Innovatetech

25/07/2026

22/07/2026

[ និយាយពាក្យល្អៗ ]
ពាក្យសម្តីមួយម៉ាត់ដែលនិយាយចេញ ពីមាត់របស់អ្នក គឺវាស្តែងចេញពីអារម្មណ៍ដែលអ្នកមាននោះឯង ។

ចូររៀនបើ ពាក្យពិរោះៗទៅកាន់អ្នកដទៃ ព្រោះរាល់ពាក្យសម្តីដែលអ្នកនិយាយចេញមកនេះ វាអាស្រ័យទៅលើអារម្មណ៍អ្នក ។ ពាក្យសម្តីដែលអ្នកនិយាយ វាហាក់ដូចជាមាន ថាមពលអ្វីម៉្យាងដែលអាចធ្វើឱ្យអារម្មណ៍អ្នកប្រែប្រួល ។ ពាក្យសម្តីល្អៗ វាធ្វើឱ្យអ្នក មានអារម្មណ៍ថាមានសេចក្តីសុខ ។ ប្រសិនអ្នកនិយាយពាក្យអាក្រក់ៗ ជេរប្រទេច នោះអារម្មណ៍អ្នកនឹងប្រែជាមួម៉ៅ ក្ដៅក្រហាយទៅតាមការនិយាយរបស់អ្នកដែរ ។

ពាក្យសម្តីអាក្រក់ៗនឹងធ្វើឱ្យដំណើរការសរីរាង្គក្នុងខ្លួនអ្នកដើរមិនស្រួល ។ វាធ្វើឱ្យ អារម្មណ៍ហាក់ដូចជារងសម្ពាធ ធុញថប់ ភ័យខ្លាច ។ ផ្ទុយទៅវិញ ប្រសិនបើអ្នក និយាយតែពាក្យល្អៗ នោះអារម្មណ៍អ្នកនឹង មានភាពស្ងប់សុខ មិនជ្រួលច្របល់ឡើយ ។

ការនិយាយល្អ ឬអាក្រក់ សុទ្ធតែមានឥទ្ធិពលមកលើការគិតរបស់យើង ។ ពាក្យសម្តី នឹងបង្ហាញអំពីការគិតរបស់មនុស្ស ។ ការនិយាយមិនល្អ នឹងធ្វើឱ្យមាន ការគិតមិនល្អ ហើយការគិតមិនល្អយូរៗទៅ នឹងក្លាយជាទម្លាប់ ។

ការពិត អ្វីដែលធ្វើឱ្យ មនុស្សមានការគិត គឺតាមរយៈការនិយាយស្តី ។ ប្រសិនបើអ្នកកំពុងតែជួបសន្ទនាជាមួយនរណាម្នាក់ អ្នកគួរតែពិចារណាជាមុនថា ត្រូវធ្វើបែបណា ទើបអាចបញ្ចូល សាច់រឿងល្អៗចូលក្នុងការសន្ទនា ។ បើអ្នកអាចអនុវត្តន៍ដូច្នេះបាន ការសន្ទនានោះ នឹងមានផ្លែផ្កាជាងមុន ប្រកបដោយភាពផ្អែមល្ហែម និងភាពវិជ្ជមានជានិច្ច ។

21/07/2026

“ការអានសៀវភៅ គឺជាពន្លឺនៃការចេះដឹង”
ការអានសៀវភៅមានប្រយោជន៍នៅត្រង់វាធ្វើឲ្យអ្នកមានការចេះដឹងច្រើនឡើងៗ និង មានស្មារតីរឹងមាំ ។ រីឯខាងផ្លូវចិត្តគំនិតវិញ រមែងមានភាពមោះមុត និង ធ្វើឲ្យអ្នកមានភាពភ្លឺស្វាងរហូត ដោយមិនងងឹតដូចជា មនុស្សល្ងង់ខ្លៅដែលមិនមានការអាននោះឡើយ ។
មនុស្សដែលមិនអានសៀវភៅ រមែងមានសភាពដូចជា សត្វមាន់ដែលមិនធ្លាប់ស្គាល់អំពីតម្លៃនៃគ្រាប់ពេជ្រយ៉ាងណា សភាពនៃមនុស្សដែលមិនអានសៀវភៅ ក៏មិនស្គាល់ពីតម្លៃ និង ប្រយោជន៍នៃការអានសៀវភៅយ៉ាងនោះដែរ ។
#អានសៀវភៅជួយពង្រីកគំនិត

