលរដ្ឋ និងទទួលខុសត្រូវចំពោះការសម្រេចចិត្តរបស់ខ្លួន អាចជួយពង្រឹងទំនុកចិត្តសាធារណៈ និងលើកទឹកចិត្តឱ្យសង្គមរួបរួមគ្នាដោះស្រាយបញ្ហាប្រកបដោយសាមគ្គីភាព និងទំនួលខុសត្រូវ។

៣. ភាពជាមេដឹកនាំ និងការកសាងទំនុកចិត្តជាមួយប្រជាពលរដ្ឋ

ការសិក្សាស្រាវជ្រាវផ្នែកនយោបាយជាច្រើនបង្ហាញថា ក្នុងការគ្រប់គ្រងសាធារណៈ ទំនុកចិត្តរបស់ប្រជាពលរដ្ឋ គឺជាដើមទុនដ៏មានតម្លៃ។ ការសុំទោសដោយស្មោះត្រង់ អាចជួយពង្រឹងទំនាក់ទំនងរវាងអ្នកដឹកនាំ និងប្រជាពលរដ្ឋ ព្រោះបង្ហាញថា មេដឹកនាំទទួលស្គាល់ការព្រួយបារម្ភរបស់សង្គម និងត្រៀមខ្លួនទទួលការរិះគន់ដោយស្ថាបនា។

នៅក្នុងន័យនេះ ការសុំទោសមិនមែនជាសញ្ញានៃភាពទន់ខ្សោយនោះទេ ប៉ុន្តែអាចជាសញ្ញានៃភាពជឿជាក់លើខ្លួនឯង និងភាពចាស់ទុំក្នុងការដឹកនាំប្រទេសជាតិ។ មេដឹកនាំដែលអាចទទួលយកការរិះគន់ និងទទួលស្គាល់ចំណុចខ្វះខាតរបស់ខ្លួន អាចបង្កើតការជឿទុកចិត្ត និងការចូលរួមពីសំណាក់ប្រជាពលរដ្ឋបានកាន់តែប្រសើរឡើង។

៤. សន្តិភាព និងស្ថិរភាពជាមូលដ្ឋាននៃការអភិវឌ្ឍ

អ្នកសង្កេតការណ៍ និងអ្នកគាំទ្រជាច្រើនបានលើកឡើងថា សម្តេចតេជោ ហ៊ុន សែន បានដើរតួយ៉ាងសំខាន់ក្នុងការរក្សាសន្តិភាព និងស្ថិរភាពនៅកម្ពុជា បន្ទាប់ពីប្រទេសបានឆ្លងកាត់សង្គ្រាមស៊ីវិល និងអស្ថិរភាពអស់រយៈពេលជាច្រើនទសវត្សរ៍។ តាមរយៈទស្សនៈនេះ សន្តិភាពគឺជាលក្ខខណ្ឌចាំបាច់ សម្រាប់ការកសាងផ្លូវថ្នល់ ស្ពាន សាលារៀន មន្ទីរពេទ្យ ការទាក់ទាញវិនិយោគ ការបង្កើតការងារ និងការលើកកម្ពស់ជីវភាពរស់នៅរបស់ប្រជាពលរដ្ឋ។ បើគ្មានស្ថិរភាព និងសន្តិភាពទេ ការអភិវឌ្ឍវិស័យផ្សេងៗក៏នឹងជួបការលំបាក។ ដូចឃ្លាមួយបានពោលថា៖ «ការរក្សាសុខសន្តិភាព និងស្ថិរភាព គឺប្រសើរជាងការច្បាំងដើម្បីដណ្តើមសន្តិភាព»។

