20/07/2025
ပျဉ်းကတိုးနဲ့လုပ်တဲ့ လက်မှုပစ္စည်းတွေသုံးနေတာဆိုတော့ ပျဉ်းကတိုးသစ်နဲ့ ပတ်သက်ပြီး တီးမိခေါက်မိသမျှ မျှဝေလိုက်ပါတယ်
ပျဉ်းကတိုးပင်အကြောင်း နှင့် ပျဉ်းကတိုးသစ် အသုံးဝင်ပုံ
အင်္ဂလိပ်အမည်
Myanmar ironwood,
False ironwood, Lowland ironwood.
ရုက္ခဗေဒအမည်
Xylia xylocarpa(Roxb.)Taub.
မျိုးရင်းFabaceae
မျိုးစု Xylia
မျိုးစိတ်
xylocarpa
၄င်းမျိုးရင်း၌ပါဝင်သောသစ်ပင်များမှာ-
ဆူးဖြူပင်၊အော်ရီရှားပင်၊ရှားပင်၊
ဝပ်တဲရှားပင်၊နန်းလုံးကြိုင်ပင်၊ရှား
ထနောင်းပင်၊ထနောင်းပင်၊ဆူးမန်ကျည်းပင်၊ပုန်းမဲစာပင်၊သင်္ဘော
မန်ကျည်းပင်၊အညာကုက္ကိုပင်၊သံ
သတ်ပင်၊သစ်မန်ကျည်းပင်၊စစ်
ပင်၊ဘောစကိုင်းပင်၊တညင်းပင်၊
ကန္တာစိမ်းပင်နှင့်သင်္ဘောကုက္ကို
ပင်စသည်တို့ဖြစ်ကြသည်။
ပေါက်ရောက်ခြင်း။
ပျဉ်းကတိုးပင်များသည်ကချင်ပြည်နယ်နှင့်စစ်ကိုင်းတိုင်းကသာ
ခရိုင်မှလွဲ၍မြန်မာနိင်ငံတစ်ဝန်းလုံး
တွင်သဘာဝအားဖြင့်ပေါက်ရောက်ကြသည်။ပျဉ်းကတိုးပင်များအထူးကောင်းမွန်စွာပေါက်
ရောက်သောဒေသများမှာစစ်
ကိုင်းတိုင်းမော်လိုက်ခရိုင်နှင့်ပဲခူး
ရိုးမသစ်တောများဖြစ်သည်။ဧရာ
ဝတီတိုင်း၊ပုသိမ်ခရိုင်၊ရခိုင်ပြည်နယ်၊တနင်္သာရီတိုင်းနှင့်ကရင်ပြည်နယ်တို့၌လည်းပေါများစွာပေါက်ရောက်ကြသည်။အချို့ဒေသ
များတွင်ပျဉ်းကတိုးပင်များအစု
လိုက်သီးသန့်ပေါက်ရောက်ကြ
သည်။
ပျဉ်းကတိုးပင်များသည်အထက်
ရွက်ပြတ်ရောနှောသော-တောစို၊
အထက်ရွက်ပြတ်ရောနှောသော-
ခြောက်သွေ့တော၊အောက်ရွက်ပြတ်ရောနှောသောတော၊အမြဲ
စိမ်းတောနှင့်အင်တိုင်းတောများ၌ပေါက်ရောက်ကြသည်။အပူပိုင်းဒေသရှိခြောက်သွေ့သောသစ်တော
များတွင်ပျဉ်းကတိုးပင်များပေါက်ရောက်ကြသော်လည်းအပင်များမှာမကြီးထွားကြပေ။ပျဉ်းက
တိုးပင်များသည်မြေပြန့်နှင့်တောင်စောင်းနေရာနှစ်မျိုးစလုံး
၌ပေါက်ရောက်ကြသော်လည်း
ရေစီးရေလာကောင်း၍ရေမဝတ်သောတောင်စောင်းအနိမ့်
ပိုင်းတွင်ပို၍ကြီးမားသန်စွမ်းစွာပေါက်ရောက်ကြသည်။သဘာဝအားဖြင့်
ပျဉ်းကတိုးပင်များပေါက်ရောက်လေ့မရှိသောကသာခရိုင်၊ဗန်းမော်ခရိုင်နှင့်မြစ်ကြီးနားခရိုင်တို့တွင်
