What are the opening hours?

Saturday 09:00 - 17:00 Sunday 09:00 - 17:00

https://www.facebook.com/643788742494792/

နွေဦးတော်လှန်ရေး, Dagon (2026)

13/03/2021

ဝန်ကြီးချုပ်ဟောင်း ဒေါက်တာစိန်ဝင်း
ပါဝင်သော MPU အဖွဲ့ သဘောထား

13/03/2021

ဒီလောက်ကြီးမားတဲ့စစ်တပ်မှာ
မှန်ကန်မြင့်မြတ်တဲ့ယောင်္ကျား
တယောက်မှမရှိတာ
အံ့ဩလို့မဆုံးဘူး

13/03/2021

ငါ့တူ မင်းတို့တပ်မှာ
လူအင်အားဘယ်လောက်ကျန်လဲမေးတော့

မေးမနေပါနဲ့ဦးလေးရာ
အခုအချိန် ပြည်သူက ဝါးရင်းတုတ်နဲ့တက်သိမ်းတောင်ရတယ်တဲ့

အနေအထားအရ အထိုင်တပ်တွေမှာ
ယခင်က ကြက်မွေး ဝက်ကျွေး ခြံအလုပ်လုပ်သူမကျန် တနိုင်ငံလုံးကို ဖြန့်ထားရတယ်။

သေချာလေ့လာလိုက်ရင် မြို့နယ်တစ်ခုကို အထိုင်ရဲစခန်းက ရဲအင်အား ငါးဆယ်၊ စစ်သားငါးဆယ်အချိုးလောက်နဲ့ပဲ သေနတ်အားကိုး ထိန်းထားတာ။

ရန်ကုန်လို မန္တလေးလိုနေရာမျိုးမှာ ရဲတပ်ရင်း လုံထိန်းလိုဟာနဲ့ စစ်တပ်နဲ့ရောပြီး ထိန်းထားရတယ် ။
ဒါကြောင့် နေ့ဘက်ပစ် ညဘက်ရမ်း အကြောက်တရားနဲ့ သပိတ်စစ်ကြောင်းတွေကို အင်အားလျော့စေဖို့၊ လုပ်ကြတာပါ

ရန်ကုန် မန္တလေးလိုနေရာမှာ အခြားမြို့ကြီးတွေမှာ
နယ်စပ်က တိုက်ပွဲဝင်တပ်တွေကို ဆွဲထုတ်ပြီးသုံးနေရတယ်၊ ဒါကဘာကိုပြလဲဆို ရဲတပ်ဖွဲ့အင်အားနဲ့မနိုင်၊ အချိုးကျထည့်ထားတဲ့ စစ်တပ်နဲ့လဲမနိုင်လို့၊ ကြမ်းတဲ့ရမ်းတဲ့ သွေးဆာနေတဲ့ တပ်မတွေနဲ့ သေနတ်မပါတဲ့လူထုကို ရင်ဆိုင်ခဲ့ကြတာ

အခုတော့ KNU ၊ KIA က စစ်မျက်နှာဖွင့်လိုက်တော့
လေယာဥ်အားကိုးခြောက်ပြနေရပြန်ပေါ့ ၊ ခြေလျင်က အမည်ခံပဲရှိတာ တကယ့်ဖိုက်တာမရှိ ဖွဲ့စည်းပုံမပြည့် ဖြစ်နေတာမလား၊

အမှန်တော့ ဗိုလ်တစ်ရာ တပ်သား တစိပ်နဲ့ လူတွင်ကျယ်လုပ်နေတာ ။ တိုင်းရင်းသားလက်နက်ကိုင်တွေအားလုံးသာ တပြိုင်နက်စစ်မျက်နှာဖွင့်ရင် မအလတပ်ကို UN ၊US တို့ မလိုဘူး။

မြေပြင်သတင်းတွေအရ တကယ်ကိုတပ်ပျက်နေတာ၊ ဒါကြောင့်လဲ Sniper တွေသုံး၊ လူဖမ်းပွဲလုပ်၊ ရိုက်နှက်သတ်ပြ၊ ဖျက်ဆီးပြလုပ်နေတာပါ။

