What are the opening hours?

Monday 07:00 - 18:00 Tuesday 07:00 - 18:00 Wednesday 07:00 - 18:00 Thursday 07:00 - 18:00 Friday 07:00 - 18:00

Faly Ravoahangy, IB 664 Malaza Andoharanofotsy, Antananarivo (2026)

20/10/2025

🖐🏽 Ndao ary isika Kristiana hanohy hivavaka ho an'ireo mpitondra antsika sy ny toe-draharaham-pirenena

🙏🏽 Ho an'i Kolonely Michael Randrianirina, PRRM, filohantsika, hijoro amin'ny finoany ary tsy hiala amin'i Kristy na inona na inona ny fanerena mety mahazo azy.
🙏🏽 Mba hanararaotra izao toeram-pahefana nomen’Andriamanitra azy ireo ny mpitondra eto amin’ny firenentsika mba hanao ny tsara ho voninahiNy sy ho tombontsoan’ny hafa.
🙏🏽 Mba hanjaka eto amin'ny firenentsika ny etika kristiana amin’ny fandraharahana sy ny fiainana amin'ny ankapobeny
🙏🏽 Mba hifikitra amin’ny teny filamatra vaovao ho laharam-pahamehana izy ireo: Tanindrazana, Firaisankina, Fanorenana (taloha ilay izy dia Fitiavana, Tanindrazana, Fandrosoana)
🙏🏽 Mba ny fitiavana ny tanindrazana no hanjaka mihoatra ny fitadiavana tombotsoa manokana, ary mba hiezaka ny ho firenena manana fiandrianam-pirenena isika, hanapaka ny fifamatorana rehetra mamatotra antsika maha lasa antsika ho “Colonie économique” ankehitriny.
🙏🏽 Mba hiray saina amin’ny fitadiavana fihavanana sy izay hahasoa ny firenena ny rehetra
🙏🏽 Mba hifantoka amin'ny fanorenana tokoa ny fitondrana, amin'ny fanarenana ny toekarentsika mba tsy hiankin-doha amin'ny fanampiana avy any ivelany. Mandra-pahatongan'izany, dia mba hamindraNy fo eo anatrehan'ireo izay maniry mafy ny "hanampy" / handringa antsika.
🙏🏽 Mba hahazo sehatra hanao izany ny Kristiana voantso hanao politika.
🙏🏽 Mba hoe tsy miray tsikombakomba amin'ny ratsy na mampandefitra ny fijoroany ho vavolombelona ny fiangonana.

:1-2

19/10/2025

🖐🏽 Ny Anjaran'ny Mpitarika 🖐🏽

Ny fitarihana dia andraikitra lalina izay miaraka amin'ireo fanamby sy andrasana tsy manam-paharoa. Ireto misy fahamarinana dimy tsy azo hidovirana momba ny hanjo ny mpitarika.

✅ Tsy maintsy Misongadina ny Mpitarika

Na aiza na aiza toerana misy azy, na ao anatin'ny fiangonana izany na eo amin'ny fiaraha-monina midadasika, dia tsy maintsy hipoitra ny mpitarika iray. Na dia milaza aza ny olona fa fitariahana iraisan'ny rehetra izany, dia ho tonga lohalaharana ny olona iray. Voaporofo izany ao amin’ny tantaran’i Mosesy, izay nofidin’Andriamanitra hitarika ny olony hivoaka an’i Ejipta. Araka ny voalazan’ny Eksodosy 3:10 hoe: “Koa avia ankehitriny ianao hirahiko ho any amin'i Farao hitondra ny Zanak'Isiraely oloko hivoaka avy any Egypta.”
Matetika ny mpitarika dia atokana noho ny fahavononany hanao zavatra sy handray andraikitra, maneho fa ny fitarihana dia matetika voatendrin’Andriamanitra, na inona na inona toe-javatra mitranga.

✅ Tsy maintsy ho Fakan-tahaka ny Mpitarika

Ny mpitarika dia tokony ho olona mendrika harahina. Araka ny nosoratan’i Paoly ao amin’ny 1 Timoty 4:12 : “Aoka tsy hisy olona hanao tsinontsinona anao noho ny hatanoranao, fa aoka ho tonga fianarana ho an’ny mino ianao amin’ny fiteny, amin’ny fitondran-tena, amin’ny fitiavana, amin’ny finoana, amin’ny fahadiovana.”
Ny mpitarika dia tsy maintsy maneho toetra tsara, karisma ary fahaiza-manao, satria ny olona dia mirona ho azy amin'ireo izay maneho ireo toetra ireo. Ny antso ho amin’ny fitarihana dia tonga miaraka amin’ny fiandrasana ny ho modely, maneho ny tsy fivadihana sy ny hatsaran-toetra izay manentana ny hafa hanaraka an’i Kristy.

✅ Tsy maintsy misy Mankahala ny Mpitarika

Ny andraikitry ny mpitarika matetika dia tsy misaraka amin'ny fanakianana sy tsy fahafaham-po. Jesosy mihitsy no nampitandrina ny mpianany ao amin’ny Jaona 15:18 hoe: “Raha halan’izao tontolo izao ianareo, dia aoka ho fantatrareo fa Izaho efa halany talohanareo.” Tokony ho vonona hiatrika fanoherana sy ho tsy tian’ny olona ny mpitondra, indrindra rehefa mety tsy mifanaraka amin’ny hetahetan’ny rehetra voakasik’izany ny fanapahan-keviny.
Ity fahamarinana ity dia toy ny fampitandremana: ny fitarihana matanjaka dia miteraka tsy fitovian-kevitra, saingy ny mpitarika dia tsy maintsy miorim-paka amin'ny faharesen-dahatra, amin'ny fahatakarana fa ny tsy fivadihana voalohany dia amin'Andriamanitra.