သစ်တောဦးစီးဌာနကပျဉ်းကတိုး
စိုက်ခင်းတည်ထောင်ခဲ့ရာ
ကောင်းစွာအောင်မြင်ဖြစ်ထွန်း
နေသည်ကိုတွေ့ရှိရသည်။
ပျဉ်းကတိုးပင်များသည်ကျွန်းပင်များနည်းတူသဘာဝအားဖြင့်ပင်
လယ်ရေမျက်နှာပြင်မှအမြင့်ပေ
၃၀၀၀အတွင်း၌သာပေါက်ရောက်
ကြသည်။
ပျဉ်းကတိုးပင်များသဘာဝအလျှောက်ပေါက်ရောက်ကြသည့်
မူရင်းဒေသ၏ရာသီဥတုမှာအရိပ်အာဝါသတွင်အမြင့်ဆုံးအပူချိန်မှာ
၁၀၀မှ၁၁၃ဒီဂရီဖာရင်ဟိုက်နှင့်အ
နိမ့်ဆုံးအပူချိန်မှာ၄၀မှ၄၅ဒီဂရီဖာ
ရင်ဟိုက်အထိဖြစ်ပြီးနှစ်စဉ်ရွာ
သွန်းသည့်မိုးရေချိန်မှာ၄၅လက်မထက်လျှော့နည်းပါက
ပျဉ်းက
တိုးပင်များကြီးကြီးမားမားမပေါက်ရောက်ကြပေ။မိုးရေချိန်လက်မ
၆၀နှင့်အထက်ရွာသွန်းသည့်နေ
ရာဒေသများ၌သာပျဉ်းကတိုးပင်
များကြီးကြီးမားမားပေါက်ရောက်ကြသည်။မိုးရေချိန်လက်မ၁၂၀ဝန်း
ကျင်ရွာသွန်းအရပ်ဒေသများတွင်
မူပျဉ်းကတိုးပင်များအလွန်ကြီး
မားစွာပေါက်ရောက်သည်ကိုတွေ့
ရှိရသည်။
ရေစီးရေလာကောင်းပြီးရေမ
ဝတ်သည့်သဲနှုန်းမြေမျိုး၌ပျဉ်းက
တိုးပင်များကြီမားသန်စွမ်းစွာ
ပေါက်ရောက်ကြပြီးမာသောရွှံ့
စေးမြေနှင့်ရွှံ့နွံထူထပ်သည့်မြေမျိုး
ကိုမူမကြိုက်ပေ။သို့ရာတွင်မြစ်
ချောင်းနံဘေးရှိရေမဝတ်သောမြေညီများ၌လည်းပျဉ်းကတိုးပင်များကြီးမားသန်စွမ်းစွာပေါက်
ရောက်ကြသည်။
ပုံသဏ္ဍာန်။
ပျဉ်းကတိုးပင်သည်နှစ်စဉ်ရာသီအလိုက်အရွက်ကြွေသော
သောအပင်ကြီးမျိုးဖြစ်သည်။ပျဉ်းကတိုး
ပင်သည်ငယ်ရွယ်စဉ်အခါအရိပ်ခံ
ပင်ဖြစ်သော်လည်းကြီးလာသည့်
အခါအလင်းရောင်ကြိုက်သော
လင်းလုပင်ဖြစ်လာသည်။ပျဉ်း
ကတိုးရွက်များသည်နှစ်ခါငှက်
မွေးပုံရွက်ပေါင်းဖြစ်ပြီးရွက်
ပေါင်းတစ်ခုတွင်ရွက်မြွှာ၄စုံမှ၆စုံ
အထိပါရှိသည်။ရွက်မြွှာများသည်
ရှည်လျှားသောပုံရှိ၍ပြောင်လက်ချောမောပြီးအရွက်မြွှာအရှည်မှာ၃
လက်မမှ၉လက်မအထိရှိသည်။
ရွက်မြွှာများမှာမျက်နှာချင်းဆိုင်
ထွက်ပြီးအရွက်နုများတွင်အဝါရောင်ရှိသောအမွေးနုများသိပ်
သည်းစွာပေါက်ရောက်သည်ကို
တွေ့ရှိရသည်။ပျဉ်းကတိုးပင်၏
အခေါက်မှာပါးပြီးဝါညိုရောင်သို့မ
