Koulyati

06/03/2019

****** MASI & MADEX ******

كلنا كنتفرجو فالأخبار ديال الإقتصاد و كنبغيو نبرڭڭو شنو طاري فالسوق المغربي او كيسولك الوالد او الاخ ديالك و لكن الغالب الله، 😊
كانسمعو ديما مؤشر مازي و مادكس، ❓❕❔❓
مازي (MASI) Morrocan all shares index و كايعني المؤشر المغربي لجميع الأسهم، هو مؤشر رأسمالي كيجمع ڭاع الأسهم لي داخلين فبورصة الدار البيضاء باش كايعرفو السوق كيفاش غادي و كيفاش داير، فالمثال إلا كان مازي طالع كايعني بلي الأكترية ديال الأسهم لي فالسوق راهوم غاديين طالعين
مادكس بالإنجليزية سميتو MADEX Moroccan most active shares index و لي كايعني مؤشر الأسهم المغربية الأكثر نشاطا، فاش كانهضرو على النشاط ديال السهم كانهضرو على السيولة ديالو فستة أشهر الفايتة و غالبا تايكونو هوما العشر الأسهم الأوائل.
ندوزو لحاجة أخرى، فاش كايكون باديا ديك إيكونيوز فالتلفازة كانشوفو سميات ديال الشركات و حداهم واحد الرقم و سهم يا إما خضر ولا حمر ولا برتقالي، هداك الرقم كايدل على الثمن ديال السهم يعني يلا بغيتي تشريه فداك النهار هداك هو ثامانو، أا بالنسبة للسهم إلا كان خضر يعني الثمن ديال السهم طلع بديك النسبة المأوية لي حداه ءما إيلا كان حمر راه العكس و البرتقالي كايعني بلي الثمن ماتغيرش.
المهم راه ماشي ديما نفس السهم كيكون طالع راه على حساب السوق وقانون الطلب والعرض.

26/02/2019

سلام، شفت بزاف كيسولو وبغاو يعرفو على النظام الجامعي الجديد "البكالوريوس" عوض الاجازة الاساسية المعمول بها حاليا. انا فهاد المنشور انحاول انبسط الفكرة للناس لي كيهمهوم الامر:

نظام البكالوريوس هو نظام معمول به عالميا وهو كيعادل الاجازة 4 سنوات لي كانت في النظام الجامعي القديم، بمعنى انه الى خديتي الاجازة الاساسية Licence fondamentale فالمغرب ولي فيها 3 سنوات فقط وبغيتي تكمل الماجيستير Master فشي دولة خاسك تزيد سنة باش تحصل على معادلة الشهادة الاجازة ديالك مع البكالوريوس فديك الدولة لي اختاريتي équivalence de diplôme.

هاد البكالوريوس لي فيه 4 سنوات جابتو الوزارة ولي قررات ايكون فالسنة الاولى مخصصة فقط للغات والتواصل والمداخل التخصص communications et les longues حتى يتعرف الطالب على التخصص لي ختارو، وهي مافيهاش امتحانات يعني العام الاولى بحال انقدروا انقولو اعليه سنة تجريبية او تمهيدية.

موراها كتقرا العام الثاني وهو داخل فالجذع المشترك Tronc commun ديال الشعبة المختارة وملي كتنجح فالسنة الثانية خاسك تعمر واحد الورقة ديال la spécificité التخصص او التعمق فالشعبة حيث غالبا كل شعبة كتنقاسم ل2 ديال المسالك وكتقرا المسلك ديالك بتعمق، ونظام البكالوريوس كيخولك التعمق اكثر فالتخصص ديالك عكس الاجازة الاساسية.

نظام البكالوريوس كغيره من الانظمة وحتى الاجازة الاساسية الحالية لي كتعتامد على السداسيات les semestres، حيث عوض اتقراو 6 ديال السداسيات فالاجازة الاساسية. غيولي يقرا الطالب 8 ديال السداسيات باش يحصل على البكالوريوس، بمعدل 2 ديال السداسيات فكل سنة (الدورة الخريفية/الدورة الربيعية) على أمد 4 سنوات.

