31/07/2026
علاش كلشي باغي يهرب😢
حيث كايعيشو معانا ناس في خدامين مع الدولة وفي البرلمان كايتخلصو 7 مليون شهريا ومايزيد من ميزانية الشعب وعندهم مشاريع خاصة في حين كاتلقا ارملة عندها وليدات قطعو عليها 500 درهم ديال الدعم حيث شارجات تعبئة ديال 50 درهم وطلع ليها المؤشر .
الكارثة لي كانشوفو اليوم ديال عائلات وأمهات قاطعين البحر ماشي بسبب الجوع بل بسبب الظلم ملي كاتشوف أدوية ديال مرضى السرطان دايرين في أروبا 4000 درهم وفي المغرب كاتلقاه داير ربعة المليون شكون لي مستافد من غلاء ثمن الأدوية في المغرب ؟ أما لدوينا على السبيطارات راه كارثة ، عاد خلي ملي كايكون شي امتحان ديال الوظيفة العمومية كاتلقا الشباب ولاد الشعب عندهم كفاءة ولكن كايسقطو في حين كاتلقا ولد فلان لاعلاقة وبنت الفشوش نجحو ، عاد الاحزاب السياسة كاع لي فيه الضو كايحاربوه للآسف ، خلي عليك الضرائب كاينزلو على الدراوش يخلصو في راس العام والملايرية مكاين غير التهرب الضريبي عاد القوانين لي كاتشوفها كاتحط ومكاطبقش على عموم طبقات الشعب هادو كلهم أسباب كايهرسو الجهد وحب الوطن في الشباب ويجب اعادة النظر فيهم😢الصور لي وصلاتنا اليوم ديال الشباب ودريات وعائلات هازين وليداتهم قاطعين البحر وعارفين راسهم أنهم إما غايموتو أو غايعتاقلوهم ولكن اختارو المجهول على الاستقرار في المغرب ، هادشي خاص حكومة الكفاءات تحط الاستقالة أو تلقى حل ، حيث حاليا محطة ولاد زيان في البيضاء وانزكان عامرة كلشي باغي يهرب من احسن بلد في العالم😥والسبب الأول في نظري هو محاربة العلماء واصحاب الدعوة هادشي خلى الشباب يبعدو على الدين وكلشي باغي يدير لباس دغيا ، والسبب الثاني هو الحكومة لي خاصها دير المراقبة والمحاسبة لأصحاب الشكارة والشناقة هي نيت الحكومة لي فيها صحاب الشكارة لي شانقين على المحروقات وملف الأضاحي ومافيا الأدوية😢