ဟုတ်နီညိုရောင်ရှိ၍အသင့်အ
တင့်ချောသည်။မညီညာသောအ
ဝိုင်းပုံရှိသည့်အခေါက်ဟောင်း
များမှာကွာကျလေ့ရှိသည်။အရွယ်
ရောက်သည့်အပင်ကြီးများမှာအ
မြင့်ပေ၁၂၀ကျော်အထိမြင့်မားကြ
ပြီးပင်စည်မှာရင်စို့လုံးပတ် ၁၂
ပေ
ကျော်အထိကြီးမားအောင်ပေါက်
နိုင်သည်။ကိုင်းတက်လွတ်ပင်စည်များမှာရှည်လျှားလုံးချောဖြောင့်
တန်းသဖြစ်အလျှားပေ ၃၀ ဒုဗြက်
၁၆လက်မပတ်လည်ရှိသောသစ်
ခွဲသားကြီးများကိုအလွယ်တကူခွဲ
စိတ်ရနိုင်ရုံသာမကအထူးအသုံး
ပြုလိုသည့်လုပ်ငန်းများအတွက်
၄င်းထက်ကြီးသောသစ်ခွဲသား
များကိုလည်းခွဲစိတ်ရရှိနိုင်သည်။
ပျဉ်းကတိုးပင်များသည်ဖေဖော်
ဝါရီလတွင်အရွက်များစတင်ကြွေ
ကျပြီးဧပြီလနှင့်မေလတွင်ရွက်
သစ်လောင်းပါသည်။မတ်လအ
တွင်းအရွက်မရှိသည့်အချိန်တွင်
လုံးဝိုင်းသေးငယ်၍အဝါရောင်ရှိ
သောပန်းများပွင့်လာကြပြီးမရှေး
မနှောင်း၌ပင်အသီးတောင့်ငယ်များထွက်ပေါ်လာသည်။သို့သော်
အသီးတောင့်များမှာတစ်နှစ်နီးပါး
အချိန်ကြာမှသန်မာထွားကြိုင်း
သောအညိုရောင်အ
ဆင်းရှိသည့်အသီးတောင့်အဖြစ်
သို့ရာက်ရှိသည်။ဒီဇင်ဘာလနှင့်
ဇန္နဝါရီလလောက်တွင်အသီးတောင့်များရင့်မှည့်လာကြပြီးနေ
ပူရှိန်ကြောင့်ပျဉ်းကတိုးသီးများအ
သံမြည်၍အက်ကွဲကြရာအစေ့များကိုဖုံး
အုပ်ထားသောသစ်သားကဲ့သို့မာ
ကျောသည့်အကာအရံနှစ်ခုသည်
အပေါ်သို့လိပ်တက်သွားကြ
သည်။ပျဉ်းကတိုးအသီးများအက်
ကွဲသည့်အခါအစေ့များသည်အ
ပင်နှင့်ဝေးကွာသောနေရာအနှံ့အ
ပြားသို့လွင့်စင်ထွက်သွားကြပါ
သည်။ထိုအစေ့များသည်မိုးရာသီ
တွင်အပင်ငယ်များပေါက်ရောက်လာပြီးမျိုးဆက်ပြန့်ပွားခြင်းကို
ဖြစ်စေပါသည်။
ပျဉ်းကတိုးသီးများမှာရင့်မှည့်သည့်အချိန်တွင်အရှည်၄လက်မမှ၆လက်မအထိရှိပြီးဗြက်မှာ
၂လက်မမှ၂.၅လက်မအထိရှိကြ
သည်။အသီးများမှာပါးပြီးအသီးတောင့်တစ်တောင့်တွင်ပျဉ်းက
တိုးစေ့၆စေ့မှ၁၀စေ့အထိပါရှိတတ်
သည်။သစ်စေ့များမှာပါး၍ဥဖျား
သွယ်ပုံရှိပြီးအလျှား၀.၄လက်မမှ
၀.၇လက်မအထိရှိသည်။ဗြက်မှာ
၀.၃၅မှ၀.၅၀လက်မအထိရှိသည်။
အစေ့များမှာအညိုရောင်ဖြစ်၍
ရင့်မှည့်သည့်အစေ့များသည်မာ
ကျောချောမွတ်ပြီးအရောင်
