High Technology Genetic Cambodia

14/06/2026

14/06/2026

📌ឬសក្នុងតំបន់ភេទ (Ge***al Warts) គឺជាដុំសាច់តូចៗដែលកើតឡើងដោយសារវីរុស Human Papillomavirus (HPV) ហើយអាចឆ្លងតាមរយៈការរួមភេទ ឬការប៉ះពាល់ស្បែកជិតស្និទ្ធ។

💥រោគសញ្ញា

•មានដុំតូចៗពណ៌ស្បែក ឬពណ៌ផ្កាឈូក
•អាចកើតជាដុំតែមួយ ឬជាក្រុមដូចផ្កាខាត់ណា
•រមាស់ ឬរំខាននៅតំបន់ភេទ
•ពេលខ្លះអាចឈឺ ឬហូរឈាមពេលរួមភេទ
•អ្នកខ្លះមិនមានរោគសញ្ញាអ្វីឡើយ

🔍កន្លែងដែលអាចកើតមាន

•ស្ត្រី៖ ទ្វារមាស ខាងក្នុងទ្វារមាស មាត់ស្បូន និងជុំវិញរន្ធគូថ
•បុរស៖ លិង្គ ពងស្វាស និងជុំវិញរន្ធគូថ

🩺ការព្យាបាល

•ថ្នាំលាបតាមវេជ្ជបញ្ជា
•ឡាស៊ែរ
•វះកាត់យកចេញ

⚠️ការការពារ

* ប្រើស្រោមអនាម័យ
* ជៀសវាងការរួមភេទជាមួយដៃគូដែលមានរោគសញ្ញា

សំខាន់៖ បើអ្នកមានដុំសាច់ ឬរលាកនៅតំបន់ភេទ គួរតែទៅពិគ្រោះជាមួយវេជ្ជបណ្ឌិតឯកទេសសើស្បែក ឬវេជ្ជបណ្ឌិតរោគស្ត្រី/រោគបុរស ដើម្បីធ្វើរោគវិនិច្ឆ័យ និងព្យាបាលឱ្យបានត្រឹមត្រូវ។
—————————————————————————————
ចង់ពិគ្រោះការព្យាបាលកាមរោម ស្វាយ សិរមាន់💥
ខាងយើងខ្ញុំ មានពេទ្យបុរស និង ស្រ្តី ហើយនឹងរក្សាការសម្ងាត់សម្រាប់លោកអ្នក
តាមរយ: 📥

ពិគ្រោះជាមួយវេជ្ជបណ្ឌិតយើងផ្ទាល់

👉Telegram clinic: t.me/NancyDermatologyClinic

☎️ 098 223 007


#ពេទ្យសើស្បែកណង់ស៊ី



រក្សាសិទ្ធដោយ ពេទ្យសើស្បែកណង់សុី Nancy Dermatology Clinic

14/06/2026

សន្និសីទសមាគមសម្ភព និងរោគស្ត្រីវិទ្យាកម្ពុជាលើកទី២៥ ក្រោមប្រធានបទ “ពង្រឹងកិច្ជសង្គ្រោះបន្ទាន់ផ្នែកសម្ភព”។
——

រាជធានីភ្នំពេញ៖ ព្រឹកថ្ងៃសៅរ៍ ទី១៣ ខែមិថុនា ឆ្នាំ២០២៦ នៅសណ្ឋាគារភ្នំពេញឯកឧត្តមសាស្ត្រាចារ្យ ឡឹម តារា រដ្ឋលេខាធិការក្រសួងសុខាភិបាល បានអញ្ជើញជាអធិបតី ក្នុងពិធីបើក សិក្ខាសាលាលើកទី២៥ របស់សមាគមសម្ភព និងរោគស្ត្រីវិទ្យាកម្ពុជា ដែលមានការចូលរួមពីឯកឧត្តម លោកជំទាវ រដ្ឋលេខាធិការ អនុរដ្ឋលេខាធិការ ទីប្រឹក្សាក្រសួងសុខាភិបាល វេជ្ជបណ្ឌិតជំនាញ ឯកទេសជាតិ និងអន្តរជាតិ ព្រមទាំងដៃគូពាក់ព័ន្ធ ដោយផ្ទាល់ចំនួន ៣៤៥រូប និងតាមប្រព័ន្ធ Zoom ចំនួន ៥៧រូប។

ក្នុងឱកាសនោះ ឯកឧត្តមសាស្ត្រាចារ្យ បានកោតសរសើរចំពោះសមាគមសម្ភព និងរោគស្ត្រីវិទ្យាកម្ពុជា ដែលបានខិតខំរួមចំណែកក្នុងការអភិវឌ្ឍសមត្ថភាពវិជ្ជាជីវៈរបស់បុគ្គលិកសុខាភិបាល និងលើកកម្ពស់គុណភាពសេវាសុខាភិបាល ជាពិសេសក្នុងវិស័យសុខភាពមាតា ទារក និងស្ត្រី។

