Soundtronic technology

18/04/2026

ඔබ නිතරම දකින ABC (Aerial Bundled Conductors) කේබල් මෙහෙම ඇඹරිලා තියෙන්නේ ඇයි කියලා ඔබ දන්නවාද?

​මේ ඇඹරුම (Twist) පිටුපස තියෙන ප්‍රධානම තාක්ෂණික රහස් 3ක් මෙන්න:

​1. විද්‍යුත් චුම්භක සමබරතාව (Electromagnetic Balance) ⚡විද්‍යුත් චුම්භක සමබරතාව (Electromagnetic Balance) කියන සංකල්පය ABC (Aerial Bundled Conductors) කේබල් වලදී ඉතා වැදගත් වෙන්නේ විදුලිය ගලා යාමේදී සිදුවන හානිය අවම කරගන්නයි. මෙය සරලව කොටස් හතරකින් තේරුම් ගනිමු.

​I. චුම්භක ක්ෂේත්‍ර අවලංගු වීම (Cancellation of Magnetic Fields)

​ඕනෑම සන්නායකයක් (Wire) හරහා විදුලිය ගලා යන විට ඒ වටා චුම්භක ක්ෂේත්‍රයක් නිර්මාණය වෙනවා. ත්‍රි-පේස් (3-Phase) පද්ධතියක සන්නායක තුන එකිනෙකට ඈතින් තිබුණොත්, ඒ සෑම වයර් එකක් වටාම විශාල චුම්භක ක්ෂේත්‍රයක් පවතිනවා.
​නමුත් ABC කේබල් එකක සන්නායක තුනම එකිනෙකට තදින් ඇඹරී (twisted) පවතින නිසා:
• ​එක් සන්නායකයකින් ඇති කරන චුම්භක ක්ෂේත්‍රය, අනෙක් සන්නායක දෙකෙන් ඇති කරන ක්ෂේත්‍ර මගින් බොහෝ දුරට අවලංගු (Cancel out) කරනු ලබනවා.
• ​මෙයට හේතුව ත්‍රි-පේස් පද්ධතියක ධාරාවන් අතර පවතින 120^\circ කලා වෙනසයි (Phase difference).

II. ප්‍රේරකතාව (Inductance) අඩු වීම

​සන්නායක දෙකක් අතර පරතරය වැඩි වන තරමට එහි ප්‍රේරකතාව (L) වැඩි වෙනවා. ප්‍රේරකතාව වැඩි වුණාම එමගින් විදුලි ධාරාවට බාධාවක් (Inductive Reactance - X_L) ඇති කරනවා.
• ​ABC කේබල් එකේ සන්නායක ඉතා ආසන්නව සහ ඇඹරී පවතින නිසා මෙම ප්‍රේරකතාව අවම මට්ටමක පවතිනවා.
• ​මෙහි ප්‍රතිඵලයක් ලෙස කේබලය දිගේ සිදුවන වෝල්ටීයතා බැසීම (Voltage Drop) අඩු වෙනවා.

​III. විද්‍යුත් චුම්භක මැදිහත්වීම් අවම කිරීම (Reducing EMI)

​සන්නායක ඇඹරී තිබීම නිසා බාහිරට නිකුත් වන විද්‍යුත් චුම්භක තරංග ප්‍රමාණය අඩුයි. මෙය අවට ඇති දුරකථන මාර්ග හෝ වෙනත් සංවේදී විද්‍යුත් උපකරණ වලට සිදුවන බාධා (Interference) වළක්වා ගැනීමට උදවු වෙනවා.

​IV. සමබර සම්ප්‍රේෂණය (Balanced Transmission)

​කේබල් එක දිගටම ඇඹරී ඇති විට, සෑම සන්නායකයක්ම (Phase R, Y, B) සාමාන්‍යයෙන් එකම භෞතික වටපිටාවකට මුහුණ දෙනවා. මෙයින් අදහස් කරන්නේ සෑම වයර් එකකම ඇතිවන ප්‍රතිරෝධය සහ ප්‍රේරකතාව සමාන වන බවයි. එවිට පද්ධතියේ සමබරතාව (Symmetry) රැකෙනවා.
​සාරාංශය:
මෙම විද්‍යුත් චුම්භක සමබරතාව නිසා විදුලිය කාර්යක්ෂමව ගමන් කරන අතර, අනවශ්‍ය බලශක්ති හානිය (Power loss) අඩු කරමින් පාරිභෝගිකයා වෙත ස්ථාවර වෝල්ටීයතාවයක් ලබා දීමට හැකි වෙනවා.

​2. සුළඟට ඔරොත්තු දීමේ හැකියාව 🌬️
කේබල් ඇඹරී තිබීම නිසා තද සුළඟකදී කේබලය අනවශ්‍ය ලෙස සෙලවීම (Vibrations) පාලනය වෙනවා. සාමාන්‍ය වයර් වගේ නෙමෙයි, මේවායේ ඇති වායුගතික (Aerodynamic) හැඩය නිසා කේබලයට සහ විදුලි කණුවට ඇතිවන පීඩනය ගොඩක් අඩුයි.