غير انني خاصني نشير لواحد المسألة ان هاد النظام البكالوريوس الجديد عندو مجموعة من العيوب، من بينها انعدام التقييم فالسنة الاولى للطالب سواء حضر ولا ماحضرش، بالاضافة لقلة الاساتذة الجامعيين لي يقوموا بهاد المهمة ديال التواصل واللغات لي معظم اساتذة ايعتابروها مضيعة للوقت.

فقط واحد المسالة انشير ليها انه اول فوج ايتخرج بالبكالوريوس في 2024 حيث ايدخلو في 2020 ويقراو 4 سنوات 🙂

من الاخر انا انتمنى التوفيق للجميع الطلبة.
فقط كتنبيه* هاد النظام البكالوريوس الجديد غيبدا السنة المقبلة 2020 وغادي يلزم الطلبة الجدد؛ اما الطلبة القدماء غيسري عليهم القانون القديم.

20/02/2019

مراحل_تاسيس_شركة_بالمغرب
1.Certificat négatif
في هذه المرحلة يتم حجز اسم الشركة وتحصل عليها لدى ompic او المديرية الاقليمية لوزارة التجارة او المركز الجهوي للاسثتمار مقابل نسخة من البطاقة الوطنية واستمارة مخصصة لهذا الغرض وأداء 350 درهم
2Établissement des statuts
في هذه المرحلة نقوم بكتابة القانون الأساسي للشركة وهو يضم اسم الشركة وأهدافها ومقرها الاجتماعي ورأس المال ومعلومات أخرى مع ضرور تسجيله مقابل 1000 كحد ادنى ويرتفع الرسم كلما ارتفع رأس المال
3Inscription à la patente et identifiant fiscal
التسجيل بالضريبة المهنية مجانا ويحتاج الى شهادة ملكية المقر local او عقدة كراء مسجلة واستمارة
اما التعريف الضريبي فهو الاخر بالمجان ويحتاج استمارات ونسخة من القانون الأساسي ونسخة البطاقة الوطنية لمدير الشركة
4Immatriculation au registre de commerce
هذه الخطوة هي الأهم ونقوم بها لدى المحكمة التجارية او الابتدائية التي يتبع لها مقر الشركة.
التسجيل بالسجل التجاري مقابل استمارة التسجيل والقانون الاساسي للشركة والضريبة المهنية والتعريف الضريبي وشهادة السلبية وبعض الوثائق الأخرى
الرسوم تؤدى بالمحكمة لا تتجاوز 500 درهم
5Affiliation à la CNSS
بالصندوق الوطني للضمان الاجتماعي بالمجان
6Publications officielles...
الاعلان الرسمي بالجريدة الرسمية واحدى الجرائد الأخرى
غالبا هذه الخطوات لا تتجاوز الى 3500 درهم بما فيها "التنابر" وهدشي كامل غادي يتكلف بها المحاسب

19/02/2019

اد بوست ممكن تقراه واخا تكون معندكش مع الفيزياء✋

علاش حتى شي واحد مقدر يفهم ميكانيك الكم🤔

أقوال بعض العلماء حول ميكانيك الكم
نيل بوهر: ”إن لم تتزعزع بفكرة الميكانيك الكمية، فهذا لأنك لم تفهم شيئا"

ريتشارد فاينمان: "أستطيع أن أقول بكل راحةٍ أنْ لا أحد يفهم ميكانيكا الكم"

كين بزاف ديال ناس كيحاولوا يقروا ميكانيك الكم ولا يفهموها ولكن كتجيهم صعيبة ولكن فاش كيقراو هاد اقوال العلماء كيفهموهم بطريقة خاطئة علاش؟
حيث هاد علماء مكيقصدوش بهاد لكلام أنك مغاديش تقدر تفهم دوك لقواعد ونظريات لي حطوا باش خدموا بيهم ولكن كيقصدوا أن بعض الظواهر الفيزيائية محطوطين ليها بعض القواعد والتفسيرات لي غريبة وصعيب يصرطها لعقل ديالك ولكن نتا مضطر تخدم بيها هكاك لأنها كتعطي نتائج متوافقة مع شنو كتعطي تجربة.