៥. ឆ្លុះបញ្ចាំងពីសាមគ្គីភាព និងការយកប្រជាពលរដ្ឋជាស្នូល

ទស្សនៈរបស់អ្នកគាំទ្រជាច្រើនបានអះអាងថា គណបក្សប្រជាជនកម្ពុជា ផ្តោតលើការរក្សាសាមគ្គីភាពផ្ទៃក្នុង និងការសម្របសម្រួលប្រកបដោយនិរន្តរភាព ដើម្បីធានាការអនុវត្តគោលនយោបាយប្រកបដោយស្ថិរភាព និងប្រសិទ្ធភាពខ្ពស់។ ជាមួយគ្នានេះ គោលនយោបាយដែលផ្តោតលើការលើកកម្ពស់ជីវភាពរស់នៅរបស់ប្រជាពលរដ្ឋ តាមរយៈការអភិវឌ្ឍហេដ្ឋារចនាសម្ព័ន្ធ ការពង្រីកសេវាអប់រំ ការលើកកម្ពស់សុខាភិបាល ការជំរុញកំណើនសេដ្ឋកិច្ច និងការពង្រឹងសំណាញ់សុវត្ថិភាពសង្គម ត្រូវបានអ្នកគាំទ្រមើលឃើញថា ជាការបង្ហាញពីការដាក់ផលប្រយោជន៍របស់ប្រជាជនជាអាទិភាព។

៦. បង្ហាញពីការរិះគន់ដើម្បីស្ថាបនា និងការវាយតម្លៃគួរផ្អែកលើភស្តុតាង ដោយជៀសវាងការញុះញង់

ការរិះគន់មេដឹកនាំ ឬគោលនយោបាយរដ្ឋ គឺជារឿងនៃការពិភាក្សាសាធារណៈ។ ទោះបីជាយ៉ាងណា ការវាយតម្លៃអំពីការសម្រេចចិត្ត ឬចេតនានយោបាយ ត្រូវតែផ្អែកលើទិន្នន័យច្បាស់លាស់ ភស្តុតាងជាក់លាក់ និងការវិភាគប្រកបដោយវិជ្ជាជីវៈ។ ការជជែកពិភាក្សា ត្រូវតែផ្អែកលើហេតុផល ការគោរពទស្សនៈខុសគ្នា និងការស្វែងរកដំណោះស្រាយរួម ដើម្បីអាចជួយលើកកម្ពស់គុណភាពនៃការធ្វើគោលនយោបាយ និងការអភិវឌ្ឍប្រទេសជាតិឱ្យកាន់តែប្រសើរ។

៧. ជាមេរៀនសម្រាប់អ្នកដឹកនាំជំនាន់ក្រោយ

ការសុំទោសជាសាធារណៈ អាចក្លាយជាមេរៀនដ៏មានតម្លៃសម្រាប់អ្នកដឹកនាំជំនាន់ក្រោយ។ នេះបង្ហាញថា ការទទួលស្គាល់កំហុស មិនបានកាត់បន្ថយគុណតម្លៃរបស់មេដឹកនាំនោះទេ ប៉ុន្តែអាចជួយលើកកម្ពស់វប្បធម៌នៃការទទួលខុសត្រូវ ការរៀនសូត្រ និងការកែលម្អឱ្យកាន់តែប្រសើរឡើងថែមទៀត ដើម្បីជាតិមាតុភូមិកម្ពុជា។

មេដឹកនាំដែលអាចទទួលស្គាល់កំហុសដោយបើកចំហ និងស្វែងរកដំណោះស្រាយជាក់ស្តែង អាចរួមចំណែកបង្កើតទំនុកចិត្តរយៈពេលវែង និងការគ្រប់គ្រងដែលមានប្រសិទ្ធភាពជាងមុន ព្រមទាំងជំរុញឱ្យមន្ត្រីក្រោមឱវាទមានវប្បធម៌ទទួលខុសត្រូវ និងមានតម្លាភាពផងដែរ។

សេចក្តីសន្និដ្ឋានជារួមមកវិញ

ការសុំទោសជាសាធារណៈរបស់សម្តេចតេជោ ហ៊ុន សែន គេបានមើលឃើញថា ជាការបង្ហាញពីភាពក្លាហានក្នុងការទទួលខុសត្រូវ និងការឆ្លុះបញ្ចាំងលើការសម្រេចចិត្តកន្លងមក។ សម្រាប់ប្រជាពលរដ្ឋ ការសុំទោសនេះ ជាការបង្ហាញពីឆន្ទៈស្តាប់សំឡេងប្រជាពលរដ្ឋ ការយកចិត្តទុកដាក់ចំពោះសុខទុក្ខរបស់ប្រជាជន និងការប្តេជ្ញាចិត្តបន្តថែរក្សាសន្តិភាព ស្ថិរភាព និងការអភិវឌ្ឍប្រទេសជាតិ។

