DRSP Atsinanana

DRSP Atsinanana Ity pejy ity dia mikasika ny serasera momba ny filaminam-bahoaka ato amin'ny Faritra Atsinanana.

FITSIDIHANA SY FANOLORANA NY MPIFEHY VAOVAON'NY HERY VONJY TAITRAN'NY POLISIMPIRENENA ETO ATSINANANA.Tonga nitsidika ny ...
22/03/2025

FITSIDIHANA SY FANOLORANA NY MPIFEHY VAOVAON'NY HERY VONJY TAITRAN'NY POLISIMPIRENENA ETO ATSINANANA.

Tonga nitsidika ny tobin'ny Hery Vonjy Taitran'ny Polisim-pirenena na Force d'Intervention de la Police (izay fantatry ny maro amin'ny hoe FIP) eny Verrerie Andriamatoa Talem-paritry ny Filaminam-bahoaka Atsinanana, ny Commissaire Principal de Police RAKOTOVAO Jean Christian, androany sabotsy faha 22 mars 2025 maraina.

Nandritra izany no nanoloran'Atoa Talem-paritra ny tompon'andraikitra Vaovao misahana ny FIP dia ny Commissaire de Police FRANÇOIS Lapely.
Ankoatra izay dia nanome toromarika momba ny hanatanterahana tsara ny asa izay nanendren'ny Fanjakana ny Polisimpirenena indrndra ny FIP Atoa Tale dia ny hanatsarana sy hanamafisana ny fitandroana ny filaminana mba hahafahan'ny vahoaka mihary am-pitoniana sy mampandroso ny faritra sy ny firenena.

Nanambara moa ny Commandant FIP Vaovao fa vonona ny hanatanteraka an-tsakany sy an-davany ireo baiko sy toromarika momba ny asa mba ho tombotsoan'ny vahoaka.
Anisan'ny vaindohan-draharahany ny fanarenana ny lesoka sy fanatsarana ao amin'ny sampan-draharaha izay tantaniny, Fampanajana ny lalàna sy ny fitsipi-pifehezana.
Misokatra amin'ny olona rehetra tsy an-kanavaka ny Commandant FIP ary vonona hifanome tanana amin'ny fametrahana filaminana sy fandriam-pahalemana maharitra ato anatin'ny Faritra Atsinanana indrindra ny eto an-tampon-tanànan'i TOAMASINA.

Raha fintinina ny mombamomba sy ny andraikitra efa nosahanin'ity tompon'andraikitra vaovaon'ny FIP ity dia toy izao:
- Teraka ny taona 1972 izy, izany hoe 53 taona amin'izao fotoana izao.
- Ny taona 2014 izy no nivoaka ho Commissaire de Police taorian'ny fianarana tao @ Sekoly Ambonin'ny Polisimpirenena (ENSP) tao Ivato Antananarivo. Andiany "SAFIDY".
Marihina fa talohan'ny naha Commissaire azy dia efa nanao agent de Police izy. Nivoaka avy amin'ny andiany SANTATRA t@ taona 1994 avy tao amin'ny sekoly manofana Inspecteur sy Agent de Police (ENIAP) tao Antsirabe.
Ka ireto avy ireo sampan-draharaha sy vondrona efa niasany talohan'ny naha Commissaire azy: FIP Tanà, primature, présidence (securité, renseignements), Police de l'Air et des Frontières (PAF).
Taorian'ny nivoahany ny sekoly ambonin'ny Polisy kosa izy dia niandraikitra ireto:
- 2014: Adjoint Commandant FIP Tanà
- 2014-2017: Chef Commissariat de Securité Publique du District de Sainte Marie
- 2017-2018: Adjoint Commandant FIP TOAMASINA
- 2018- 2020: Chef CSPD Soanierana Ivongo
- 2020- 2024: Commissaire Central de Sécurité Publique de la Ville de Toliary
- 2024- mars 2025: Adjoint Chef Service Central des Renseignements (Tanà)
- Nanomboka ny mars 2025: voatendry ho Commandant FIP eto TOAMASINA.

Mirary soa ny Commissaire Lapely hahatontosa ireo adidy aman'andraikitra izay sahaniny.

Vaovao nisongadina nandritra ny herinandro teto anivon'ny Fitaleavam-paritry ny Filaminam-bahoaka Atsinanana.1/ Fandrais...
16/02/2025

Vaovao nisongadina nandritra ny herinandro teto anivon'ny Fitaleavam-paritry ny Filaminam-bahoaka Atsinanana.