CDM ၇၀ ရာခိုင်နှုန်းနဲ့ စစ်ကောင်စီအစိုးရမဖြစ်သေး၊ နိုင်ငံတကာ အသိအမှတ်မပြု ပြည်သူက လုံးဝမကြောက်၊CRPHကဖိနဲ့ တပ်တကယ်ပျက်နေတာ။

အများအမြင်မှာ တရုတ်အားကိုးနဲ့ဖြဲနေတယ်ထင်ရပေမယ့်၊ အမှန်တော့ မထူးဇာတ်ခင်းနေတာ၊ လူယုတ်မာဇာတ်ခင်းနေတာ၊ သူသေရင် တိုင်းပြည်ကို ဖျက်မယ် ၊ စစ်တလင်းလုပ်မယ်ဆိုတဲ့သဘော၊ သူနိုင်ရင်လဲ တိုင်းပြည်က ပျက်မှာပဲ၊ ဘာဦးနှောက်မှမရှိဘူး၊ ကမ္ဘာကလဲ အသိအမှတ် ပြုမှာမပါဘူး။

မြန်မာပြည်ကနေ ရသမျှနှိုက်ထုတ်မယ့် အာဆီယံရယ်၊ တရုတ်ရယ်၊ မြန်မာပြည်တိုးတက်မှာ ကြောက်ပြီး မြန်မာပြည်ကို ပျက်ဆီးစေလိုတဲ့နိုင်ငံတွေရယ်ပဲ သူတို့ကို အားပေးသလိုလိုနဲ့ ဝိုင်းပြီး အမြတ်ထုတ်ကြမှာ။

ဒီတော့ ဒင်းတို့သေရင်ပြီးပြီး စစ်တလင်းဖြစ်လဲ ကျေနပ်တယ် ။ ဒင်းတို့ကို လုံးဝအရှုံးမပေးနဲ့ ။သန်းငါးဆယ်ကိုအုပ်ချုပ်ဖို့ ပစ်သတ်ပြ ဖမ်းပြရုံနဲ့ ဒူးထောက်ရကြေးဆို ကျုပ်တို့ သိပ်ပြီးညံ့ရာကျလွန်းပါတယ်။

တပ်ပျက်ကြီးကို အကြောက်တရားကြောင့် အရှုံးပေးရရင် အနာဂတ်မျိုးဆက်တွေကို သစ္စာဖောက်ရာ ကျပါတယ် ။

ဖိရင်ကြွ ထိရင်ချ။

တကယ်ကို တပ်ပျက်နေပြီ

အရေးတော်ပုံ အောင်ရမည်

WG.ဝေကြီး
#နီနီရဲ(လက်မလေး)

13/03/2021

နစက တက်မှ ဘာတွေဖြစ်မှန်းမသိ

12/03/2021

တပ်မတော်ထောက်ခံသူများ တပ်မတော်တွင် ဝင်ရောက်စစ်မှုထမ်းရန် ညွှန်ကြား
===========================

တပ်မတော်ထောက်ခံသူ နှင့် တပ်မတော်နှင့်နီးစပ်သောပါတီ ပြည်ခိုင်ဖြိုးပါတီဝင်များစာရင်းတောင်းနေဟုသိရ။

တပ်မတော်အနေဖြင့် နိုင်ငံတကာပယောဂများ၊ ပြည်တွင်းရှိတိုင်းရင်သားလက်နက် ကိုင် များနှင့် စစ်ရေးအရ ရင်ဆိုင်ရတော့မည်ဖြစ်သဖြင့်
စစ်အင်အားဖြည့်တင်းရန်အတွက်

တပ်မတော်ထောက်ခံသူများနှင့် ပြည်ခိုင်ဖြိုးပါတီဝင်များ၏ သားသမီးများ။ပါတီဝင်မျာအား စစ်မှုထမ်းရန်ခေါ်ဆောင်သွားမည်ဟုသိရပါသည်။ အသက် ၃၅ နှစ်အောက် နှင့် အသက် ၁၈ နှစ် အထက်ရှိ အမျိုးသား၊အမျိုးသမီးများအား ခေါ်ဆောင်သွားမည်ဖြစ်ကြောင်း အတွင်းသတင်းအရသိရပါသည်။ သေနတ်ပြောင်းပြန်လှည့်မှာကြောင့် တပ်မတော်ကိုချစ်မြတ်နိုးသူထောက်ခံသူများသာအဓိက ထား စာရင်းတင်ပြပေးကြရမည်လို့ပြောပါသည်။ တပ်မတော်ထောက်ခံသူမိသားစုရှိ အိမ်ထောင်စုဇယားအားကြည့်ပြီး အသက် ၃၅ နှစ် နှင့်၁၈နှစ်ကြားရှိသူ တွေစာရင်းပြု့စု ရမည်ဟု အဆိုပါစာတွင်ပါရှိပါသည်တဲ့။