​3. යාන්ත්‍රික ශක්තිය (Mechanical Strength) 💪
වයර් කිහිපයක් එකට ඇඹරී තිබීමෙන් මුළු කේබලයටම විශාල ශක්තියක් ලැබෙනවා. විශේෂයෙන්ම 'මැසෙන්ජර් වයර්' (Messenger wire) එක වටා මේවා එතී ඇති නිසා විශාල බරක් උසුලාගෙන, එල්ලා නොවැටී කාලයක් පවතිනවා.
​සාරාංශය:
මෙම ඇඹරුම නිසා විදුලිය කාර්යක්ෂමව ගලා යනවා වගේම පද්ධතියේ ආරක්ෂාවත් තහවුරු වෙනවා.
​ඔබත් විදුලි ක්ෂේත්‍රයේ වැඩ කරන කෙනෙක් නම් හෝ මේ වගේ තාක්ෂණික දේවල් වලට කැමති නම් මේ ගැන ඔබේ අදහස පහළින් කමෙන්ට් කරන්න. 👇
​

09/04/2026

ඔබ කවදාහරි කල්පනා කරලා තියෙනවද අපේ ගෙවල් වල තියෙන LED බල්බ්, ටීවී ස්ක්‍රීන්, ෆෝන් ඩිස්ප්ලේ මේ හැමදේම වැඩ කරන්නේ කොහොමද කියලා? අද අපි දකින මේ දීප්තිමත් සුදු පාට LED එළිය පිටිපස්සේ තියෙන්නේ, ලෝකයේ හිටපු ලොකුම විද්‍යාඥයින්ටවත් අවුරුදු 30ක් තිස්සේ විසඳගන්න බැරි වෙච්ච, හැබැයි අන්තිමට ජපානයේ හිටපු සාමාන්‍ය ඉංජිනේරුවෙක් තනියම විසඳපු මහා පුදුම සහගත රහසක්! 🚀🔬

LED (Light Emitting Diode) බල්බ් එකකට ​ඒ පාට එන්නේ ඒක වටේ තියෙන ප්ලාස්ටික් කවරෙන් නෙවෙයි, ඒක ඇතුළේ තියෙන අර්ධ සන්නායක වලින්මයි. 1962 දී General Electric සමාගමේ Nick Holonyak මුලින්ම ඇහැ​ට පේන එළියක් දෙන රතු පාට LED එක හදනවා. ඊට පස්සේ Monsanto සමාගම කොළ පාට LED එක හැදුවා. 🔴🟢🔵

හැබැයි දශක ගාණක් යනකන් ලෝකෙටම තිබුණේ මේ පාට දෙකේ LED විතරයි. මේ නිසා ඒ කා​ලේ LED පාවිච්චි කළේ කැල්කියුලේටර්, ඔරලෝසු සහ රේඩියෝ වල පවර් ඉන්ඩිකේටර් වලට විතරයි. ඒ කාලේ විද්‍යාඥයෝ කිව්වේ "මේ LED බල්බ් කවදාවත් අපේ කුස්සියේ තියෙන ලයිට් බල්බ් එක වෙනුවට පාවිච්චි කරන්න බැරි වෙයි" කියලා.

හැබැයි හැමෝම දැනගෙන හිටියා නිල් පාට LED එකක් හැදුවොත්, ඒ නිල් පාටයි, කලින් තිබුණ රතු සහ කොළ පාටයි එකතු කරලා (RGB) සුදු පාට ඇතුළු ඕනෑම පාටක් හදන්න පුළුවන් කියලා. එහෙම වුණොත් මුළු ලෝකයේම ආලෝකකරණය වෙනස් කරන්න පුළුවන්. හැබැයි නිල් පාට හදන එක ඒ කාලේ හැටියට කළ නොහැකි දෙයක් විදියටයි සැළකුවේ.

ඇයි නිල් පාට හදන්න මෙච්චර අමාරු වුණේ? සාමාන්‍ය සූත්‍රිකා බල්බ් එකක් වැඩ කරන්නේ ටන්ග්ස්ටන් කම්බියක් රත් වෙලා. ඒකෙන් එන ශක්තියෙන් ගොඩක්ම යන්නේ රස්නය විදිහට. ආලෝකය බවට පත්වෙන්නේ බොහොම පොඩි ශක්තියක් විතරයි. ඒ නිසා මේ​ක ගොඩක් නාස්තිකාර වැඩක්. හැබැයි LED බල්බ් එකකින් කරන්නේ කෙලින්ම ආලෝකය නිපදවන එක. ⚛️

ඒ​ක වෙන්නේ මෙහෙමයි: අර්ධ සන්නායක (Semiconductors) ඇතුළේ ඉලෙක්ට්‍රෝන වලට ඉන්න පුළුවන් ප්‍රධාන ශක්ති මට්ටම් දෙකක් තියෙනවා. එකක් Valence band, අනිත් එක ඊට වඩා ශක්තිය වැඩි Conduction band. මේ දෙක අතරේ තියෙන පරතරයට කියන්නේ Band Gap (ශක්ති පරතරය) කියලා.