ជាការពិតណាស់ ភាពជាអ្នកដឹកនាំអាចវាស់វែងតាមរយៈសមិទ្ធផល ឬសុន្ទរកថា និងតាមរយៈសមត្ថភាពក្នុងការទទួលខុសត្រូវ ហ៊ានទទួលស្គាល់ចំណុចខ្វះខាត បង្ហាញការយកចិត្តទុកដាក់ចំពោះប្រជាពលរដ្ឋ និងបន្តបម្រើផលប្រយោជន៍របស់ប្រទេសជាតិដោយមានចក្ខុវិស័យវែងឆ្ងាយ និងមានស្មារតីទទួលខុសត្រូវខ្ពស់ចំពោះប្រជាជន ៕

10/06/2026

អំណោយសម្តេចធិបតីកំពុងលេចរូបរាង! ឯកឧត្តម ចាយ បូរិន ចុះពិនិត្យវឌ្ឍនភាពសាលារៀន សហគមន៍ឥស្លាមនៅតាកែវ

BC News| BC News Desk

តាកែវ៖ ឯកឧត្តម ចាយ បូរិន រដ្ឋមន្ត្រីក្រសួងធម្មការ និងសាសនា បានអញ្ជើញដឹកនាំគណៈប្រតិភូក្រសួង ចុះពិនិត្យវឌ្ឍនភាពនៃការសាងសង់អគារសិក្សាចំនួន ២ខ្នង រួមមានសាលាបឋមសិក្សា និងសាលារៀនឥស្លាម(អាស្សាអូខ ស៊ូមីយ៉ា)ដែលជាអំណោយដ៏ថ្លៃថ្លារបស់ សម្តេចបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា និងលោកជំទាវបណ្ឌិត ពេជ ចន្ទមុនី ហ៊ុន ម៉ាណែត។ កម្មវិធីនេះ បានប្រព្រឹត្តទៅនៅភូមិសំរោង ស្រុកកោះអណ្តែត ខេត្តតាកែវ នាថ្ងៃទី១០ ខែមិថុនា ឆ្នាំ២០២៦។

នាឱកាសនោះ ឯកឧត្តមរដ្ឋមន្ត្រី បានអញ្ជើញជួបសំណេះសំណាលជាមួយអាជ្ញាធរមូលដ្ឋាន លោកគ្រូ អ្នកគ្រូ សិស្សានុសិស្ស និងបងប្អូនសាសនិកឥស្លាម ដោយបង្ហាញពីការយកចិត្តទុកដាក់លើការអប់រំ ការអភិវឌ្ឍសហគមន៍ និងការលើកកម្ពស់ការរួបរួមក្នុងសង្គមប្រកបដោយភាពសុខដុមរមនា។

តាមរយៈការចុះពិនិត្យជាក់ស្តែង អគារសិក្សាថ្មីទាំងពីរខ្នងបានលេចរូបរាងយ៉ាងស្រស់ស្អាត និងមានលក្ខណៈរឹងមាំ ស័ក្តិសមសម្រាប់បម្រើដល់ការសិក្សារបស់សិស្សានុសិស្សក្នុងមូលដ្ឋាន។ ការវិនិយោគលើហេដ្ឋារចនាសម្ព័ន្ធអប់រំបែបនេះ មិនត្រឹមតែបង្កើនឱកាសសិក្សាប៉ុណ្ណោះទេ ប៉ុន្តែថែមទាំងជួយពង្រឹងការអភិវឌ្ឍធនធានមនុស្ស និងលើកកម្ពស់គុណភាពជីវិតរបស់ប្រជាពលរដ្ឋក្នុងសហគមន៍។

នៅក្នុងបរិយាកាសប្រកបដោយភាពកក់ក្តៅ ឯកឧត្តម ចាយ បូរិន បានជួបសួរសុខទុក្ខ និងសំណេះសំណាលដោយផ្ទាល់ជាមួយសិស្សានុសិស្ស ព្រមទាំងបងប្អូនសាសនិកឥស្លាម ដែលបានសម្តែងនូវក្តីសប្បាយរីករាយ និងការស្វាគមន៍យ៉ាងរាក់ទាក់ចំពោះគណៈប្រតិភូ។

