07/07/2026
СЛ. ВЕСНИК НА РСМ, БР. 148/26 – ОБЈАВЕН Е ЗАКОНОТ ЗА ИЗМЕНУВАЊЕ И ДОПОЛНУВАЊЕ НА ЗАКОНОТ ЗА ПРИДОНЕСИ ОД ЗАДОЛЖИТЕЛНО СОЦИЈАЛНО ОСИГУРУВАЊЕ
Со Законот за изменување и дополнување на Законот за придонеси од задолжително социјално осигурување, ВРЕМЕНО СЕ ЗГОЛЕМУВА СТАПКАТА НА ПРИДОНЕСОТ ЗА ПЕНЗИСКО И ИНВАЛИДСКО ОСИГУРУВАЊЕ И СЕ НАМАЛУВА СТАПКАТА НА ПРИДОНЕСОТ ЗА ОСИГУРУВАЊЕ ВО СЛУЧАЈ НА НЕВРАБОТЕНОСТ, ПОЧНУВАЈЌИ СО ИСПЛАТАТА НА ПЛАТАТА ЗА МЕСЕЦ ЈУЛИ 2026 ГОДИНА, ЗАКЛУЧНО СО ИСПЛАТАТА НА ПЛАТАТА ЗА МЕСЕЦ ДЕКЕМВРИ 2026 ГОДИНА.
Збирната стапка на поединечните стапки на придонеси од задолжително социјално осигурување кои работодавачите ќе имаат обврска да ги уплатат за своите вработени останува иста како постојната збирна стапка од 28%, односно од тој аспект и трошоците на субјектите по овој основ ќе останат исти.
Стапките по кои се пресметуваат и плаќаат придонесите почнувајќи со исплатата на платата за месец јули 2026 година, заклучно со исплатата на платата за месец декември 2026 година, се:
1) 19,9% за задолжително пензиско и инвалидско осигурување;
2) 4% стапка на придонес за инвалидност и телесно оштетување причинето со повреда на работа или професионална болест;
3) 7,5% за задолжително здравствено осигурување;
4) 10% за задолжително здравствено осигурување за обврзниците кои придонесот го плаќаат на основица утврдена во членот 14 точки 11) и 14) алинеи 1, 2, 3 и 5 од овој закон;
5) 5,4% за задолжително здравствено осигурување за обврзниците кои придонесот го плаќаат на основица утврдена во членот 14 точка 14) алинеја 4 од овој закон;
6) 11,8% за задолжително здравствено осигурување за обврзникот корисник на домашна пензија кој придонесот го плаќа на износот на пензијата;
7) 0,5% стапка на дополнителен придонес за задолжително здравствено осигурување за случај на повреда на работа и професионално заболување и
8)0,1% за задолжителен придонес за осигурување во случај на невработеност.
Стапката на придонесот за пензиското и инвалидското осигурување за стажот на осигурување што се смета со зголемено траење изнесува:
- 9,95% за вршење на работи и задачи на кои ефективно поминати 12 месеци се сметаат во стаж на осигурување како 18 месеци,
- 8,29% за вршење на работи и задачи на кои ефективно поминати 12 месеци се сметаат во стаж на осигурување како 17 месеци,
- 6,63% за вршење на работи и задачи на кои ефективно поминати 12 месеци се сметаат во стаж на осигурување како 16 месеци,
- 4,98% за вршење на работи и задачи на кои ефективно поминати 12 месеци се сметаат во стаж на осигурување како 15 месеци,
- 3,32% за вршење на работи и задачи на кои ефективно поминати 12 месеци се сметаат во стаж на осигурување како 14 месеци и
- 1,66% за вршење на работи и задачи на кои ефективно поминати 12 месеци се сметаат во стаж на осигурување како 13 месеци.
