13/08/2024
නමෝ බුද්ධාය.
ඒ භාග්යවතුන් වහන්සේට මාගේ නමස්කාරය වේවා..!
ලොකු වියදමක් නො වන, ලොකු වටිනාකමක් ලැබෙන සම්බුදු ගුණයකි
‘‘ඇගයීම“
‘‘මම එයාව අගය කළොත්, උඩ යයි. ඕන නෑ මං මොකටද පහත් වෙන්නේ. මට කටකතාවක් හැදෙයි. අනික මං කවුද එයා කවුද.. ඔහේ කරගෙන ගියාවේ...!“
මෙවැනි දුර්මත වලින් පෙළුණු ජන සමාජයකින්, මිථ්යාදෘෂ්ඨික මහන්තා නමැති පූජකයාගෙන් - බෞද්ධයාට වැඳ පුදා ගන්න ‘බුද්ධගයාව‘ බේරා දුන් අනගාරික ධර්මපාල තුමාට වැදුණේ විශාල පහරක්. එතුමාට සිදුවුණා තනිවම සටන් කරන්නට. දිරිදීමක් කරන්නට ලේසියෙන් ඉදිරිපත් වීමක් තිබුණේ නෑ. අවසානයේ ලංකාවේ ජන සමාජය කෙරේ එතුමා පලකළ අදහස (අපටත් එවැනි අත්දැකීම් බහුළවම ලැබී ඇති නිසා) අප මෙහි සඳහන් කරන්ටත් නො කැමැති වෙමු.
වෙන එකක් තියා තමන්ගේ යාන වාහන ඇති හැකිකම් තියාගෙන, මහාසෑයට බණපොත් දහස වඩමවා දෙන්නට අකමැති බෞද්ධයෝ ම කොතරම් ඉන්නවාද..? චන්දන බණ්ඩාර වන මම එකක් ඉගෙන ගත්තා, අනගාරික ධර්මපාල තුමා වගේ කළකිරෙන්නේ නෑ. ‘‘කව්රු නො කළත් මම ම කරනවා...!“ කියන ස්ථාවරයේ හැමවිටම අප ඉන්නේ දුටුගැමුණු මහරජතුමන් වගේ.
ඒ නමුත්, යහපත් පුද්ගල හා යහපත් ක්රියාකාරකම් පිළිබඳව ‘ඇගයීම‘ සිදුකිරීමේ වටිනාකම පිළිබඳව මේ කියාදෙන කරුණු, බුදුරජාණන් වහන්සේගේ විශ්මිත චරිතය තුළ විද්යමාන වෙනවා කියලා අප දන්නවා.
ජීවත්වීමේදී අපි නොයෙක් පෞරුෂයන් සහිත මිනිස්සු එක්ක විවිධ සබඳතා නිර්+මාණය කර ගන්නවා. විවිධ ගනුදෙනු කරනවා... එහිදී අපි මිනිසුන්ගේ දුර්+වලතා මෙන්ම විවිධ ශක්යතාවන්, කුසලතාවන්, වගේම ගුණාත්මක වටිනාකම් හඳුනා ගන්නවා... නිවැරදි පිරිස් කළමනාකරණයේදී ඇත්තටම ඉවසීමෙන් සහ සියුම් උපක්රමශීලීත්වයෙන් දුර්වලතා පෙන්වාදීම වගේම, වටිනාකම් ඇගයීමත් හරි වටිනාකමක් සහිත පුරුද්දක්.
ඇත්තටම අගය කිරීමක් කියන්නෙ ධනාත්මක දිරිගැන්වීමක්. පුද්ගලයකුට පිරිනමන වටිනාකම ගැන සහතිකයක්. අපිට අපේ ජීවිතවල වෘත්තීමය, සමාජීය බැඳීම් වගේම චිත්තවේගික බැඳීම් තියෙනවා.
වෘත්තීමය ජීවිතයේදී වුනත්, ‘ඇගයීම‘ වෘත්තීමය වශයෙන් මනා සබඳතා ජාලයක් නිර්මාණය කර ගැනීමටත්, එය නිවැරදි කළමනාකරණයක් තුළින් යාවත්කාලීන කරමින් ඔබට පෙරළා ආදරය සහ ගෞරවය ලැබීමටත්, කායික සහ බුද්ධිමය ශ්රම පලදායිතාව උපරිමයෙන් ලබාගැනීමට හැකිවීමටත් හේතුවක්.
ඒ වගේම සමාජීය වශයෙන් ඔබ අනෙකා අවංකවම අනලස්ව අගය කිරීම ඔබේ පෞරුෂය පිළිබඳ සුබවාදී සමාජීය ආකල්පයක් නිර්මාණය විමටත් හේතුවක්.
චිත්තවේගික බැඳීම් සොඳුරු ලෙස පවත්වා ගැනීමේදීත් අගය කිරීම, වටිනාකම් පිරිනැමීම ඒ බැඳීම් තුළට ආදරය සහ ගෞරවය වැඩි වැඩියෙන් සම්මිශ්රණය වෙන්නට හේතුවක්. සැකෙවින්ම ආධ්යාත්මික සහ භෞතික අගය කිරීම් ඕනෑම සබඳතාවයක හෙට දවස ලස්සනට වර්ණ ගන්වන්න හරිම වැදගත් සාධකයක්.
