26/10/2024
សេចក្តីជូនដំណឹង
ខ្ញុំបាទ មឿន ផល្លា សូមជម្រាបជូនដំណឹងដល់សិស្សានុសិស្ស លោកគ្រូ អ្នកគ្រូ បងប្អូនមិត្តភក្តិ និងសាធារណៈជនទាំងអស់ឱ្យបានជ្រាបថា មួយរយៈនេះមានជនអនាមិក អគតិ បានយករូបភាព ភ្ជាប់ជាមួយឈ្មោះខ្ញុំ លេខទូរសព្ទ អត្តលេខមន្ត្រីរាជការ ដោយសរសេរនូវពាក្យពេចន៍មិនសមរម្យ(អាសអាភាស)នៅក្នុងបណ្តាញសង្គម ដូចជាហ្វេសប៊ុក(Facebook) និងតេឡេក្រាម(Telegram) ដែលធ្វើអោយប៉ះពាល់ ដល់កិត្តិយស និង សេចក្តីថ្លៃថ្នូររបស់ខ្ញុំបាទ។ ដូច្នេះខ្ញុំបាទសូមចេញមកបដិសេធថា ខ្ញុំបាទមិនបានប្រព្រឹត្តអំពើថោកទាបទាំងនោះឡើយ។ ប្រសិនបើបុគ្គលនោះនៅតែមានការផ្សព្វផ្សាយ ឆាតទៅអ្នកទាំងអស់គ្នា និង ចែកចាយបន្តនូវព័ត៌មានមិនល្អ ខ្ញុំបាទសូមចាត់វិធានការណ៍ទៅតាមផ្លូវច្បាប់ ។ ដូច្នេះប្រសិនបើមានជនណា បង្កើតគណនីបណ្ដាញសង្គមក្លែងក្លាយ ដូចជាហ្វេសប៊ុក(Facebook) និងតេឡេក្រាម(Telegram) និងយករូបភាពខ្ញុំបាទទៅប្រើប្រាស់ក្នុងន័យដែលធ្វើអោយប៉ះពាល់កិត្តិយស កេរ្តិ៍ឈ្មោះ និងផលប្រយោជន៍ របស់បងប្អូនទាំងអស់គ្នា ខ្ញុំបាទសូមមិនទទួលខុសត្រូវឡើយ។
ជាចុងក្រោយ ខ្ញុំបាទសូមស្នើរដល់សមត្ថកិច្ចគ្រប់ជាន់ថ្នាក់ សូមជួយដឹងឮ និងស្វែងរកយុត្តិធម៌ជូនខ្ញុំបាទ ហើយស្វែងរក ជននោះ មកផ្តន្ទាទោសតាមច្បាប់ជាធរមាន។
សូមអរគុណ
ថ្ងៃសៅ ៩រោច ខែអស្សុជ ឆ្នាំរោង ឆស័ក ព.ស២៥៦៨
ព្រែកអញ្ចាញ ថ្ងៃទី២៦ ខែតុលា ឆ្នាំ២០២៤