LED එකක් ඇතුළේ N-type සහ P-type කියලා කොටස් දෙකක් තියෙනවා. (N-type එකේ වැඩිපුර ඉලෙක්ට්‍රෝන තියෙනවා, P-type එකේ ඉලෙක්ට්‍රෝන වලට පනින්න පුළුවන් හිඩැස් තියෙනවා). මේකට බැටරියකින් කරන්ට් එකක් දුන්නාම, Conduction band එකේ තියෙන ඉලෙක්ට්‍රෝනයක් පහළ තියෙන Valence band එකේ හිඩැසකට පනිනවා. එහෙම පනිද්දී ඒ අහිමි වෙන ශක්තිය තමයි ආලෝක කිරණයක් විදිහට එළියට අපිට පේන්න නිකුත් වෙන්​නේ!

පිරිසිදු සිලිකන් වල මේ Band gap එක ගොඩක් පොඩියි (1.1 eV). ඒ නිසා එළියට එන්නේ අපිට පේන්නේ නැති Infrared කිරණ (ටීවී රිමෝට් වල පාවිච්චි වෙන්නේ මේවා). මේ Band gap එක ටිකක් ලොකු වෙද්දී රතු සහ කොළ පාට එනවා. හැබැයි නිල් පාට එළියක් ගන්න නම් ගොඩක් ලොකු Band gap එකක් තියෙන අමුද්‍රව්‍යයක් ඕනේ. IBM, Sony වගේ ලෝකේ ලොකුම කොම්පැනි දහස් ගණන් පර්යේෂකයෝ දාලා හෙව්වත් මේකට හරියන අමුද්‍රව්‍යයක් හොයාගන්න බැරි වුණා.

1980 ගණන් වෙද්දී ජපානයේ Nichia කියන පොඩි රසායනික සමාගමක වැඩ කරපු සාමාන්‍ය පර්යේෂකයෙක් හිටියා. ඔහුගේ නම Shūji Nakamura. Nichia කොම්පැනියේ LED අංශය ඒ වෙද්දීත් පාඩු ලබමිනුයි හිටියේ. Nakamura ට ආචාර්ය උපාධියක් තිබුණෙත් නෑ. ඔහුගේ ලැබ් එකේ තිබුණේ ඔහුම පරණ යකඩ කෑලි වෙල්ඩින් කරලා හදාගත්ත මැෂින්. නිතරම මේවායේ ගෑස් ලීක් වෙලා පිපිරීම් පවා සිද්ධ වෙච්​ච නිසා අනිත් සේවකයෝ ඔහු ඉන්න පැත්ත පළාතේ ආවෙත් නෑ. 👨‍🔬💰

1988 වෙද්දී සමාග​මේ ලොක්කෝ ඔහුට රස්සාවෙන් අයින් වෙන්න කිව්වා. ඒ වෙලාවේ ඔහු කෙලින්ම කොම්පැනියේ නිර්මාතෘ Nobuo Ogawa ළඟට ගිහින් කිව්වා "මට නිල් පාට LED එක හදන්න ඩොලර් මිලියන 3ක් දෙන්න" කියලා. ඒක ඒ කා​ලේ ​මේ කොම්පැනියේ මුළු වාර්ෂික ලාභයෙන් 15% ක්! පුදුමයකට වගේ Ogawa ඒ අවදානම අරගෙන ඔහුට ඒ සල්ලි දුන්නා.

නිල් පාට LED හදන්න ලෝ​කෙම විද්‍යාඥයෝ තෝරගෙන තිබුණේ Zinc Selenide (ZnSe) කියන අමුද්‍රව්‍යය. මොකද ඒකෙන් ලේසියෙන් පිරිසිදු පළිඟුවක් හදාගන්න පුළුවන් වුණා. හැබැයි Nakamura තෝරගත්තේ කවුරුත් ගණන් නොගෙ​න අතෑරලා දාපු Gallium Nitride (GaN) කියන අමුද්‍රව්‍යය. ඒකෙන් පිරිසිදු පළිඟුවක් හදන්න ගියාම දෝෂ බිලියන ගාණක් විතර ආවා. ඒ වගේම p-type එකක් හදාගන්නත් බැරි වුණා. 💎

මේ කා​ලේ ජපානයේ තිබුණ ලොකුම විද්‍යා සම්මන්ත්‍රණයක Zinc Selenide ගැන කතා කරන්න 500ක් විතර ආව​ට, Gallium Nitride ගැ​න කතා කරන්​න හිටියේ Nakamura සහ Nagoya විශ්වවිද්‍යාලයේ Isamu Akasaki සහ Hiroshi Amano ඇතුළු 5 දෙනෙක් විතරයි. මේ ගැ​න තරඟය අඩු නිසා තමන්ගේ PhD එකට ඕන කරන පර්යේෂණ පත්‍රිකා 5 ලියාගන්න පුළුවන් කියලා Nakamura හිතුවා.

Nakamura මුලින්ම ඇමරිකාවට ගියා MOCVD (Metal Organic Chemical V***r Deposition - පළිඟු හදන යන්ත්‍රයක්) තාක්ෂණය ඉගෙන ගන්න. ඇමරිකාවේදී ඔහුට PhD එකක් නැති නිසා හැමෝම ඔහුට හිනාවුණා. ඔහුට හොඳ මැෂින් පාවිච්චි කරන්න දුන්නේ නැති නිසා ඔහු මාස 10ක් තිස්සේ තමන්ගේම මැෂින් එකක් අතින් එකලස් කළා. පස්​සේ ඔහු ජපානයට ඇවිත් උදේ 7 ඉඳන් රෑ 7 වෙනකන්, සති අන්තයක්, නිවාඩුවක් නැතුව අවුරුදු එකහමාරක් තිස්සේ මේ මැෂිම කැඩි කැඩි හදන ගමන් පර්යේෂණ කළා.