بحال مثلا ازدواجية ديال الضوء لي كيقدر تصرف احيانا على انه #جسيم واحيانا اخرى #موجة وهادشي راه مكيدخلش العقل وممعرفوش فيزيائيا اش كين تما وعلاش كيتصرف بحال هاكا والمهم التجربة كتعطينا هادشي وحنا مضطرين ناخدوه كحقيقة وصافي...

والاغرب من ذلك ان حتى الجسيمات صغيرة بزاف بحال الالكترون والبروتون والنوترون.. كتصرف بنفس الطريقة تقدر ظهر كموجة وجسيم في نفس الوقت وهذا كذلك راه مكيدخلش لعقل ولكن نتا مضطر تخدم بهادشي حيث هادشي لي كتعطينا تجربة...

اما ظاهرة التراكب الكمي فهادي راه لحماق كاع شي حاجة مستحيل تلقى ليها شي تفسير فيزيائي كيدخل لعقل تصور معايا ممكن جوج جسيمات يحدث بيناتهم تواصل آني يعني لحظي واخا تكون كتفصل بيناتهم مسافات ضوئية وهادشي كيتناقد مع النظرية النسبية لي كتقول انا سرعة الضوء في الفراغ هي اقصى سرعة لي ميمكنش نفوتوها ولكن هاد جسيمات سرعة التواصل بيناتهم راه كتفوت سرعة الضوء في الفراغ وراه امبوسيبل تلقى شي تفسير فيزيائي لهاد لعجب ولكن خاصك تخدم بهادشي على انه حقيقة فقط لأن التجربة هادشي لكتعطي واخا تبقى تعاود في تجربة ملايير المرات ومهما كانت الدقة لي خدام بها ديما نفس النتيجة...

وعلى قبل هادشي قال ريتشارد فينمان راه حتى واحد مفاهم عالم ميكانيك الكم حنا راه كنخدموا غير بداكشي لي كتعطيه لينا التجربة

02/01/2019

مع اقتراب موعد عطلة منتصف السنة الدراسية وعلى اعتبار ان اغلب الشباب يتوجهون للمناطق الجبلية في هذه الفترة من السنة لا تنسو اخوانكم الذين يعانون قسوة الظروف المناخية والمعيشية .. لي عندو ولا عندها شي حوايج غلاض قصارو ومابقيتوش تلبسوهم ديوهم معاكم فراه كاين لي محتاج ليهم ولي عندها حوايج ديال دراري صغار وغير محطوطين تدير خير فهاد لوليدات را الله لي عالم بيهم اما باش تبقاو تبارطاجيو فلفيديوهات والتصاور را ماغتنفعوهم بوالو ومعمر دوك لمسؤولين لكلاب غادي يتسوقو ليكم ولا ليهم ... والسلام عليكم .

