29/12/2024
السلام عليكم ورحمة الله،
مؤخرا يبان قانون المصالحة الضريبية هو tendance عاگب مدونة الأسرة بطبيعة الحال، و كلشي باغي يعرف شواقع و ظرك لاهي نجاوب على الاسئلة لي تخص ذا الموضوع، لاااصق بطبيعة الحال.
المصالحة الضريبية راهي جات فقانون مالية 2024 و كان عندك اجل تدير ذي المصالحة من شهر 1, يغير بيك عزة الدقيقة 90، خليت الين بگاتلك ثلت أيام حدنك عدت باغي تعرف. (آخر أجل 31/12/2024)
المصالحة الضريبية ببساطة هي تابعة لمبدأ الوطن غفور رحيم، خطيت سنوااات و نتا تجمع الرزق بلا ما تخلص وگية وحدة ضريبة ؟ ماهي مشكلة تعال ظرك و خلص لا 5٪ فقط على ممتلكاتك و خلينا نبداو صفحة جديدة.
بدون شك لاهي يطيحو فبالك مجموعة من الأسئلة و ظرك نجاوبك عليهم
1️⃣ ذي المصالحة الضريبية bonne affaire ؟
المصالحة الضريبية مخييييرة گاع للأسباب التالية :
- الدولة ماتلات لاهي تسولك من أي لك هذا ؟ الله يعملك تعود نتا هو بابلو اسكوبار، لا لي سولك گولو درت المصالحة الضريبية و عليك أمان الله.
- عملية المصالحة الضريبية تتخطى بسرية تااامة، منين تمشي تصرح بممتلكاتك سواء فدار الضريبة ولا البنك ذاكشي تخطيه بصفة مجهولة.
- اللهم 5٪ ولا 37٪، نهار يجيك التحقيق الضريبي تحمل مسؤوليات و خلص ذيك 37٪، إوا استغل الفرصة و خلص لا 5٪
2️⃣ شكون المعني بالأمر ؟
جميع الأشخاص الذاتيين لي عندهم الفظة أو ممتلكات جايبينهم من السوق السوداء يعني ذاكشي غير مقنن ماهو معروف أصلو
❌ الموظفين، لي أهلو مدورين معاه، الورثة... لا تهناو ماهو محاشيهالكم حد ما عندكم ماهو الويل.
3️⃣ شنهو المعمول باش ننقذو الموقف ؟
أول حالة : عندك فظة كاش فدار :
ديها للبنك و گولهوم باغي نستافد من المصالحة الضريبية، لاهي يگطعو 5٪ و يمشوها للدولة، الباقي لاهي يديروهلك فكونطك، وذاشي كامل في سرية تامة.
ثاني حالة : عندك فظة گافل عليها فالبنك :
گيس البنك كولهم عندي طرينيشة باغي نستافد من المصالحة الضريبية، لاهي يديرولك ملي نفس العملية.
ثالث حالة : عندك ممتلكات (عقار، وتات...) :
گيس دار الضريبة، و صرح بممتلكاتك باش هوما يقدرو قيمة ذوك الممتلكات و تخلص عليهم 5٪ من ذيك القيمة.
ملحوظة : نهار الأحد الأبناك و دار الضريبة فاتحين بيهم راس العام، الهروب لا گبل لحوگ.
هذا والله تعالى أعلم.
#المال 🤝 #الثقافة #شركات #الداخلة #الضرائب #مارشيات #بوجدور #اقتصاد #محاسبة
