22/05/2026
និស្ស័យ ឬ វាសនា?
ឆ្នាំ២០១៩ ជាឆ្នាំ ខ្ញុំបានដើរចូលក្នុងវិថីមួយនេះ ចិត្តចង់រៀនសូត្រ និង ស្វែងយល់ថាអ្វីជាហុងស៊ុយ? កាលនោះខ្ញុំបានស្គាល់អ្នកគ្រូ តាមរយះទូរទស្សន៍ យូធូប ។ល។ ខ្ញុំចេះតែឆ្ងល់ថាអ្វីជាវិជ្ជាទេវតា? សន្សំលុយ ដើម្បីរៀនហើយខិតខំទន្ទេញមេរៀន រូបមន្ត ទាំងក្នុងបន្ទប់ទឹក សរសេរដាក់បាតដៃ រហូតមានថ្ងៃមួយ ក្នុងថ្នាក់ Bazi-1 ខ្ញុំរត់តាមអ្នកគ្រូ ដល់ឡានគាត់ ហើយជម្រាបសួរគាត់មួយសំនួរ (តើទៅបន់ស្រន់ពេលណាទើបព្រះព្រមជួបយើង?)
អ្នកគ្រូ: (ញញឹម) មករៀនបន្តវត្តរើសពេលាល្អ។
ខ្ញុំ: (សួរសំនួរអ្នកគ្រូ មិនដែលបានចម្លើយត្រង់ៗទេ ធ្វើអោយយើងគិតរហូត).
បន្តមកទៀត ខ្ញុំខិតខំសន្សំប្រាក់ដើម្បីរៀនបន្ត និង អនុវត្តនៅរូបមន្ត និង ទ្រឹស្តី ដែលអ្នកគ្រូតែងតែមានប្រសាសន៍កន្លងមក។ ក្នុងចិត្តខ្ញុំ អ្នកគ្រូ មិនត្រឹមតែជាគ្រូបង្រៀនវិជ្ជាទេវតា មកដល់ខ្ញុំទេ តែគាត់គឺជានិមិត្តរូប នៃនិយមន័យ អ្វីទៅជា សីលធម៌ គុណធម៌ មេត្តាធម៌ សម្រាប់ខ្ញុំ និង សិស្សគ្រប់ៗគ្នា។
ទឹកចិត្តស្រលាញ់ ដែលអ្នកគ្រូមានសម្រាប់សិស្សគឺធំធេងណាស់។
ខ្ញុំសឹងតែភ្លេចចំណុចសំខាន់មួយទៀត គឺរាល់ពេលដែលយើងបានស្តាប់ប្រសាសន៍អ្នកចំណុច ខ្លះខ្លីៗ តែមិនខ្លី ឧទាហរណ៍ក្នុងឆ្នាំ២០២៤ ក្នុងកម្មវិធីថ្ងៃកំណើត អ្នកគ្រូ
អ្នកគ្រូណាលី: (ពីឥលូវនេះ ២០២៤-២០២៨ ស្ថានភាពប្តូរយុគ្គ មានភាពផុយស្រួយណាស់ សេដ្ឋកិច្ច វិបត្តិសកល អាចកើតមាន រហូតដល់២០២៨ ទើបប្រសើ។)
នៅមានឧទាហរណ៍ផ្សេងៗទៀត ដែលយើងស្តាប់ហើយភ្លេចសង្កេត នេះជាហេតុផលខ្ញុំគោរពស្រឡាញ់អ្នកគ្រូ ដូចម្តាយទី២។
រហូតដល់ ឆ្នាំ២០២៥ កម្ពុជាមានកិត្តិយសក្រោមការខិតខំរបស់អ្នកគ្រូ បានធ្វើជាម្ចាស់ផ្ទះក្នុងកម្មវិធី មហាសន្និបាទប្រចាំឆ្នាំរបស់សមាគមន៍ហុងស៊ុយ អន្តរជាតិ នៅថ្ងៃទី១៥-១៦ វិច្ឆិកា ២០២៥។
រូបខ្ញុំពិតជាមានសំណាងដែលរូបខ្ញុំ មានឪកាសទទួលរង្វាន់ធ្វើដួងកែវកំណើត ដោយផ្ទាល់ពីអ្នកគ្រូណាលី ជារង្វាន់មួយក្នុងចំណោមសមាជិកចូលរួមរាប់ពាន់អ្នក ច្រើនប្រទេសចូលរួម។
ខ្ញុំពិតជាសូមអរគុណដល់ក្រុមការងារក្រោមបង្គាប់អ្នកគ្រូ ដូចជា យិនផារ៉ាដាយ ម៉ាស្ទ័រណាលីហុងស៊ុយ App My Destiny IFSA Cambodia ។ល។ ដែលមើលទៅដូចជាយិននិងយ៉ាង សហការគ្នារហូតបរទេសសរសើរកម្ពុជាមិនដាច់ពីមាត់។
ជាចុងក្រោយ ខ្ញុំសូមអរគុណដល់ អ្នកគ្រូណាលី ដែលខិតខំប្រឹងប្រែងអភិវឌ្ឍន៍ វិស័យហុងស៊ុយ ក្នុងប្រទេសកម្ពុជា និង បណ្តុះបណ្តាលវិជ្ជាជីវៈហុងស៊ុយ ដល់អ្នកដែលកំពុងស្រលាញ់វិជ្ជានេះ ។
