27/12/2016
كيف ترفعين عن نفسك 70% من عناء صناعه الحلويات
ارجو من الجميع قراءه هذا البوست جيدا
البوست دا حقيقي هو خلاصه تجربتي في عالم الحلويات
هل انتي بتحلمي تكوني أفضل من مستر شيف اللي في الصوره طبعا لا
مستر شيف دا الكيك بيجي له تركيبات جاهزه لا مقادير ولا غيره فقط يضع البيض وفي أنواع بيضيف لها الماء فقط
الكريمه جاهزه بودر شانتيه او كريمه خفق
جميع أنواع الصوصات بتيجي جاهزه في حرادل بلاستيك (كراميل فراوله شوكولاته ...........الخ)
حتي شربات الكنافه صفائح جاهزه
الفواكه المقطعه كومبوت جاهز علشان كدا بيبقى نفس المقاس
فورم الشيكولاته والأشكال جاهزه
كل ما يفعله مستر شيف أنه يركب كل الخامات دي مع بعض في شكل جميل دون تكبد عناء الدخول في اي تفاصيل
حقيقي عندنا ثقافه غريبه جدا يتبناها التليفزيون المصري في جميع برامجه وهي إقحام ست البيت المصريه في كافه تفاصيل ومفصلات صناعه الأشياء مما يؤدي في النهايه لفشلها مع إن الخامات دي متوفره في محلات مستلزمات الحلويات وسعرها يقترب تقريبا من أسعار المربات
وكدا انتو عرفتو نصف سر نجاحي دائما اسمع عباره 《الله ماشاء الله عليكي طعمه زي الجاهز بالضبط》 لأني فعلا باستخدم نفس خامات المصنع ولا بشغل نفسي بأي تفاصيل غير بالحاجات اللي فعلا عمايلها في البيت سهله وبسيطة وملهاش اي احتمالات فشل
طبعا ماحدش يفهم البوست دا غلط ويقول امال احنا هنتعلم ايه
احنا هنتعلم ان شاء كميه شغل في منتهي الروعه والجمال
اضافه أننا طبعا هنعمل في البيت كل ما ليس لسه احتمالات فشل وعموما أنا هنزل المقادير علشان الناس اللي مفيش عندها محلات مستلزمات قريبه منها
أشكركم المتابعه
