25/12/2025
"අලුත් පියාපත සහ ලොකු පුටුව"
එක්තරා ආයතනයක හිටියා හැමතිස්සෙම ලොකු පුටුවලට වැඳගෙන, තමන්ගේ වැඩේට වඩා අනුන්ගේ වැරදි හොයන "ඕපාදූප" සේවකයෙක්. මෙයාගේ ප්රධානම රාජකාරිය වුණේ තමන්ගේ බොස් (Boss) සතුටු කරන්න අනිත් අය ගැන කේලාම් කියන එක.
දවසක් මේ සේවකයා බොස්ගේ කාමරයට දුවගෙන ගියා.
"සර්... සර්... අර අලුතෙන් ආපු පියන් (Peon) මල්ලි අදත් වැඩ පටන් ගන්න කලින් තේ එකක් බිබී පත්තරේ බල බල ඉන්නවා. මම නම් ඒක අනුමත කරන්නේ නැහැ සර්!"
බොස් කණ්ණාඩි දෙක පහත් කරලා මෙයා දිහා බැලුවා. "ඉතින්?"
"නෑ සර්, මම කියන්නේ... අපි මෙතන වැඩ කරන්නේ ආයතනය ගැන හිතලා. අර වගේ අය නිසා අපේ වටිනා කාලය අපතේ යනවා." සේවකයා ලොකු ලකුණක් දාගන්න හිතාගෙන කිව්වා.
බොස් හිනාවෙලා මෙහෙම ඇහුවා. "ඔයා දන්නවද අද ඒ පියන් මල්ලි උදේ 6 ට ඇවිත් කාර්යාලයම අතුගාලා, ෆයිල් ටික පිළිවෙළට තියලා, මගේ මේසෙත් පිරිසිදු කරලා ඉවරයි කියලා? ඒ නිසයි එයාට පත්තරේ බලන්න වෙලාව තියෙන්නේ."
සේවකයා ගොළු වුණා. බොස් ආයෙත් මෙහෙම කිව්වා: "ඔයා අනුන්ගේ පත්තරේ ගැන හොයනවට වඩා, තමන්ගේ වැඩේ නියමිත වෙලාවට කළා නම් ඔයාටත් ඔය තේ එක නිදහසේ බොන්න වෙලාව ලැබෙනවා. දැන් ගිහින් ඊයේ මම දුන්න රිපෝට් එක ඉවර කරන්න."
සේවකයා කාමරයෙන් එළියට ආවේ ලොකු පුටුවෙන් "ලකුණු" ලැබෙනවා වෙනුවට "ලුණු" හම්බවුණු මූණක් තියාගෙනයි.
💡 අද සිතුවිලි සිත්තම (The Lesson): අනුන්ගේ අතපසුවීම් සොයමින් කාලය වැය කරන මිනිසාට, තමන්ගේ දියුණුව සඳහා ඇති කාලය ඉබේම අහිමි වී යයි. අනුන් දෙස බැලීමට පෙර තමන්ගේ වගකීම නිසියාකාරව ඉටු කළාදැයි සොයා බලන්න.
ඔබේ කාර්යාලයේත් මෙහෙම "කේලාම් රජවරු" ඉන්නවද? යාළුවන්ටත් පෙනෙන්න Share කරන්න. 👇
#සිතුවිලිසිත්තම්
