08/10/2026
🔴මී මැස්සා සහ ජලය 🐝💧💧🐝
අනෙකුත් සතුන්ට මෙන්ම මීමැස්සන්ටද ජලය අත්‍යවශ්‍ය වේ. ජනපදය ආසන්නයේ ජලය නොමැති වුවහොත් ඔවුන් වෙනත් ස්ථානවලින් ජලය සොයා යයි. එමඟින් විශාල ගැටලු වලට මුහුණ දීමට සිදුවේ. මෙය ජනපදය අඩාල වීමටද බලපානු ඇත.
සිදුවිය හැක්කේ කුමක්ද?
🔺රෙදි සෝදන ස්ථාන සහ නළ ලිං වෙත යෑම -: මේ නිසා මිනිසුන් එදිනෙදා කටයුතු කරන ස්ථාන වෙත මීමැස්සන් පැමිණෙයි.
🔺අසල නිවාස වෙත යෑම -: පිහිනුම් තටාක, සතුන් වතුර බොන බඳුන් සහ නිවෙස් වල ඇති බඳුන් වෙත යයි.
🔺අසල්වැසියන් සමඟ ගැටලු ඇතිවීම -: අසල්වැසියන්ට රෙදි හෝ භාජන සේදීමට නොහැකි වන පරිදි බාධා හා ගැටලු ඇති විය හැක.
ඔබ දැන සිටියාද?
මී මැස්සන් ජලය භාවිතා කරන්නේ-:
1. මී වදයේ උෂ්ණත්වය පාලනය කිරීමට (සීරු මාරු කිරීමට).
2. ලාබාල මී මැස්සන්ට (කීටයන්ට) කෑම දීමට.
3. අවශ්‍ය විටෙක ආහාර (උකු මේ පැණි හෝ පැණි සිරප් )දියකර ගැනීමට.
ආසන්නයේ ජලය නොලැබුණු විට ඔවුන් ජලය සොයන්නේ කොහෙන්ද?
✓ පිහිනුම් තටාක
✓ රෙදි සෝදන ස්ථාන
✓ සතුන් වතුර බොන බඳුන්
✓ මඩ සහ වතුර වලවල්
අතුරු ආබාධ / ප්‍රතිවිපාක:
❌මිනිසුන් සහ අසල්වැසියන් සමග ගැටලු ඇතිවීම.
❌පියාසර කිරීමට වැඩි කාලයක් සහ ශක්තියක් වැයවීම.
❌මී මැසි ජනපදයේ ඇතිවන මානසික පීඩනය.
❌ජලය දුෂණය වී තිබීමේ අවධානම.
❌මී මැස්සන් කෘමි නාශක සහ රසායනික ද්‍රව්‍යවලට නිරාවරණය වීම.
කළ යුත්තේ කුමක්ද?
✓ මී මැසි ජනපදය අසලින් පිරිසිදු නිරන්තරයෙන් ලැබෙන ජල මූලාශ්‍රයක් තබන්න.
✓ ඔබ මී මැසි පෙට්ටි වෙනත් ස්ථානවලට ගෙන යන්නේ නම් පළමු දිනයේ සිටම ජල බඳුන් තබන්න.
✓ ජනපදය ආසන්නයේ ස්වභාවික සහ ස්ථීර ජල මූලාශ්‍ර (ඇළ පාරවල්, අගල් හෝ ගංගා)තිබේ නම් ඒවා ප්‍රමාණවත් විය හැක.
ජල බඳුනක් සාදා ගන්නේ කෙසේද?
1. පළල් සහ නොගැඹුරු බඳුනක් භාවිතා කරන්න.
2. මී මැස්සන්ට ගිලී නොයෑමට සහ ලැගුම් ගැනීමට හැකි වන පරිදි කෝටු කැබලි හෝ කැට කැබලි තබන්න.
3. පිරිසිදු ජලය තබන්න නියමිත වේලාවට ජලය නැවත පුරවන්න.
4. එය සෙවන සහිත මී මැසි ජනපදයට ආසන්න ස්ථානයක තබන්න.
මතක තබාගන්න
"ඔබ ඔවුන්ට ජලය නොදුන්නොත්, ඔවුන් ජලය සොයාගනු ඇත හැබැයි සමහරවිට ඒ ඔබ කැමති ස්ථානයකින් නොවන්න පුළුවනි"
නිවැරදිව ජලය ලබාදුන් මී මැසි ජනපදයක ලක්ෂණ-:
👍 වඩාත් ශක්තිමත් හා නිරෝගී වී මැසි පෙට්ටි.
👍මිනිසුන් හා අසල්වැසියන් සමග ගැටලු අවම වීම.
👍ස්වභාවික සම්පත් වලින් උපරිම ප්‍රයෝජන ගැනීම.
ජලය යනු මී මැසි පාලනයේ සාර්ථකත්වයේ එක් ප්‍රධාන කොටසකි.
