Naleem / නස්ප්ෆ් நஸ்ப்

28/09/2026

உலமா சபையின் தலையீடு..!

கல்முனை உப பிரதேச செயலக விவகாரத்தில் சட்ட ரீதியான நுணுக்கங்களையும், முஸ்லிம் சமூகத்தின் பக்கமுள்ள நியாயங்களையும் தெளிவுபடுத்துவதற்கும், அடுத்தகட்ட சமூகப் பாதுகாப்பு நகர்வுகளை மேற்கொள்வதற்கும் கல்முனை கிளை உலமா சபை (மௌலவி முர்ஸித் உள்ளிட்டோர்) முன்னாள் எம்பி ஹரீஸ் அவர்களின் ஏற்பாட்டின் கீழ் முக்கிய கலந்துரையாடல்களைக் கையாண்டுள்ளனர்.

தற்போது இந்த வழக்கின் அடுத்தகட்ட முக்கிய சமர்ப்பணங்கள் மற்றும் விசாரணைகள் 2026 ஒக்டோபர் 7ஆம் திகதி மேன்முறையீட்டு நீதிமன்றத்தில் எடுத்துக்கொள்ளப்படவுள்ளதால், இந்த விவகாரம் தற்போது உள்ளூர் அரசியல் மற்றும் சமூக ஊடகங்களில் பேசப்பட்டு வருகிறது

28/09/2026

முக்கிய போதைப்பொருள் கடத்தல்காரரான ஷிரான் பாசிக் என்பவரிடம் குற்றப் புலனாய்வுத் திணைக்களத்தினர் (CID) நடத்திய தீவிர விசாரணைகளின் போது,

தன்னிடம் இருந்த கோடிக்கணக்கான பணத்தை நாமல் ராஜபக்ஷ உள்ளிட்ட நாட்டின் முன்னணி அரசியல்வாதிகள் 11 பேரின் அரசியல் மற்றும் தேர்தல் நடவடிக்கைகளுக்காகச் செலவிட்டதாக அவர் அதிர்ச்சி வாக்குமூலம் அளித்துள்ளார்.

இவ் விவகாரம் குறித்துப் புலனாய்வு ஊடகவியலாளர் கீர்த்தி ரத்னாயக்க தனது முகநூல் பக்கத்தில் நாமல் ராஜபக்ஷ உள்ளடங்கலாகக் குறித்த 11 அரசியல்வாதிகளின் பட்டியலையும் அம்பலப்படுத்தியுள்ளார்.

நாமல் ராஜபக்ஷ, பிரேம்நாத் தொலவத்த, திலித் ஜயவீர, சரத் வீரசேகர, திரான் அலஸ், ஹிருணிகா பிரேமச்சந்திர, டயானா கமகே, அருந்திக பெர்னாண்டோ, ரஞ்சன் ராமநாயக்க, சுனேத் ரா ரணசிங்க மற்றும் தனசிரி அமரதுங்க ஆகியோரின் பெயர்களே இவ்வாறு குறிப்பிடப்பட்டுள்ளன.

போதைப்பொருள் வியாபாரம் மற்றும் ஒழுங்கமைக்கப்பட்ட குற்றச் செயல்கள் மூலம் ஈட்டப்பட்ட கறுப்புப் பணம், நாட்டின் முக்கிய அரசியல் பிரமுகர்களின் செலவுகளுக்குப் பயன்படுத்தப்பட்டுள்ளமை அம்பலமாகியுள்ளதால் இலங்கை அரசியல் வட்டாரங்களில் பரபரப்பு ஏற்பட்டுள்ளது.

27/09/2026

அரசாங்கத்தின் மீதான முஸ்லிம் இளைஞர்களின் நம்பிக்கை குறைந்துள்ளது..!

அஷ்-ஷைக் எம். அர்காம் நூரமித், அகில இலங்கை ஜம்இய்யத்துல் உலமாவின் (ACJU) பொதுச் செயலாளர்.

27/09/2026

தேசிய மக்கள் சக்தியின் எமது அரசாங்கம், “இரண்டாண்டுகள் பலம் அனைவருக்கும் முன்னேற்றம்" என்ற பேரணித் தொடரின் ஒரு பகுதியாக கம்பஹாவில் இன்று பிற்பகல் மாபெரும் பொதுக்கூட்டம் நடைபெற்றது.