ဒါကြောင့်ပြည်ခိုင်ဖြိုး ပါတီဝင်ထားသူများရဲ့စာရင်း ဇယား များနှင့်တပ်မတော်ထောက်ခံသူ မိသားစု များအား စာရင်းပြုစု၍ ၁၀ ရက် အတွင်း အထက်သို့တင်ပြရမည် လို့ အဆိုပါ ညွှန်ကြားစာတွင်ပါရှိကြောင်း အမည်မဖေါ် လိုသည့် တပ်မတော်အရာရှိ ဗိုလ်မှုးကြီးတစ်ဦး က သတင်းပေးပြောကြားခဲ့သည်။

People media

12/03/2021

ရှမ်းမြောက် ဒေသ တိုက်ပွဲ
March 12, 2021

KIA တပ်မဟာ ၆, တပ်ရင်း ( ၃၆ )က စစ်သည်တို့ စစ်အာဏာရူးသူပုန် တပ်မ ၉၉
အောက်က မုန်းပေါမှာ တပ်ထိုင်ထားတဲ့ တပ်ရင်းတွေ ကို ယခု သတင်း တင်ပြ နေချိန် 11:00 PM မှာ ဝင်တိုက် နေပါတယ်

အသေးစိတ်ကို တော့ လုံခြုံရေး ကြောင့် မနက်ဖြန် မှ ဖော်ပြ ပါမယ်

Kachin Liberation Media

12/03/2021

ကယားပြည်သူရဲ့ အခွီ

ရဲတွေက ကယားက ကောင်တွေကို စိတ်ကောက်သွားပြီထင်ပါရဲ့..........

သပိတ် စစ်ကြောင်းကို ၄ခုလောက်ခွဲတရ်

တစ်ခုပဲအရင်ထွက်တရ်

ထွက်တဲ့ဘက်အဖိခံရရင် နောက်တစ်ဖက်က
ထပ်ထွက်တရ်.........

နာနတ်တောကိုာဖြိုခွင်းတရ် ..........

လူအုပ်စုကြီး ကြက်ပျောက် ဌက်ပျောက်

လမ်းကြားထည်းတွေဝင်တရ်

သူတို့ကလိုက်ဖမ်းတရ် ..........

သူတို့မောသွားရော ...........

မျက်ရည်ယိုဗုံးပစ်လာတရ်.........

ဗုံးတစ်လုံးကို ၁၀ယောက်လောက်လုကောက်တရ်

ပြန်ပစ်တရ် .........

သူတို့အေငြ့သူတို့ရွူ😂😂😂😂😂

မိုင်းလုံးကိုဖြိုခွင်းတရ်.....

လူအုပ်ကြားထည်း သူတို့ပိတ်မိတရ်

ကြောက်ချီးပန်းပြီး ထွက်ပေါက်ရအောင်ရှာတရ်😂

လိုက်ဖမ်းတုန်းက လိုက်ပြီး ပြန်လမ်းမသိလို့

မြေပုံကြီးထုပ်ကြည့်တရ်........

အရက်မသောက်ပဲမူးနေလိုက်😂😂😂😝

ရေကား၂စီးလာတရ်........

တစ်စီးကရေကုန်ပြီး ပြန်ထွက်ဖို့ခက်နေတရ်

နောက်တစ်စီးက ဘီးပေါက်သွားတရ်😂😂😂😂

ခပ်တည်တည်ပဲ စ၃လုံး ရုံးရှေ့ထိ ချီတက်ဆန္ဒပြတရ်

CCTVတွေကိုဆေးမှုတ်ခဲ့လိုက်တရ်

ခွေးတွေရောက်လာတရ် ........

လူထုက ဘရ်ပျောက်လို့ပျောက်သွားမှန်းတောင်မသိဝူး.........