✅ Tsy maintsy Voadinika akaiky ny Mpitarika

Tahaka ny trondro iray ao anaty akquarium izay dinihina amin'ny lafiny rehetra, dia toy izany koa ny mpitarika eo ambany fanaraha-maso tsy tapaka. Mampahatsiahy antsika ny Kolosiana 3:23-24 fa “na inona na inona no ataonareo, dia ataovy amin'ny fo, tahaka ny ho an'ny Tompo, fa tsy ho an'olona, satria fantatrareo fa ny Tompo no handraisanareo ny lova ho valiny; fa manompo an'i Kristy Tompo ianareo”, ka manantitrantitra ny maha-zava-dehibe ny tsy fivadihana sy ny fandraisana andraikitra. Hahazo fiderana avy amin’ny sasany izay mitady olona hanome azy aingam-panahy ny mpitarika fa koa fanakianana avy amin’ny hafa te hitady lesoka eo amin'ny fiainan'ny mpitarika.
Noho izany, ny fihazonana fitondran-tena madio sy mahitsy dia tena zava-dehibe, satria ny tsy fivadihana (integrité) dia tsy vitan’ny hoe mamaritra ny mpitarika, fa mitaratra koa ny toetran’Ilay Andriamanitra tompoiny.

🖐🏽 Ry Kristiana rahalahy sy anabaviko, mivavaha ho an'ny mpitarika anareo isaky ny ambaratonga. Atombohy amin'ny Filoham-pirenena ary tohizo amin'ny mpitandrina sy ny loholona eo amin'ny fiangonana misy anao. Tena mila izany izy ireo. 🙏🏽

17/10/2025

Anio 17 oktobra no hapetraka amin’ny fomba ofisialy ho lehiben’ny fanjakana ny kolonely Michael mitondra ny anarana hoe “Filohan’ny Fanarenana ny Repoblika”.

Kanefa:
👉🏽 Namoaka fanambarana ny fianakaviambe iraisam-pirenena sasany, indrindra ny ONU sy ny Vondrona Afrikanina, manameloka ny zava-misy ho fanonganam-panjakana ka mampiato izay fanampiana ara-bola omena an’i Madagasikara.
👉🏽 Saingy tsy fanonganam-panjakana ilay niseho. Ny Fitsarana Avo momba ny Lalàm-panorenana dia manana fahefana ara-dalàna handrava ny fitondrana misy sy hanendry rafitry ny tetezamita misahana ny fikarakarana fifidianana vaovao ao anatin’ny 18 hatramin’ny 24 volana.
👉🏽 Saingy koa, tena nanafika tao Ambohitsirohitra anefa ny miaramila ary nanao fanambarana ny kolonely Michael nilaza fa noravaina daholo ny vondrom-pahefana afa-tsy ny Antenimieram-pirenena ny, anisan’izany ny HCC. Nambarany ihany koa fa tsy manan-kery intsony ny lalàm-panorenana fa taty aoriana dia nolazaina fa tsy nanan-kery ireo fanambarana ireo.
🖐🏽 Izany no mahatonga ny toe-draharaha somary mikorontana ary ny fametrahana azy amin'izao fotoana izao dia toherin'ny mponina sasany. Niantso hanao ankivy izany ny sampan-draharaha sasany, milaza fa efa miala amin'ny zavatra nifanarahana nandritra ny tolona sahady ny Kol Michael.
👉🏽 Ny asa voalohany eo amin'ny biraon'ny Kol Michael dia ny fametrahana governemanta sivily. Manana olona akaiky azy izay toa tiany hapetraka ho praiminisitra izy, saingy maro ireo tsy resy lahatra amin'io lehilahy io.
👉🏽 Nisy andiana mpitarika sy mpandraharaha Kristiana mandray anjara tamin'ny sehatra isan-karazany, niezaka nitaona ny manodidina azy ireo ary nitambatra mba hanolotra olona iray ho kandidà ho praiminisitra. Noro Harimisa Razafindrakoto no anarany (https://www.facebook.com/share/p/178zXDYMGH/). Efa minisitry ny Fitsarana izy taona vitsy lasa izay, Kristiana ary olona mahitsy.

Mangataka Vavaka ho an'ny:

🙏🏽 Ny fandehanan-draharaha ankehitriny. Mba hizotra tsara ny fametrahana ny Kol Michael amin'ny fomba ofisialy, ary hisy ny dingana fanampiny horaisina mba hahazoana fanekena fa ara-dalàna ny rafitra eto Madagasikara eo amin'ny lafiny iraisam-pirenena sy hiantohana ny fanarahana ny lalàmpanorenana.
🙏🏽 Mba hoheno ny fangatahana amin’ny fametrahana praiminisitra izay tena ankasitrahan'ny vahoaka ary mameno ny fenitra takian'izany andraikitra izany (https://www.facebook.com/share/17ncFkRPae/). Mivavaha koa ho azy sy ny asa miandry azy.
🙏🏽 Mba hitadiavana vahaolana mivaingana manoloana ny loza ara-toekarena miandry antsika. Foana tanteraka ny tahirim-bolam-panjakana. Tsy misy intsony ny vola handoavana ny solika ho an’ny famokarana herinaratra. Tsy misy intsony ny vola handoavana ny karaman'ny mpiasam-panjakana ao anatin’ny 3 volana. Mety misy ireo firenena, toy ny Shina, hanararoatra hampindrana vola be, kanefa hanimba ny toekarena izany aoriana ao. Koa aoka isika hivavaka.
🙏🏽 Ho an'ireo manana andraikitra ary ireo mpanolo-tsaina azy ireo mba hanana fahendrena (Jak 1:5) sy fahaiza-manavaka.