20/07/2026

20/07/2026

"ឧត្តមគតិជាឧបករណ៍របស់ខួរក្បាល"
បើចង់ដេញតាមសុបិន ដោយមិនចុះចាញ់ អ្នកត្រូវមានការពេញចិត្តជានិច្ចចំពោះកិច្ចការដែលខ្លួនឯងធ្វើ ។

អំឡុងពេលតាមរកសុបិន អ្នកត្រូវបំពេញក្តីសុខឲ្យជីវិតជានិច្ច ។ បើមិនដូច្នោះទេ អ្នកក៏នឹង មានអារម្មណ៍រាថយ និងអស់សង្ឃឹម ។

ឧត្តមគតិជាអ្វីដែលចិត្តបង្កើតឡើង ហើយវាជាឧបករណ៍របស់ខួរក្បាលដែលធ្វើឲ្យយើងផ្តោតចិត្តទុកដាក់ទៅលើអនាគត ។ ឧត្តមគតិជារូបភាពហេតុការណ៍ និងស្ថានការណ៍ក្នុងអនាគត ដែលយើងបង្កើតឡើងតាមបំណងប្រាថ្នា ធ្វើឲ្យយើងព្យាយាមឆ្ពោះទៅក្នុងបច្ចុប្បន្ន តែឧត្តមគតិមិនអាចនៅខ្ពស់ហួសពីគំនិតរបស់យើងបាន ហើយអាចមិនក្លាយជាការពិតផងដែរ ។

ហេតុអ្វីបានជារូបភាពក្នុងឧត្តមគតិមិនអាចក្លាយជាការពិតបាន ? ព្រោះវាកើតឡើងពីលក្ខខណ្ឌដែលថា អ្វីគ្រប់យ៉ាងត្រូវសម្បូរបែប ដែលរឿងនេះវាមិនអាចទៅរួចឡើយ ។ ក្នុងឆាកជីវិតពិត យ៉ាងហោចណាស់ ក៏ត្រូវតែមានភាពរអាក់រអួលខ្លះ ។ ដោយសារតែជីវិតសម្បូរទៅ ដោយរឿងចម្លែកៗទាំងផ្នែកល្អ និងអាក្រក់ ។ បើយើងចង់ឲ្យរូបភាពរបស់ឧត្តមគតិក្លាយជាការពិត ដើម្បីបំពេញក្តីសុខឲ្យសុបិនរបស់ខ្លួន យើងនឹង គ្មានថ្ងៃទទួលអារម្មណ៍ថា ជីវិតយើងបំពេញក្តីសុខឲ្យសម្បូរបែបបានឡើយ ហើយក៏នឹង ត្រូវខកបំណងអស់មួយជីវិត ។

សុបិនដ៏អស្ចារ្យអាចបំពេញក្តីសុខដល់ជីវិតយើងបានកាន់តែច្រើន ។ ប៉ុន្តែ ទោះជាយ៉ាងណា សុបិនដ៏អស្ចារ្យ នឹង មានគម្លាតឆ្ងាយណាស់ រវាងចំណុច ចាប់ផ្តើម និង ចំណុចដែលវាចេញជាផ្លែផ្កា ។ យន្តហោះធំត្រូវប្រើផ្លូវរត់វែងៗ គោលដៅធំធេង ក៏ត្រូវមានចម្លាយផ្លូវវែងអញ្ចឹង ។

សុបិនដែលជាឧត្តមគតិ គឺយើងរំពឹងចង់ឲ្យវាក្លាយជាការពិតក្នុងមួយប៉ប្រិចភ្នែក តែបើសុបិនដែលឈរលើសច្ចភាព យើងតែងតែដឹងរួចហើយថា ការធ្វើឲ្យវាក្លាយជាការពិត ត្រូវប្រើពេលវេលា ។ ខណៈពេលសុបិនក្នុងឧត្តមគតិមិនព្រមទទួលស្គាល់អ្វីក្រៅពីភាពសម្បូរបែប តែសុបិនដែលឈរលើសច្ចភាពតែងធ្វើឲ្យយើងសម្រេចជោគជ័យ ។

បើយើងចង់ធ្វើដំណើរទៅដល់គោលដៅ យើងត្រូវតែមានភាពក្លាហាន មោះមុតក្នុងការបោះជំហានទៅមុខ មានគំនិតច្នៃប្រឌិត ដើម្បីពុះពាររាល់ឧបសគ្គនានា ហើយត្រូវមានមនុស្សនៅក្បែរចាំជួយ សម្រាលរាល់កិច្ចការផ្សេងៗផងដែរ ។
#អានសៀវភៅជួយពង្រីកគំនិត