တောက်ပြောင်လျှက်ရှိသည်။နုသောသစ်စေ့များမှာပျော့ပြောင်း
ပြီးကွေးချိုး၍ရပါသည်။ပျဉ်းကတိုးစေ့များမှာပေါက်ရောက်မှုရာခိုင်
နှုန်းမြင့်မားပြီးအပင်ပေါက်ရန်အ
လွန်လျှင်မြန်ပါသည်။တစ်နှစ်သို
လှောင်ထားသည့်ပျဉ်းကတိုးစေ့
များမှာလည်းအပင်ပေါက်ရောက်မှုရာခိုင်နှုန်းများစွာကျဆင်းမသွား
ဘဲအပင်များကောင်းစွာပေါက်ပါ
သည်။ပျဉ်းကတိုးပင်များသည်များသောအားဖြင့်နှစ်စဉ်အသီး
ကောင်းစွာသီးသော်လည်းအချို့
သောနှစ်များတွင်အသီးကောင်း
စွာမသီးဘဲရှိတတ်သည်။
ပျဉ်းကတိုးပင်
၏အခေါက်မှာပါးသည့်အတွက်
တောမီးလောင်သည့်အခါအပင်အောက်ခြေတွင်မီးလောင်သည့်
ဒဏ်ကိုခံရပြီးသစ်ခေါင်းများကို
ဖြစ်ပေါ်စေသည်။ပျဉ်းကတိုးအ
ခေါက်ထဲ၌သားရေများနယ်ရာ
တွင်အသုံးပြုသည့်ချုပ်ဆေးတစ်မျိုးလည်းပါရှိသေးသည်။ပျဉ်းက
တိုးပင်သည်ငယ်ရွယ်စဉ်အခါမှအ
ပင်လတ်အရွယ်ရောက်သည်အ
ထိငုတ်တက်များကောင်းစွာထွက်
ပါသည်။ပျဉ်းကတိုးပင်များနှင့်အ
တူရောနှောပေါက်ရောက်တတ်သောသစ်မျိုးများမှာအထက်ရွက်ပြတ်ရောနှောသော-တောစိုနှင့်
အထက်ရွက်ပြတ်ရောနှောသည့်-
ခြောက်သွေ့တောများတွင်ကျွန်း၊
ပျဉ်းမ၊လယ်စ၊စောင်းပလေး၊
မျောက်ချော၊ထောက်ကြံ့၊ဖန်ခါး၊
လိမ်၊နှော၊ဒီးဒူး၊ဝှေး၊နှံပဲ၊ရင်းတိုက်၊
မဒမ၊ပိတောက်၊ငု၊သစ်မန်ကျည်း၊
ရှား၊ကြို့၊ဖက်ဝန်း၊သပြေ၊ရေမနေ၊
ကြက်ရိုး၊ထောက်ရှာ၊ကျွန်းဖိုနှင့်ရုံး
ပင်တို့ဖြစ်ကြသည်။အထက်ရွက်ပြတ်ရောနှောသော-ခြောက်သွေ့တောများ
တွင်ပျဉ်းကတိုးပင်များနှင့်အတူ
ပေါက်ကြသည့်ဝါးမျိုးများမှာကြ
သောင်းဝါး၊တင်းဝါး၊မြင်ဝါး၊သိုက်ဝါးနှင့်ဝါးပိုးမျက်ဆံကျယ်ဝါးတို့ဖြစ်
ကြသည်။အောက်ရွက်ပြတ်ရော
နှောသောတောများတွင်ပျဉ်းက
တိုးပင်များနှင့်အတူပေါက်ရောက်ကြသောအပင်များမှာကျွန်း၊ပျဉ်းမ
လယ်စ၊ထောက်ကြံ့၊သစ်ဆိမ့်၊ဖန်
ခါး၊လိမ်၊မျောက်ချော၊နှော၊ဆိတ်ချေး၊ဘန့်ပွေး၊သပြေ၊ဖက်ဝန်း၊ထွ
နီ၊ကြို့၊ရင်းတိုက်၊ရုံး၊အောက်ချင်း
စာ၊ထောက်ရှာနှင့်စင်ပြွမ်းပင်တို့
ဖြစ်ကြသည်။ဤတောမျိုး၌ဝါးပင်များပေါက်ရောက်မှုမရှိသလောက်
ပင်ဖြစ်သည်။အမြဲစိမ်းတောများ၌