" Ry Jehovah ô, Andriamanitry ny razanay, tsy Hianao va no Andriamanitra any an-danitra? Eny, Hianao no manapaka amin'ny fanjakan'ny jentilisa rehetra, ary eo an-tananao ny hery sy ny fahefana, ka tsy misy mahasakana Anao." 2 Tant 20:6

16/10/2025

🖐🏽MAMANTATRA TSARA NY FOTOANA 🖐🏽

Ao amin’ny 1 Tantara 12:32, isika dia mahita fa tena manan-danja ny fananana fahendrena mandritra ny fotoan’ny tetezamita taorian’ny ady. Ny taranak’Isakara dia lazaina ho lehilahy nahay namantatra ny fotoana, nahay nandinika ny zava-misy sy izay tokony hataon’ny Isiraely. Tena zava-dehibe ho an’ny firenen’ny Isiraely ny fahaizan’izy ireo mamantatra ny toe-javatra natrehiny sy nandray fanapahan-kevitra araka ny tokony ho izy, indrindra nandritra ireo vanim-potoana nisavoritaka tamin’ny fiovan’ny mpitarika sy ny fanamby mifandray amin’izany.

🖐🏽Io voalazan’ny Baiboly io dia mifanandrify tsara amin’ny zava-misy eto Madagasikara amin’izao fotoana izao, izay iainan’ny firenena amin’ny fiovana lehibe eo amin’ny fitantanana. Lehibe sy maro tokoa ny fanamby toy ny fahatongavana amin’ny fitoniana eraky ny nosy, ny famaliana ny fiandrasana fiovana tsara ary ireo fanamby ara-toekarena. Amin’ny toe-javatra toy izao, dia tsy maintsy manana fahendrena ireo manam-pahefana, tsy vitan’ny hoe mahafantatra ny fahasarotan’ny toe-javatra misy azy, fa koa ny fahasahiana hanao zavatra araka ny tokony ho izy sy hiaro ny tombontsoan’ny vahoakany.

👉 Ny fahatakarana ny fotoana dia tsy resaka paikady politika fotsiny; mitaky fiankinana lalina amin’ny fiandrianan’Andriamanitra sy ny fitarihany amin’ny alalan’ny vavaka sy ny Soratra Masina ary ny fahazoana fahaiza-manavaka amin’ny alalan’ny mpanolo-tsaina hendry maro izany. Mila mitady ny fahendren’Andriamanitra ny mpitondra eto Madagasikara mba hiatrehana ny zava-misy, mba hahazoana antoka fa maneho ny tsy fivadihana sy ny fahamarinana ny fanapahan-keviny.

🖐🏽Ambonin'izany, mitaky fanohanana am-bavaka avy amin'ny vondrom-piarahamonina Kristiana maneran-tany izao misy antsika izao. Ry rahalahy sy anabavy, manandrata an’i Madagasikara amin’ny vavaka ataonareo. Mangataha amin’Andriamanitra mba hanome fahazavana saina sy fo ho an’ireo mpitarika. Mivavaha ho voaaro izy ireo rehefa mandray fanapahan-kevitra sarotra izy ireo ary miatrika fanadihadihana avy amin'ny mpanara-maso eto an-toerana (ny vahoaka maro miandry vokatra tsara) sy iraisam-pirenena. Zava-dehibe ny hanohanana ny tsy fivadihan’ireo mpitondra ireo amin’ny asa ataony, ka ny tombontsoan’ny vahoaka no laharam-pahamehana eo ambonin’ny fanirian-karena na fitadiavana seza ara-politika.

🙏🏽Tonom-bavaka 🙏🏽

1.⁠ Fahendrena ho an’ny Mpitarika: Mivavaha mba hahazoan’ny Fiadidiana Iombonana ho amin’ny Fanavaozana iraisan’ny lehilahy 5 tarihin’ny Kolonely Michael Randrianirina, izay filoha vonjimaika, ny fahatakarana lalina ny fotoana sy ny fahaizana manao zavatra amim-pahendrena ho an’ny firenena.

2. Fiarovana sy Tsy Fivadihana: Mivavaha mba hiarovan’Andriamanitra ny mpitondra, ary mba hihazonan’izay ireo ny tsy fivadihany na dia eo aza ny zava-tsarotra sy ny fanerena avy ao anatiny sy ivelan’ny firenena.

3.⁠ Firaisankina nasionaly sy Fandriam-pahalemana: Mivavaha mba hisian’ny fandriampahalemana sy fitoniana eto Madagasikara, mba hiainan’ny vahoaka ny firaisankina sy ny fifanohanana amin’izao tetezamita izao.

4.⁠ Tari-dalana avy amin’ny Kristiana: Mivavaha mba hanana anjara toerana lehibe amin’ny fitarihana sy fanohanana ireo mpitarika amin’ny alalan’ny vavaka sy ny torohevitra feno fahendrena avy amin'ny olona matahotra an'Andriamanitra eto Madagasikara.

