11/09/2026
ලොකු තාත්තගේ ජීවිතේ ෆුල් ස්ට්රගල් එකක්. දැක්කා දා ඉඳන් දරුවෝ දෙන්නෙක් මත හැදුණු තාත්තා කෙනෙක්. ජීවත් වෙන්න ලොකු තාත්තට තිබ්බ ලොකුම බලාපොරොත්තුවත් මල්ලිලා දෙන්නම තමා.
චූටි මල්ලි ඉපදිලා කිරි බොන කාලෙදිමයි එයාලගේ අම්මා එයාලව දාලා ගියේ. එදා ඉඳන් මල්ලිලා දෙන්නව බලාගන්න ලොකු තාත්තා නොකරපු දෙයක් නෑ.
මල්ලිලා දෙන්නට ටොපියක්වත් කාගෙන්වත් ගන්න ලොකු තාත්තා උගන්වලා නෑ. උන් දෙන්නා හෙන අහිංසක දරුවෝ දෙන්නෙක්. තාත්තා ගත්ත මහන්සියට ඇත්තටම දෙයක් කරපු පැටව් දෙන්නෙක්.
මම දන්නෑ මොන පවක්ද ඒ පඩිසන් දුන්නේ කියලා. හැබැයි මේක ඇත්තටම මහපොළොව නුහුලන අපරාදයක් කියලා විතරමයි මම දන්නේ. මේ වෙද්දි ලොකු තාත්තාගේ කකුල් දෙකම අයින් කරන තත්ත්වයකට ඇවිල්ලා තියෙන්නේ.
ආයේ මේ වගේ අහිංසක මිනිස්සු එක්ක ගනුදෙනු කරද්දි මානුෂීයව ගනුදෙනු කරන්න. රණ්ඩුවක් දැක්කම හැරිලා යන කාටවත් සැරට සද්දයක්වත් දාන්නේ නැති මිනිස්සුන්ට ජීවිතේ කවදාහරිම දවසක සැපක් විඳලා මැරෙන්න දෙන්න.
මේ ළමයි වචනයේ පරිසමාප්තියෙන්ම අහිංසකම ළමයි. ලොකු තාත්තත් එසේමයි!
මල්ලි නිවන් සුව ❤🩹
දෙහිවල සිද්ධියේ දරුවන් දෙදෙනාගේ සහෝදරියක් තැබූ සංවේදි සටහනක්....
ඉහත සටහනට පාදක වූ සිද්ධිය 👇
දෙහිවල, සිරිසඟබෝ මාවත ප්රදේශයේ නිවසකට අද (11) අළුයම එල්ල වූ අත්බෝම්බ ප්රහාරයකින් ළමයින් දෙදෙනකු ජීවිතක්ෂයට පත්ව ඔවුන්ගේ පියා තුවාල ලැබීය.
ප්රහාරයෙන් තුවාල ලැබූ 55 හැවිරිදි ඔවුන්ගේ පියා රෝහල්ගත කර ඇති අතර ඔහුගේ පාදයකට තුවාල සිදුව ඇති බවට තොරතුරු වාර්තා වෙයි.
ඔහුට එරෙහිව කිසිදු අපරාධ ඉතිහාසයක් හෝ චෝදනාවක් නොමැති බව පොලිසිය පැවසීය.
අත්වැරදීමකින් අදාළ නිවසට නාඳුනන පුද්ගලයෙකු විසින් බෝම්බ ප්රහාරය එල්ලකර ඇති බවට සැකකරන බව පොලිසිය සඳහන් කළේය.
2026/09/10