පස්සෙ කාලෙ​ක Nakamura තමන්ගේ MOCVD යන්ත්‍රයට තව ගෑස් බටයක් එකතු කරලා "Two-flow reactor" කියලා මැෂින් එකක් හැදුවා. මේකෙන් ගෑස් උඩට යන්නේ නැතුව පළිඟුව උඩටම තද වෙලා ලෝකයේ පිරිසිදුම Gallium Nitride පළිඟුව හැදුණා! මේ වෙද්දී Nichia කොම්පැනියේ අලුත් CEO වු​න Eiji Ogawa (කලින් අයිතිකාරයාගේ බෑණා) Nakamura ට නියෝග කරනවා පර්යේෂණ වහාම නවත්වන්න කියලා. හැබැයි Nakamura ඒ ලියුම් ඔක්කොම කුණු කූඩෙට දාලා, කොම්පැනියටත් හොරෙන් තමන්ගේ පර්යේෂණ පත්‍රිකා පබ්ලිෂ් කළා. 🚫🏆

මේ නිල් ආලෝකය ගන්න වැඩ කරපු තවත් පුද්ගල​යෝ දෙන්නෙක් වු​න Akasaki සහ Amano කියන දෙන්නා මේ p-type එක හදන්න ඉලෙක්ට්‍රෝන කදම්භ පාවිච්චි කරත් ඒක ප්‍රායෝගික වුණේ නෑ. හැබැයි Nakamura කළේ අමුද්‍රව්‍යය සෙල්සියස් 400ට රත් කරපු එක. ඒකෙන් ඇතුළේ හිරවෙලා තිබ්​බ හයිඩ්‍රජන් පරමාණු එළියට ගිහින් p-type එක සම්පූර්ණයෙන්ම සාර්ථක වුණා!

දැන් LED එක වැඩ කළත් ඒකෙන් ආවේ 42 microwatts වගේ ප්‍රමාණය​ක පුංචි එළියක්. ප්‍රායෝගිකව පාවිච්චි කරන්න 1000 microwatts වත් ඕනේ වුණා. මේකට ඔහු Indium Gallium Nitride (InGaN) පාවිච්චි කරලා Band gap එක අඩු කරන ළිඳක් වගේ ව්‍යූහයක් හැදුවා. හැබැයි ඉලෙක්ට්‍රෝන ඒකෙන් පැනලා යන නිසා, ඔහු ආයෙත් Aluminum Gallium Nitride (AlGaN) වලින් කන්දක් වගේ එකක් හදලා ඒ ඉලෙක්ට්‍රෝන ටික කොටු කළා!

මේ අමාරු වැඩ ටිකෙන් පස්​සේ අවුරුදු 30ක් තිස්සේ ලෝකයේම විද්‍යාඥයෝ හොයපු දේ, 1993 දී Nakamura තනියම හොයාගත්තා. ඒක දවල්ටත් පේන තරම් දීප්තිමත්, 1500 microwatts බලයක් තියෙන, නියම නිල් පාට LED එකක්! 🌟

Nichia කොම්පැනිය මේක මාර්කට් එකට දැම්මාම මුළු ලෝකයම පිස්සු වැටුණා. 1996 දී නිල් පාට LED එක උඩින් කහ පාට පොස්ෆර් තට්ටුවක් දාලා ලෝකයේ පළවෙනි සුදු පාට LED එකත් හැදුවා. මේකත් එක්ක Nichia කොම්පැනිය 2001 වෙද්දී ඩොලර් මිලියන 700ක ආදායමක් ලබන යෝධ සමාගමක් වුණා.

හැබැයි දුක කියන්​නේ මේ මහා සොයාගැනීම වෙනුවෙන් Nichia කොම්පැනිය Nakamura ට දුන්නේ පේටන්ට් එකකට ඩොලර් 170 ක (රුපියල් 50,000ක විතර) බෝනස් එකක් විතරයි! අන්තිමට 2000 දී ඔහු කොම්පැනියෙන් අයින් වෙලා ඇමරිකාවේ Cree කිය​න සමාගමට ගියා. මේ නිසා Nichia සමාග​ම ඔහුට විරුද්ධව නඩු දැම්මා. Nakamura අනිත් අත​ට ඩොලර් මිලියන 20ක් ඉල්ලලා Nichia සමාග​මටත් නඩු දැම්මා. අන්තිමට ජපන් උසාවියෙන් ඔහුට ඩොලර් මිලියන 8ක් ගෙවන්න කියලා සමාගම​ට නියෝග කළත්, ඒ සල්ලි ඔක්කොම නීතිඥ ගාස්තු වලටම ඉවර වුණා. 💰⚖️

හැබැයි 2014 දී ඔහුට සහ Akasaki, Amano දෙන්නටත් භෞතික විද්‍යාව සඳහා වන නොබෙල් තෑග්ග ලැබුණා!