5.⁠ Fanohanana Maneran-tany: Mivavaha ho an’ny vondrom-piarahamonina Kristiana maneran-tany mba hanohana an’i Madagasikara, hiaro ny rariny sy ny fandriampahalemana.

6. Fibebahana sy Finoana: Mivavaha mba handroso ny Filazantsara amin’izao toe-javatra izao, mba handohalika ka hanolotra ny fiainany an’i Jesoa Kristy Tompo ny maro.

🖐🏽Ny vavaka ataontsika no fomba itadiavantsika ny fidiran'Andriamanitra an-tsehatra amin'ny raharahan'ny firenentsika, amin'ny fananganana tontolo iray izay hanjakan’ny fahendren'Andriamanitra.

🙏🏽Ndao hampirindra ny fontsika amin’ny fikasaNy ho an’i Madagasikara amin’izao andro sarotra izao.🙏🏽

15/10/2025

Omaly tolakandro tamin’ny 5 ora sy 45 mn no notendren’ny Fitsarana avo momba ny lalàm-panorenana (HCC) ho filoha vonjimaika ny kolonely Michaël RANDRIANIRINA, izay manana andraikitra mazava amin’ny fametrahana ny fitondrana tetezamita, izay voatendry hikarakara ny fifidianana filoham-pirenena ao anatin’ny 2 taona.
🖐🏽 Valim-bavaka no nitrangan’izany tamim-pilaminana sy tamin’ny fomba izay mifanaraka amin'ny lalàm-panorenana.

Inona àry no azontsika ivavahana ankehitriny?
👉🏽 Mivavaha ho an'ny fihetsiky ny filoha nesorina raha ho hisy izany. Mbola tsy nanaiky ny fialany izy ary mety hiezaka ny hiverina eo amin'ny fitondrana na dia tsy hitako loatra aza izay mety hitrangan'izany, raha tsy hoe Frantsa no miditra hanampy azy, izay angatahiko amin'ny Tompo hoe tsy hitranga tokoa.
👉🏽 Mivavaha ho an'ny Kolonely Michael sy ny filankevitry ny miaramila izay tarihiny. Mba mivavaha ho azy ireo eo am-panendrena ny governemanta sivily sy miasa amin'ny fikarakarana fifidianana.
👉🏽 Mivavaha ho an'ny fandriampahalemana sy filaminana eto amin'ny firenena, mba tsy hanararaotra ny toe-javatra misy ny olona mpamorona korontana na te handroba.
👉🏽 Mivavaha ho an'ireo mpikambana ao amin'ny hetsika Gen Z, mba tsy ho kivy amin'ny anjara nomena azy ireo tamin'ny zava-nitranga teo amin'ny lafiny politika izy ireo fa hahita fa mbola manana fahafahana lehibe haneho ny ahiahiny sy handray anjara amin'ny fanovana izy ireo.
👉🏽 Mivavaha mba ho takatry ny fiangonana ny toerana tokony misy azy eo amin’ny raharaham-pirenena ary hiezaka mafy amin’ny fanatanterahana FIFOHAZANA ara-panahy eto amin’ny firenentsika isika amin’izao fiandohan’ny vanim-potoana politika vaovao izao.

🙏🏽 Andriamanitra anie hamindra fo hatrany an'i Madagasikara. 🙏🏽🇲🇬

14/10/2025

🔥MPIVAHINY FENO FANANTENANA 🔥

Nirehitra ny tanànan’i Roma. Fantatry ny mponin’i Roma fa i Néron, emperorany, no nandoro azy io satria te handrava izay nisy tao an-tanàna izy, satria te hanorina zavatra hafa azony lazaina fa avy aminy. Mpitondra tia tena (mégalomane) ary adala i Néron.
Niampanga ny Kristiana ho tompon’antoka tamin’ny afo ny emperora, satria nankahala ny kolontsaina sy ny fomba fiaina romana izy ireo. Nenjehina mafy ny Kristiana ka voatery nandositra nankany amin’ny faritra antsoina ankehitriny hoe Torkia (1 Pet 1:1). Ao amin’ny taratasiny, i Petera dia hiantso ny Kristianina hoe “mpivahiny” sy “vahiny” eto an-tany.

🖐🏽Ny hafatra ao amin’ny 1 Petera dia hafatra ilaintsika amin’ny vanim-potoana rehetra, fa vao mainka aza amin’izao toe-javatra misy antsika izao.
Mety tsy hitovy amin’ny fanenjehana nataon’ny mpino tamin’izany isika (1:6; 2:12, 19–21; 3:9, 13–18; 4:1, 12–16, 19 ), nefa indrisy fa zava-misy eto amin’ny firenentsika amin’ny ankapobeny ny fankahalana an’ilay Andriamanitry ny Baiboly.

🖐🏽Inona àry no tokony hataontsika amin’izao toe-javatra izao? Inona no asaina ataon’ny Kristianina amin’ny toe-javatra toy izany?

👉 Maharitra amin’ny Fanantenana isika (1:3-12). Eny! Izany no zavatra ananantsika mpino, ary tsy anan’izao tontolo izao: fanantenana! FANTATSIKA fa Andriamanitra dia handamina ny zava-drehetra. Manana ny antoka ny amin’ny fiainana mandrakizay eo anatrehan’Andriamanitra isika.

👉 Miaina amin'ny Fiainana Masina amin'ny fankatoavana an'i Kristy isika, midera sy mitory ny hatsaran'Andriamanitsika (1:13-2:10). Manomana ny saintsika ho amin’ny ady isika, mijanona ho tsy manan-tsiny amin’ny fanehoana ny herin’ny Filazantsara, ary mizara ny Filazantsaran’ny fanantenana amin’ireo manodidina antsika.