ដំណើរទស្សនកិច្ចនេះ បានឆ្លុះបញ្ចាំងពីការយកចិត្តទុកដាក់របស់រាជរដ្ឋាភិបាលកម្ពុជា ក្នុងការជំរុញការអប់រំប្រកបដោយបរិយាបន្ន គាំទ្រសេរីភាពខាងជំនឿសាសនា និងពង្រឹងសាមគ្គីភាពរវាងសហគមន៍នានា ដើម្បីរួមចំណែកកសាងសង្គមមួយដែលមានការអភិវឌ្ឍប្រកបដោយចីរភាព និងភាពសុខដុមរមនា៕

10/06/2026

សារពិសេសពីសៀមរាប៖ សម្ដេចតេជោ ហ៊ុន សែន ច្រានចោលការចុះផ្សាយរបស់សារព័ត៌មានថៃមួយចំនួន ដែលដកស្រង់ប្រសាសន៍ខុសពីការពិត

សៀមរាប៖ ក្នុងឱកាសជួបសំណេះសំណាលជាមួយក្រុមប្រឹក្សាខេត្ត ក្រុង ស្រុក ឃុំ សង្កាត់ និងថ្នាក់ដឹកនាំមន្ទីរ-អង្គភាពនានា មកពីខេត្តសៀមរាប និងខេត្តឧត្តរមានជ័យ នាព្រឹកថ្ងៃទី១០ ខែមិថុនា ឆ្នាំ២០២៦នេះ សម្ដេចតេជោ ហ៊ុន សែន ប្រមុខរដ្ឋស្ដីទីនៃព្រះរាជាណាចក្រកម្ពុជា បានច្រានចោលការចុះផ្សាយរបស់សារព័ត៌មានថៃមួយចំនួន ដែលបានដកស្រង់ប្រសាសន៍របស់សម្ដេចខុសពីការពិត ពាក់ព័ន្ធនឹងជំហររបស់កម្ពុជាក្នុងការដោះស្រាយបញ្ហាព្រំដែនជាមួយប្រទេសថៃ។

សម្ដេចតេជោ បានបញ្ជាក់ថា ការចុះផ្សាយបែបនេះមិនឆ្លុះបញ្ចាំងពីខ្លឹមសារពិតនៃប្រសាសន៍របស់សម្ដេចនោះទេ ហើយបានបង្ហាញការបដិសេធយ៉ាងច្បាស់ចំពោះការដកស្រង់ ឬការបកស្រាយដែលនាំឱ្យមានការយល់ច្រឡំអំពីជំហររបស់កម្ពុជា។

សារនេះត្រូវបានលើកឡើងក្នុងបរិបទដែលសាធារណជនកំពុងយកចិត្តទុកដាក់ខ្ពស់ចំពោះបញ្ហាព្រំដែនកម្ពុជា-ថៃ ដោយសម្ដេចតេជោ បានសង្កត់ធ្ងន់លើការបង្ហាញព័ត៌មានឱ្យបានត្រឹមត្រូវ និងស្របតាមខ្លឹមសារពិត ដើម្បីជៀសវាងការបង្កការភាន់ច្រឡំដល់មតិសាធារណៈ៕.......................
Youtube: www.youtube.com/​​
Telegram: https://t.me/buddhistnews
Facebook: BC News
Tiktok: www.tiktok.com/
Download BC News Mobile App👇
Android: https://play.google.com/store/apps/details...
iOS: https://apps.apple.com/us/app/bc-news/id6737448232

10/06/2026

អ្នកសារព័ត៌មាននិងពលរដ្ឋ មិនគួរចែកចាយ ឬផ្សព្វផ្សាយព័ត៌មាន ប៉ះពាល់សន្តិសុខជាតិ

BC News| សិរី មុនី

ភ្នំពេញ៖ ព័ត៌មានពាក់ព័ន្ធនឹងសន្តិសុខជាតិ គួរត្រូវបានគ្រប់គ្រងដោយការប្រុងប្រយ័ត្ន និងការអត់ធ្មត់។ មិនគួរប្រញាប់ប្រញាល់ចែកចាយ ឬផ្សព្វផ្សាយព័ត៌មាន ព្រមទាំងឆ្លើយតបតាមការឃោសនា ការបំភាន់ព័ត៌មាន ឬការចោទប្រកាន់របស់ភាគីណាមួយ ដោយគ្មានការផ្ទៀងផ្ទាត់ឱ្យបានច្បាស់លាស់នោះទេ។

ហេតុអ្វីបានជាព័ត៌មានមួយចំនួនមិនគួរផ្សព្វផ្សាយជាសាធារណៈ?