😂😂😂😂ခွေးတွေရှေ့မှာ ရေထိုင်သောက်ပြတရ်

ထမင်းဘူမဝေဝူးလို့အော်ပြောတရ်

စိတ်ကောက်ပြီး လိုက်လာတရ်

လမ်းတွေလည်ပြီး ကားခေါ်တရ်

ကားနဲ့လိုက်မရ်ပေါ့ အကြံက

လမ်းပိတ်လို့ပြန်လှည့်သွားရတရ် 😂😂😂

ရောမကားထည်းကလို ဒိုင်းချင်းဝင်စောင့်တရ်

ပစ်ချိန်တောင်မရလိုက်ဝူး ..........

မျက်ရည်ယိုဗုံးဆိုကြောက်ဖို့ဝေး

#ငါတို့အနိုင်ရတော့မှာပါ

(စိတ်အမောလေးတွေပြေနိုင်ပါစေ)

သူရိန်♥ ✌
Crd

12/03/2021

▪️သီတဂူမှ ဆရာတော်များ ပြည်သူများအတွက်ဆုတောင်းမေတ္တာပို့
=================================

မုံရွာ၊ မတ်- ၁၂

စစ်ကိုင်းမြို့၊ စစ်ကိုင်းတောင်ရိုး၊ သီတဂူကမ္ဘာ့ဗုဒ္ဓတက္ကသိုလ် ဆရာတော်များ က ပြည်သူများအတွက် ဆုတောင်းမေတ္တာပို့ခြင်း၊ပရိတ်ရွတ်ဖတ်ခြင်းများ ယနေ့ ညပိုင်းက ဆောင်ရွက်ချီးမြှင့်ကြသည်။

#သီတဂူ

12/03/2021

KIO/KIA တောင်ပိုင်းစစ်ဌာနချုပ် မှ ရှမ်းမြောက် နေ ပြည်သူလူထု ထံသို့ လေးစား စွာဖြင့် အသိပေးခြင်း

March 12, 2021

February 1, 2021 တွင် မြန်မာ့တပ်မတော် မှ ပြည်သူလူထု ရွေးချယ် တင်မြောက်ထား သော အစိုးရ အား ဖမ်းဆီး ဖြုတ်ချ ကာ အကြောင်းပြချက် မခိုင်လုံ ပဲ အတင်း အဓမ္မ အာဏာသိမ်း ယူ မှု ဖြစ်ပွား ခဲ့သည်ကို
တနိင်ငံလုံး သိရှိပြီး ဖြစ်ပါသည်။

ထိုကဲ့သို့ မတရား အာဏာသိမ်း မှု အပေါ်
ပြည်သူလူထု က ဆန့်ကျင် ကြောင်း ဆန္ဒပြ
ရာတွင် ပြည်မ ၌ အကြမ်းဖက်ဖြိုခွင်း ခြင်း များ စတင်၍ ပြုလုပ် လာသည် နှင့် တပြိုင်နက်တည်း ကျွန်နုပ် တို့ KIA တောင်ပိုင်း စစ်ဌာနချုပ် ( ရှမ်းမြောက်ဒေသ) မှ
KIA တပ်မဟာ ( ၄) နှင့် တပ်မဟာ ( ၆)
တို့သည် February 11 ရက်နေ့ကတည်းက
ယနေ့ ထိတိုင် နေ့စဥ် တိုက်ပွဲ ဝင်ကာ
တနိင်ငံလုံး ရှိ ပြည်သူ များ , ရှမ်းမြောက် ဒေသ နေ ပြည်သူလူထု များ နှင့် တသားတည်း ရှိနေကြောင်း ကိုယ့်နည်းကိုယ့်ဟန် ဖြင့် ပြသခဲ့ပြီး ဖြစ်ပါသည်။

ရှမ်းမြောက်ဒေသ ရှိ KIA ရဲဘော် များသည်
မိမိ အသက်ကို စွန့်ကာ အင်အားကြီးသော
စစ်အာဏာရှင် တို့အား ပျောက်ကြားစနစ် ဖြင့် နေ့စဥ် အမှည့်ချွေ နေ သော်လည်း
ပြည်သူလူထု အချို့ က မသိရှိခဲ့ကြပါ။