අගය කිරීම එහෙම නැත්නම් කෘතඥතාව දැඩි ලෙස වැඩි සතුටක් සමඟ සම්බන්ධ වෙනවා.
අගය කිරීම මිනිසුන්ට වඩාත් ධනාත්මක චිත්තවේගයන් දැනීමට, හොඳ අත්දැකීම් රසවිඳීමට, ඔවුන්ගේ සෞඛ්යය වැඩිදියුණු කිරීමට, දුෂ්කරතා සමඟ කටයුතු කිරීමට සහ ශක්තිමත් සබඳතා ගොඩනඟා ගැනීමට උපකාර කරනවා. අපි අගය කරන විට, අපගේ මොළයෙන් ඩොපමයින් සහ සෙරොටොනින් නිදහස් කරනවා.
බලන්න මේ වටිනාකම් කොතරම් ද කියලා, ‘‘ඩොපමයින් සහ සෙරොටොනින්“ කියන්නෙ අපට සැහැල්ලු හා සතුටක් දැනෙන හෝමෝන දෙකක්.
මේ පිළිබඳ කරන ලද පර්යේෂණවලින් සොයාගෙන ඇති ආකාරයට අගය කිරීම, කෘතවේදීත්වය මොළයේ කලාපවල සක්රිය වීමට හේතුවන අතර මොළයේ හයිපොතලමස්වල කොටස් ආලෝකමත් කරනවා.
අගය කිරීම මගින් ස්නායු සම්ප්රේෂක සෙරොටොනින් වැඩිකර ඩොපමයින් නිපදවීමට මොළය සක්රීය කළ හැකිය. ඩොපමයින් යනු අපගේ මොළයේ ප්රසන්න රසායනයක්.
අගය කිරීම දිරිගැන්වීමේ අද්විතීය ප්රකාශයක්.
අගය කිරීම යනු කෙනෙකුගේ වටිනාකම ප්රකාශ කිරීමට ධනාත්මක සහ අර්ථවත් ක්රමයක්.
තම ජීවිතයේ ධනාත්මක දේවල් සඳහා නිතිපතා අගය කිරීම සහ කෘතඥතාව පළකරන පුද්ගලයින් සමස්තයක් වශයෙන් සතුටින් සිටින බව පෙන්නුම් කරන අතර, මානසික පීඩනය හා මානසික අවපීඩනය අඩුවීමට එය හේතුවක් වෙනවා.
කෘතඥතාව පෙන්වීමෙන් ඔබට වඩාත් ශුභවාදී වෙන්නට පුළුවන්. නිතිපතා කෘතඥතාව පළකරන අයට ජීවිතය පිළිබඳ වඩාත් ධනාත්මක දෘෂ්ටියක් ඇති බව අධ්යයනවලින් පෙනී යනවා.
ඔබේ අගය කිරීම බෙදාගැනීමේ ප්රතිලාභ කිහිපයක් පහත සඳහන් පරිදි පෙන්වා දෙන්නට පුළුවන්.
අගය කිරීම මගින් ඔබේ මානසිකත්වය වෙනස් වෙනවා.
ඔබේ මනෝභාවය වැඩි දියුණු වෙනවා. නවෝත්පාදන කිරීමට ඔබේ හැකියාව වැඩි දියුණු වෙනවා.
අගය කිරීම නිසා ඔබ සබඳතා කෙරෙහි විශ්වාසය ගොඩනඟා ගන්නවා.
අගය කිරීම මගින් ඔබ ඔබේ කාර්යක්ෂමතාව වැඩි කරනවා.
අවසන් වශයෙන් පවසනවා නම් අප සෑමවිටම හුරු විය යුතුයි කෙනෙක්ගෙ අගය කළයුතු දෙයක් දුටුවහොත් අගතිගාමී නොවී අගය කරන්නට.
ඒක ඉතා උසස් මානවීය ගුණ ධර්මයක්.
අවංකවම අගය කරන හැඟීම... ඒ කියන්නේ “ඇගයීම“ මිනිසුන්ව උසස් කරනවා.
අගය කිරීමට ලක්වන පුද්ගලයාත් ගොඩක් සතුටු වෙනවා. අපට සමාජයේ සිටින මිනිසුන්ගෙන් ඇගයුමක් ලබා ගන්නට අවශ්ය නම් අප තුළත් තිබෙන්නට අවශ්ය වෙනවා අගය කිරීමේ ගුණ ධර්+මය. තමන් ලබාදෙන දෙයම තමා තමා තමාට පෙරළා ආපසු ලැබෙන්නෙ.
මම සරණ ගිය බුදුරජාණන් වහන්සේ තරම්, තමන් වහන්සේගේ ශ්රාවකයන් අගය කළ උතුමෙකු මෙදියත නැහැ.
යහපත් වටිනා දේ සහ එවැනි දේ කරන පුද්ගලයන් ඉතා උසස් ලෙස වර්ණනා කරමින් ‘ඇගයීම‘ කියන්නේ ගුණබර උතුම් බුදු සිරිතක්මයි. සැමට තෙරුවන් සරණයි.
චන්දන බණ්ඩාර වෙමු.
සද්ධම්ම සවණං හිමිදිරි පාන්දර ආශිර්වාද බුදුගුණ භාවනා පන්තිය
0766 088 210 / 075 22 32 557 වට්ස්ඇප්