අද LED කියන්නේ ඩොලර් බිලියන 80ක දැවැන්ත කර්මාන්තයක්. 2022 වෙද්දී ලෝකයේ ගෙවල් වල බල්බ් වලින් 50% කට වඩා තියෙන්නේ LED. මේ නිසා පරිසරයට එකතු වෙන කාබන් ඩයොක්සයිඩ් ටොන් බිලියන 1.4කින් අඩුවෙලා තියෙනවා. 🌍💡

අද වෙනකොටත් ඉන්න ​මේ Nakamura පර්යේෂණ කරන්නේ AR/VR වලට ගන්න මයික්‍රෝන 5ක් තරම් කුඩා Micro LEDs සහ, COVID-19 වගේ වෛරස් විනාශ කරන්න පුළුවන් UV LEDs ගැන. ඒ විතරක් නෙවෙයි, ඔහු දැන් න්‍යෂ්ටික විලයනය ගැනත් අලුත් සමාගමකුත් පටන් අරන්! ඔහුව මෙච්චර දුරක් ගෙනාවේ ඔහුගේ දැනුමට වඩා, ප්‍රශ්න දිහා වෙනස් විදිහකට බලපු ඔහුගේ නොපසුබට උත්සාහයම තමයි.

කතාව අහලා ඔයාටත් පුදුම හිතුනා නේද? තමන් විශ්වාස කරපු දේ වෙනුවෙන්, "බෑ" කියපු මුළු ලෝකයක් එක්කම හැප්පිලා අන්තිමට දිනපු මේ වීරයාගේ කතාව ගැන ඔයාට දැනෙන දේ අපිට කියන්න. පහළින් ඔයාගේ අදහස් බෙදාගන්න ගමන්, මේ වගේ තාක්ෂණයේ හැංගුණු කතා හොයන ඔයාගේ යාළුවන්ටත් අනිවාර්යයෙන්ම මේක Share කරන්න! 🚀🔥👇

උපුටාගැනීමකි
අයිතිය මුල් අයතිකරු සතුය

23/03/2026

22/03/2026

22/03/2026

14/03/2026

09/03/2026

Hik vision cctv camera Re instrolation project in meegoda

🙏මීගොඩ ප්‍රදේශයේ නිවසේ අපි කරපු වැඩක්..🙏

➡️වයරින් එකක් කරාද කියල වත් පෙන්නෙ නෑ.ෆ්ලෙක්සිබල්හෝස් වලින් නෙමෙයි අපි කැමරා ගහන්නේ👌

📹 ඔබේ ආරක්ෂාව විශ්වාස කරන්න,කථා කරන්න අපිට..
ඔබට අවශ්‍ය ලෙස CCTV Security System එකක් අපෙන් ඔබට🔧

✔️වසර දෙකක වගකීමක් සහිතව

✅ සුහදශීලී සහ වගකීම්ලත් සේවාව
✅ අද්විතීය නිමාව සහ neat cable finishing
✅ වසර ගණනාවක් පුරා පළපුරුදු කාර්මිකයින්
✅ Installation පසු පරිපූර්ණ support service

💬 හොරු පනිනකන් ඉන්න එපා – අදම අමතන්න!
📞0774730312 / 0784730312 | 💬 WhatsApp Available
📍 Soundtronic Technology

🙏We install – you feel safe🙏

09/03/2026

Multimedia prijector & screen instrolation

17/02/2026

ඔයාගෙ ගෙදර ආරක්ෂාව කියන්නේ සෙල්ලමකට ගන්න පුළුවන් දෙයක් නෙවෙයි. මේ වගේ බාල කැමරා වල තියෙන ඔයාල නොහිතන අනාරක්ෂිත පැති ගොඩක් තියෙනවා.

මම ඒවයින් ටිකක් සරලව විස්තර කරන්නම්

1. බොරු මෙගා පික්සල් ගාන

මේවා පැකේජ් එකේ සඳහන් කරල එන්නෙ 5mp 6mp එහෙමත් නැත්නම් 8mp වගේ ලොකු මෙගා පික්සල් ගනන්. හැබැයි රෙකෝඩ් වෙන වීඩියෝ එකේ resolution එක 720p. Zoom කරද්දි රූපය සම්පූර්ණයෙන්ම පික්සල් වෙලා (Pixelated) කිසිම දෙයක් හඳුනාගන්න බැරි වෙනවා.

2. ඉතාමත් දුර්වල Storage පද්ධතිය (Memory Card Issues)

මේ කැමරා වලට දාන Memory Card එක හරිම ඉක්මනට "Corrupt" වෙනවා.

Overwrite වෙන්නේ නැහැ: කාඩ් එක පිරුණාම පරණ ඒව මැකිලා අලුත් ඒව record වෙන්න ඕනේ වුණත්, මේ කැමරා වල මෘදුකාංග දෝෂ නිසා ගොඩක් වෙලාවට ඒක හරියට සිද්ද වෙන්නේ නැහැ.

Recordings නැති වීම: වැදගත්ම හොරකමක් වුණු වෙලාවට රෙකෝඩින් එක බලන්න ගියොත්, එතැන "No video found" කියලා වැටෙන්න තියෙන ඉඩකඩ ගොඩක්ම වැඩියි.