(KIA ရဲဘော် တို့သည် ဓာတ်ပုံ ရိုက်ခံကာ
Media ပေါ် တင်၍ ပြည်သူတို့ ၏ ထောက်ခံ မှုကို ရယူ မည့် အစား လက်တွေ့ ကျကျ တိုက်ပွဲ ဝင်ကာ ပြည်သူ့ရန်သူ
အကြမ်းဖက်စစ်တပ်အား တိုက်ခိုက် နေတတ်သော သူ များ ဖြစ် သည် )

ယခု အချိန်တွင် အာဏာသိမ်း စစ်ကောင်စီ
ဘက် မှ ပြည်သူလူထု အား အကြမ်းဖက်ဖြိုခွင်း မှု ပိုမို မြင့်တက်လာပြီး
ရှမ်းမြောက်ဒေသ နေ ပြည်သူလူထု ကိုပါ
အကြမ်းဖက်ဖြိုခွင်း လာခြင်း ကြောင့်
KIO/KIA တောင်ပိုင်းစစ်ဌာနချုပ် မှနေ၍
CDM ပြုလုပ်နေသော ပြည်သူ့ဝန်ထမ်း များ နှင့် လူထု ဘက် မှ ရပ်တည် ကာ
ယခင်ကထက် ပိုမို ပြင်းထန်စွာ အကြမ်းဖက် အဖွဲ့အား တုံ့ပြန်သွားမည်
ဖြစ်ကြောင်း အသိပေးအပ်ပါသည်။

ထို့အပြင် CDM ပြုလုပ်နေသောပြည်သူ့ဝန်ထမ်း များ နှင့်
နွေဦးတော်လှန်ရေး သပိတ်ကို ဦးဆောင် နေသော နိင်ငံရေး တက်ကြွ လှုပ်ရှား သူများ
အနေ ဖြင့် မိမိတို့၏ လုံခြုံရေး စိုးရိမ် ဖွယ်ရာ ရှိလာပါက KIO/KIA တောင်ပိုင်းစစ်ဌာနချုပ်သို့ လာရောက်ခိုလှုံ ပါက
လွတ်လပ်ရေး ရသည် အထိ
ဘေးမသီရန်မခ ပဲ ခိုလှုံခွင့် ပေး သွားမည်
ဖြစ်ကြောင်း ကို ပြည်သူလူထု ထံသို့
လေးစားစွာဖြင့် အသိပေးအပ်ပါသည်။

#လူထုတိုက်ပွဲမုချအောင်ရမည်

Kachin Liberation Media

12/03/2021

အာဏာသိမ်းပြီးနောက် မြန်မာစစ်တပ် တရားမဝင် သစ်ခိုးထုတ်နေဟု KNU ပြော

ရန်ကုန်၊ မတ် ၁၂

အာဏာသိမ်းစစ်ကောင်စီတပ်လက်အောက်ခံ တပ်ရင်း (ခလရ-၇၃) က အာဏာကို သုံးပြီး တရားမ၀င် သစ်များကို ပြောင်ပြောင်တင်းတင်းထုတ်လုပ် နေကြောင်း KNU က သတင်းထုတ်ပြန်သည်။

KNU-ကရင်အမျိုးသားအစည်းအရုံး၊ ညောင်လေးပင်ခရိုင်၊ ဆောထိမြို့နယ်၊ မယ်သရိုးခီးတွင် အာဏာ သိမ်းစစ်ကောင်စီတပ် လက်အောက်ခံ တပ်ရင်း (ခလရ-၇၃) က ခွင့်ပြုချက်မယူဘဲ စစ်အာဏာသုံးပြီး ၂၀၂၁ ခုနှစ်၊ ဖေဖော်ဝါရီလ (၁၇) ရက်နေ့မှစတင်၍ အခုအချိန်အထိ သစ်များကို တရားမ၀င် ပြောင်ပြောင် တင်းတင်း ထုတ်လုပ်နေကြောင်း သိရှိရသည်။