១. រក្សាភាពស្ងប់ស្ងាត់ និងទុកឱ្យស្ថាប័នជំនាញបកស្រាយ

បញ្ហាពាក់ព័ន្ធនឹងសន្តិសុខជាតិ និងវិស័យការពារជាតិ គឺជាកិច្ចការបច្ចេកទេសដែលគួរទុកឱ្យក្រសួង និងស្ថាប័នមានសមត្ថកិច្ចធ្វើការពន្យល់ និងបកស្រាយ ដោយផ្អែកលើព័ត៌មានត្រឹមត្រូវ និងការវាយតម្លៃជាក់ស្តែង។

២. រក្សាស្ថិរភាពនៅតំបន់ព្រំដែន និងទប់ស្កាត់សង្គ្រាមព័ត៌មាន

ការផ្សព្វផ្សាយព័ត៌មានដែលមិនទាន់បានផ្ទៀងផ្ទាត់ ឬមានលក្ខណៈរសើប អាចជះឥទ្ធិពលដល់ស្ថានការណ៍ និងត្រូវបានប្រើប្រាស់ជាឧបករណ៍ក្នុងការធ្វើប្រតិបត្តិការព័ត៌មាន ឬសង្គ្រាមផ្លូវចិត្ត ដែលអាចបង្កផលប៉ះពាល់ដល់សន្តិសុខ និងស្ថិរភាពរបស់ប្រទេស។

៣. ការពារសុខភាពផ្លូវចិត្ត និងការយល់ឃើញរបស់សាធារណជន

ព័ត៌មានអំពីសង្គ្រាម សព្វាវុធ ឬសម្ភារយោធា អាចបង្កឱ្យមានការព្រួយបារម្ភ ឬការយល់ច្រឡំក្នុងចំណោមប្រជាពលរដ្ឋ ប្រសិនបើមិនមានការបកស្រាយត្រឹមត្រូវ។ ប្រធានបទទាំងនេះមិនមែនជារឿងសម្រាប់ការកម្សាន្ត ឬជំរុញឱ្យមានអារម្មណ៍រំភើបនោះទេ ប៉ុន្តែជាបញ្ហាដែលពាក់ព័ន្ធនឹងសន្តិសុខ និងសុវត្ថិភាពជាតិ។

៤. គោរពគោលការណ៍រក្សាការសម្ងាត់ក្នុងអំឡុងពេលដំណើរការការទូត និងយោធា

នៅពេលដែលកិច្ចការការទូត និងនីតិវិធីអន្តរជាតិកំពុងដំណើរការ ព័ត៌មានមួយចំនួន ជាពិសេសព័ត៌មានអំពីសមត្ថភាពយោធា យុទ្ធសាស្ត្រ ប្រតិបត្តិការ ឬសព្វាវុធ គួរត្រូវបានរក្សាជាការសម្ងាត់ ដើម្បីការពារផលប្រយោជន៍ជាតិ និងកាត់បន្ថយហានិភ័យផ្នែកសន្តិសុខ។

៥. សមយុទ្ធយោធាជាការអនុវត្តស្របច្បាប់របស់រដ្ឋអធិបតេយ្យ

រដ្ឋនីមួយៗមានសិទ្ធិធ្វើសមយុទ្ធយោធា និងធ្វើកិច្ចសហប្រតិបត្តិការបណ្តុះបណ្តាលជាមួយដៃគូ ឬសម្ព័ន្ធមិត្ត ដើម្បីពង្រឹងសមត្ថភាពការពារជាតិ ស្របតាមច្បាប់ និងគោលការណ៍អន្តរជាតិ។ ការធ្វើសមយុទ្ធជាទូទៅតែងតែរួមបញ្ចូលទាំងការប្រើប្រាស់សម្ភារៈ បច្ចេកទេស ការហ្វឹកហ្វឺនជាក់ស្តែង អាវុធ និងសម្ភារអាវុធ។

៦. ព័ត៌មានតូចមួយអាចមានផលប៉ះពាល់ធំ

ព័ត៌មានខ្លះអាចមើលទៅហាក់ដូចជាមិនសំខាន់ ប៉ុន្តែអាចត្រូវបានប្រមូល និងវិភាគបញ្ចូលគ្នា ដើម្បីទាញយកការវាយតម្លៃអំពីស្ថានភាពសន្តិសុខ ឬសមត្ថភាពរបស់ប្រទេស។ ដូច្នេះ ការប្រុងប្រយ័ត្នក្នុងការចែកចាយ និងផ្សព្វផ្សាយព័ត៌មាន គឺមានសារៈសំខាន់យ៉ាងខ្លាំង។