👉 Tsy Tezitra ary Tsy Mamaly faty isika (2:11-25). Ny 1 Pet 2:11 dia matetika adika ho andinin-teny iray miantso ny olona hifady ny fijangajangana. Mino aho nefa fa ny teny manodidina dia mampiseho fa miantso antsika hifady izay tian'ny nofontsika atao rehefa misy manao ny tsy rariny amintsika: mamaly faty.
🥹Tsy namaly faty anefa i Jesosy rehefa niampanga sy nampijaly azy ny olona. Tsy maintsy manao tahaka ny Tompontsika isika.🙏🏽

👉 Mikarakara ny tokantranontsika sy ny fifandraisantsika isika (3:1-12).

👉 Matoky an’i Jehovah foana isika rehefa miaritra fahoriana noho ny anaraNy, tahaka ny niaretaNy mba hamonjena antsika (3:13-22).

👉 Tsy mitsahatra tia an’i Jehovah sy mifankatia isika amin’ny fitazonana ny fijoroantsika ho vavolombelona ho madio (4:1-19).

👉 Manetry Tena eo ambanin’ny tanany maherin’Andriamanitra isika eo am-piandrasana ny fiverenan’i Jesosy (5:1-14). Miambina ny fontsika isika mba tsy ho resin’ny fakam-panahy apetraky ny devoly eo anoloantsika handrava ny fijoroantsika ho vavolombelona.

🙏🏽Mivavaka aho mba ho voamariky ireo fihetsika 7 ireo ny fiainantsika ankehitriny sy amin’ny andro ho avy. Hiara-hivavaka amiko ve ianao?🙏🏽

12/10/2025

🚨 F’inona ity Ataontsika Fiangonana ity e? 🚨
[Ranty lavalava]

Betsaka ny zava-nitranga nanomboka omaly teo amin’ny lafiny politika sy ny toe-draharaham-pirenena ankapobeny. Heveriko fa tsy nisy nanampo ny fiovaovan'ny zava-nitranga, ary maro ny antony tokony hankasitrahantsika ny Tompo amin’izay nihainantsika omaly iny.🙏🏽

🖐🏽 Saingy ao anatin'izany rehetra izany dia matahotra aho fa very tanteraka ny tokony ho laharam-pahamehana ho an'ny Kristiana sy ny antom-pisian’ny fiangonana eto amin'izao tontolo izao. Noho izany dia te hiresaka amintsika Kristiana eto Madagasikara aho, isika mino an’i Kristy, isika izay tena nibebaka tamin’ny fahotantsika sy nandray an’i Jesosy Kristy ho Tompo sy Mpamonjy. Isika no resahiko eto ka hametrahako ny fanontaniana hoe: F’inona loatra ity ataontsika ity e? ⁉️😭

Na dia mety ho maro aminareo aza no mankalaza ny fisian’ny fotoam-bavaka androany teny amin’ny Place du 13 Mai, dia malahelo aho milaza fa tsy nanome voninahitra an’Andriamanitra ny zava-nitranga teny.🥺 Mety ho tezitra amiko ny sasany aminareo, tsy maninona, saingy tsy maintsy miteny aho.🙏🏽

🖐🏽 Tsy marina ilay fanambarana nataon’ny antoko-piangonana iray androany hoe “…vahoaka Iray ny Malagasy, samy mino Andriamanitra Iray…” TSIA tompoko. Betsaka ireo Malagasy izay tsy mino ny Andriamanitry ny Baiboly fa manaraka fivavahana entim-paharazana ohatra.
👉🏽 Mba henoy tsara anie izay voalaza ato amin'ity rohy ity manomboka @ 3min40s (https://www.facebook.com/share/v/1S1WzXrf1p/). Mangataka fahazoan-dalana ilay olona mba hanao fomban-drazana sy hametraka ody any amin'ny toerana lehibe sasany, aorian'ny fotoam-pivavahana. Samy manana ny andriamaniny tokoa fa tsy hoe manaraka an’Ilay Andriamanitra tokana ny Malagasy.

🖐🏽 Noho izany, ny zava-nitranga dia izao: ny mpanao politika, ny mpanakanto, ny influencers, ny olona manan-danja avy amin'ny hetsika Gen Z, ary ny mpitarika fiangonana dia nifandimby nikabary, ny sasany tsara, ny sasany ratsy, saingy, raha fintinina, dia nifangaro daholo (https://www.facebook.com/100086219078839/videos/4154433714826744).
👉🏽Mifangaro tanteraka ny fifavahana, ny politika sy ny raharaham-pirenena. Lasa mirona amin’ny sinkretisma sy ny oekomenisma isika.
Teo koa ny olona miteni-dratsy, manompo sampy, ateista, sns mody mihirahira hira fiderana fantany satria efa henony tany amin’ny fiandrasam-paty angamba. Tsy nisy fitoriana Filazantsara, antso amin’ny fibebahana sy finoana an’i Kristy na dia kely aza. 😞
Koa inona izany no dikan’iny? ⁉️

🔥 Andriamanitra nefa miteny hoe "Aza mitondra fanati-poana intsony; Fofona fahavetavetana amiko izany! Ny voaloham-bolana sy ny Sabata ary ny fiantsoam-piangonana Tsy zakako ny fivoriana masina haroharoam-paharatsiana! Ny voaloham-bolanareo sy ny fotoam-pivavahanareo dia halan'ny fanahiko, Mavesatra amiko izany, Ka sasatra mitondra azy Aho." Isa 1:13-14

