https://www.facebook.com/1664292157198315/

Ademi Ai, Almaty (2026)

13/05/2019

жалғасы...
АЛТЫ БАЙЛЫҚТЫҢ ҚАДІРІН ҰҒЫНДЫРУ 🌷
⠀
🌷 ХАЛЫҚТЫҢ ҚАДІРІН БІЛУ.
Халық – күллі бақыт-байлықтың қайнары, өнер-ғылымның қамбасы, дүниенің қожасы екенін шынайы түсіну тиіс. Халықсыз қара жер де құлазитындығын ұғыну; əрдайым: «халқымнан айырма, халқымды қор қылма» деген игі тілекте болу; шен-шекпен, атақ-даңққа бөленіп, қолда қуат, бойда жігер, баста ақыл толық кезде халыққа көбірек қызмет істеу; халықтың ұлылығын, күштілігін, қаһарлылығын ұмытпау; қадір-қасиетін ардақтап, қуанышына қуанып, қайғы-қасіретіне ортақтаса білу; əркез өзін халықтан жоғары қоймау; ханның ісі – қараға, шалдың ісі – балаға түсетін күндер туатынын ешқашан естен шығармау; қашанда халықпен бірге болып, олармен тағдырлас, тыныстас болу; халықты қараламау, көпке топырақ шашбау керектігін білу тиіс. Бұл тəрбие ұрпақтарды халықшыл, көпшіл болуға жетелеп, санасын жоғарылатады. Кішіпейіл болуға дағдыландырып, менмендіктен, тəкаппарлықтан аулақ болуға баулиды.
⠀
🌷 ТУЫС-ТУҒАН, ДОС-ЖАРАННЫҢ ҚАДІРІН БІЛУ.
Есейген əрбір адам баласы туыс-туған, дос-жаранның – өзі үшін шексіз байлық, өлшеусіз рухани тірек екендігін жете ұғынып, «туыс-туған, дос-жараның – байлығың, сейілтетін қара бұлтын қайғының» деген дейін, «туыс-туған, дос-жарандарымнан ерте айырма» деген халық даналықтарын есте берік сақтай отырып, қамшының сабындай келте ғұмырда барша адам баласының бір-біріне қонақ екендігін жете ұғынып, əр жолғы дидарласу мен аман-сəлем жасасудың өзін бір ғанибет біліп, бір-бірін қадірлеп, құрметтеп, сыйлап, қолдан келген көмегін жасап отыру керек; аз күндік өмірде өзара аңдысып, дауласып-жауласып жүріп, бір-бірінен айырылып қалған күні: «əттеген-ай!» деп өкініп қалудан сақтану; басыңа бақ қонып, дəулетің мол кезде жат жандардың да маңайыңа құмырысқаша қаптап, басыңа іс түскенде тек туыс-туған, дос-жарандардың ғана қабырғасы қайысатынын ұмытпау; дос-жаран, туыс-туғаннан қол үзіп қалудан аулақ болу керек. Бұл тəрбие ұрпақтарды бауырмалдыққа, береке-бірлікке, татулыққа жетелеп, адамдарды, тасбауырлықтан, рақымсыздықтан, қатігездіктен арылтып, адамдық сүйіспеншілікті арттырады.
⠀
🌷 жалғасы комментарийде...

08/05/2019

Жеңіс күнімен! 🌷

Осыдан 74 жыл бұрын адамзат тарихындағы ең сұрапыл Ұлы Отан соғысы аяқталды. Осы соғыстың кесірінен қаншама көз жасы төгілді. Қаншамамыздың ата-әжелеріміз қайта оралмады. Майдан даласында бүгінгі ұрпағының амандығы үшін батырларымыз өз кеудесін оққа тосты. Бүгінгі бейбіт күнімізді қорғады. Сондықтан да, 1418 күн бойы бізді қорғаған қаһармандарымыздың мәңгілік ерлігін ешқашан ұмытпайық! Тек 9 мамыр ғана емес, батыр ата-әжелерімізді басқа күндері де естен шығармайық. Бейбіт заман үшін біз оларға қарыздармыз.
#9мамыр #жеңіскүні