ឯកឧត្តមសាស្រ្តាចារ្យ បានគូសបញ្ជាក់ថា ស្ថានភាពសង្គ្រោះបន្ទាន់ ផ្នែកសម្ភពមួយចំនួន ដូចជាការហូរឈាមក្រោយសម្រាល ជំងឺលើសឈាម និងក្រឡាភ្លើងពេលមានផ្ទៃពោះ ការឆ្លងមេរោគធ្ងន់ធ្ងរ និងការសម្រាលលំបាក នៅតែជាមូលហេតុចម្បង ដែលគំរាមកំហែងដល់អាយុជីវិតមាតា និងទារក។ ដូច្នេះ ការរកឃើញកត្តាហានិភ័យជាមុន ការបញ្ជូនអ្នកជំងឺឱ្យបានទាន់ពេលវេលា និងការគ្រប់គ្រងប្រកបដោយប្រសិទ្ធភាព គឺជាកត្តាសំខាន់ក្នុងការកាត់បន្ថយផលវិបាក និងមរណភាព។ ឯកឧត្តមបានបន្តថា ការកាត់បន្ថយមរណភាពមាតា និងទារក គឺជាអាទិភាពសំខាន់មួយរបស់វិស័យសុខាភិបាល ដែលទាមទារឱ្យមានការពង្រឹងសមត្ថភាពបុគ្គលិកសុខាភិបាលជាបន្តបន្ទាប់ ការធានាប្រព័ន្ធបញ្ជូនអ្នកជំងឺឱ្យបានចំគោលដៅ និងទាន់ពេលវេលា ព្រមទាំងការផ្តល់សេវាថែទាំ ប្រកបដោយគុណភាព សុវត្ថិភាព និងប្រសិទ្ធភាព។

ជាមួយគ្នានេះ ឯកឧត្តមក៏បានសង្កត់ធ្ងន់លើសារៈសំខាន់នៃសីលធម៌វិជ្ជាជីវៈ និងការប្រាស្រ័យទាក់ទងប្រកបដោយប្រសិទ្ធភាព ដែលជាកត្តាគន្លឹះ ក្នុងការពង្រឹងសុវត្ថិភាពអ្នកជំងឺ ការកសាងទំនុកចិត្តរបស់ប្រជាពលរដ្ឋ និងការលើកកម្ពស់គុណភាពសេវាសុខាភិបាលនៅកម្ពុជា។

ឯកឧត្តមសាស្រ្តាចារ្យ ក៏បានអំពាវនាវដល់គ្រឹះស្ថានសុខាភិបាល សមាគមវិជ្ជាជីវៈ និងភាគីពាក់ព័ន្ធទាំងអស់ បន្តពង្រឹងការបណ្តុះបណ្តាល ការធានាគុណភាពសេវា ការសិក្សាស្រាវជ្រាវ និងកិច្ចសហការគ្រប់កម្រិត ដើម្បីបន្តលើកកម្ពស់សុខភាពមាតា ទារក និងសុខភាពស្ត្រីនៅកម្ពុជា ឱ្យកាន់តែប្រសើរឡើង ស្របតាមគោលនយោបាយ និងយុទ្ធសាស្ត្ររបស់ក្រសួងសុខាភិបាល។

11/06/2026

វគ្គបណ្តុះបណ្តាល ស្តីពីការពិនិត្យ និងព្យាបាលជំងឺមហារីកមាត់ស្បូន ដោយប្រើ Colposcopy, Thermal Ablation និង LEEP ជូនដល់គ្រូពេទ្យមកពីមន្ទីរពេទ្យថ្នាក់ជាតិ និងថ្នាក់ក្រោមជាតិ​ ដើម្បីពង្រឹងគុណភាពសេវាពិនិត្យ និងព្យាបាលជំងឺមហារីកមាត់ស្បូននៅកម្ពុជា។
—

រាជធានីភ្នំពេញ៖ រសៀលថ្ងៃទី៩ ខែមិថុនា ឆ្នាំ២០២៦ ក្រសួងសុខាភិបាល លោកជំទាវសាស្ត្រាចារ្យ អ៊ឹម សិទ្ធិការ្យ រដ្ឋលេខាធិការក្រសួងសុខាភិបាល និងប្រធានក្រុមការងារបច្ចេកទេស ដឹកនាំកម្មវិធីពិនិត្យស្រាវជ្រាវ និងគ្រប់គ្រងជំងឺមហារីកមាត់ស្បូន បានអញ្ជើញជាអធិបតី ក្នុងពិធីបិទវគ្គបណ្តុះបណ្តាល ស្តីពីការពិនិត្យ និងព្យាបាលជំងឺមហារីកមាត់ស្បូន ដោយប្រើ Colposcopy, Thermal Ablation និង LEEP ជូនដល់គ្រូពេទ្យមកពីមន្ទីរពេទ្យថ្នាក់ជាតិ និងថ្នាក់ក្រោមជាតិ​ ដើម្បីពង្រឹងគុណភាពសេវាពិនិត្យ និងព្យាបាលជំងឺមហារីកមាត់ស្បូននៅកម្ពុជា។