ပျဉ်းကတိုးပင်နှင့်အတူပေါက်ရောက်ကြသောသစ်မျိုးများမှာ
ဘိုင်၊လျှော်၊တောင်ပိန္နဲ၊မျောက်လုပ်၊ကညင်၊သင်္ကန်းနှင့်
ကောင်းမှုတို့ဖြစ်ကြသည်။
ပျဉ်းကတိုးစေ့များကိုမတ်လနှင့်
ဧပြီလတွင်စုဆောင်းရသည်။သစ်
စေ့များကိုစုဆောင်းရာတွင်ကောင်းစွာအသီးသီးသည့်
အပျဉ်းကတိုးပင်အောက်ရှိအမှိုက်သရိုက်များ
ကိုရှင်းလင်း မီးရှို့ တံမြက်စည်းလှဲထား
၍အပြောင်ရှင်းထားပြီးရင့်မှည့်သည့်အသီးများကွဲအက်ကျသည့်
အခါအောင်မြင်သောအစေ့များကို
ကောက်ယူစုဆောင်းရသည်။အစေ့များကိုသန့်ရှင်းပြီးခြောက်
သွေ့သည့်နေရာများတွင်သို
လှောင်သိမ်းဆည်းထားရသည်။
မတ်လနှင့်ဧပြီလတွင်ရင့်မှည့်ကြွေကျသောပျဉ်းကတိုးစေ့များ
သည်မိုးတစ်ပြိုက်နှစ်ပြိုက်ရွာ
သွန်းပြီးနောက်အညှောက်ထွက်၍အပင်ငယ်များပေါက်လာပါ
သည်။ပျဉ်းကတိုးပင်များမှာဓမ္မ
တာမျိုးဆက်ခြင်းမှာကောင်းမွန်သော်လည်းတစ်ခါတစ်ရံအညှောက်ပေါက်ပြီးနောက်မိုးကောင်းစွာမရွာလျှင်သော်
လည်းကောင်း၊မိုးခေါင်လျှင်သော်လည်း
ကောင်းထွက်လာသည့်အမြစ်များသည်မာနေသောမြေကြီးအ
တွင်းသို့မထိုးဖောက်နိုင်တော့သ
ဖြစ်အပင်ငယ်များသေကြေပျက်စီးသွားတတ်သည်။
အကောင်းဆုံးပျဉ်းကတိုးစိုက်
ပျိုးနည်းမှာပန္နက်တစ်ခုတွင်ပျဉ်း
ကတိုးစေ့၃စေ့ကိုဖိုခနောက်ဆိုင်စိုက်ပျိုးရသည်။ပေါက်လာသည့်
အစေ့ရွက်နှင့်ပင်စည်အနုကိုပုရစ်
များကိုက်ဖြတ်စားသောက်တတ်သဖြင့်အပင်ပေါက်များပျက်စီး
တတ်သည်။ပုရစ်ကိုက်ခြင်းမှ
လွတ်မြောက်ပြီးနောက်အရွက်တစ်စုံထွက်လာပါကစိုက်ပျိုးသည့်
အပင်ငယ်မှာအတော်အတန်စိတ်ချရပြီးဖြစ်သည်။ပျိုးဥယျာဉ်တွင်
ပျဉ်းကတိုးစေ့များကိုပလတ်စတစ်အိတ်ငယ်များဖြင့်ပျိုးထောင်
ပြီးရွှေ့ပြောင်းစိုက်ပျိုးနိုင်သော်လည်းပျဉ်းကတိုးပင်၏ရေ
သောက်မြစ်မှာအလွန်အကြီးမြန်သဖြင့်ရေသောက်မြစ်အလွန်မကြီး
ထွားမီအမြန်ရွှေ့ပြောင်းစိုက်ပျိုးရန်
လိုအပ်ပါသည်။
အပင်ငယ်များကို
ရွှေ့ပြောင်းစိုက်ပျိုးရာ၌အထူးဂရု
စိုက်၍စိုက်ပျိုးရသည်။စိုက်ပျိုးရာ
တွင်ရေသောက်မြစ်ထိခိုက်ပျက်
စီးသွားပါကအပင်များမရှင်သန်နိုင်တော့ပေ။အပင်ငယ်များပေါက်ခါစတွင်အရိပ်အာဝါသရရှိပါကပို