3. රාත්‍රී දර්ශන වල ඇති අසාර්ථක බව (Poor Night Vision)

මේකෙ තියෙන IR (Infrared) ලයිට් හෝ LED ලයිට් වැඩිකල් යන්න කලින් පිච්චිලා යනවා. එතකොට රෑට තබා හවස් වෙද්දී පවා මේ කැමරාව අන්ධයි. අනික මේවායේ තියෙන LED ලයිට් වල එළිය වටේට විහිදෙන්නේ නැහැ, ඒක එක තැනකට විතරක් යොමු වෙන නිසා මුළු පරිසරයම කළුවරට පෙනිලා මැද විතරක් සුදු පාටට පේනවා (White wash effect).

4. Hardware වල තියෙන බාල තත්ත්වය

Motor Failures: මේක PTZ (කැරකෙන) කැමරාවක් වුණාට, මාස දෙක තුනක් යද්දී ඇතුළේ තියෙන ප්ලාස්ටික් ගියර් ගෙවිලා යනවා. ඊට පස්සේ කැමරාව එක පැත්තකට හැරිලා හිර වෙනවා.

Overheating: පැය 24ම වැඩ කරද්දී ඇතුළේ තියෙන බාල Circuit board එක රත් වෙනවා. රත් වුණාම කැමරාව Restart වෙනවා ගොඩක් වෙලාවට, ගොඩක් වෙලාවට මාස හයේ වොරන්ටි එක ඉවරවෙනකොටම කැමරාවත් අවසන් ගමන් යනවා.

5. Internet Data නාස්තිය

මේවායේ වීඩියෝ දර්ශන සම්පීඩනය (Video Compression) කරන්නේ නැහැ. H.265 වගේ තාක්ෂණයන් මේවායේ නැති නිසා ඔබේ Data පැකේජය ඉතා ඉක්මනින් අවසන් කරනවා වගේම, Internet speed එක ටිකක් අඩු වුණ ගමන් ඇප් එකෙන් කැමරාව බලන්න බැරි වෙනවා.

6.Unic app එකක් නැති එක

මේ කැමරාවට පාවිච්චි කරන V380 pro app එක universal ඇප් එකක්. ඒ කියන්නෙ ඔය ජාතියක් ජන්මයක් නැති කැමරා වර්ග ගොඩක්ම එයාලගෙ කැමරා වලට පාවිච්චි කරන්නෙ මේ v380 pro කියන ඇප් එක. එතකොට ඉතින් ඇප් එක හරහා customer support එකක් වගේ ගන්න එක නම් ගොඩක් වෙලාවට හීනයක් තමයි

7.loading time and advertisement

V380 pro කැමරා පාවිච්චි කරන අය නම් මේක හොඳටම දන්නවා ඇති. ඇප් එක ඕපන් කරද්දි ෆුල් ස්ක්‍රීන් ඇඩ් එකක් pop up වෙනවා. ඒක ප්ලේ වෙලා ඉවර වෙනකන් ඉඳලා skip කරලා තමයි ඇප් එකට යන්න වෙන්නෙ. ඒ ගියත් කොච්චර හොඳට සිග්නල් තියෙන තැනකදි උණත් කැමරාව ලෝඩ් වෙලා ඕපන් වෙන්නෙ ඇප් එකට හිතුණු වෙලාවට මිසක් අපිට ඕන වෙලාවට නම් නෙවෙයි.

හදිස්සියෙ හොරෙක් ආපු වෙලාවක ඔයා ඇප් එක ඕපන් කරොත් ඔයා ඇප් එක ලෝඩ් වෙලා කැමරාවෙන් එතන දකිද්දි හොරා ආපු වැඩේ කරගෙන ගිහිල්ලත් ඉවරයි 🫠👌

8.stream encryption

මේ v380 කැමරා පාවිච්චි කරන කෙනෙක්ගෙන් හරි විකුණන කෙනෙක්ගෙන් එහෙම එකක් තියෙනවද ඇහුවොත් ඒ මොකද්ද කියල අපෙන් අහනවා. මේකෙන් වෙන්නෙ වැරදිලා හරි අපේ acc එකේ ෆෝන් නම්බර් එක හරි පාස්වර්ඩ් එක හරි කවුරු හරි ගෙස් කරල හරි, එහෙම නැත්නම් කොහොමහරි අපෙන් දැනගෙන හරි acc එකට ලොග් උණත් එයාට කැමරාවෙන් පේන දේවල් වගේම රෙකෝඩ් වෙන දේවල් බලන්න බැරිවෙන්න ලොක් කරන එක.
හැබැයි මේ කැමරාවල ඒ පහසුකම ඇත්තෙ නෑ

9.password protection

මේ කැමරාවල සාමාන්‍යෙන් එන්නෙ 123456 වගේ හරිම සරල ඩිෆෝල්ට් පාස්වර්ඩ් එකක්. ඒක ඕනම කෙනෙක්ට ගෙස් කරලා ටයිප් කරන්න උණත් පුලුවන්.

10. Unbinding

මේ කැමරාව හයිකරපු තැනකින් හොරෙන් ගලවගන්න කෙනෙක්ට උණත් කැමරාව රීසෙට් කරලා තමන්ගෙ සිම් එකක් දාල තමන්ගෙ ෆෝන් එකකට ඇඩ් කරගෙන පාවිච්චි කරන්න හරිම ලේසියි.

🛡️ ඇයි Ezviz හෝ Imou වගේ බ්‍රෑන්ඩ් වල කැමරා මීට වඩා දහස් ගුණයක් වටින්නේ?