28/12/2018

هذه أهم الإجراءات الضريبية التي حملها قانون المالية لسنة 2019
تضمن مشروع قانون المالية لسنة 2019 عددا من المقتضيات الجبائية التي تهدف إلى توفير الموارد اللازمة للميزانية من أجل تمويل البرامج الحكومية ذات الطابع الاجتماعي بالإضافة الى تنويع وتوسيع قاعدة الضرائب.
وكشفت المراجعات التي قامت بها المديرية العامة للضرائب وجود شركات تتملص من الضرائب عن طريق التصريح الدائم بالعجز، حيث تستفيد من الاعفاء من الحد الأدنى للضريبة برسم الثلاث السنوات من بداية نشاطها، و تقرر إدخال تعديلات على الضريبة على الشركات في مشروع قانون المالية لسنة 2019، تهم تخفيض معدل التضريب من 20 % إلى 17.5 % على شطر الأرباح المتراوحة قيمتها ما بين 300001 درهم ومليون درهم، ورفع الضريبة على الأرباح التي تتجاوز مليون درهم من 31 % إلى 32 %. ويقترح المشروع رفع الحد الأدنى الذي يتعين على الخاضعين للضريبتين على الشركات حتى في حال لم تحقق أرباح من 0.50 %، حاليا، إلى 0.75، أي ربع نقطة مئوية.
وصادقت لجنة المالية بمجلس النواب على تعديلات تتعلق بالرفع من المبالغ والرسوم المفروضة على المشروبات الغازية والسكرية بنسبة 50بالمئة التي تحتوي على نسبة عالية من السكر وذلك من أجل الحد من مرض السكري والسمنة المفرطة وأمراض أخرى انتشرت بالمغرب خلال السنوات الأخيرة.
وبخصوص الضريبة على الدخل في مشروع قانون المالية للسنة المقبلة الذي صادق عليه مجلس النواب، فقد تم إعفاء الأجر والتعويضات الممنوحة للمجندين في الخدمة العسكرية، بالإضافة إلى إعفاء المتقاعدين المتوفرين على أكثر من معاش لا يتجاوز مجموع مبلغه الصافي الخاضع للضريبة السقف المعفى من الإدلاء بالإقرار السنوي بمجموع الدخل.
وتضمن قانون المالية لسنة 2019 تغيير نظام فرض الضريبة على الدخل برسم الدخول العقارية، وذلك بإحداث حجز في المنبع بسعر نسبته 15%، يطبق على المبلغ الإجمالي للإيجارات عوض جدول أسعار الضريبة على الدخل المطبق حاليا على صافي الدخل، وحذف التخفيض بسعر 40% المطبق حاليا، وإخضاع الإيجارات المدفوعة من طرف الأشخاص الذاتيين للضريبة على الدخل عن طريق الأداء التلقائي، لسعر نسبته 15% وذلك بناء على إقرار مبسط.
و يقترح مشروع قانون المالية للسنة المقبلة، إخضاع الأرباح العقارية المحصل عليها من البيع لأول مرة للسكن الرئيسي، للاقتطاع الضريبي إذا تجاوزت القيمة العملية 500 ألف درهم ومدة الإقامة ست سنوات، على ألا ينخفض مبلغ الضريبة عن 3 في المئة من الأرباح، وسيكون على الأشخاص الذين يرغبون في استبدال منزلهم الرئيسي أداء على الأقل 3 بالمئة من الفارق بين قيمة الشراء والبيع.
وتضمن المشروع مقتضيات تهم الضريبة السنوية على السيارات، بقيمة 50 درهما بالنسبة للمركبات التي تقل قوتها الجبائية أو تعادل 10 أحصنة، وزيادة 200 درهم بالنسبة إلى السيارات التي تتراوح قوتها ما بين 11 حصانا و14، بالإضافة الى الضريبة على السيارات التي تصل قوتها إلى 15 حصانا فما فوق زيادة بقيمة 500 درهم، وينتظر أن تتراوح إيرادات هذه التعديلات ما بين 500 مليون درهم ومليار درهم.
وتضمنت الإجراءات الجديدة تعديلا في الضريبة الداخلية على الاستهلاك المطبقة على السجائر والخمور، إذ ينص مشروع قانون المالية للسنة المقبلة على ألا تقل عن 60 % من ثمن البيع، وتتوقع الحكومة تحصيل ما يقارب 150 مليار سنتيم من مداخيل الخمور بمختلف أنواعها وستنضاف الى المداخيل المتوقعة من الضريبة على التبغ والتي تفوق ألف مليار سنتيم حسب قانون المالية لسنة 2019، وتبلغ حصيلة الضرائب على التبغ المصنع ما قدره 11 مليار درهم مقابل 9 ملايير و550 مليون درهم برسم 2018، أي بزيادة قدرها 15.18 بالمئة.
وتقرر إخضاع عمليات البناء الذاتي، التي ينجزها أشخاص ذاتيون والتعاونيات والشركات المدنية العقارية، للضريبة على القيمة المضافة، وذلك وفق جدول خاص بهذه العمليات على ألا تقل المساحة الإجمالية للمباني عن 300 متر مربع، إذ أن التي لا تتجاوز هذا الشق ستظل معفية من أداء الضريبة.