သစ်ထုတ်လုပ်သူများမှာ ကိုဖက်စခန်းထိုင်ဒုတပ်ရင်းမှူး ဟိန်းဇော်ဦးက ကား (၂) စီးနှင့် ကျောက်တောင်စခန်း (သေခေးမယ်စိုး) ဦးစီးသူ ဗိုလ်ကြီးကျော်ကိုကိုက ကားစီးရေ (၆) စီးနှင့် ခန့်မှန်း တန်ရေ စုစုပေါင်း တန် (၈၀) ကို တရားမ၀င် ထုတ်လုပ်ကြောင်း KNU သတင်းနှင့်ပြန်ကြားရေးက သတင်းထုတ်ပြန်ထားသည်။

12/03/2021

မိုးကုတ်ရေပူကျောင်းဆရာတော် လူဝတ်လဲ ဖမ်းဆီးခံရ

မတ် ၁၂-၂၀၂၁
Voice Of Myanmar

မိုးကုတ်ရေပူကျောင်းဆရာတော် ဦးဣန္ဒကဟာ မနေ့ မတ်လ ၁၁ရက်နေ့ ညနေပိုင်းက လူဝတ်လဲ ဖမ်းဆီးခံလိုက်ရတယ်လို့ သိရပါတယ်။

ဆရာတော်ဦးဣန္ဒကကို မိုးကုတ်က ဆန္ဒပြမှုတွေ ဦးဆောင်တယ်ဆိုပြီး ပြီးခဲ့တဲ့ ရက်ပိုင်းတွေကတည်းက ၅၀၅(ခ) နဲ့ အမှုဖွင့်ထားတာ ဖြစ်ပေမယ့် မနေ့ကမှ လာရောက်ဖမ်းဆီးခဲ့တာ ဖြစ်ပါတယ်။

ဦးဣန္ဒကရဲ့ တပည့်ဆရာတော်တပါးဖြစ်တဲ့ ဦးရေဝတက "ဆရာတော်နဲ့ ၈၈မျိုးဆက်က ကိုစိုးဌေးကို မိုးကုတ်သပိတ်တွေစထွက်တဲ့ ဖေဖော်ဝါရီ ၇ရက်နေ့ပြီး သိပ်မကြာခင်မှာပဲ သပိတ်ဦးဆောင်တယ်ဆိုပြီး ၅၀၅(ခ)နဲ့ စွဲထားတာ။ မနေ့က ညနေ ၅နာရီလောက်မှာတော့ ကျောင်းကို လာဖမ်းတာ။ ဆရာတော်နဲ့အတူ ဦးဇင်းကိုယ်တိုင်အပါအဝင် ကိုရင်တွေရော ၅ပါး အဖမ်းခံရတာ။ ဦးဇင်းနဲ့ ကိုရင်တွေကို ပြန်လွှတ်လိုက်ပေမယ့် ဆရာတော့်ကိုတော့ အမှုဖွင့်ထားတယ်ဆိုပြီး ပြန်လွှတ်မပေးတော့တာ။ ဦးစိုးဌေးကတော့ အဖမ်းမခံလိုက်ရဘူး" လို့ VOM ကို မိန့်ပါတယ်။

မနေ့က မိုးကုတ်ဆန္ဒပြပွဲကို မျက်ရည်ယိုဗုံးတွေနဲ့ ဖြိုခွဲပြီးနောက် ရေပူဆရာတော်အပါအဝင် လူဦးရေ ၄၀ နီးပါး ဖမ်းခံခဲ့ရပြီး လတ်တလော မိုးကုတ်မြို့ တောင်ကချင်အချုပ်ထောင်မှာ ထိန်းသိမ်းထားတယ်လို့ သိရပါတယ်။

ဆရာတော် ဦးဣန္ဒကကို သံဃနာယက မပါဘဲ လူဝတ်လဲ ဖမ်းဆီးခဲ့တာလို့ ဆရာတော်ရဲ့ တပည့်ဆရာတော် ဦးရေဝတက မိန့်ပါတယ်။

ဆရာတော် ဦးဣန္ဒကဟာ ပြီးခဲ့တဲ့ ၂၀၁၅ ခုနှစ်ကလည်း ရေပူကျောင်းကို တိုးချဲ့ဆောက်လုပ်စဉ်မှာ တရားမဝင်ကျောက်မျက်တူးဖော်မှု ပုဒ်မ ၄၁ (က) နဲ့ (ခ)၊ သစ်တောဥပဒေ ၄၂ (ခ)၊ သာသနာညှိုးနွမ်းစေမှု ပုဒ်မ ၂၉၅ တွေနဲ့ ဇွန်လ ၉ရက်နေ့မှာ လူဝတ်လဲဖမ်းဆီးခံရပြီး အိုးဘိုထောင်ထဲကနေ တနှစ်နီးပါး အမှုရင်ဆိုင်ခဲ့ရပါသေးတယ်။

