https://www.facebook.com/196911410178965/

Jonathan poeta

Home
Madagascar
Antananarivo
Jonathan poeta

🤗TONONKALOM-PITIAVANA SY FIAINANA🤗👌
🎈Mpanoratra tononkalo sy tantara
📽Antsa tononkalo
📝Soratra
Manasa anao hanaraka ny page🙏🙏

21/01/2026

Asio fonony
Aza hampahafatarina olona izay fikasana atao
Aza lazaina an'iza an'iza fa ataovy mangingina
Dia eto hampahendrena ary indrindra ivavaho
Dia ho hitanao fa tratranao ny tanjona hirina
(.....)
Aza misehoseho na dia mety hoe maha vita
Fa misy mantsy ny olona somary tia tena
Mihatsaravelatsia izy rehefa mifankahita
Fa pozina iray hoho dia hamonoany anao tsy lera
(Fa tiany ianao hianjera...)

Aza tantaraina olona izay fiainanao rehetra
Fa ny tsara dia mangina ny vava hakombony
Na havana io na namana dia misy ratsy toetra
Tsy faly anao mivohatra sy tonga ho lasa ambony
(.....)
Ary zavatra iray farany tena ilaina mokon-doha
Dia ireo fakam-panahy mety handavo tsotr'izao
Dia aza adino ny mivavaka rehefa vao mifoha
Dia asio fonony tsy ho tazana ny tena fiainanao... Fa maro ny mpamingana,
Fa mirosoa dia asio dingana

Ny diam-peniko Jonathan poeta

14/01/2026

Solonify
Dia lasalasa saina akia izaho eto am-parafara
Mandinika ny antsika tamin'izany tena niavaka
Nanantena mafy ery tamin'izany hoe anjara
Na izaho na koa ianao dia nitondra foana am-bavaka
(Ho antsika na dia kely.....)

Fa eto toa tsaroako ilay teny Analakely
Ilay fitafinao tsara nanify dia nanify
Nievona aoka izany ianao fa hoe voan'ny sery
Kay loza fa nilatsaka hatramin'ny solonify..Lasa ianao niridana fa hita an'ireo vehivavy
Izaho mody niantsoantso hoe "ho aiza Ranabavy â!

Ny diam-peniko Jonathan poeta

09/01/2026

"Hambo-po"
Aza mba misisika amin'ny olona tsy tia
Dia farano rehefa kely ny tady nifatorana
Dia aza miangavy raha natao tsy hiara-dia
Fa...
Tsy mendrika ho anareo izany ny lalana hizorana

(Sao ho maika ahazo lapa...)
Aza maika ny hiantsampy sao ho kilalao ny hafa
Ka miharitra ny eny foana na dia migoka hirifiry
Fa tsy lany zara ianao na hoe zarako aza misy maka
Ka na maratra sy mijaly aza dia io mbola mikiry

(.....)
Aza mba manembona ny olona tsy manina
Fa ny fitia dia toy ny rano mamono raha be loatra
Fa ny fo anie misivana toy ny solefanina
Ka mifidifidy tiana dia hariny rehefa mihoatra
(Fa ny fo mora mandrotra....)

Dia rehefa hoe anjara dia misy tadim-pitiavana
Mamatotra ny fo ny fitiavan'olon-droa
Fa io izay rehefa ho tapaka sy kely no mitana
Dia....
Zary zavam-poana ka manana hambo-po

Ny diam-peniko Jonathan poeta

31/12/2025

"Hifarana ny taona"
Hifonako eto anio ireo teny ratsy izay voalazako
Hialako tsiny anio ireo disadisa nampiady
Ireo teny tsy voasivana nivoaka tamin'ny vavako
Ka anefa tsy voatandriko teo anoloan'ny olom-pady

(Dia hifonako avokoa....)
Mamelà ny fahadisoko raha namela ratram-po
Fa olom-belona ahy ka mety hoe solafaka
Fa ireo izay kely vitako nahitanà tombotsoa
Dia raiso ho fahatsiarovana ho vakana firavaka
(.....)
Hisaorana ireo namana teo foana tsy mba niala
Ireo sakaiza sy ry zoky ary Dada sy i Neny
Nanampy nitakosina ary koa ny nikarakara
Tamin'ny izaho solafaka sy lavo teny ho eny

(Ary koa nanala sento....)
Fa hifarana ny taona dia aleo hajanona eto
Ireo disadisa nifamaho fa samy zanak'ondry
Fa raha misy tsy haritrao mbola tinao ho tohizana
Dia aleo manao fotoana, tairo andao atao totohondry

Ny diam-peniko Jonathan poeta

17/12/2025

Aleo asina tsikitsiky kely e😂😂, madio ny ahy ny saiko😪😪, aza adino ny manisy j'aime sy manaraka ny page🙏🙏
Mirary soa tompoko 🤗🤗

"Fofon-kiedinao"
Vao miainga avy any ianao dia efa maty fosa
Fa izahay toa velotsiky toa tsy mba mety laho
Hoe iny indray i Peta ilay fangalana trosa
Fa...
Toa manento an'orona ny fofon-kiedinao

(Matetika efa ho lava...)
Mazàna toa tsarona ka tsy afaka am-bava
Fa ny fandalovanao dia tsy adino velively
Hoe handalo eo indray ianao fa ny andro efa mazava
No mbola arahanao amin'ny sakay Pilokely
(.....)
Ampin'izato antso ataonao mivazavaza
Any ka manintona ny maso ny mpijery
Ny mahagaga anefa dia ianao lasa nalaza
Fa miavaka kokoa amin'ny fofona hafa kely

(Nanjary lasa tsy adino...)
Tena mihaiky izaho ry Peta a! Fa izay vao tena mino
Hatrizay toa tsy nampino fa hoe resaka sy tsaho
Fa miavaka raha hitako fa kay tena matsiro
Fa tena tsara marina ny "Sambos" amidinao

Ny diam-peniko Jonathan poeta

09/12/2025

"Fa nisaraka ihany"
Otran'izao koa izahay taloha tena tsy mba nifanary
Miresaka tsy mihato dia nihoana isan'andro
Naha vita nihary tory ary nifandefa sary
Efa niseho rafozana efa impiry niara nandro
(Fa nisaraka ihany....)