ඔයා වියදම් කරන රුපියල් දහස් ගාණ අපරාධයක් නොවෙන්න නම් මේ වගේ Global Brands වලට යන්නම ඕනේ

Smart AI Detection: මේවායේ මිනිස්සුන්ව විතරක් හඳුනාගන්න පුළුවන් (Human Detection). අර බාල කැමරා වගේ හුළඟට ගහක් හෙලවුණත්, බල්ලෙක් ගියත් ෆෝන් එකට Notification එවලා කරදර කරන්නේ නැහැ.

Cloud Storage: මෙන්න මේකයි වටිනම දේ. හොරෙක් ඇවිත් කැමරාව ගලවගෙන ගියත්, ඒ වෙලාව වෙනකම් රෙකෝඩ් වුණු දර්ශන Cloud එකේ සුරක්ෂිතව තියෙනවා. බාල කැමරා වල කැමරාව ගියොත් දර්ශනත් ඉවරයි.

මේ කැමරාවක් හයිකරපු තැනකින් කවුරුහරි ගලවගත්තා කියලා එයාලට වෙන ෆෝන් එකක හදපු ගිණුමකට ඇඩ් කරගන්න හැකියාවක් නැහැ. කැමරාව Reset කරත් ඒක කලින් ඇඩ් කරපු ගිණුමෙන් (ෆෝන් එකෙන්) අයින් වෙන්නෙ නෑ

එයාලටම කියල කැමරා ඇප් තියෙනවා මාරම user friendly වගේම හරිම ස්මූත් විදියට ලෝඩ්වෙනවා. හදිස්සියක් උනොත් තත්පර කිහිපයක් ඇතුලත ඔයාගෙ කැමරාවෙ දර්ශන නැරඹීමේ හැකියාව තියෙනවා

Build Quality: මේවා හදලා තියෙන්නේ අවුරුදු ගාණක් අව්වට වැස්සට ඔරොත්තු දෙන්න. වීදුරු කාච පාවිච්චි කරන නිසා කාලයක් යද්දී රූපය බොඳ වෙන්නේ නැහැ.

මම මේ උඩ කියපු කැමරාවලට කරන paid promotion එකක් නෙවෙයි. මට කම්පැනි වලින් සතපහක්වත් ගෙවන්නෙ නෑ.

මේ ටික ලිවුවෙ මහන්සිවෙලා හම්බකරන ඔයාලගෙ සල්ලි අපරාදෙ නාස්තිකරගන්න කලින් දැනුවත් කරන්න ඕන කියල හිතුණු නිසා. ආරක්ෂාව කියන්නේ "සෙල්ලමක්" නෙවෙයි. බාල කැමරාවක් හයි කරලා හිතේ නිදහස නැති කරගන්නවට වඩා, විශ්වාසවන්ත සන්නාමයක කැමරාවක් හයි කරලා සැනසිල්ලේ නිදාගන්න.

ජයවේවා!

වගකීමක් සහිතව කැමරා සවි කරගැනීමට අපව සම්බන්ද කරගන්න
0774730312

20/12/2025

ඔයාගෙ ගෙදර වයරින් එක ඔයාට ශුවර් ද?

🏠⚡ බිත්ති ඇතුළේ දුවන විදුලිය – අපේ ජීවිත නිහඩව රැකගන්නා ආරක්ෂකයා ⚡🏠

(මේ ලිපිය නවීන විසඳුම් සමඟ, ආරක්ෂිතව, දිගු කාලයක් පවත්වාගන්නා ගෙදර විදුලි වයරින්ග් ගැන හදවතට කතා කරන ලිපියක්)

අපි ගෙදරක් හදද්දී මුලින් බලන්නේ බිත්ති, වහල, ටයිල්, ලස්සන.
ඒත්… අපි නොදකින දෙයක් ගෙදර ඇතුළේ දිනය පුරාම දුවනවා.
ඒ තමයි — විදුලිය.

අම්මා කුස්සියේ ඉන්නකොට,
තාත්තා රාත්‍රියේ වැඩ කරනකොට,
දරුවෝ නිදිමත ඇස්වලින් නිදාගෙන ඉන්නකොට…
බිත්ති ඇතුළේ විදුලිය නිහතමානීව අපේ ජීවිත රැකගෙන ඉන්නවා.

ඒ නිසාම,
ගෙදර විදුලි වයරින්ග් හරි හැටි කරන එක
සාමාන්‍ය වැඩක් නෙවෙයි – පවුලක් රැකගන්න කරන වැඩක්.

❤️ 1. හරියට කරන වයරින්ග් එකක් තමයි අවුරුදු ගණන් කල් පැවැත්මක් තියෙන්නෙ.

“දැනට ඔය ඇති” ඉතිරිය “පස්සේ බලමු”කියල කරපු වයරින්ග් අද ගොඩ දෙනෙක් කරල ඇති.අද හොඳ වුණත් ඒව හෙට ප්‍රස්නයක් වෙනවමයි.

👉 අද AC එකක් නැති ගෙදරක්
👉 හෙට AC තුනක් තියෙන ගෙදරක් වෙන්න පුළුවන්

ඒ නිසා,

ලයිට් වලට වෙනම වයරින්ග්

සොකට් වලට වෙනම

කුස්සියට වෙනම

AC, වතුර පොම්ප, EV charger වගේ දේවල්ට වෙනම

බර(Load current) බෙදාගත් විදුලිය තමයි, දිගු කාලයක් අවුලක් නැතිව තියෙන්නෙ.