✅ Aza Adino izay tokony ho Laharam-pahamehana ho anao: Mat 6:33, 22:37-39, 28:19-20; 1 Cor 10:31-33
Manasa anao aho hamaky an’ity ranty nosoratan’i rahalahiko ao amin’ny Tompo, Erlando, ity: https://www.facebook.com/share/p/1ENgrCgzYr/ , fa hitako hoe mazava tsara:
Ireto no anto-pisiantsika fiangonana:
- Ny hanome voninahitra an’Andriamanitra
- Ny hitady ny soa ny hafa, indrindra fa ny famonjeny
- Ny hanao mpianatra ny firenena rehetra
- Ny hikatsaka an’Andriamanitra sy ny fahamarinany

🙏🏽 Mitandrema mba tsy hanolo ireo amina tanjona ara-politika, ara-tsosialy na ara-toekarena, izay, na dia tsy voatery ho ratsy aza, dia tsy laharam-pahamehana ho antsika Kristiana.

✅ Aza Adino ny Maha Fanjakam-pisorona antsika: Heb 10:19-22; 1 Pet 2:9-10
Ny hitory ny hatsaran’Ilay niantso antsika sy namonjy antsika no antony namonjen’Andriamanitra antsika, ary ny hivavaka.
Natao hivavaka isika:
- Ka tsy mitsahatra (1 Tes 5:17-18; Rom 12:12)
- Mba hohamasinina ny anaran’ny Tompo, mba ho tonga ny fanjakaNy, ary mba hatao ny sitrapoNy etỳ an-tany tahaka ny any an-danitra. (Mat 6 :9-10)
- Ho an’ny olona rehetra, anisan’izany ireo eo amin’ny fitondrana (1 Tim 2:1-2)
- Mba hanirahan’Andriamanitra mpiasa maro hitory Filazantsara (Mat 9:38)
- Mba tsy ho latsaka anatin’ny fankam-panahy sy fahotana isika (Mat 26:41)

🙏🏽 Mitandrema sao dia lasa variana amin’ny fitakian-jo ety an-tany ka manadino ny fivavahana, fifonana, fisaorana sy ny fangatahana amin’Andriamanitra (Fil 4:6).

✅ Aza Adino ny Maha Firenena Masina antsika: Rom 12:1-2; 1 Pet 1:13-16; 2:9
Amin’ny maha-Kristiana antsika, dia tafasaraka amin’izao tontolo izao isika na dia eo amin’izao tontolo izao aza; izay ilay hoe “masina” (Jao 17:15-17). Tsy tia izay tiany isika (1 Jao 2:15-17), ary isika no fanasin’ny tany. Mila mitandrina isika mba tsy ho tonga matsatso satria raha izany dia tsy misy ilana antsika intsony (Mat 5:13).
Noho izany dia misy fotoana mila misaraka amin’ny hafa isika, misitaka. Raha midrikina hanao fitakiana na fihetsika izay tsy araka ny sitrapon’Andriamanitra, dia mila miseho miavaka ny Kristiana.

🖐🏽 Tena mino sy manaiky aho fa afaka miara-miady (co-belligérance) amin’ny tsy mino ny Kristiana mba hisian’ny rariny sy ny fanajana ny zon’ny olombelona eo amin’ny firenena iray… FA raha tsy mitarika azy hanao marimaritra iraisana amin’ny soatoaviny sy ny fankatoavany an’Andriamanitra izany.

🙏🏽Mitandrema:
- Sao lasa anisan’ireo manohana ny fanonganam-panjakana ianao na manohitra ny lalam-panorenana (Fialana – demission – no afaka angatahana fa tsy “coup d’état”).
- Sao lasa anisan’ireo miantso hanaovana herisetra sy hamaliana faty ny zandary ianao
- Sao lasa anisan’ireo izay miteny ratsy mandritry ny tolona
- Sao lasa anisan’ireo manamarina ny ratsy ataony amin’ny fiajaliana nandalovany na ny toe-draharaha
🙏🏽🙏🏽🙏🏽

✅ Aza Adino ny Maha Kristiana Anao vao Malagasy: Mat 22:21; Rom 13:1-8 ; Fil 3:20-21; 1 Kor 6:19-20

Eny, olom-pirenen’i Madagasikara isika. Tsy matahotra na miery isika; mandray ny andraikitsika isika. Mandeha mitolona ho an’ny firenena rehefa ilaina izany.
Mankatò ny fitondram-panjakana isika, na dia misy fotoana manohitra azy ireo aza rehefa manao zavatra tsy ara-drariny izy.
Mandoa hetra isika, ary mankatò ny lalàn’ny firenena amin’izay ataontsika.

🖐🏽 KANEFA, tsy tokony hohadinointsika mihitsy ny maha-izy antsika voalohany: KRISTIANA ISIKA VAO MALAGASY (Fil 3:20-21; Efe 2:19-22)! Tsy olana amiko mihitsy ny fiantsona amin’ny fiombonana amin’ny maha Malagasy tsy vaky volo antsika, fa mbola ambonin’izany ny fijoroan’ny Tena Fiangonana ho Iray.
Eny, novidina lafo isika, tamin’ny ran’i Jesosy, ka ny eritreritsika, ny tenintsika, ny asantsika, ny vatantsika, ny maha izy azy antsika iray manontolo dia an’Andriamanitra avokoa.
👉🏽 Koa eny, homena an’I Kaisara izay an’I Kaisara, fa aza adino ny manome an’Andriamanitra izay an’Andriamanitra.