கூட்டத்திற்குத் திரண்ட பெருந்திரளான மக்கள் கூட்டத்தால் கம்பஹா நகரத்தின் முக்கிய வீதிகள் மற்றும் பொது இடங்கள் அனைத்தும் முழுமையாக ஸ்தம்பித்தன.

ஜனாதிபதியின் உரையைக் கேட்பதற்காக மக்கள் கூட்டம் அரங்குகளையும் தாண்டி வீதிகளில் அலைகடலெனத் திரண்டிருந்தது

27/09/2026

அண்மையில் கல்முனையில் நடந்த நிகழ்வு ஒன்றில் HMM. ஹரீஸ் கலந்து கொண்டு பேசியவை...!

ஹக்கீம், றிசாத் போன்ற தலைவர்கள் தேர்தல் காலங்களில் மாத்திரம் முஸ்லிம் சமூகத்தை அணுகாமல், சமூகத்தின் இருப்புக்கும் உரிமைகளுக்கும் அச்சுறுத்தல் ஏற்படும் சந்தர்ப்பங்களிலும் களத்தில் இறங்க வேண்டும்

“தமிழ்–முஸ்லிம் பேரவை” போன்ற கூட்டு முயற்சிகள் இரு சமூகங்களுக்கிடையிலான நல்லிணக்கத்தையும் ஒற்றுமையையும் நோக்கமாகக் கொண்டிருந்தால், இரு தரப்பினரின் நியாயமான பிரச்சினைகளுக்கும் சமமான முக்கியத்துவம் வழங்கப்பட வேண்டும்

முஸ்லிம் அரசியல் தலைமைகள் தமிழ்–முஸ்லிம் ஒற்றுமைக்காக முன்னெடுக்கும் முயற்சிகளுக்கு தாங்கள் தடையாக இருக்க விரும்பவில்லை.

ஹக்கீம், றிசாத் போன்றவர்கள் தேர்தல் காலங்களில் மாத்திரம் முஸ்லிம் சமூகத்தை அணுகாமல், அந்த சமூகத்தின் இருப்புக்கும் உரிமைகளுக்கும் அச்சுறுத்தல் ஏற்படும் சந்தர்ப்பங்களிலும் அரசியல் தலைமைகள் களத்தில் இறங்க வேண்டும்.

பல நூற்றாண்டுகளாக முஸ்லிம் சமூகத்தின் முக்கியமான அடையாளமாக விளங்கிவரும் கல்முனை மாநகரம் தொடர்பில் பிரச்சினை எழுந்துள்ள நிலையில், முஸ்லிம் அரசியல் தலைமைகள் தீவிரமாகச் செயற்பட்டு, அந்த சமூகத்தின் உரிமைகளையும் இருப்பையும் பாதுகாப்பதற்கான நடவடிக்கைகளை முன்னெடுக்க வேண்டும் எனவும் வலியுறுத்தினார்

26/09/2026

ஸ்ரீலங்கா முஸ்லிம் காங்கிரஸின் தேசிய பட்டியல் என்பது ஆளுக்கொரு வருடம் என்று ஊருக்கு ஊர் பகிர்ந்தளிக்கப்படும் அலங்கார பொருளாகிவிட்டது...!

ரஊப் ஹகீம் போன்ற நீண்ட அரசியல் அனுபவமுள்ள ஒரு தலைமை ஏன் தொடர்ச்சியாக இந்த விளையாட்டுக்கு சம்மதிக்கின்றது என்பது மிகுந்த கவலையை தருகிறது.

ஒரு வருடத்துக்கு ஒரு ஊருக்கு அல்லது நபருக்கு தேசிய பட்டியலை வழங்குவதால் யாருக்கு என்ன நலவு கிடைக்கப்போகின்றது?

ஒரு வருடத்துக்குள் ஒரு பாராளுமன்ற உறுப்பினர் எதைத்தான் சாதிக்கலாம்?

