04/05/2025
មកចែករំលែកម៉ាក់ៗ បងប្អូនទាំងអស់គ្នា
អង្ករលីងជាមួយខ្ញី
😋របៀបធ្វើ
យកអង្ករ 2កំប៉ុង ខ្ញី 1kg
បន្ទាប់យកខ្ញីមកហាន់ជំនិតៗស្ដើងល្មម (ខ្ញីស្រស់អត់ហាលទេ)
រួចមកលីងអង្ករអោយរាងល្មមដាក់ខ្ញីចូលលីងជាមួយគ្នារហូតដល់ក្រហមស្ងួតដាច់ៗពីគ្នា ហើយទុកវាអោយត្រជាក់ទើបដួសដាក់ប្រអប់ ទើបវាអត់ដុសផ្សិត ហើយដាក់ក្នុងទូរទឹកកក។
😋របៀបឆុត
ដាក់ទឹកក្ដៅដាំពុះ 100អង្សាសេ ១លីត្រកន្លះ 1500ml ដួសអង្ករលីងខ្ញី 3 ទៅ 4 ស្លាបព្រាបាយដាក់ចូលបំពង់ទឹកក្ដៅ (បំពង់ទឹកក្ដៅនេះរក្សាកំដៅបាន 24ម៉ោង)
😋របៀបញុំ
ទុកវាប្រហែល១០នាទី អោយវាចេញជាតិអង្ករនឹងខ្ញី ទើបយកមកញុំ ហើយញុំពេលណាក៏បាន ញុំដូចយើងញុំទឹកចឹង ញុំវាជំនួសទឹក
😋លទ្ធផល
ញុំទៅស្រួលខ្លួន ក្ដៅសសៃ សំរកក្បាលពោះ ស្រកគីឡូ (ព្រោះអី អង្ករវារឹកទៅ ពេលញុំទឹកនឹងដូចយើងញុំទឹកបបរចឹង វាធ្វើអោយយើងឆ្អែត មិនឃ្លាន វានឹងពោះ) ញុំហើយបែកញើសមកជោគៗដូចយើងស្ទឹមសូណាចឹង ស្រកដោយមិនចាំបាច់ហាត់ប្រាណ
😚បញ្ជាក់
កូនខ្ចីថ្មីៗ កូនខ្ចីចាស់ខែ អ្នកមិនមែនកូនខ្ចី ក្រមុំ មេម៉ាយ ទំនេរអី ញុំបានទាំងអស់ ព្រោះធម្មជាតិ មិនប៉ះពាល់អីទេ។
ប៉ុននឹងច្បាស់នៅម៉ាក់ៗ តែបើខ្ញុំធ្វើខុសក្បួនអីជួយប្រាប់ផងបងៗអូនៗដែរដឹង ព្រោះរបៀបធ្វើញុំប្រចាំគ្រួសារខុសៗគ្នា។
អរគុណម៉ាក់ៗ ចែកគ្នាស្អាតយើងទាំងអស់គ្នាស្រីៗ 🥰😘😍