សេចក្តីសន្និដ្ឋាន

ជារួម ប្រជាពលរដ្ឋ និងស្ថាប័នសារព័ត៌មានគួរប្រកាន់ខ្ជាប់នូវការទទួលខុសត្រូវក្នុងការចែកចាយ និងផ្សព្វផ្សាយព័ត៌មាន ដោយផ្ទៀងផ្ទាត់ប្រភព និងពិចារណាផលប៉ះពាល់ឱ្យបានម៉ត់ចត់ ជាពិសេសចំពោះព័ត៌មានដែលអាចប៉ះពាល់ដល់សន្តិសុខជាតិ សុវត្ថិភាពសាធារណៈ និងផលប្រយោជន៍រួមរបស់ប្រទេស។ ការផ្សព្វផ្សាយព័ត៌មានប្រកបដោយការទទួលខុសត្រូវ និងការគោរពក្រមសីលធម៌វិជ្ជាជីវៈ គឺជាការចូលរួមចំណែកដ៏សំខាន់ក្នុងការថែរក្សាសន្តិភាព ស្ថិរភាព និងផលប្រយោជន៍ជាតិរយៈពេលវែង។ ៕

09/06/2026

សម្ដេចព្រះពុទ្ធជ័យមុនី បណ្ឌិត ឃឹម សន បាននិមន្តដឹកនាំព្រះសង្ឃ និងសិស្សគណ ធ្វើធម្មយាត្រាថ្មើរជើងឡើងភ្នំខ្នងផ្សារ ស្ថិតក្នុងស្រុកឱរ៉ាល់ ខេត្តកំពង់ស្ពឺ ក្នុងគោលបំណងលើកកម្ពស់ការយល់ដឹងអំពីបរិស្ថាន ការអភិរក្សធនធានធម្មជាតិ និងការសិក្សាស្វែងយល់អំពីប្រព័ន្ធអេកូឡូស៊ី រុក្ខជាតិ និងសត្វព្រៃ នៅក្នុងតំបន់ធម្មជាតិដ៏សម្បូរបែបមួយរបស់កម្ពុជា។

The best Buddhist news in Cambodia

09/06/2026

បទវិភាគ៖ មាន់មិនទាន់រងាវផង ក្បួនរថយន្តរបស់សម្តេចតេជោ ហ៊ុន សែន បានគោចរទៅដល់លំនៅដ្ឋានបណ្តោះអាសន្នរបស់ជនភៀសសឹក នៅស្រុកស្វាយចេក ខេត្តបន្ទាយមានជ័យ នាព្រឹកថ្ងៃទី៩ ខែមិថុនា ឆ្នាំ២០២៦។

តើហេតុអ្វីបានជាការចុះសួរសុខទុក្ខជនភៀសសឹកដោយផ្ទាល់របស់សម្តេចតេជោ នៅពេលព្រឹកព្រលឹមបែបនេះ មានអត្ថន័យលើសពីការសួរសុខទុក្ខធម្មតា ខណៈស្ថានការណ៍តាមបណ្តោយព្រំដែនកម្ពុជា-ថៃ នៅមិនទាន់មានភាពធូរស្រាលទាំងស្រុង?

តើសម្តេចចង់បញ្ជូនសារអ្វីខ្លះអំពីភាពជាអ្នកដឹកនាំ ភាពធន់របស់ជាតិ និងទំនុកចិត្តរបស់ប្រជាពលរដ្ឋក្នុងគ្រាលំបាក?