கட்சியின் தேசிய பட்டியல் கட்சிக்கு வாக்களித்த ஊருக்கோ அல்லது கட்சிக்காக உழைத்த ஒருவருக்கோதான் கொடுக்கப்பட வேண்டும் என்றாலும் கூட, ஏதாவது ஒரு ஊரையோ அல்லது நபரையோ தேர்வு செய்து முழுமையான காலத்துக்கும் ஒருவரை நியமித்தால்தானே ஏதாயினும் ஒன்றை செய்யும் அவகாசம் நியமன எம்.பி.க்கு கிடைக்கும்.

அதைவிடுத்து வருடாவருடம் ஒவ்வொருவருக்கோ அல்லது வெவ்வேறு ஊர்களுக்கோ சுழற்சி முறையில் பகிர்ந்தளித்து, மக்களின் மடத்தனமான எதிர்பார்ப்பை பூர்த்தி செய்து, தேசிய பட்டியலூடாகக் கிடைக்கும் மகத்தான வாய்ப்பை கிள்ளிக் கிள்ளிக் கொடுத்து, யாருக்கும் எந்தப் பிரயோசனமற்றதாக ஆக்கிவிடுவது எந்த வகையில் நியாயமாகும்?

மக்கள்தான் மடத்தனமாக எதிர்பார்க்கின்றார்கள் என்றால் கட்சியின் தலைமையாவது சிந்தித்து செயற்பட வேண்டாமா?

முழுமையான காலத்தையும் யாராகினும் ஒரு திறமையானவருக்கு வழங்கி தேசிய பட்டியல் நியமனத்தை பெறுமதியாக்குவதில் இனியாவது ஸ்ரீலங்கா முஸ்லிம் காங்கிரஸ் தலைமை கவனம் எடுக்கட்டுமாக!

சிறந்த தலைமை என்பது எல்லோரையும் எல்லா நேரத்திலும் திருப்திப்படுத்துவதல்ல.

யார் விரும்பினாலும் விரும்பாவிட்டாலும் நேர்த்தியாக செயல்படுவதே சிறந்த தலைமையின் அடையாளம்.

இந்த கலாச்சாரத்துக்கு சகோதரர் ரஊப் ஹகீம் முற்றுப்புள்ளி வைக்காவிட்டால் அவருக்கு பின்னரும் இது தொடரும்.

தேசிய பட்டியலினூடாக சமூகத்துக்கு கிடைக்க சாத்தியமான அத்தனை நலவுகளும் பகிர்ந்தளித்தல் எனும் தொடர் விளையாட்டால் மொத்தமாக நாசமாகிவிடும்

SLMC ஆதரவாளர்கள்...!!

26/09/2026

2012 ஆம் ஆண்டு இலங்கையில் கொடூரமான முறையில் கொலை செய்யப்பட்ட பிரபல ரக்பி வீரர் வசீம் தாஜுதீனின் மரண விசாரணையில் தற்போது ஒரு புதிய திருப்பம் ஏற்பட்டுள்ளது.

தாஜுதீன் கொலை செய்யப்பட்ட சம்பவத்தின் போது, ஜனாதிபதி செயலகத்திற்குச் சொந்தமான 3 சொகுசு வாகனங்கள் (Cabs) இந்த குற்றச் செயலுக்காகப் பயன்படுத்தப்பட்டிருப்பது விசாரணைகளில் தெரியவந்துள்ளதாக அண்மைய புலனாய்வுத் தகவல்கள் தெரிவிக்கின்றன.

குறிப்பிட்ட இந்த மூன்று வாகனங்களும் அப்போதைய ஜனாதிபதி செயலகத்தின் ஊடாக ஷிரந்தி ராஜபக்ச மற்றும் யோசித ராஜபக்ச ஆகியோரின் பாதுகாப்புப் பணிகளுக்காக ஒதுக்கப்பட்டிருந்தவை என்று விசாரணைகளில் கண்டறியப்பட்டுள்ளது.

நீண்ட காலமாகத் தாமதிக்கப்பட்டு வந்த இந்த வழக்கு தற்போது புதிய சாட்சியங்கள் மற்றும் வாகனத் தடயங்கள் மூலமாக மீண்டும் தீவிர விசாரணைப் பாதையை எட்டியுள்ளது.

26/09/2026

26/09/2026

22வது திருத்தச் சட்டத்திற்கு எதிராக நாங்கள் வாக்களித்தோம்..!

25/09/2026

For Enquiries and Registration
whatsup 077 649 6424