ក្នុងឱកាសនោះដែរ អង្គការ JICA ក៏បានចូលរួមសហការរៀបចំ និងបោះពុម្ពសៀវភៅមគ្គុទេសក៍ស្តីពីការគ្រប់គ្រង ការពិនិត្យ និងការព្យាបាលជំងឺមហារីកមាត់ស្បូន ដោយប្រើ Colposcopy, Thermal Ablation និង LEEP បានប្រគល់ជូនក្រសួងសុខាភិបាល សម្រាប់ចែកជូនសិក្ខាកាមប្រើប្រាស់ជាឯកសារជំនួយស្មារតី និងជួយសម្រួលដល់ការអនុវត្តការងាររបស់មន្ត្រីសុខាភិបាល នៅទូទាំងប្រទេស។

វគ្គបណ្តុះបណ្តាលរយៈពេលសរុបទាំង៧ថ្ងៃនេះ ឆ្លើយតបទៅនឹងតម្រូវការបន្ទាន់ ក្នុងការពង្រឹងសមត្ថភាព មន្ត្រីសុខាភិបាល ដែលត្រូវបានរៀបចំឡើងយ៉ាងហ្មត់ចត់ ដោយគ្រូបង្គោលថ្នាក់ជាតិ ស្ថិតនៅក្រោមការដឹកនាំ វាយតម្លៃគុណភាព និងសមត្ថភាពសិក្ខាកាម ដោយសាស្ត្រាចារ្យ គាន់​ អូន ប្រធានក្រុមការងារបច្ចេកទេស ដឹកនាំកម្មវិធីពិនិត្យស្រាវជ្រាវ និងគ្រប់គ្រងជំងឺមហារីកមាត់ស្បូន និងនាយកដ្ឋានការពារសុខភាព នៃក្រសួងសុខាភិបាល ដោយមានគោលបំណងសំខាន់ក្នុងការបង្កើនចំណេះដឹង ពង្រឹងជំនាញបច្ចេកទេស ការផ្តល់ប្រឹក្សា និងលើកកម្ពស់សមត្ថភាពវិជ្ជាជីវៈ ព្រមទាំងក្រមសីលធម៍របស់គ្រូពេទ្យ ក្នុងការរកឃើញរោគសញ្ញាមុនមហារីក និងការព្យាបាលជំងឺមហារីកមាត់ស្បូន ឱ្យបានទាន់ពេលវេលា ស្របតាមស្តង់ដាជាតិ និងអន្តរជាតិ។

អំឡុងពេលសិក្សា សិក្ខាកាមនឹងទទួលបានទាំងចំណេះដឹងផ្នែកទ្រឹស្តី ការអនុវត្តបង្ហាញត្រាប់ (Simulation skill) និងការអនុវត្តពិនិត្យជំងឺជាក់ស្តែង នៅផ្នែករោគស្ត្រី នៃមន្ទីរពេទ្យកាល់ម៉ែត ក្រោមការណែនាំពីគ្រូបង្គោល និងអ្នកជំនាញឯកទេស។ ការបណ្តុះបណ្តាលផ្តោតលើការប្រើប្រាស់ឧបករណ៍ Colposcopy សម្រាប់ការពិនិត្យវិនិច្ឆ័យ ការប្រើវិធីសាស្ត្រ Thermal Ablation សម្រាប់ព្យាបាលកោសិកាមិនប្រក្រតីមុនមហារីក និងបច្ចេកទេស LEEP សម្រាប់ការព្យាបាលអ្នកជំងឺ ដែលត្រូវការអន្តរាគមន៍ជាក់លាក់។

