07/08/2026
منتزه مولاي الحسن فعلا ولى المتنفس الوحيد ديال المراكشيين فهاد الحرارة اللي كاتضرب مراكش هاد الأيام.
الناس كتهرب ليه في العشية تقلب على شوية ديال البرد والراحة والمشي، ولكن للأسف كثرة الدراجات النارية داخل العرصة كتحول الراحة لقلق، والهدوء لصداع وعصبية، و كتشكل خطر على الوليدات الصغار والناس الكبار.
الرسالة بسيطة:
الإخوان أصحاب الموطورات راه كاين باركينغ برا، حطو مواطركم ودخلو على رجليكم بحال جميع الناس وخليو الناس تمشى مرتاحة وآمنة.
العرصة للمشي والراحة، ماشي للسياقة.
