03/11/2025
මොයිනා: විසිතුරු මසුන්ට වටිනා සජීවී ආහාරයක්
මොයිනා යනු ඉතා කුඩා කවච මත්ස්ය විශේෂයක් වන අතර, විසිතුරු මත්ස්ය කර්මාන්තයේදී, විශේෂයෙන්ම මත්ස්ය පැටවුන් සඳහා ඉතා පෝෂ්යදායී සජීවී ආහාරයක් ලෙස බහුලව භාවිතා වේ.මොවුන් "වතුර මැක්කා" (Water Flea) ලෙසද හැඳින්වෙන ඩැෆ්නියා (Daphnia) ගණයට අයත් වන නමුත්, ඩැෆ්නියාට වඩා ප්රමාණයෙන් කුඩා වීම නිසා කුඩා මසුන්ගේ සහ පැටවුන්ගේ මුඛයට පහසුවෙන් ග්රහණය කරගත හැක.
ස්වභාවික පරිසරය සහ ජීවන චක්රය:
මොයිනා ස්වභාවිකව පොකුණු, විල්, ඇල දොළ සහ කාබනික ද්රව්ය දිරාපත් වන ජලාශවල දක්නට ලැබේ. ඔක්සිජන් අඩු සහ අපිරිසිදු ජලයට වුවද ඔරොත්තු දීමේ විශේෂ හැකියාවක් මොවුන්ට ඇත.
මොයිනාගේ ජීවන චක්රය ඉතා වේගවත්ය. සුදුසු පරිසර තත්ත්ව යටතේ, දින 4-7ක් වැනි කෙටි කාලයක් තුළ ලිංගිකව පරිණත වන අතර, ගැහැණු සතෙකුට දින 1.5-2.0 කට වරක් පැටවුන් 4-22ත් අතර ප්රමාණයක් බිහි කළ හැකිය. මොවුන්ගේ ප්රජනන ක්රියාවලිය ලිංගික මෙන්ම අලිංගික ක්රමයටද සිදුවේ.
පෝෂණ ගුණය සහ වැදගත්කම:
විශේෂයෙන්ම මත්ස්ය පැටවුන්ගේ වර්ධනයට අත්යවශ්ය වන ප්රෝටීන් මොයිනා වල ඉහළ ප්රතිශතයකින් අඩංගු වේ.මස් මාංශ භක්ෂක විසිතුරු මත්ස්ය පැටවුන් සජීවී ආහාර සඳහා වැඩි කැමැත්තක් දක්වන අතර, මොයිනා ලබා දීමෙන් ඔවුන්ගේ වර්ධනය වේගවත් කරගත හැක. (Betta) වැනි මසුන්ගේ පැටවුන්ට මොයිනා ලබා දීමෙන් ඉතා ඉක්මන් වර්ධනයක් දැකිය හැක.
නිවසේදීම මොයිනා වගා කිරීම:
අඩු වියදමකින් සහ පහසුවෙන් නිවසේදීම මොයිනා වගා කරගත හැක. මේ සඳහා විවිධ ක්රම භාවිතා කරන අතර, වියළි ගොම යොදාගෙන මොයිනා වගා කිරීම එක් සාර්ථක ක්රමයකි.
මොයිනා වගාවක් ආරම්භ කරන ආකාරය:
ආරම්භක කල්චරය: මොයිනා වගාවක් ආරම්භ කිරීම සඳහා ඔබට කුඩා මොයිනා ප්රමාණයක් (starter culture) අවශ්ය වේ. මෙය වගා කර ගැනීමට අවශ්ය අය සදහා ලබා දිය හැක
වගා මාධ්යය: සුදුසු භාජනයකට ජලය පුරවා, එයට වියළි ගොම ස්වල්පයක් දමා දින කිහිපයක් තබන්න. ජලය කොළ පැහැයට හැරුණු පසු එය මොයිනා වගාවට සුදුසු වේ.
පෝෂණය: මොයිනා බැක්ටීරියා, යීස්ට්, ශාක ප්ලවාංග සහ දිරාපත් වන කාබනික ද්රව්ය ආහාරයට ගනී. යීස්ට් ස්වල්පයක් ජලයේ දියකර ආහාර ලෙස ලබා දිය හැක.
නිසි ලෙස නඩත්තු කරන්නේ නම්, දිනපතාම පාහේ ඔබට අවශ්ය මොයිනා ලබා ගත හැක
බෝ කරගැනීමට අවශ්ය අය සදහා ලබා දිය හැක දිවයින පුරා ඩිලිවරි පහසුකම් සහිතයි
0771891750
රත්නපුර
