Eco - Logic

05/09/2026

ROOTED DIARIES: Кога училиштето е празно, градината не мирува. 🌱

Додека училниците беа тивки и ходниците празни, училишната градина во ООУ „Петар Поп Арсов“ продолжи да расте. Пушти нови корени, порасна и го дочека септември подготвена за своите ученици. 🌿

Сега повторно има детски чекори околу неа, а со нив доаѓаат и нови идеи, активности и можности за учење – директно од градината. Бидејќи некои од најубавите лекции за храната, природата и одржливото земјоделство не се учат само во училница. 🍅🥕🌱

Проектот „Rebooting the Food System: Youth Engagement for Agroecology and Due Diligence“ е финансиран преку DEAR Programme и координиран од CEEweb for Biodiversity.

04/09/2026

Што се случува кога природата ќе стане сцена, а театарот начин децата да ја доживеат и запознаат подобро? 🌲🎭

Токму за овие идеи, нови пристапи и креативни приказни разговаравме на нашата партнерска средба во рамки на проектот FOREST STAGE.

Останете со нас – нешто интересно се подготвува! 🌿✨

Проектот FOREST STAGE се реализира во партнерство со MTÜ Cirsium од Естонија и е поддржан од Европската Унија преку програмата Erasmus+.

03/09/2026

Што се случува кога ќе излеземе од нашата „ехо-комора“?

Секојдневно сме опкружени со луѓе, содржини и ставови кои често се слични на нашите. 📱 Алгоритмите ни покажуваат што сакаме да гледаме, а социјалните кругови лесно можат да нè затворат во сопствениот свет.

Но, што се случува кога ќе излеземе од него? 🤔

Во епизодата „Third Spaces: Out of the Echo Chamber“ разговаравме за:

💬 што се „трети простори“ и зошто ни се потребни;
📱 како социјалните мрежи и алгоритмите влијаат врз тоа што го гледаме и слушаме;
🧠 зошто е важно да слушаме различни мислења и перспективи;
🤝 како неформалните простори можат да создадат можности за поврзување и активно учество на младите.

Затоа што понекогаш, најважните разговори се случуваат токму кога ќе излеземе од кругот во кој секогаш ги слушаме истите гласови. 🌍💭

🎧 Слушнете ја епизодата „Third Spaces: Out of the Echo Chamber“:
https://open.spotify.com/show/1MOXQQlD2o8VvSgbrM8elo

🎙️ Подкастот беше креиран и продуциран за време на Erasmus+ младинската размена „Podquest: Youth Voices“.

Размената беше организирана од Mladi zmaji (Словенија), во партнерство со Udruženje „Prijateljice“, Tuzla (Босна и Херцеговина), Joetz International (Белгија) и Eco Logic (Македонија). Проектот е финансиран од Erasmus+ програмата на Европската Унија.

02/09/2026

Во рамки на проектот WAVE – Women Actively Venturing Exploration, успешно заврши фазата на истражување за родовата еднаквост и женското лидерство во спортовите на отворено! 🧗‍♀️🏔️

Истражувањето беше спроведено во Србија, Македонија, Босна и Херцеговина и Црна Гора, со што се поставија основите за следните фази од проектот.

Искрена благодарност до сите кои придонесоа во истражувачкиот процес и ги споделија своите знаења, искуства и перспективи. 🙏💡

Следете нè! Во следниот период ќе споделиме повеќе за добрите практики, предизвиците и наодите утврдени преку истражувањето, а ја започнуваме и следната фаза – развој на наставната програма (курикулумот). 📚🌿

WAVE (Women Actively Venturing Exploration) е Erasmus+ проект за градење капацитети во спортот во Западен Балкан, координиран од Планинарскиот сојуз на Србија (ПСС), со Eco Logic, Олимпискиот комитет на Босна и Херцеговина и НВО CAMS како партнери.

02/09/2026

🌿 Greenlead – Завршен настан

Придружете ни се на 10 септември во 10:00 часот во Europe House Skopje на одбележувањето на завршувањето на проектот Greenlead! Откријте го профилот на „Зелен лидер“, новата бесплатна платформа и можностите за зелени сертификати. 🌍💚

Агенда:
10:00 – Регистрација и вовед
10:15 – Резултати од проектот и дигитални ресурси
10:45 – Профилот „Зелен лидер“ и сертификати
11:15 – Дискусија и вмрежување (до 12:00)

Се гледаме во Europe House Skopje! ✨

01/09/2026

🎒 Нов почеток, нови предизвици и уште една година полна со можности!

На сите ученици, родители, наставници и училишта им посакуваме среќен и успешен почеток на новата учебна година! 💚

Нека оваа учебна година биде исполнета со љубопитност, нови знаења, интересни откритија и многу убави моменти. 📚✨

А не заборавајте, секој ден носи нова можност да научите нешто ново, да стекнете ново пријателство и да направите уште еден чекор поблиску до вашите соништа. 💫

Среќна и успешна нова учебна година! 🏫💚

#ЕкоЛогик #СреќенПочеток #НоваУчебнаГодина #Учење #Млади #Образование

31/08/2026

Колку навистина чини една евтина маица?