សូមអញ្ជើញទស្សនាបទវិភាគ របស់លោក សិរី មុនី ដោយរីករាយ!.......................
Youtube: www.youtube.com/​​
Telegram: https://t.me/buddhistnews
Facebook: BC News
Tiktok: www.tiktok.com/
Download BC News Mobile App👇
Android: https://play.google.com/store/apps/details...
iOS: https://apps.apple.com/us/app/bc-news/id6737448232

09/06/2026

ព្រះតេជគុណ តុល សុខមាន បានត្រូវជ្រើសរើសចូលរួមកម្មវិធី AIESEC Outgoing Global Volunteer Program នៅឥណ្ឌូណេស៊ី

BC News| BC News Desk

ភ្នំពេញ៖ ព្រះតេជគុណ តុល សុខមាន បានត្រូវជ្រើសរើសឱ្យចូលរួមក្នុងកម្មវិធី AIESEC Outgoing Global Volunteer Program នៅប្រទេសឥណ្ឌូណេស៊ី ក្នុងនាមជាអ្នកចូលរួមកម្មវិធីផ្លាស់ប្តូរអន្តរជាតិ (Exchange Participant) រយៈពេល ៦ សប្តាហ៍។

យោងតាមព័ត៌មានដែលបានផ្សព្វផ្សាយ ព្រះតេជគុណនឹងចូលរួមក្នុងគម្រោង «On the Map» ដែលផ្តោតលើការគាំទ្រគោលដៅអភិវឌ្ឍន៍ប្រកបដោយចីរភាព (Sustainable Development Goals – SDGs) របស់អង្គការសហប្រជាជាតិ តាមរយៈសកម្មភាពពាក់ព័ន្ធនឹងការផ្លាស់ប្តូរវប្បធម៌ ការចូលរួមជាមួយសហគមន៍ និងការងារស្ម័គ្រចិត្ត។

កម្មវិធី Outgoing Global Volunteer របស់ AIESEC គឺជាគំនិតផ្តួចផ្តើមមួយដែលផ្តល់ឱកាសដល់យុវជន និងអ្នកដឹកនាំជំនាន់ថ្មីមកពីបណ្តាប្រទេសនានា ឱ្យចូលរួមក្នុងគម្រោងអភិវឌ្ឍន៍សង្គមនៅក្រៅប្រទេស ដើម្បីពង្រឹងការយល់ដឹងអន្តរវប្បធម៌ និងបង្កើនបទពិសោធន៍ក្នុងការចូលរួមជាមួយសហគមន៍សកល។

ការជ្រើសរើសឱ្យចូលរួមក្នុងកម្មវិធីនេះ ស្តែងឱ្យឃើញពីឱកាសកាន់តែទូលំទូលាយរបស់ព្រះសង្ឃកម្ពុជា ក្នុងការចូលរួមកម្មវិធីអន្តរជាតិ និងការចែករំលែកតម្លៃវិជ្ជមានទៅកាន់សហគមន៍ពិភពលោក តាមរយៈសកម្មភាពស្ម័គ្រចិត្ត និងកិច្ចសហប្រតិបត្តិការឆ្លងវប្បធម៌។

សូមអបអរសាទរព្រះតេជគុណ តុល សុខមាន ចំពោះសមិទ្ធផលនេះ និងសូមប្រសិទ្ធពរជ័យឱ្យព្រះតេជគុណទទួលបានជោគជ័យក្នុងដំណើរបេសកកម្មនៅប្រទេសឥណ្ឌូណេស៊ី៕

09/06/2026

ឯកឧត្តម អ៊ាង សុផល្លែត ជំរុញការងារក្រុមការងាររាជរដ្ឋាភិបាលចុះមូលដ្ឋានខេត្តត្បូងឃ្មុំ បម្រើប្រជាពលរដ្ឋកាន់តែមានប្រសិទ្ធភាព

BC News| សិរី មុនី

ភ្នំពេញ-៩ មិថុនា ២០២៦៖ ឯកឧត្តមបណ្ឌិត អ៊ាង សុផល្លែត រដ្ឋមន្ត្រីក្រសួងបរិស្ថាន និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តត្បូងឃ្មុំ បានអញ្ជើញជាអធិបតីក្នុងកិច្ចប្រជុំពិនិត្យវឌ្ឍនភាពការងារ និងលើកទិសដៅសកម្មភាពបន្តរបស់ក្រុមការងាររាជរដ្ឋាភិបាលចុះមូលដ្ឋានខេត្តត្បូងឃ្មុំ សំដៅពង្រឹងប្រសិទ្ធភាពការងារ និងជំរុញការអនុវត្តកម្មវិធីនានារបស់រាជរដ្ឋាភិបាលឱ្យកាន់តែមានប្រសិទ្ធផល។