Otran'izao koa izahay taloha efa toy ny hoe mpivady
Tsy nisy tsy nahalala atramin'ny havany rehetra
Efa tany ambanivohitra namonjy famadihana
Dia niaraka namboly sy niaraka nanetra.. Fa nisaraka ihany
Otran'izao koa izahay taloha nifankatia sy nifampiaro
Dia...
Nifampitondra kaonty dia avy eo niady ady kely
Tena tsy nifankafohy samy diso saropiaro
Fa nisaraka ihany rehefa ela ny ela teny
(.....)
Na ny anaran-jaza aza efa natao tamin'ny boky
Hoe raha vavy dia "Johane"fa raha lahy atao José
Fa nisaraka ihany na dia efa nifampatoky
Nifanjoy teny foana na dia aiza na aiza aleha

Ny diam-peniko jonathan poeta
Natao ny 09/12/2025

02/12/2025

😋Ilay bokinao😋
Raha ho avy ihany ianao anio alina Asabotsy
Dia aza adinonao ilay boky mba niriko
Ilay boky hafa kely ny raviny tsy fotsy
No maro mpakafy no fialamboly tena tiako 🙈
(.....)
Ilay boky hafa kely toa tsy mba misy anarany
Ilay boky tena miavaka tsy ahitana farany
No sady maro pejy no mbola akamatatra
Ilay diovina matetika ary ko koloina fatratra

(No tsy mampamela....)
Ilay avadi-pejy aminy rora sy ny lela
Ilay boky hatsapana ny tena atao hoe tsiro😘
Tsy simba na koa boboka raha tsy sokafana ela
No mora koa vakiana na dia efa maty jiro

(Toa rano mampiletika.....)
Ilay boky sarobidy soloina fonony matetika
No tsy asehoseho amin'ny olona mandalo
Ilay tena maha vizaka maha revo vetivetika
No sady tsy amidy na koa hoe atakalo

Ilay mamadika minitra ny takila ho vakiana😀😀
Ilay bokinao maharevo izay tena maha liana
Tena tiako aki malala â! Ny fotoana toy izao😅
Ilay mamaky ampahanginana ny pejim-bokinao

diam-peniko Jonathan poeta

24/11/2025

Sedra
Izay fahalavona omaly aza atao lesoka ny anio
Izay faharesena androany aza atao sakana ny ampitso
Fa raiso ireny ho lesona dia izao no tadidio hoe....
Mbola afaka ahintsy izay rehetra mety diso
(.....)
Aza maika ny hilefitra na koa milavo lefona
Fa sedra hitsapa ny isam-batan'olona
Tsy misy tonga lafatra natao tsy andalo olana fa....
Mila anao mijoro sy mihezaka mivonona
(F'io na sedra mankarary...)
Aza maika anome tsiny ilay Andriamanitra nahary
Hoe maninona ahy mijaly isan'andro boka trosa
Fa ny anjaranao anie tsy ho anjara ny hafa izany
Fa hisaory sy hifalio aloha izay omeny kosa
(.....)
Mahaiza makasitraka dia aza adino ny mivavaka
Dia ho itanao fa tsara rehefa tompo no mpitarika
Na ny tontolo andronao aza ho tsapanao fa miavaka
Dia hihemotra atramin'ny devoly saika hisarika

Ny diam-peniko Jonathan poeta

22/11/2025

Vokovokomanga
Dia lasa toa fahazarako ny miditra ampiangonana
Dia lasa adino atramin'ny adalana izay fanao
Na i Neny aza toa varina no nanjara vaky vava hoe...
Tsy fomba an'iny mihitsy ny manao otran'izao
(.....)

F'izaho na tonga foana aza dia tena tsy mifantoka
Nefa satriko dia satriko tokoa ary mahagaga
Ny maha liana ahy any anefa dia tsy izy fa ianao
Ilay tovovavy tsara feo be ao amin'ny vokovokomanga😪😪

(Fa indraindray ahy miahiahy...)
Nanjary tia anao ahy ka nefa toa tsy sahy
Hilaza ny ao am-poko maha tonga ahy tsy ho tony
Tena jiolam-boto ahy fa ny tia kay tsy maha lehilahy
Fa raha mba fihininao ahy zao tsy hisolo akanjo intsony🙈
(.....)

Raovina ary ianao vao mety ho sahako kotiana
Fa lasa babonao ny foko ka mahatsiaro banga
Ka nefa toa tsy vitako ny hitia anao mangina
Sy maheno ilay feonao misosa sady manga... Sa ve mody hiditra ho vokovokomanga🤔

Ny diam-peniko Jonathan poeta

Address

BL 123 Belambanana
Antananarivo

Website

facebook.com

Alerts

Be the first to know and let us send you an email when Jonathan poeta posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Jonathan poeta:

Shortcuts

Want your business to be the top-listed Business in Antananarivo?