၍ကောင်းပါသည်။သို့ရာတွင်အပင်ကလေးမျာအမြစ်စွဲပြီးကြီး
လာပါက၄င်းတို့ရှင်သန်စေရန်
နေရောင်ခြည်အမြောက်အမြားရ
ရှိရန်လိုအပ်ပါသည်။
သစ်သား။
ပျဉ်းကတိုးသစ်တွင်အကာသား
နှင့်အနှစ်သားဟူ၍နှစ်မျိုးရှိရာအ
နှစ်သားသည်နီညိုရောင်ရှိပြီးအ
သားသေခြောက်သွေ့သွားသည့်
အခါအရောင်ပို၍ညိုလာပါသည်။
အကာသားမှာအဝါနုရောင်ဖြစ်ပြီး
ကြာရှည်စွာလည်းအသုံးမခံပေ။
အကာသားမှာခိုင်လည်းမခိုင်ခန့်သ
ဖြစ်တန်ဖိုးလည်းမရှိပေ။အနှစ်သားသည်မာ၍လေးပြီးအစိုတွင်
သစ်သားတစ်ကုဗပေလျှင်အလေးချိန်ရ၂ပေါင်စီးသည်။လေဖြင့်ခြောက်သွေ့ပြီးသည့်အ
ခါတစ်ကုဗပေလျှင်၅၆ပေါင်စီးသည်။
ပျဉ်းကတိုးအနှစ်သားသည်အသားအနည်းငယ်ယှက်ပြီးကြာ
ရှည်စွာအသုံးခံ၍အလွန်ခိုင်မာ
ပြီးခြများဖျက်ဆီးခြင်းကိုလည်း
ကောင်းစွာခံနိုင်စွမ်းရှိသည်။
သစ် လုံးများခွဲစိတ်ရာ၌လည်းအစိမ်းလိုက်ခွဲယူရသည်။သစ်လုံးများခြောက်သွေ့သွားလျှင်သစ်သား
မှာအလွန်တရာမာကျောကျစ်လျစ်ပြီးခွဲစိတ်လျှင်လွှသွားများ
ကျိုးပဲ့ပျက်စီးစေနိုင်သည်။ အထူး
မာကျောသောသစ်မာသစ်များဖြစ်သည့်အတွက်၄င်းကို အင်္ဂလိပ်အမည် Ironwood ဟု
ခေါ်သည်။
ပျဉ်ကတိုးသစ်ကိုအထူးအခိုင်အခံ့ဆောက်လုပ်သောအဆောက်အအုံများတွင်အများဆုံး
အသုံးကြုပါသည်။မီရထားဇလီ
ဖားတုံးများ၊တံတားများနှင့်သင်္ဘောဆိပ်များဆောက်လုပ်ရန်
အတွက်အထူးကျော်ကြားနံမည်
ရသောသစ်လည်းဖြစ်သည်။နေ ရာတိုင်း၌ပျဉ်းကတိုးသစ်ကိုအထူးယုံကြည်စိတ်ချစွာအသုံးပြုနိုင်သည်။အသားသေပြီးပါကကျုံ့ပွမှုလည်းအလွန်နည်းသည်။ကျွန်းသစ်မှလွဲလျှင်ပျဉ်းကတိုးသစ်သည်မြန်မာနိုင်ငံရှိအဖိုးတန်သစ်မာမျိုးတွင်ပါဝင်သည်။မြေနှင့်ထိသည့်နေရာနှင့်ရာသီဥတုဒဏ်ခံရမည့်နေရာတိုင်း၌ပျဉ်းကတိုးသစ်ကိုကောင်း
စွာအသုံးပြုနိုင်သည်။
ကျွန်းသစ်၏ဂုဏ်သတ္တိများကို
၁၀၀စီထား၍နိုင်းယှဉ်လျှင်ပျဉ်းကတိုးသစ်သည်အလေးချိန်
၁၃၀၊ရက်မအဖြစ်ခိုင်ခံ့အား၁၂၅၊
ရက်မအဖြစ်တောင့်ခံအား၁၃၀၊
တိုင်/ကျားကန်အဖြစ်တောင့်ခံ
အား၁၃၅၊ထုနှက်ခံနိုင်အား၁၅၀၊
လျောပြတ်အား၁၅၅၊မာရည်၁၇၅
နှင့်ပုံတည်မြဲမှု၇၀ဖြစ်သည်။
Credit.
