29/07/2026
හම්බන්තොට දිස්ත්රික් වාණිජ මණ්ඩලය, 12 වැනි වතාවටත් "අන්තර් වෙළඳ සංගම් ක්රිකට් තරගාවලිය - 2026" , ජූලි මස 26 වන ඉරිදා දින දවස පුරා අඟුණුකොළපෑලැස්ස මහජන ක්රීඩාංගනයේදී අති සාර්ථක අයුරින් පැවැත්විණි.
හම්බන්තොට දිස්ත්රික්කයේ ප්රාදේශීය ලේකම් කොට්ඨාස 12 නියෝජනය කරමින් මෙවර වෙළඳ සංගම් 12ක් සහභාගි වූ අතර සත්කාරක වෙළඳ සංගමය වූයේ අඟුණකොළපෑලැස්ස එක්සත් වෙළඳ සංගමයයි.
හම්බන්තොට දිස්ත්රික් වාණිජ මණ්ඩලයේ සභාපති, අසේල මනිමේන්ද්ර, ජ්යෙෂ්ඨ උප සභාපති, දර්ශන දේශප්රිය, හා උප සභාපති මෙන්ම අඟුණුකොළපෑලැස්ස එක්සත් වෙළඳ සංගමයේ සභාපති, මංජුල නිශාන්ත යන මහත්වරු දිනය පුරාවටම මෙම අවස්ථාවට සහභාගී වූ අතර හම්බන්තොට දිස්ත්රික් වාණිජ මණ්ඩලයේ පෙර සභාපති වරුන් වූ ආරම්භක පෙර සභාපති අස්මි තාසිම්, කීර්ති මුණසිංහ, හේමන්ත පද්මලාල්, සුදන්ත අක්මීමන යන මහත්වරුන්ද, පෙර සභාපතිවරුන්ගේ සංසදයේ සභාපති ලියනආරච්චි මහතාද, වාණිජ මණ්ඩලයේ අධ්යක්ෂක වරුන් හා සාමාජිකයින් හා ව්යාපාරිකයින් රාශියක් මෙම අවස්ථාවට සහභාගි වෙමින් සහයෝගය ලබා දෙන ලදී.
මෙහිදී ශූරතාවය තිස්සමහාරාම වෙළඳ සංගමය විසින් ලබා ගන්නා ලද අතර අනු ශූරතාවය සූරියවැව එක්සත් වෙළඳ සංගමය විසින් ලබා ගන්නා ලදී.
ත්යාග ප්රදානෝත්සවය සඳහා, අඟුණකොළපෑලැස්ස ප්රාදේශීය සභාවේ සභාපති තුමන් ද සහභාගි වූ අතර අනුග්රාහක භවතුන් ලෙස Mobile හා Lockheed, Golden Harvest, Shell Corporation, Abans, Singer හා මහජන බැංකුව දායක වූ අතර, ත්යාග සඳහා අනුග්රහය මිද්දෙණිය රුහුණු මොබයිල්, මිද්දෙණිය පතිරණ වයින් ස්ටෝර්ස, වලස්මුල්ල සමරසිංහ වයින් ස්ටෝර්ස්, අඟුණුකොළපෑලැස්ස සෝමසිරි ස්ටෝර්ස්, අඟණකොළපෑලැස්ස මලිඳු ඩේරිස් පුද් සමාගම, විසින් ලබා දෙන ලදී...
මෙම තරගාවලිය සාර්ථක ලෙස පැවැත්වීම සඳහා උපකාර කළ සියළුම දෙනා හට මෙන්ම අඟුණුකොළපෑලැස්ස වෙළඳ සංගමයේ සභාපති මංජුල නිශාන්ත මහතා. ලෙකම් අසංක මහතා ඇතුලු සියලුම සාමාජිකයන් හට ද, හම්බන්තොට දිස්ත්රික් වාණිජ මණ්ඩලයේ සභාපති, අධ්යක්ෂක මණ්ඩලය හා අධ්යක්ෂ ජනරාල් ඇතුලු කාර්ය මණ්ඩලය සිය හෘදයාංගම ස්තුතිය මෙසේ පළ කර සිටී.......