🔥 2. “වයරින් කම්බිය” කියන්නේ නිකන් කම්බියක් නෙවෙයි – ජීවිත රැකගන්නා මාර්ගයක්

අපිට පිටින් එකම වයර් වගේ පේනවා.
ඒත් ඇතුළත තියෙන තත්ත්වය තමයි වැදගත්.

පරණ PVC වයර්:

උණු වෙයි

ගින්නකදී විෂ දුම දමයි

නවීන FRLS / LSZH වයර්:

ගින්නට ප්‍රතිරෝධී

දුම අඩු වයර් තමයි

දරුවන්ට, වයස්ගත අයට ආරක්ෂිත

👉 වයර් එකෙන් සල්ලි ඉතිරි කරන එක කියල බාල ඒවා දැම්මොත්,
ජීවිතයෙන් වන්දි ගෙවන්න වෙන්න පුළුවන්.

🧱 3. Conduit ඇතුළේ දාපු වයරින්ග් – කාලයට ඔරොත්තු දෙන ආරක්ෂාව තියනව.

වයර් එක බිත්තියටම ගහලා plaster කරලා දාපු ගෙවල් අදත් තියෙනවා.

ඒත් කාලයත් එක්ක,

බිත්ති තෙතයි

මීයන් වයර් කයි

උණුසුමෙන් වයර් වයසට යයි

👉 හොඳ conduit ඇතුළේ දාපු වයරින්ග්
= අවුරුදු 30–40ක නිහඩ සේවයක් කරනව.

🔗 4. ලිහිල් සම්බන්ධතා (Loose connection)– නොදකින ගිනි පුපුරු ,Arc ඇතිකරනවා.

බොහෝ ගිනි අනතුරු පටන් ගන්නේ
ලිහිල් වයර් සම්බන්ධතා වලින්.

වයර් වටලලා ටේප් ගැහීම(joint)

junction box නැතුව සම්බන්ධ කිරීම

මේවා ගෙදර ඇතුළේ
නිදාගෙන ඉන්න කාල බෝම්බ වගේ.

හරි connectors + හරි box
= ආරක්ෂාව.

🌍 5. Earth (අර්ත්) – අපි නොදකින දෙවියෙක් වගේ ආරක්ෂාව

අර්ත් (earth)නැති ගෙදරක් කියන්නේ,
ෂොක් එක ආවොත් දෙවියන්ට බාර දෙන ගෙදරක්.

ෆ්‍රිජ්

වොෂින් මැෂින්

වතුර පොම්ප

👉 මේවාට හරි අර්ත් earth නැත්නම්,
කුඩා ලීක් එකක්වත් මාරාන්තික වෙන්න පුළුවන්.

නවීන විසඳුම:

Copper earth rod

හොඳ earth resistance

RCCB / RCBO

🧯 6. DB එක – ගෙදර Fire Fighter

අනතුරක් ආවම,
තත්පරයක් ඇතුළත ක්‍රියාත්මක වෙන්නේ DB එක.

Surge Protection (අකුණු, වෝල්ටේජ් ඉහළ යාම)

RCCB (ජීවිත ආරක්ෂාව)

RCBO (එක එක සර්කිට්ටු (circuit)ආරක්ෂාව)

👉 මේවා නැති ගෙදරක්
අනතුර එනකම් බලා ඉන්න ගෙදරක්.

🧠 7. නවීන Smart විසඳුම්

අද විදුලියත් “smart”.

Smart switches

Load monitoring

Mobile alerts

👉 බර වැඩි වෙද්දී(load current),
👉 ගැටලුවක් එනකොට,
අපිටම දැනගන්න පුළුවන්.

🛠️ 8. පවත්වාගෙන යාම – කැඩුණාට පස්සේ නෙවෙයි, කලින්ම

වයරින්ග් එක හදිසිව කැඩෙන්නේ නෑ.
ඒක නිහඩව වයසට යනවා.

අවුරුදු 3–5කට වතාවක් පරීක්ෂා

Earth test

DB tightening

👉 කලින් හඳුනාගත්ත ගැටලුව
ජීවිතයක් බේරගන්න පුළුවන්.

❤️ අවසාන වචනය – හදවතට කතාවක්

ගෙදර වයරින්ග් එක හරි හැටි කරලා තියාගන්න එක
විදුලි ඉංජිනේරු කාර්යයක් විතරක් නෙවෙයි.

ඒක:

අම්මා නිදහසේ නිදාගන්න

දරුවන් හිනාවෙන් ජීවත් වෙන්න

තාත්තාට බිය නැතුව වැඩ කරන්න

උදව් කරන නිහතමානී ආරක්ෂාවක්.

👉 අද හිතන්න.
👉 අද පරීක්ෂා කරන්න.
👉 අද නිවැරදි කරන්න.

📌 මෙම ලිපිය ඔබේ පවුලට, මිතුරන්ට වැදගත් නම් Share කරන්න.
එක Share එකක් = එක් ජීවිතයක් රැකගැනීමක් වෙන්න පුළුවන් ❤️⚡