29/11/2018

من بعد الأزمة ديال صناديق التقاعد و القالب لي دار سيهم بن كيران للشعب، خرجوا دوك الصناديق بأسلوب جديد باش يجمعوا الفلوس، لي هو التقاعد التكميلي الفردي، و كمثال CIMR قالت لك من سن 25 سنة تبدى تحط كل شهر 1000dh و ملي دير 60 عام غتولي تاخد 6647dh.
يعني 35 عام و انت تحط 1000 درهم فالشهر يعني 420000 درهم.
نسبة التضخم السنوي فالمغرب حوالي 2%، يعني فلوسك كل عام كتفقد 2% من قيمتها. يعني:
70%=2%×35

يعني من هنا ل 35 عام مستقبلا ديك 6647dh غتولي قيمتها:
6647×0، 7=2021dh

يعني من هنا 35 عام لي كل شهر و انت كتحط 1000dh غادي تقبط فلوس قيمتها كتساوي 2021dh ديال دابا. يعني داكشي لي غتشري لك 2021 درهم دابا هو نيت لي غتشريه لك 6647 درهم من هنا ل 35 عام و هادشي مع افتراض ان نسبة التضخم هي 2% كل عام يعني اذا تزادت هاد النسبة من بعد (خصوصا بعد التعويم الكلي) فراه الفلوس غتفقد قيمة أكثر و أكثر...
اذا لو انك تجمع ديك 1000dh و دير واحد راس المال و تبيع و تشري بيه غيكون أحسن.
او على الأقل تحطهم فحساب توفير على الأقل داك النسبة لي غيزيدك البنك غتنقص شوية من خسارة الفلوس لقيمتها بسسب التضخم مع مرور الزمن و راه ماشي ربا (بالنسبة للمسلمين) و من بعد نزيد نكمل الموضوع و نشرح علاش ماشي ربا (واخة تيبان لي راه واضحة علاش)
تحياتي