🖐🏽 Hoy ny Rom 12:1-2 “Koa amin'izany mangataka aminareo aho, ry rahalahy, noho ny famindram-pon'Andriamanitra, mba hatolotrareo ny tenanareo ho fanatitra velona, masina, sitrak'Andriamanitra, dia fanompoam-panahy mety hataonareo izany.
Ary aza manaraka ny fanaon'izao tontolo izao; fa miovà amin'ny fanavaozana ny saina, hamantaranareo ny sitrapon'Andriamanitra, dia izay tsara sady ankasitrahana no marina.”

🙏🏽🙏🏽🙏🏽 Ny Tompo anie hanome fahazavan-tsaina antsika Kristiana rehetra hamantatra hoe hatr’aiza na hoe amin’ny lafiny inona no afahantsika mandray anjara (impact et influence) dia amin’ny lafiny inona no tsy maintsy hisitahantsika. Navahan’Andriamanitra ny fiangonana, nantsoiNy ho an’ny tenany…mba hiavaka!

11/10/2025

🖐🏽Indro ny fanambarana iombonanay loholona sy mpitandrina eo anivon’ny Firahalahian’ny Mpitandrina Evanjelika (FME).

Miantso antsika Kristiana rehetra hivavaka sy hijoro amin’ny fahamarinana, ho feon’ny malemy eo ambany fahatahorana an’ Andriamanitra!

“Sokafy ny vavanao hisolo ny moana, Hahazoan'ny kamboty ny rariny;
Sokafy ny vavanao, ka tsarao marina, Ary omeo rariny ny ory sy ny malahelo.” Ohabolana 31:8-9 🙏🏽🇲🇬

Firahalahian'ny Mpitandrina Evanjelika

10/10/2025

🙏🏽DIAM-BAVAKA 🙏🏽
Ny diam-bavaka dia ny fandehanana ara-batana amin'ny toerana iray sady mifona sy mangataka amin'ny alalan'ny vavaka ho an'ny olona sy ny filana ara-panahy ao amin'io faritra io. Ity karazana vavaka mavitrika ity dia mampiasa ny maha olona anao rehetra hifanerasera amin'ny tontolo iainanao, mifantoka amin'ny fangatahana an'Andriamanitra hiditra an-tsehatra sy hitondra fahamarinana ara-panahy, fitahiana ary fanasitranana ho an'ny faritra ivavahanao.

🖐🏽 Noho izany, isa-maraina amin'ny 6 ka hatramin'ny 8 maraina dia manasa ny kristiana rehetra aho hanao diam-bavaka eny amin'ny faritra misy anao, indrindra fa any amin'ny toerana nisy fihetsiketsehana, herisetra ary fifandonana, hivavaka eo anivon'ny tranom-panjakana, hivavaka any amin'ny oniversite, sekoly, hopitaly, hivavaka eo amin'ny orinasa nikatona ary hivavaka eo amin'ny tobin'ny mpitandro filaminana.🙏🏽

Mivavaha koa ho an'ireto tonom-bavaka ireto:
👉🏽 mba hihainoan’ny tompon’andraiki-panjakana marina ny fitarainan'ny olona fa tsy handray fepetra mifanohitra amin’ny antson’izy ireo amin’ny fifampiresahana
👉🏽 ho an'ireo mpitarika hetsi-panoherana izay mahatsiaro ho reraka ara-batana sy ara-pihetseham-po. Mivavaha mba hananany fahazavan-tsaina tsara amin’ny fanapahan-kevitra horaisiny
👉🏽 mba tsy hanararaotan'ny mpitandro filaminana ny fahefany, ary mba hananany fahaiza-manavaka eo amin'ireo mpanao fihetsiketsehana am-pilaminana sy izay miditra antsokosoko hanakorontana
👉🏽 mba hanjaka ny fandriampahalemana
👉🏽 ho an'ny fiaraha-monina voakasiky ny zava-misy, ny ankizy mosarena noho ny tsy fahafahan'ny ray aman-dreniny miasa, ny olon-dehibe very asa, ary ny olona rehetra niaina tao anatin'ny fahantrana lalina nandritra ny fotoana ela ary miharatsy izany ankehitriny.
👉🏽 mba ho voamariky ny fitiavana sy ny fahasahiana mijoro ny mpino amin’izao krizy izao
👉🏽 ho an'ny loharanom-bola sy loharahon-kevitra hanohanana ny sori-dalana mankany amin'ny famahana ny krizy am-pilaminana
👉🏽 ho an'ireo rehetra misaona, kivy, maratra, malahelo ary mitebiteby amin'ny zava-misy. Enga anie izy ireo hahita fampiononana ao amin’ilay Andriamanitry ny fampiononana rehetra (2 Kor 1:3).

09/10/2025

🇺🇸 Open Letter to the International Community and Media

Subject: Urgent Condemnation of the Situation in Madagascar

To Whom It May Concern,

I am writing this open letter to urgently bring to your attention the dire situation unfolding in Madagascar. It is with a heavy heart that I address the blatant injustices and violations of fundamental human rights that are currently taking place in our nation.