07/05/2019

Елін сүйген ерлерімізді, асыл азаматтарымызды бүгінгі Отан қорғаушылар күнімен шын жүректен құттықтаймын! 🇰🇿
Мерекелеріңізбен, құрметті жігіттер! ✊
#7мамыр #Отанқорғаушыларкүнімен

02/05/2019

Бұл бір тамаша кеш болды.
Театр және кино актеры Саттар Ерубаев Алматы қаласының тұрғындары мен қала қонақтары үшін "Кел күлейік" атты əзіл және əн концерті шығармашылық кешін өткізді. Концертке Сәттар бауырымыздың өнерде бірге жүрген достарының барлығы келді. Түнгі Студияның тізгінін ұстаған Қайрат Әділгерей де, Әзіл әлемі театрының әртісі Ерболат Төлегенов те (Шімән апа), актер Әділ Ахметов те, әншілер де, бишілер де, барлық өнер азаматтары осы кештен табылды. @ Almaty, Kazakhstan

28/04/2019

Ұлы дала баласы!

26/04/2019

Музейде болдым...
Бүгін Ұлттық музейдің 5 жылдығына орай "Мейірім - шеберлер қаласы" атты ерекше шара өтті. Мүмкіндігі шектеулі балалардың қатысуымен өткен бұл тамаша шараға "Әдемі-Ай" ұлттық кәдесыйлар компаниясы демеуші ретінде қатысты. Ал алған әсерді айтып жеткізу мүмкін емес. Сондай бір талантты әрі дарынды балаларымыз көп екен. @ Қазақстан Республикасы Ұлттық Музейі

26/04/2019

Бүгін – ұлт мақтанышы, ұлы жазушы Сәбит Мұқановтың туған күні.

Оның есімі қазақ әдебиетіндегі алыптар шоғыры қатарында аталады. Сәбит Мұқанов халық ішінен, оның қиын да азапты тіршілігінің шыңырау түбінен қайнап шықты. Ол халық мұңын жүрегіне ұялатып, көз жасы мен шер-шеменін шығармаларына арқау етті.
#СәбитМұқанов #жазушы #ұлтмақтанышы

25/04/2019

АЛТЫ БАЙЛЫҚТЫҢ ҚАДІРІН ҰҒЫНДЫРУ 🌷
Қазақ халқы ұрпақ тəрбиесінде, тəрбиелік мазмұны бай, қамтитын көлемі жан-жақтылы, кең болуына баса назар аударып, өмірдің жақсы-жаман тұстарын жүйелі ұғындырып, өмірдің аумалы-төкпелі болатынын, басқа бақ қонып, атақ-даңққа бөленгенде асып-таспай, қиындық көргенде саспай, үнемі кішіпейіл, халықшыл болу қажеттілігін ерекше ескертіп, əрбір адам баласы өз тіршілігінде мынадай алты байлықтың қадірін білу керектігін тəптіштей түсіндіріп отырған.
_ _ _ _ _