កិច្ចប្រជុំនេះ បានប្រព្រឹត្តទៅនៅបន្ទប់ចក្រា ជាន់ទី៦ នៃទីស្តីការក្រសួងបរិស្ថាន ដោយមានការចូលរួមពីថ្នាក់ដឹកនាំ សមាជិកក្រុមការងាររាជរដ្ឋាភិបាលចុះមូលដ្ឋានខេត្តត្បូងឃ្មុំ និងមន្ត្រីពាក់ព័ន្ធជាច្រើនរូប។

ក្នុងកិច្ចប្រជុំ អង្គប្រជុំបានពិនិត្យ និងវាយតម្លៃលើវឌ្ឍនភាពការងារដែលសម្រេចបាននាពេលកន្លងមក ជាពិសេសការចុះជួប និងស្វែងយល់ពីសុខទុក្ខប្រជាពលរដ្ឋនៅមូលដ្ឋាន ការសម្របសម្រួលដោះស្រាយបញ្ហាប្រឈមនានា ការផ្សព្វផ្សាយគោលនយោបាយរបស់រាជរដ្ឋាភិបាល និងការចូលរួមគាំទ្រដល់ការអភិវឌ្ឍមូលដ្ឋាន ស្របតាមយុទ្ធសាស្ត្របញ្ចកោណ ដំណាក់កាលទី១ របស់រាជរដ្ឋាភិបាល។

ក្នុងឱកាសនោះ ឯកឧត្តមបណ្ឌិត អ៊ាង សុផល្លែត បានកោតសរសើរចំពោះកិច្ចខិតខំប្រឹងប្រែង ស្មារតីទទួលខុសត្រូវ និងការបំពេញភារកិច្ចប្រកបដោយប្រសិទ្ធភាពរបស់សមាជិកក្រុមការងារទាំងអស់ ដែលបានរួមចំណែកយ៉ាងសកម្មក្នុងការបម្រើប្រជាពលរដ្ឋ និងជំរុញការអនុវត្តគោលនយោបាយរបស់រាជរដ្ឋាភិបាលនៅថ្នាក់មូលដ្ឋាន។

ជាមួយគ្នានេះ ឯកឧត្តមបណ្ឌិត បានណែនាំឱ្យក្រុមការងារបន្តពង្រឹងកិច្ចសហការជាមួយអាជ្ញាធរដែនដីគ្រប់លំដាប់ថ្នាក់ ពង្រឹងការចុះជាប់ជាមួយប្រជាពលរដ្ឋ ស្វែងយល់ពីស្ថានភាពជាក់ស្តែង និងតម្រូវការនានារបស់ប្រជាពលរដ្ឋ ព្រមទាំងរួមគ្នាដោះស្រាយបញ្ហាប្រឈមនានាប្រកបដោយប្រសិទ្ធភាព តម្លាភាព និងទាន់ពេលវេលា។

ឯកឧត្តមបណ្ឌិត ក៏បានជំរុញឱ្យសមាជិកក្រុមការងារទាំងអស់ បន្តអនុវត្តតួនាទី និងភារកិច្ចរបស់ខ្លួនដោយស្មារតីបុរេសកម្ម យកចិត្តទុកដាក់ខ្ពស់ និងប្រកាន់ខ្ជាប់នូវគោលការណ៍បម្រើប្រជាពលរដ្ឋដោយស្មោះត្រង់ និងមានប្រសិទ្ធភាព ដើម្បីរួមចំណែកថែរក្សាសន្តិភាព ស្ថិរភាព និងជំរុញការអភិវឌ្ឍប្រកបដោយចីរភាពនៅខេត្តត្បូងឃ្មុំ។

កិច្ចប្រជុំនេះ បានពិភាក្សា និងកំណត់ទិសដៅសកម្មភាពអាទិភាពសម្រាប់អនុវត្តបន្តនាពេលខាងមុខ ដើម្បីធានាថា ការងាររបស់ក្រុមការងាររាជរដ្ឋាភិបាលចុះមូលដ្ឋាន អាចឆ្លើយតបបានកាន់តែមានប្រសិទ្ធភាពចំពោះសេចក្តីត្រូវការ និងសំណូមពររបស់ប្រជាពលរដ្ឋ ស្របតាមគោលដៅអភិវឌ្ឍន៍របស់រាជរដ្ឋាភិបាល និងការកសាងសង្គមកម្ពុជាឱ្យកាន់តែរីកចម្រើន៕

រូបភាព៖ ក្រសួងបរិស្ថាន។