The highest authorities are perpetuating blatant lies to misrepresent the reality on the ground, demonstrating not just negligence but a profound disrespect toward the victims who have suffered greatly. The truths that should be acknowledged are instead buried beneath layers of deception and denial. This disregard for the suffering of the innocent is unacceptable.
https://www.facebook.com/share/p/1Ce2ZgCkCX/
https://www.facebook.com/share/v/1BXmXT4apK/

Furthermore, the unnecessary and excessive use of violence against peaceful protestors by government forces is a grave concern. The livelihoods and voices of citizens are being silenced through brutal means. Protesters, merely seeking to voice their grievances and advocate for their rights, are often met with a disproportionate response from law enforcement. The use of tear gas and live bullets in proximity to sensitive areas—such as maternity clinics—shows a callousness that is both shocking and reprehensible.
https://www.facebook.com/share/v/1ConkNL5Cj/
https://www.facebook.com/share/v/16Qs1LGnhr/
https://www.facebook.com/share/v/1BTagvh5Mv/
https://www.facebook.com/share/v/19qsUMEK8q/
https://www.facebook.com/share/v/1FPFoYY3M5/

The fundamental principles of democracy and human rights are being systematically violated as citizens are denied their right to assemble and express their concerns peacefully. Instead of fostering an environment of dialogue and understanding, the government is resorting to forceful repression, creating an atmosphere of fear and hopelessness. This is not only a crisis for Madagascar but should alarm the entire global community.

We earnestly appeal to the international community and media to stand in solidarity with the people of Madagascar. Help us bring light to the horrific reality we face, and demand accountability for the actions of those in power. Our cries for justice must not go unheard; the world must be made aware.

As a person of faith, I hold onto hope and offer my prayers, asking the Lord to intervene in this situation. I believe that He sees our struggles, hears our pleas, and will act with mercy. In this moment of turmoil, we seek divine intervention and the restoration of peace and justice in Madagascar.

Lord, have mercy on Madagascar. 🙏🏽😭🇲🇬

Pastor Faly Ravoahangy

🇫🇷 Lettre ouverte à la communauté internationale et aux médias

Objet : Condamnation urgente de la situation à Madagascar

À qui de droit,

J’écris cette lettre ouverte pour attirer votre attention sur la situation désastreuse qui règne à Madagascar. C’est avec le cœur lourd que je dénonce les injustices flagrantes et les violations des droits humains fondamentaux qui se produisent actuellement dans notre pays.

Les plus hautes autorités perpétuent des mensonges éhontés pour déformer la réalité sur le terrain, faisant preuve non seulement de négligence, mais aussi d’un profond manque de respect envers les victimes qui ont tant souffert. Les vérités qui devraient être reconnues sont enfouies sous des couches de tromperie et de déni. Ce mépris pour la souffrance des innocents est inacceptable. https://www.facebook.com/share/p/1Ce2ZgCkCX/ https://www.facebook.com/share/v/1BXmXT4apK/

Par ailleurs, le recours excessif et inutile à la violence contre les manifestants pacifiques par les forces gouvernementales est très préoccupant. Les vies et les voix des citoyens sont réduits au silence par des moyens brutaux. Les manifestants, qui cherchent simplement à exprimer leurs doléances et à défendre leurs droits, se heurtent souvent à une réaction disproportionnée des forces de l'ordre. L'utilisation de gaz lacrymogènes et de balles réelles à proximité de zones sensibles, comme les maternités, témoigne d'une insensibilité à la fois choquante et répréhensible.
https://www.facebook.com/share/v/1ConkNL5Cj/
https://www.facebook.com/share/v/16Qs1LGnhr/
https://www.facebook.com/share/v/1BTagvh5Mv/
https://www.facebook.com/share/v/19qsUMEK8q/
https://www.facebook.com/share/v/1FPFoYY3M5/

Les principes fondamentaux de la démocratie et des droits humains sont systématiquement bafoués, les citoyens étant privés de leur droit de se réunir et d'exprimer pacifiquement leurs préoccupations. Au lieu de favoriser un climat de dialogue et de compréhension, le gouvernement recourt à une répression brutale, créant un climat de peur et de désespoir. Cette crise ne concerne pas seulement Madagascar, mais devrait alarmer l'ensemble de la communauté internationale.

Nous appelons instamment la communauté internationale et les médias à manifester leur solidarité avec le peuple malgache. Aidez-nous à faire la lumière sur la terrible réalité à laquelle nous sommes confrontés et à exiger que les responsables au pouvoir rendent des comptes. Nos appels à la justice ne doivent pas rester sans réponse ; le monde doit en être informé.

En tant que croyant, je garde espoir et prie pour que le Seigneur intervienne dans cette situation. Je crois qu'Il voit nos luttes, entend nos supplications et agira avec miséricorde. En ces temps troublés, nous implorons l'intervention divine et le rétablissement de la paix et de la justice à Madagascar.

Seigneur, aie pitié de Madagascar. 🙏🏽😭🇲🇬

Pasteur Faly Ravoahangy

UN Human Rights Council
United Nations
United Nations Human Rights
Human Rights Watch
Amnesty International
Amnesty International Africa
FIDH - International Federation for Human Rights
African Union
Reuters
BBC News Africa
Al Jazeera English
FRANCE 24
CNN International
Le Monde Afrique
The Africa Report
TV5MONDE Afrique
TV5MONDE

Faly Ravoahangy

20/10/2025

19/10/2025

17/10/2025

16/10/2025

15/10/2025

14/10/2025

12/10/2025

11/10/2025

10/10/2025

09/10/2025

Address

Opening Hours

Website

Alerts

Contact The Business

Shortcuts

Share

Monday	07:00 - 18:00
Tuesday	07:00 - 18:00
Wednesday	07:00 - 18:00
Thursday	07:00 - 18:00
Friday	07:00 - 18:00