1/ Fandraisana an'ireo polisy Vaovao avy amin'ny andiany indray mihira SANDRATRA.

Notontosaina ny alatsinainy faha 10 Febroary 2025 teo amin'ny terrain de rassemblement an'ny DRSP Atsinanana.
Lanonana notarihin'Andriamatoa Talem-paritry ny Filaminam-bahoaka, ny Commissaire Principal de Police RAKOTOVAO Jean Christian, notronin'ireo lehiben'ny sampandraharahan'ny Polisy eto TOAMASINA.
Marihana fa ireo Polisy Vaovao ireto, izay affectés eto Toamasina, dia niatrika ny fandraisana an-tànana (prise en main) teo anivon'ny Commissariat Central sy sampan-draharaha samihafa ary nahavita soa aman-tsara ny fianarana ka notolorana ny "écusson de bras" an'ny DRSP Atsinanana ho famantarana fa manomboka izao dia miasa eto amin'ny Faritra Atsinanana izy ireo.

2/ Fotoam-pivavahana iraisam-pinoana ho fisaorana an'Andriamanitra sy fangataham-pitahiana ho an'ny taom-piasana 2025.

Ny alarobia faha 12 Febroary lasa teo no notanterahina ny fotoam-pivavahana tao amin'ny fiangonanana FJKM KRISTY FEHIZORO, izay notarihin'ny FFKM Faritany Toamasina.
Tonga niatrika sy nanome voninahitra ny fotoana Atoa Talem-paritry ny Filaminam-bahoaka Atsinanana sy Ramatoa vadiny, notronin'ireo lehiben'ny sampandraharahan'ny Polisy ombam-bady avy. Ankoatra izay dia tonga maro koa ireo Polisy avy amin'ny services samihafa misy eto TOAMASINA sy ny FIVAPOVA.
Ny lohahevitra tamin'izao fotoam-pivavahana izao moa dia ny hoe: "Polisimpirenena miara-miasa amin'i Kristy loharanon'ny fiadanana sy fandriam-pahalemana."
Nitondra ny hafatry ny Tenin'Andriamanitra nandritra izany ny Révérend ZAKARIASY Anole, avy amin'ny EEM.
Nandritra ny fandraisam-pitenenany dia nisaotra an'ireo Raiamandreny am-panahay izay nitondra ny vatsim-panahy sy nivavaka ho an'ny asan'ny Polisimpirenena sy ny tanindrazana Atoa Talem-paritra. Nanambara izy fa asa sarotra ny asan'ny Polisy ka ilaina ny manankina izany amin'Andriamanitra izay Tompon'ny Hery sy Fahefana rehetra.

3/ Fivorian'ireo Cadres rehetra eo anivon'ny Polisimpirenena eto Toamasina niarahana tamin-dramatoa Sekretera Jeneralin'ny Polisimpirenena.

Tontosa tamin'ny sabotsy faha 15 Febroary 2025 lasa teo ny fivorian'ireo Cadres (Commissaires, Officiers ary Inspecteurs de Police) miasa eto Toamasina niarahana tamun-dramatoa Sekretera Jeneraly, ny Contrôleur Général de Police RANDRIAMBELO Mandimbin'ny Aina.

Nisy ny fampitana toromarika avy amin'ity tompon'andraikitra ambony eo anivon'ny Ministeran'ny Filaminam-bahoaka ity ho an'ireo tompon'andraikitry ny Polisy eto Toamasina.
Raha fintinina dia niompana tamin'ny resaka fanatsarana ny fomba fiasa indrindra amin'izao taona vaovao izao mba ho fanamafisana sy fanatsarana ny filaminam-bahoaka ato anatin'ny fari-piadidian'ny DRSP Atsinanana ny dinika.

4/ Fivorian'ny FIVAPOVA.

Nanararaotra ny fahatongavany teto Toamasina ramatoa Sekretera Jeneraly namory ireo reny mpiahy sy tompon'andraikitry ny FIVAPOVA na Fikambanan'ny vadina Polisy sy Polisy Vavy eto Toamasina.
Nisy ny tafatafa sy fanomezana toromarika indrindra momba ny fanomanana ny Zaikaben'ny FIVAPOVA izay hotanterahina eto Toamasina amin'ity taona 2025 ity.

Address

Cité Nouvelle Ville
Toamasina
501

Website

Alerts

Be the first to know and let us send you an email when DRSP Atsinanana posts news and promotions. Your email address will not be used for any other purpose, and you can unsubscribe at any time.

Shortcuts

Share

Category