🌷 ЖАСТЫҚТЫҢ ҚАДІРІН БІЛУ.
Жастық шақтың екі айналмас алтын дəуір, өнер-ғылым үйренетін, əрқандай қиындықты бұйым құрлы көрмей, аңсаған арманға жетіп, бақыт-байлық жарататын, арындаған, жалындаған кез екендігін шынайы ұғынып жəне оны ғанибет біліп, жастық шақты мəнді, мағыналы өткізуге күш салу керек. Яғни, «жас болсаң – білім жиып бойлап өс, қартайсаң – қасиетті ойға көш» деген даналықты есте берік сақтап, «жас кезімде бейнет бер, қартайғанда дəулет бер» дейтін халық даналығының мəніне терең үңіліп, жас дəуренді қадірлеп, аялап, оны бос ойын-күлкімен өткізбей, бойда күш-қайрат бар кезде өнер-ғылым, үлгі-тағылым үйреніп, қартайғанда адал еңбегі мен ащы терінің игілігін көру, халыққа, Отанға, туған жерге бақыт-байлық жарату, яғни, жас дəуренді ойын-күлкімен өткізіп жіберіп, бойдан қуат, бастан ақыл кемігенде «қап!» деп өкініп қалудан сақтану. Жастықты – теңдессіз бақыт-байлық деп білу.
Бұл тəрбиенің де өзіндік маңызы бар. Ол ұрпақтарды жастық шақты қадірлеп мəн-мағыналы өткізуге, жастайынан өнер-білім үйреніп, халқына, Отанына адал қызмет етуге, мəдениетті, өнегелі болуға жетелейді.
_ _ _ _ _
Жалғасы төменде...

23/04/2019

Бүгін, Нұрсұлтан Назарбаевтың төрағалығымен «Nur Otan» партиясының кезектен тыс ХІХ съезі өтті.

Кезектен тыс өткен ХІХ съездің күн тәртібіне сәйкес Қазақстан Республикасының Президенті сайлауына «Nur Otan» партиясының атынан үміткер ұсыну жөніндегі мәселе қаралды.

22/04/2019

Өмірімнің әрбір сәті үшін Аллаға сансыз шүкір айтамын🌷

18/04/2019

жалғасы...
БАЛАНЫ ЖОМАРТТЫҚҚА ТƏРБИЕЛЕУ🌷
ЖОЛ ЖОМАРТТЫҒЫ 🌷
Ақыл-есі дұрыс барша адам баласы жүрген-тұрған жерлерінде елге жақсықылық, жарасымды мінез, жылы шырай көрсетіп, үлгі-тағылым таратып, əрқандай сəттерде алдымен өзгелерге жол беру, өлермен болмау, басқаларға жақсы əсер, үздік өнеге көрсету, сондай-ақ, жолда жатқан бір кесек тас болса да ерінбей алып тастап, басқа адамдардың жəбір-жапа көрмеуіне мүмкіндік, қолайылық тудырып жүрудің барлығын қазақ халқы жол жомарттығы деп атайды əрі жол жомарттығының барша адам баласының адамгершілігін, азаматтығын, адалдығы мен ізгілігін сынайтын жауапкершілігі күшті қасиетті ұғым екендігін жанды мысалдар арқылы ұрпақтарының құлағына құйып, көкейлеріне ұялатуға ерекше күш салады. Мысалы, жолда келе жатқан мысық, ит, тышқан, құс жəне басқа жан-жануарлар мен жəндіктердің өлексесін көрген; сондай-ақ, адам сүрініп жығылатындай тас, томар, табанға кіретіндей тікен, көзге тиетіндей ағаш сияқты заттарды байқаған адам, оларды міндетті түрде көміп тастау, алып тастау қажет. Егер оларды көре тұрып көмбегендігі жəне алып тастамағандығы себепті, ел-жұртқа ауру-сырқау тарап, адам өлсе немесе біреудің аяғы сынып, көзі шықса, сол зиянды нəрселерді көміп тастамаған, алып тастамаған адам – кісі өлтірген, пəле-қаза таратқан қандықол; аяқ сындырып, көз шығарған бұзық адам есептелетіндігі жөнінде егжей-тегжейлі түсіндіріп, перзенттерін ізгі ниетті жақсы адам болуға баулиды.
_ _ _ _ _
Жалғасы төменде...

17/04/2019

Әдемі-Айға қонаққа келді.

Ademi Ai

13/05/2019

08/05/2019

07/05/2019

02/05/2019

28/04/2019

26/04/2019

26/04/2019

25/04/2019

23/04/2019

22/04/2019

18/04/2019

17/04/2019

Address

Website

Alerts

Shortcuts

Share

Category