15/11/2018

السلام
اليوم غانهضر ليكوم على الشيك و انواعه باش تكون عندكم فكرة عامة عليه و باش تكونو على بال منو حيت ماشي ديال اللعب .
الشيك هو وسيلة للأداء يعني كانخلص بيه واحد السيد لي كايسالني شي حاجة هاد الشيك ممكن يدوز من يد ليد يعني الملكية ديالو يمكن تحول من شخص لشخص نتا تخلصني بشيك و أنا نخلص واحد آخر بهاداك الشيك ديالك وهي غادا هاد العملية كاتسمى التظهير l'endossement الطريقة هي أنني كانسني ف الظهر ديال الشيك ونعطيه لاخر و هو كايدير نفس الشيء و هاد العملية ماعندهاش حدود الى عمر الشيك منverso ديالو (موراه) كانgرافيو معاه ورقة عادية كاتسمى allonge و نكملو فيها التوقيعات.
● شناهو Chèque barré: هو ملي كايدارو 2 شرطات // متوازيين ف Recto ديال الشيك يعني من القدام ، وغالبا كايكونو الفوق على ليسر : المعنى ديالو أن هاد الشيك مايمكنش يتصرف Espèce (باستثناء مولاه) خاصك تدفعو ف الحساب ديالك يعني كادير Remise للشيك فحسابك وكايدوزو الفلوس من حساب مول الشيك لحسابك،الى كان الشيك لي دفعتي مولاه ف نفس الوكالة لي نتا فيها .الفلوس راغايدوزو بيه فيه sur place ويلا كنتو ف نفس البنكة مي ف وكالات مختالفين غايدوزو الفلوس على يوماين J+2 الى كان فبنك مغاير للبنك ديالك ف 3 Jrs ،هادشي الى كانت provision أما الى ماكانوش راكاتسلم *شهادة رفض الأداء certificat de refus de paiement *
==> 1) الشيك فاش كايكون عادي ماشي barré وبغيت نتخلص فيه ""espèce"" نرد البال لle lieu de paiement مكان الأداء كايكون ف الشيك كيعني البلاصة فين غانتخلص فيه، على الغالب كايكون الوكالة لي فاتح فيها مول الشيك بمعنى غايخصك تمشي للوكالة ديالو باش تخلص كاش الى مامشيتيش للوكالة ديالوو فخاصك تدفع الشيك فحسابك، باستثناء بعض الحالات كايكون عندهوم الشيك فيه هادا تصرفو فأي وكالة ديال ديك البنكة.
ا==> 2) الشيك عطيتو للسيد X ولو نكتب سميتو ف الشيك يمكن يستافد منو السيد Y أولا Z....و يبقا كايدور من يد ليد (هادشي لي سميناه التظهير l'endossement) ماعادا الى كتبت ف الشيك من الفوق : N.E أو NON ENDOSSABLE أو {غير قابل للتظهير} هاكا غايولي دور عند ديك La case ديال المستفيد بحيث أن هاداك لي محددو فالشيك الوحيد لي يمكن ليه يستافد من الشيك ومايمكنش يعطيه لشي حد آخر. ؛ ويلا كان الشيك barré و مكتوبة فيهN.E فغاتكونو فهمتو بلي الوحيد لي غايستافد من الشيك هو لي مكتوب ف بلاصة المستفيد و غايخصو يدير ليه remise (يدفعو ف الحسابcompte ديالو)
● شيك سرتفييchèque certifié
هاد العملية ديال إتبات الشيك certification du chèque كاتعني ببساطة أن البنك هو لي كايضمن الأداء للمستفيد مثلا فاش كاتشري سيارة من عند شي شركة كاطلب ليك شيك certifie هي ماشغلهاش فديك الهدرة ديال ماعندكش الفلوس ولا signature mamgadach أو أو ... هاكا هي كاتولي تعرف البنكة ماشي نتا ،،==> كيفاش كاتم هاد العملية!؟؟؟ فاش كاتمشي تسيرتفيي الشيك عند البنكة ديالك البنكة كاتأكد بلي عندك داك المبلغ ف الحساب وكادوز certification عندها فsystème هاكا دوك الفلوس كايخرجو داك الساع من الكونط ديالك و كايبقاو فواحد الكونطinterne ديال البنكة و البنكة كاطبع ليك ف الشيك بلي certifié ,نتا فاش كاتعطي داك الشيك لشي حد و كايدفعو كايخرجو الفلوس من داك الكونط interne ديال البنكة و كاياخدهم داك المستفيد . هاد العملية يؤدى عليها و كاتبقا هاد certification ديال الشيك لمدة 20 يوم فقط ،
■ دفعت شيك ف الحساب ديالي و رجع impayé ماتخلصش ماشي بالضرورة غايكون رجع على الفلوس ممكن يكون ماتخلصش لأسباب أخرى بحال :
التوقيع لي ف الشيك ماصحيحش La signature Non Conformité
حاجة اخرى مهمة جدا، le chèque est un moyen de paiement a vue يعني مكيتحكمش فيه التاريخ واخا تدير فيه سنة 2060 من حقي نتخلص فيه غدا. و نزيدك للنصيحة اللي عطا الشيك لشي واحد يحدد فيه الاسم ديال x و يكتب فيه N.E باش ميسبب ليه شي كارثة و يحدد المبلغ. خصوصا ناس تأجير السيارات راه كتغامر بشيك خاوي يصفطك للحبس و لا يدي ليك رزقك و معندك متصور. كاين بزاف مايتقال فهاد الموضوع المهم غير تعرفو البرانسيب ديال الشيك و باش ماتلعب بيه حيت اقدر ادخلك ل البنيقة و نتا ماعارف علاش

09/10/2018

Monsieur Lamère a épousé Mademoiselle Lepère.
De ce mariage, est né un fils aux yeux pers.
Monsieur est le père, Madame est la mère.
Les deux font la paire.
Le père, quoique père, est resté Lamère, mais la mère, avant d’être Lamère était Lepère.
Le père est donc le père sans être Lepère, puisqu’il est Lamère et la mère est Lamère, bien que née Lepère.
Aucun des deux n’est maire.
N’étant ni maire ni mère, le père ne commet donc pas d’impair en signant Lamère.
Le fils aux yeux pers de Lepère deviendra maire.
Il sera le maire Lamère, aux yeux pers, fils de Monsieur Lamère, son père, et de Mademoiselle Lepère, sa mère.
La mère du maire meurt et Lamère, père du maire, la perd.
Aux obsèques, le père de la mère du maire, le grand-père Lepère, vient du bord de mer, et marche de pair avec le maire Lamère, son petit-fils.
Les amis du maire, venus pour la mère, cherchent les Lamère, ne trouvent que le maire et Lepère, père de la mère du maire, venu de la mer, et chacun s’y perd !

09/10/2018