#ရေပူဆရာတော် #ဦးဣန္ဒက #လူဝတ်လဲဖမ်းဆီး

12/03/2021

နိုင်ငံရေး အကျပ်အတည်း ဖြေရှင်းရေး CRPH အပါအဝင် Stakeholders အဖွဲ့များနှင့် ပူးပေါင်းဆောင်ရွက်မည်ဟု တိုင်းရင်းသားလက်နက်ကိုင် ၁၀ ဖွဲ့ပါဝင်သော PPSTက ထုတ်ပြန်သည်။

၂၀၂၁ ခုနှစ်၊ မတ်လ (၁၁) ရက်နေ့တွင် စတင်ကျင်းပခဲ့သည့် တစ်နိုင်ငံလုံးပစ် ခတ်တိုက်ခိုက်မှုရပ်စဲရေး သဘော တူစာချုပ်လက်မှတ်ရေးထိုးထားသော တိုင်းရင်းသားလက်နက်ကိုင်တော်လှန်ရေးအဖွဲ့အစည်းများ (NCA-S EAO) ၏ ငြိမ်းချမ်းရေးလုပ်ငန်းစဉ်ဦးဆောင်အဖွဲ့(PPST) အစည်းအဝေး (၁၃/၂၀၂၁) သည် ယနေ့ မတ်လ (၁၂) ရက်နေ့တွင် ကျင်းပပြီးစီးခဲ့သည်။

PPST ယာယီအဖွဲ့ခေါင်းဆောင် ဗိုလ်ချုပ်ကြီး ယွက်စစ်၏ အစည်းအ၀ေး နိဂုံးချုပ်မိန့်ခွန်းကို အောက်တွင် ဖော်ပြထားပါသည်။

တစ်နိုင်ငံလုံးပစ်ခတ်တိုက်ခိုက်မှုရပ်စဲရေး သဘောတူစာချုပ်လက်မှတ် ရေးထိုးထားသော တိုင်းရင်းသားလက် နက်ကိုင်တော်လှန်ရေးအဖွဲ့အစည်းများ (NCA-S EAO)တွင် မြန်မာနိုင်ငံလုံးဆိုင်ရာ ကျောင်းသားများဒီမိုကရက် တစ်တပ်ဦး (ABSDF)၊ ရခိုင်ပြည်လွတ်မြောက်ရေးပါတီ (ALP)၊ ချင်းအမျိုးသား တပ်ဦး (CNF)၊ ဒီမိုကရေစီ အကျိုးပြုကရင်တပ်မတော် (DKBA)၊ ကရင်အမျိုး သားအစည်းအရုံး (KNU)၊ ကရင်အမျိုးသားအစည်းအရုံး /ကရင်အမျိုးသား လွတ်မြောက်ရေးတပ်မတော်(ငြိမ်းချမ်းရေးကောင်စီ) (KNU/ KNLA PC)၊ ပအိုဝ်းအမျိုးသား လွတ်မြောက်ရေးအဖွဲ့ချုပ် (PNLO)၊ သျှမ်းပြည်ပြန်လည် ထူထောင်ရေးကောင်စီ/ သျှမ်းပြည်တပ်မတော် (RCSS/ SSA)၊ မွန်ပြည်သစ် ပါတီ (NMSP)၊ လားဟူဒီမိုကရက်တစ်အစည်းအရုံး (LDU) တို့ ပါ၀င်ကြသည်။

Source: https://www.facebook.com/385165108587508/posts/1147062689064409/

နွေဦးတော်လှန်ရေး

13/03/2021

13/03/2021

13/03/2021

13/03/2021

12/03/2021

12/03/2021

12/03/2021

12/03/2021

12/03/2021

12/03/2021

12/03/2021

12/03/2021

Address

Opening Hours

Telephone

Website

Alerts

Shortcuts

Share

Category