ឆ្លៀតក្នុងឱកាសនេះដែរ លោកជំទាវសាស្ត្រាចារ្យ បានគូសបញ្ជាក់ថា ជំងឺមហារីកមាត់ស្បូននៅតែជាបញ្ហាសុខភាពសាធារណៈដ៏សំខាន់មួយ ដែលប៉ះពាល់ដល់សុខភាពស្ត្រីជាច្រើន ដូច្នេះ ការពង្រឹងសមត្ថភាពបុគ្គលិកសុខាភិបាល ក្នុងការពិនិត្យ និងព្យាបាលឱ្យបានទាន់ពេលវេលា គឺជាកត្តាសំខាន់ក្នុងការកាត់បន្ថយអត្រាឈឺ និងអត្រាស្លាប់ ដែលបណ្តាលមកពីជំងឺមហារីក។លោកជំទាវសាស្រ្តាចារ្យ ក៏បានណែនាំឱ្យសិក្ខាកាមទាំងអស់ខិតខំសិក្សារៀនសូត្រ យកចិត្តទុកដាក់ទាំងផ្នែកទ្រឹស្តី និងការអនុវត្តផ្ទាល់ ដើម្បីទទួលបានចំណេះដឹង និងជំនាញពេញលេញ ព្រមទាំងយកចំណេះដឹងដែលទទួលបាន ទៅអនុវត្តនៅតាមមូលដ្ឋានសុខាភិបាលរបស់ខ្លួន ប្រកបដោយវិជ្ជាជីវៈ ក្រមសីលធម៌ និងការគោរពសិទ្ធិឯកជនភាពរបស់អ្នកជំងឺ។

តាមការរំពឹងទុក បន្ទាប់ពីបញ្ចប់វគ្គបណ្តុះបណ្តាលនេះ គ្រូពេទ្យដែលបានចូលរួមនឹងអាចអនុវត្តបច្ចេកទេសទំនើបទាំងនេះ ប្រកបដោយទំនុកចិត្ត និងប្រសិទ្ធភាពខ្ពស់ ដែលនឹងជួយពង្រីកការផ្តល់សេវាពិនិត្យ និងព្យាបាលឱ្យកាន់តែទូលំទូលាយ និងងាយស្រួលដល់ស្ត្រីនៅតាមបណ្តាខេត្តនានា។

វគ្គបណ្តុះបណ្តាលនេះ ត្រូវបានចាត់ទុកថាជាជំហានដ៏សំខាន់មួយ ក្នុងការពង្រឹងគុណភាពសេវាសុខាភិបាល និងគាំទ្រដល់គោលនយោបាយជាតិ ក្នុងការកាត់បន្ថយបន្ទុកជំងឺមហារីកមាត់ស្បូន សំដៅលើកកម្ពស់សុខុមាលភាព និងគុណភាពជីវិតរបស់ស្ត្រីកម្ពុជា។

នៅក្នុងពិធិបិទវគ្គនោះដែរ លោកជំទាវរដ្ឋលេខាធិការ ក៏បានចែកជូន​ម៉ាស៊ីន​ Colposcopy, Thermal ablation និង LEEP ដល់មន្ទីរពេទ្យថ្នាក់ជាតិចំនួន៨ និងថ្នាក់ខេត្តចំនួន ៧ (៦មន្ទីរពេទ្យគាំទ្រដោយគម្រោង H-EQIP 2 និង១មន្ទីរពេទ្យគាំទ្រដោយគម្រោង WHO)។

សូមជម្រាបជូនថា វគ្គបណ្តុះបណ្តាលនេះបានរៀបចំឡើងមានចំនួន៥ថ្ងៃ ​ដោយផ្តោតលើបច្ចេកទេសពិនិត្យ​ព្យាបាល និងបន្ថែមចំនួន ២ថ្ងៃទៀត​ សម្រាប់គ្រូពេទ្យ និងឆ្មប ដើម្បីធ្វើការងារជាក្រុមសម្រាប់​ការថែទាំឧបករណ៍លាងសម្អាត ការការពារការឆ្លងរោគ និងការផ្តល់ប្រឹក្សានៅសណ្ឋាគារភ្នំពេញ ដោយមានការចូលរួមពីថ្នាក់ដឹកនាំក្រសួងសុខាភិបាល ជាអនុរដ្ឋលេខាធិការ ទីប្រឹក្សា តំណាងអង្គការដៃគូអភិវឌ្ឍន៍ជាតិ និងអន្តរជាតិ និងគ្រូពេទ្យមកពីមន្ទីរពេទ្យថ្នាក់ជាតិ និងថ្នាក់ខេត្ត សរុបចំនួន ៦៨នាក់ ដោយមានការគាំទ្រថវិកា និងបច្ចេកទេស ពីគម្រោងលើកកម្ពស់គុណភាព និងសមធម៌សុខាភិបាល ដំណាក់កាលទី២ (H-EQIP 2)

10/06/2026

04/06/2026

ប្រកបដោយទំនុកចិត្ត

Elite Angkor Clinic

02/06/2026

With មន្ទីរពេទ្យ សូរិយា Soriya Hospital – I just got recognized as one of their top fans! 🎉

01/06/2026

With KHEMA International Polyclinic មន្ទីរពហុព្យាបាលអន្តរជាតិខេមា – I just got recognized as one of their top fans! 🎉