Можеби на ценовникот пишува само 300 денари но зад таа цена стојат ресурси, вода, енергија, отпад и огромен број парчиња облека што се произведуваат, купуваат и фрлаат. 🌍

Во епизодата „Fast Fashion & Ecology“ разговаравме за:

👗 како fast fashion го промени начинот на кој купуваме;
🌱 какво влијание има брзата мода врз животната средина;
🛍️ зошто постојано купуваме нова облека иако веќе имаме доволно;
♻️ што можеме да направиме за нашата гардероба да трае подолго.

Fast fashion не е само прашање на мода.
Тоа е прашање на навики, потрошувачка и одговорност.

🎧 Слушнете ја епизодата „Fast Fashion & Ecology“:
https://open.spotify.com/show/1MOXQQlD2o8VvSgbrM8elo

🎙️ Подкастот беше креиран и продуциран за време на Erasmus+ младинската размена „Podquest: Youth Voices“.

Размената беше организирана од Mladi zmaji (Словенија), во партнерство со Udruženje „Prijateljice“, Tuzla (Босна и Херцеговина), Joetz International (Белгија) и Eco Logic (Македонија). Проектот е финансиран од Erasmus+ програмата на Европската Унија.

29/08/2026

Ресурсниот центар Карпош е официјално отворен, а ние од Еко Логик сме горди што сме меѓу неговите основачи. 🤝

#РесурсенЦентарКарпош #ЕкоЛогик

📢 РЕСУРСНИОТ ЦЕНТАР КАРПОШ ЗАПОЧНУВА СО РАБОТА!

Со големо задоволство го најавуваме почетокот на работата на Ресурсниот центар Карпош, предводен од Здружението „TAKT - Together Advancing Common Trust“, во соработка со Општина Карпош.

Ресурсниот центар ќе претставува простор за поддршка, соработка и развој на граѓанските организации и локалните иницијативи. Преку споделување знаења, вмрежување, советодавна поддршка и заеднички активности, Центарот ќе придонесува кон зајакнување на граѓанскиот сектор и поактивно учество на заедницата.

Нашата цел е да создадеме отворено и достапно место во кое организациите, институциите и граѓаните ќе можат да се поврзувааcaт, да разменуваат идеи и заеднички да развиваат решенија за потребите на локалната заедница.

Следете нè за повеќе информации за услугите, активностите и можностите што ќе ги нуди Ресурсниот центар Карпош.

Заедно создаваме простор за идеи, соработка и позитивни промени! 💡🤝

#РесурсенЦентарКарпош #ТАКТ #ОпштинаКарпош #ГраѓанскиОрганизации #ЛокалнаЗаедница #Соработка #ПозитивниПромени

29/08/2026

Повторно загревање пред да заѕвони септември! Овој пат, ве очекува нов 10-минутен предизвик за вас и вашето дете. 👨‍👩‍👧‍👦

🌳 Августовска мисија #4: Прегрни го најстарото дрво

Денес ви закажуваме средба со најголемото дрво во вашата околина. Може да биде највисокото, најширокото или едноставно она што мислите дека има најмногу приказни да раскаже. 🌿

Вашата задача е:

🤗 Да го прегрнете.
🔍 Да ја погледнете неговата кора.
🐦 Да ги забележите птиците на неговите гранки.
🌳 Да ја почувствувате неговата сенка.
🤔 И да размислите: Колку лета има видено ова дрво?

🧠 Денес учиме дека дрвјата не се само растенија. Тие се дом, засолниште и природни сојузници во создавањето почист воздух. 💚

📸 Испратете ни фотографија од вашата најголема прегратка и споделете ја вашата приказна од овој предизвик.

Колку старо мислите дека е вашето дрво?

#ЕкоУчилница #ЕкоМисија #ЕкспериментДома #НаукаЗаДеца #УчењеПрекуИгра #МалиНаучници #УчилницаБезЅидови

29/08/2026

🙂 „Како се чувствуваш денес?“ Едноставно прашање на кое понекогаш ни треба време за да го најдеме вистинскиот одговор.

Во рамки на Наставата во природа во Охрид, 30 ученици од V одделение, под водство на едукаторот Добри Јовевски, преку Street Smart знаменцето „Ги препознавам моите емоции“ учеа дека сите емоции имаат свое место и дека е во ред да ги чувствуваме. 🌿💬

Радост, тага, страв, лутина, изненадување, загриженост или смиреност… учениците ги препознаваа и именуваа своите чувства преку илустрации, симболи и играта „Како се чувствувам денес?“ 🎭✨

Потоа разговаравме за едно уште поважно прашање: Што можеме да направиме кога емоциите стануваат премногу силни?

Длабоко да вдишеме. Да разговараме. Да се прошетаме. Да побараме поддршка. 🤝🌱

Преку искрени примери од секојдневието, учениците открија дека емоциите не се нешто што треба да го криеме или потиснуваме. Тие се сигнали што ни кажуваат нешто за нас а првиот чекор е да научиме да ги препознаеме. 💛

Затоа, кога следниот пат некој ќе праша „Како си?“, можеби ќе знаеме и како навистина да одговориме. 🫶

#ГиПрепознавамМоитеЕмоции